સીબીડીટીએ આવકવેરા અધિનિયમ, 1961 હેઠળ ઓડિટ કરાવવા માટે જવાબદાર વ્યક્તિઓએ આકારણી વર્ષ 2026-27નું આવકવેરા રિટર્ન ભરવાની નિયત તારીખ 31 ઓક્ટોબર, 2026થી લંબાવીને 21 નવેમ્બર, 2026 કરી છે

આવકવેરા અધિનિયમ, 1961 ની કલમ 139 ની ઉપ-કલમ (1) ના સ્પષ્ટીકરણ 2 ની નીચે આપેલા કોષ્ટકમાં ક્રમ નંબર 2 પર દર્શાવેલ વ્યક્તિઓના કિસ્સામાં આકારણી વર્ષ 2026-27 માટે આવકવેરા રિટર્ન ભરવાની નિયત તારીખ 31 ઓક્ટોબર, 2026 છે.

કેન્દ્રીય પ્રત્યક્ષ કર બોર્ડ (CBDT) એ આવકવેરા રિટર્ન ભરવાની ઉપરોક્ત નિયત તારીખ 31 ઓક્ટોબર, 2026 થી લંબાવીને 21 નવેમ્બર, 2026 કરી છે.

તદનુસાર, કાયદાની કલમ 139 ની ઉપ-કલમ (1) ના સ્પષ્ટીકરણ 2 ની નીચે આપેલા કોષ્ટકમાં ક્રમ નંબર 2 પર દર્શાવેલ વ્યક્તિઓના કિસ્સામાં આકારણી વર્ષ 2026-27 માટે આવકવેરા અધિનિયમ, 1961 ની જોગવાઈઓ હેઠળ ઓડિટ અહેવાલ રજૂ કરવા માટેની 'નિર્દિષ્ટ તારીખ' 30 સપ્ટેમ્બર, 2026 થી લંબાવીને 21 ઓક્ટોબર, 2026 કરવામાં આવી છે.

આ સંદર્ભે એક ઔપચારિક ઓર્ડર/નોટિફિકેશન અલગથી બહાર પાડવામાં આવી રહ્યું છે.

SM/NP/JD