ଇରାନୀୟ ଡଙ୍ଗାରୁ ୫୨୬ କିଲୋଗ୍ରାମ ମେଥାମ୍ଫେଟାମାଇନ୍ ଏବଂ ହେରୋଇନ୍ ଜବତ : ୫ ପାକିସ୍ତାନୀ ନାଗରିକ ଗିରଫ

ଗୁଜରାଟ ଏଟିଏସ୍, ଭାରତୀୟ ତଟରକ୍ଷୀ ବାହିନୀ ଏବଂ କେନ୍ଦ୍ରୀୟ ଗୁଇନ୍ଦା ଏଜେନ୍ସିଗୁଡ଼ିକର ମିଳିତ ଅପରେସନରେ ମିଳିଥିବା ସଫଳତା ନେଇ ସୂଚନା ଦେଲେ କେନ୍ଦ୍ର ସ୍ୱରାଷ୍ଟ୍ର ମନ୍ତ୍ରୀ ଶ୍ରୀ ଅମିତ ଶାହ

ମୋଦୀ ସରକାର ନିଜର ଯୁବକମାନଙ୍କୁ ନିଶାଦ୍ରବ୍ୟ କବଳରୁ ରକ୍ଷା କରିବା ପାଇଁ ସଂକଳ୍ପବଦ୍ଧ

ଏଜେନ୍ସିମାନଙ୍କ ମଧ୍ୟରେ ସମନ୍ୱୟ ଏବଂ ସହଯୋଗର ଏକ ଚମତ୍କାର ଉଦାହରଣକୁ ବଜାୟ ରଖି ୧୬ ଦିନ ଧରି ଚାଲିଥିବା ଅପରେସନରେ ଏକ ଇରାନୀୟ ଡଙ୍ଗା ମଧ୍ୟ ଜବତ କରାଯାଇଥିଲା

ଏହି ଅପରେସନ ଭାରତର ସାମୁଦ୍ରିକ ସୀମାକୁ ସୁରକ୍ଷିତ କରିବାରେ ଗୁଇନ୍ଦା ନେତୃତ୍ୱାଧୀନ, ଆନ୍ତଃ ଏଜେନ୍ସି ସମନ୍ୱୟର ଶକ୍ତିକୁ ପ୍ରତିଫଳିତ କରେ

ବ୍ୟାପକ ନେଟୱାର୍କ ଏବଂ ଏହାର ଉଦ୍ଦିଷ୍ଟ ଗ୍ରାହକମାନଙ୍କୁ ଚିହ୍ନଟ କରିବା ପାଇଁ ଅଧିକ ତଦନ୍ତ ଚାଲିଛି

ଏକ ସୁରକ୍ଷିତ, ସୁସ୍ଥ ଏବଂ ନିଶାମୁକ୍ତ ଭାରତ ଆମର ସହଭାଗୀ ଜାତୀୟ ସଂକଳ୍ପ ହୋଇ ରହିଛି

ନିଶାଦ୍ରବ୍ୟ ନିୟନ୍ତ୍ରଣ ଉପରେ ମୋଦୀ ସରକାରଙ୍କ ଭିଜନ ଡକ୍ୟୁମେଣ୍ଟ (୨୦୨୬-୨୦୨୯) କାର୍ଯ୍ୟାନୁଷ୍ଠାନକୁ ସୁଦୃଢ଼ କରିବା, ନିଶାଦ୍ରବ୍ୟ ନେଟୱାର୍କକୁ ଧ୍ବଂସ କରିବା ଏବଂ ଆମ ଯୁବକ ତଥା ସମାଜକୁ ନିଶାଦ୍ରବ୍ୟଠାରୁ ରକ୍ଷା କରିବା ପାଇଁ ଏକ ବ୍ୟାପକ ରୋଡମ୍ୟାପ ପ୍ରଦାନ କରିଥାଏ

କେନ୍ଦ୍ର ଗୃହ ତଥା ସମବାୟ ମନ୍ତ୍ରୀ ଶ୍ରୀ ଅମିତ ଶାହ ଆଜି କହିଛନ୍ତି ଯେ ନିଶାଦ୍ରବ୍ୟ ବିରୋଧୀ ଲଢ଼େଇରେ ଏକ ବଡ଼ ସଫଳତା ସ୍ୱରୂପ ଭାରତର ଏକ୍ସକ୍ଲୁସିଭ୍ ଇକୋନୋମିକ ଜୋନ୍ (ଇ. ଇ. ଜେଡ୍.) ମଧ୍ୟରେ ଏକ ଇରାନୀୟ ଡଙ୍ଗାରୁ ୫୨୬ କିଲୋଗ୍ରାମ ମେଥାମ୍ଫେଟାମାଇନ୍ ଏବଂ ହେରୋଇନ୍ ଜବତ କରାଯାଇଛି ଏବଂ ଗୁଜୁରାଟ ଆଣ୍ଟି-ଟେରୋରିଜିମ୍ ସ୍କ୍ୱାଡ୍ (ଏ. ଟି. ଏସ୍.), ଭାରତୀୟ ତଟରକ୍ଷୀ ବାହିନୀ ଏବଂ କେନ୍ଦ୍ରୀୟ ଗୁଇନ୍ଦା ସଂସ୍ଥାଗୁଡ଼ିକର ମିଳିତ ଅପରେସନରେ ପାଞ୍ଚ ଜଣ ପାକିସ୍ତାନୀ ନାଗରିକଙ୍କୁ ଗିରଫ କରାଯାଇଛି।

ଏକ୍ସରେ ଏକ ପୋଷ୍ଟରେ କେନ୍ଦ୍ର ଗୃହ ମନ୍ତ୍ରୀ ଶ୍ରୀ ଅମିତ ଶାହ କହିଛନ୍ତି, "ମୋଦୀ ସରକାର ନିଜର ଯୁବକମାନଙ୍କୁ ନିଶାଦ୍ରବ୍ୟ କବଳରୁ ରକ୍ଷା କରିବା ପାଇଁ ସଂକଳ୍ପବଦ୍ଧ। ଗୁଜରାଟ ଏଟିଏସ୍, ଭାରତୀୟ ତଟରକ୍ଷୀ ବାହିନୀ ଏବଂ କେନ୍ଦ୍ରୀୟ ଗୁଇନ୍ଦା ସଂସ୍ଥାଗୁଡ଼ିକର ମିଳିତ ଅପରେସନରେ ଭାରତର ଇ. ଇ. ଜେଡ୍., ଲକ୍ଷାଦ୍ୱୀପର ଉତ୍ତର-ପଶ୍ଚିମ ଦିଗରେ ୧୬୦ ଏନ୍. ଏମ୍. ଏବଂ ମୁମ୍ବାଇର ଦକ୍ଷିଣ-ପଶ୍ଚିମ ଦିଗରେ ୪୯୦ ଏନ୍. ଏମ୍. ବିଶିଷ୍ଟ ଏକ ଇରାନୀୟ ଡଙ୍ଗାରୁ ୫୨୬ କିଲୋଗ୍ରାମ ମେଥାମ୍ଫେଟାମାଇନ୍ ଏବଂ ହେରୋଇନ୍ ଜବତ କରାଯାଇଛି। ପାଞ୍ଚ ଜଣ ପାକିସ୍ତାନୀ ନାଗରିକଙ୍କୁ ଗିରଫ କରାଯାଇଛି, ବ୍ୟାପକ ନେଟୱାର୍କ ଏବଂ ଏହାର ଉଦ୍ଦିଷ୍ଟ ଗ୍ରହଣକାରୀଙ୍କୁ ଚିହ୍ନଟ କରିବା ପାଇଁ ଅଧିକ ତଦନ୍ତ ଚାଲିଛି। ଏଜେନ୍ସିଗୁଡ଼ିକ ମଧ୍ୟରେ ସମନ୍ୱୟ ଏବଂ ସହଯୋଗର ଏକ ଚମତ୍କାର ଉଦାହରଣକୁ ବଜାୟ ରଖି ୧୬ ଦିନ ଧରି ଚାଲିଥିବା ଅପରେସନରେ ଏକ ଇରାନୀୟ ଡଙ୍ଗା ମଧ୍ୟ ଜବତ କରାଯାଇଥିଲା ।

୧୪ ରୁ ୩୦ ସେପ୍ଟେମ୍ବର ପର୍ଯ୍ୟନ୍ତ କରାଯାଇଥିବା ଏହି ଅପରେସନ ଭାରତର ସାମୁଦ୍ରିକ ସୀମାକୁ ସୁରକ୍ଷିତ କରିବାରେ ଗୁଇନ୍ଦା ନେତୃତ୍ୱାଧୀନ, ଆନ୍ତଃ ଏଜେନ୍ସି ସମନ୍ୱୟର ଶକ୍ତିକୁ ପ୍ରତିଫଳିତ କରେ।

ମୋଦୀ ସରକାରଙ୍କ ଦ୍ୱାରା ଉନ୍ମୋଚିତ ହୋଇଥିବା ନିଶାଦ୍ରବ୍ୟ ନିୟନ୍ତ୍ରଣ ସମ୍ବନ୍ଧୀୟ ଭିଜନ ଡକ୍ୟୁମେଣ୍ଟ (୨୦୨୬-୨୦୨୯) କାର୍ଯ୍ୟାନୁଷ୍ଠାନକୁ ସୁଦୃଢ଼ କରିବା, ନିଶାଦ୍ରବ୍ୟ ନେଟୱାର୍କକୁ ଧ୍ବଂସ କରିବା ଏବଂ ଆମ ଯୁବପିଢ଼ି ତଥା ସମାଜକୁ ନିଶାଦ୍ରବ୍ୟଠାରୁ ରକ୍ଷା କରିବା ଲାଗି ଏକ ବ୍ୟାପକ ରୋଡମ୍ୟାପ ପ୍ରଦାନ କରିଥାଏ।

ଏକ ସୁରକ୍ଷିତ, ସୁସ୍ଥ ଏବଂ ନିଶାମୁକ୍ତ ଭାରତ ଆମର ସହଭାଗୀ ଜାତୀୟ ସଂକଳ୍ପ ହୋଇ ରହିଛି।

HS