1. بھارتی انتخابی کمیشن ایک آئینی ادارہ ہے جو آئین کی دفعہ  324، قانونی ضوابط اور قائم شدہ ادارہ جاتی روایات کے تحت کام کرتا ہے۔ کمیشن ایک کثیر رکنی آئینی ادارے کے طور پر کام کرتا ہے۔ تحریری نوٹس، مشاہدات، تکنیکی تجاویز اور داخلی نگرانی و توازن کے طریقہ کار شفافیت، قانونی تقاضوں کی تکمیل اور انتظامی امور میں سختی کو یقینی بنانے کے لیے معمول کے جاری طریقہ کار کا حصہ ہیں۔ الیکشن کمیشن کی تمام کارروائیاں قوانین اور کمیشن کی ہدایات کے مطابق کی گئی ہیں۔
2. کمیشن کی جانب سے جاری کیے گئے تمام سرکاری احکامات، فیصلے اور انتظامی ہدایات مکمل قانونی جواز رکھتے ہیں اور چیف انتخابی کمشنر اور دیگر انتخابی کمشنروں (تقرری، ملازمت کی شرائط اور مدت کار) ایکٹ، 2023 کے تحت مقررہ قانونی طریقہ کار کی پیروی کرتے ہیں۔
3. مسودہ تیار کرنے کے مراحل کے دوران کمیشن کے ارکان کی جانب سے اٹھائے گئے عملی نوعیت کے سوالات یا پیش کیے گئے مشورے معمول کے انتظامی طریقہ کار کا حصہ ہیں، جن کا مقصد ووٹروں کے حقوق کا تحفظ یقینی بنانا ہے۔ کمشنروں کی جانب سے دی گئی تجاویز کا مقصد انتخابی عمل کو مزید بہتر بنانا تھا۔
4. کسی بھی ادارے میں غور و خوض کے دوران مختلف آرا اور مشاہدات سامنے آنا معمول کی بات ہے۔ حتمی فیصلہ کیے جانے سے پہلے یہ فیصلہ سازی کے عمل کا حصہ ہوتے ہیں۔ صرف تینوں کمشنروں ہی نہیں بلکہ کمیشن کا ہر افسر انتخابی نظام کو بہتر بنانے کے لیے اپنی تجاویز کمیشن کے سامنے پیش کرنے کا مکمل اختیار رکھتا ہے۔
5. دس ماہ کے عرصے میں سامنے آنے والے بعض مخصوص داخلی نوٹس اور مشاہدات کو نمایاں کرتے ہوئے منظوریوں، فیصلوں، ہدایات اور اقدامات کے وسیع تر ریکارڈ کو نظر انداز کرنا تصویر کا صرف ایک رخ پیش کرتا ہے۔ حالیہ مہینوں میں کمیشن نے متعدد فیصلے کیے، ہدایات جاری کیں، تقریباً 40 نئے اقدامات متعارف کرائے اور انتخابی اصلاحات کے متعدد اقدامات کیے، جن میں ملک بھر میں انتخابی فہرستوں کی نظرثانی، بشمول ایس آئی آر، بھی شامل ہے۔ گزشتہ ایک سال کے دوران کیے گئے یہ تمام فیصلے مکمل کمیشن کے متفقہ فیصلوں کا نتیجہ ہیں۔
6. کمیشن نے حال ہی میں بہار، کیرالہ، تمل ناڈو، پڈوچیری، آسام اور مغربی بنگال میں بڑے انتخابات اور اس عرصے کے دوران انتخابات سے متعلق مختلف سرگرمیاں کامیابی کے ساتھ انجام دی ہیں۔ اس کام میں وسیع پیمانے پر انتظامی اور عملی نظام کے ساتھ کمیشن کی متعدد منظوریوں اور ہدایات شامل تھیں۔
7.  انتخابی کمیشن کے ڈیجیٹل پلیٹ فارم، جیسے ای سی آئی نیٹ، غیر مجاز چھیڑ چھاڑ، ردوبدل وغیرہ کو روکنے کے لیے سخت اعداد و شمار کے تحفظ کے ضوابط کے تحت کام کرتے ہیں۔ آئی ٹی سکیورٹی کی جانچ اور آڈٹ کے انتظامات ملک کے مختلف اہم اعداد و شمار کے نظام میں نافذ سائبر سکیورٹی کے معمول کے اقدامات ہیں۔ انتخابی رجسٹریشن افسران اور ضلعی انتخابی افسران سمیت قانونی طور پر مجاز حکام، قانون کے تحت ووٹرز کے اندراج اور نام حذف کرنے سے متعلق اپنے قانونی اختیارات کے مطابق کام کرتے ہیں۔
8. بھارتی انتخابی کمیشن نے اپنے آئینی فرائض پوری دیانت داری کے ساتھ انجام دینے کے لیے مکمل طور پر پرعزم ہے اور جمہوریت کے فروغ میں اپنے اہم کردار کو تسلیم کرتا ہے۔

***

ش ح۔ا ع خ۔ م ذ

U N-3968