مرکزی وزیر داخلہ و وزیر تعاون جناب امت شاہ نے آج کہا کہ منشیات کے خلاف کارروائی میں ایک بڑی کامیابی حاصل کرتے ہوئے گجرات انسداد دہشت گردی اسکواڈ (اے ٹی ایس)، بھارتی کوسٹ گارڈ اور مرکزی انٹیلی جنس ایجنسیوں کی مشترکہ کارروائی کے دوران بھارت کے خصوصی اقتصادی زون (ای ای زیڈ) میں ایک ایرانی کشتی سے 526 کلوگرام میتھ ایمفیٹامین اور ہیروئن ضبط کی گئی اور پانچ پاکستانی شہریوں کو گرفتار کیا گیا۔

مرکزی وزیر داخلہ جناب امت شاہ نے ایکس پر ایک پوسٹ میں کہا، ’’مودی حکومت ملک کے نوجوانوں کو منشیات کی لعنت سے محفوظ رکھنے کے لیے پُرعزم ہے۔ گجرات اے ٹی ایس، بھارتی کوسٹ گارڈ اور مرکزی انٹیلی جنس ایجنسیوں کی مشترکہ کارروائی میں لکشدیپ کے شمال مغرب میں 160 ناٹیکل میل اور ممبئی کے جنوب مغرب میں 490 ناٹیکل میل کے فاصلے پر بھارت کے خصوصی اقتصادی زون میں ایک ایرانی کشتی سے 526 کلوگرام میتھ ایمفیٹامین اور ہیروئن ضبط کی گئی ہے۔ پانچ پاکستانی شہریوں کو گرفتار کیا گیا ہے اور وسیع تر نیٹ ورک اور اس کے مطلوبہ وصول کنندگان کی شناخت کے لیے مزید تفتیش جاری ہے۔ مختلف ایجنسیوں کے درمیان بہترین تال میل اور تعاون کی ایک نمایاں مثال قائم کرتے ہوئے 16 روز تک جاری رہنے والی اس کارروائی میں ایک ایرانی کشتی بھی قبضے میں لی گئی۔‘‘

Modi govt. is determined to shield its youth from the scourge of drugs. In a joint operation by Gujarat ATS, Indian Coast Guard and Central intelligence agencies, 526 kg of Methamphetamine and Heroin has been seized from an Iranian boat in India’s EEZ, 160 NM northwest of Lakshadweep and 490 NM southwest of Mumbai. Five Pakistani nationals have been arrested, with further investigation underway to identify the wider network and its intended receivers. Upholding a stellar example of coordination and cooperation among agencies the 16 day long operation also seized an Iranian boat.

— Amit Shah (@AmitShah) September 30, 2026

14 سے 30 ستمبر تک جاری رہنے والی اس کارروائی نے بھارت کی بحری سرحدوں کے تحفظ میں انٹیلی جنس پر مبنی بین ایجنسی تال میل کی مضبوطی کو اجاگر کیا ہے۔

مودی حکومت کی جانب سے جاری کردہ منشیات پر قابو پانے سے متعلق وژن دستاویز (2026–2029) میں نفاذِ قانون کو مضبوط بنانے، منشیات کے نیٹ ورکس کو درہم برہم کرنے اور نوجوانوں و معاشرے کو منشیات سے محفوظ رکھنے کے لیے ایک جامع لائحۂ عمل پیش کیا گیا ہے۔

زیادہ محفوظ، صحت مند اور نشہ سے پاک بھارت ہمارا مشترکہ قومی عزم ہے۔

******

ش ح۔ ا ک۔ ر ب

U.NO.4366