সরকারগী স্কিম অমহেক্তবু লাওথোক্লবা মতুংদা, মসিগী তশেংবা ইম্পেক্তা অসি মসিগী মতাঙদা ই-পাও অদু পান্দম থম্লিবা বেনিফিসরি অদুদা য়ৌরকপা মতমদা হৌই। স্কিম অমগী কম্প্লেক্স লোল অসি কমন মিওইবনা ফজনা খঙবা ইচম চম্বা লোন্দা হন্দোকপা, অমসুং অচুম্বা কন্তেক্সতা য়ৌহনবা অসিনা সরকারগী স্কীমশিংগী খোঙচৎ অসি "ফাইলদগী ফিল্দদা" মপূঙ ফাহনবা মরুওইবা লিঙ্ক অমনি। হিন্দী জর্নেলিজম্না থৌওং অসিদা ইফেক্তিব ওইবা থোঙ অমা ওইনা থৌদাং লৌবা ঙমগনি। হায়রিবা ৱাখললোনশিং অসি নবভারত তাইমশকি বিজিনেশ এদিতর শ্রীমতি সুধা শ্রীমালিনা হিন্দী থাগী থৌরমদা পাংথোকপা অখন্নবা লেকচর অমদা ফোঙদোকখ্রে।

প্রোগ্রাম অসি হৌরকপদা এদিস্নেল দিরেক্তর জেনেরেল শ্রী সিদ্ধার্থ বোরকেনা শ্রীমতি সুধা শ্রীমালিবু তরাম্না ওকখি অমসুং অখন্নবা লেকচরগীদমক মহাকপু থাগত্‍‌পা ফোঙদোকখি।

"সরকারগী স্কীমশিং মিয়ামদা য়ৌহনবদা হিন্দী জর্নেলিজমগী থৌদাং – বিকসিত ভারত ২০৪৭কি কন্তেক্সতাা" হায়বা হিরমদা ৱা ঙাংলদুনা শ্রীমতি শ্রীমালিনা হায়খি মদুদি হিন্দীদা সরকারগী ই-পাও পিবা অসি ৱাহৈ হন্দোকপগী থবক খক্তা নত্তে। ই-পাও অদুগী মতুংদা লৈরিবা পান্দম, ৱাখল্লোন অমসুং হীরম অদু খঙজিনবা অমসুং মিয়ামগী মথৌ তাবগী মতুংইন্না পিবা হায়বসি য়াম্না হেননা মরুওই। অচুম্বা ই-পাও অদু ইচম চম্বা অমসুং কান্নরবা ফোর্মেৎ অমদা মিওইশিংদা য়ৌরকপা মতমদা, মদু সুপ্নগী ই-পাও খক্তমক ওইবা লেপখি অমসুং মীয়াম্না শরুক য়াবগী দ্রাইভর অমা ওইরকই।

শ্রীমতি শ্রীমালিনা নোৎ তৌখি মদুদি স্কিম অমা লাওথোকপা মতম খুদিংদা ইচম চম্বা নাগরিক অমগী ৱাখলদা মরু ওইবা ৱাহংশিং লাকই-স্কিম অসি করিনো, মসিদগী কনানা কান্নবা ফংগনি, ইলিজিবিলিতিগী ক্রাইতেরিয়া অসি করিনো, অমসুং কনাগুম্বা অমনা কান্নবা অসি করম্না লৌবা য়াগনি? জর্নেলিজমগী থৌদাংদি ৱাহংশিং অসিগী হকথেংনবা অমসুং ময়েক শেংবা পাউখুম পিবনি। প্রধান মন্ত্রী স্ত্রীৎ ভেন্দরগী আত্মনিরভর নিধি (পি.এম.স্বনিধি) স্কীমগুম্বা খুদমশিং পিরদুনা মহাক্না হায়খি মদুদি পাওগী হেদলাইন অমসুং প্রজেন্তেসন অসি পারিবা মিওই অমনা মিত্‍‌য়েং অমখক্তদা করিগীদমক্তা স্কিম অসি মখোয়গা মরি লৈনরিবনো অমসুং মসিদগী মখোয়না করম্না কান্নবা ফংগদগে হায়বদু খঙবা ঙমগনি।

মহাক্না মখা তানা হায়খি মদুদি ঙসিদি ই-পাওগী মালেম অসি য়াম্না থুনা চাওখৎলক্লি। পাও-চেশিংগা লোয়ননা ওদিও প্রোগ্রামিং, সোসিএল মিদিয়া, অমসুং অতোপ্পাা ডিজিতেল প্লেৎফোরমশিংনা সরকারগী পোলিশিশিং অমসুং স্কীমশিংগী মতাঙদা ই-পাও হান্নদগী য়াম্না হেন্না পাক শন্না ​​শন্দোকপগী কেপাসিতি শেমগত্‍‌লে। অসিগুম্বা মতম অসিদা মিদিয়াগী খ্বাইদগী মরু ওইবা থৌদাংদি থাজবা থম্বা অসিনি। ইচম চম্বা, তশেংবদা য়ুম্ফম ওইবা ই-পাওনা পাও ফাওদোক-ফাওজিন তৌবা অমসুং লান্না লমজিংবগী ই-পাও শন্দোকপা হন্থহনবগা লোয়ননা কম্ম্যুনিকেসন গেপ লৈবা অদু থিংবা ঙম্মী।

মহাক্না মসিমসু অকনবা ৱাফম থমখি মদুদি ই-পাওগী ফ্লো অসি সরকারদগী মিদিয়াদা অমসুং মতুংদা মিয়ামদা ৱান-ৱে চেনেল ওঈরোয়দবনি। মিদিয়াগী ফিদবেক সরকারদা অমুক হন্না য়ৌহনবদা প্রেশ ইনফোর্মেসন ব্য়ুরোগী থৌদাং অসিসু চপ মান্ননা মরু ওই। পাওমিশিং অমসুং মিদিয়া ওর্গনাইজেসনশিংদগী খোমজিল্লকপা ৱাহংশিং, রিএক্শনশিং, অমসুং গ্রাওন্দ-লেবেল ইনশাইৎশিংগী খুৎথাংদা ই-পাওগী গেপশিং খঙদোকপা অমসুং কোকহনবা য়াই।

আর্তিফিসিএল ইনতিলিজেন্সকি মতমদা জর্নেলিজমগী থৌদাংগী মতাঙদা মহাক্না ফোঙদোকখি মদুদি এ.আই.বু অকনবা মওংদা শিংনাবা অমা ওইনা লৌবগী মহুত্তা মসিবু পাওমি অমগী থবক হেননা ইফেক্তিব ওইহনবা ঙম্বা ওক্সিজেন তুল অমা ওইনা লৌগদবনি। তেক্নোলোজিনা ই-পাও এনালাইসিস, প্রজেন্তেসন, অমসুং পাক-চাওনা য়েনথোকপদা মতেং পাংবা য়াই, অদুবু ই-পাওগী অচুম্বা অমসুং থাজবা য়াবা অদু শোয়দনা লৈহন্নবাগী অরোয়বা থৌদাংদি মতম পুম্নমকতা জর্নেলিজমদা লৈগনি।

শ্রীমতি শ্রীমালিনা হায়খি মদুদি সরকারগী স্কীমশিংগী মতাঙদা ই-পাও অসি মিত্‍‌য়েং চঙবা অমসুং কান্নবা ওইগদবনি অদুবু মসিগী পান্দমদি স্কীমশিংবু মশক তাকপা নত্তে, অদুবু মখোয়গী মরুওইবা ইনটেনত অমসুং কান্নবা অদু মিয়ামদা ইচম চম্বা লোন্দা য়ৌহনবনি। হিন্দীগী পাক শন্না ​​খঙবা অমসুং ডিজিতেল মিদিয়াগী পাকাথোক চাওথোকপা অসিনা মসিগী এপ্রোচ অসি হেননা ইফেক্তিব ওইহল্লি। মসিগী মিত্‍‌য়েং অসিদগী হিন্দী জর্নেলিজম্না বিকসিত ভারত ২০৪৭কি মিত্‍‌য়েং অসি মীয়াম্না শরুক য়াবগী পাক চাওরবা খোঙজং অমগা শম্নহনবদা মরু ওইবা থৌদাং লৌবা য়াই।

দাইরেক্তর জেনেরেল (ৱেস্ত জোন), প্রেশ ইনফোর্মেসন ব্যুরো, শ্রীমতি. স্মীতা ভতস শর্মানা মহাক্কী ৱারোলদা হায়খি, "ঙসিগী দিজিতেলগী মতম অসিদা ই-পাওগী ওভরলোদ অমা লৈরে। মরম অসিনা ঐখোয়না লেপ্তনা হোত্‍‌নরিবা অসি পাওমিশিংগীদমক্তা দেতা অমসুং ই-পাও অদু ক্যুরেৎ তৌননবনি অমসুং য়াম্না লায়না খুদোংচাগদবা মওংদা পিবনি। পাওমিশিংগী খুদোংচানবগীদমক ঐখোয়না প্রেশ রিলিজশিংগা লোয়ননা পি.আই.বি.গী বেকগ্রাওন্দশিং এতেচ তৌই অমসুং ফোতোগ্রাফশিংগীদমক্তা অকুপ্পা কেপ্সনশিং ইরি মদুনা য়াম্না লাপ্না লৈবা মফমশিংদা থবক তৌরিবা পাওমিশিংনা বেকগ্রাওন্দ অদু ফজনা খঙবা ঙমগনি। মসিগী মথক্তা, হীরম অসিগী মতাঙদা মপুঙ ফানা খঙবা ঙম্নবা, সোসিএল মিদিয়াগী লিঙ্কশিং অমসুং লাইব-স্ত্রিমিং লিঙ্কশিং রিলিজ অসিগা লোয়ননা সেয়র তৌরি।”

মসিগী অখন্নবা লেকচর অসি প্রেশ ইনফোর্মেসন ব্যুরো, মুম্বাইনা হিন্দী থাগী থৌরমদা দাইরেক্তর জেনেরেল শ্রীমতি. স্মীতা ভতস শর্মা। থৌরম অসিদা জোন শিনবা থুংনা প্রেশ ইনফোর্মেসন ব্যুরো অমসুং সেন্ত্রেল ব্যুরো ওফ কম্ম্যুনিকেসনগী ওফিসরশিং অমসুং স্তাফশিংনা ওনলাইন্দা লেকচর অসিদা শরুক য়াখি। থৌরম অসিগী লোয়শিল্লকপদা পি.আই.বি.গী দিরেক্তর, শ্রী মনিশ গৌতম্না শ্রীমতি সুধা শ্রীমালিবু থাগত্‍‌পা ফোঙদোকখি।

*****