শেল-থুম মন্ত্রালয়
কস্তমরশিংগী খুদোংচানবগীদমক সেপ্তেম্বর ২৭, নোংমাইজিং নুমিত্তা বেঙ্কশিং থোঙ হাংগনি
থাগৎখিবা:
23 SEP 2026 12:54PM by PIB Imphal
সেপ্তেম্বর ২৬ অমসুং ২৭ কী চয়োল লোইশিনবা ছুতিশিংগা য়ুনাইতেদ ফোরম ওফ বেঙ্ক য়ুনিয়ন্স (য়ু.এফ.বি.য়ু.) না সেপ্তেম্বর ২৮ দগী ৩০, ২০২৬ ফাওবা লৈবাক শিনবা থুংনা নুমিৎ হুমনিগী বেঙ্ক স্ত্ৰাইক কৌরিবা অসি য়েংলদুনা, মীয়ামগী বেঙ্কিংগী মথৌ তাবশিং ঙাক-শেন্নবগীদমক লৈঙাক্না মাঙজিল থাবা খোঙথাংশিং লৌখৎলে।
মীয়ামগী তশেংবা বেঙ্কিংগী মথৌ তাবশিং মতম শাংনা শোকহন্দনবগীদমক, অপুনবা পব্লিক সেক্তর বেঙ্কশিং অমসুং রিজনেল রুরেল বেঙ্কশিংনা ২০২৬ কী সেপ্তেম্বর ২৭, নোংমাইজিং নুমিত্তা হান্নগুম্না থবক তৌগনি।
বেঙ্ককী ব্রাঞ্চশিং, ওফিসশিং, এ.তি.এম.গা শম্নবা ব্রাঞ্চশিং অমসুং করেন্সী চেস্তশিং পুম্নমক ২৭.০৯.২০২৬ তা মপুং ফানা থবক তৌহন্নবগীদমক রিজর্ভ বেঙ্ক ওফ ইন্দিয়ানা অয়াবা পীখ্রে।
বেঙ্ক কস্তমরশিংগী য়াইফবা অমসুং খুদোংচাবা অসি লৈঙাক্কী খ্বায়দগী মাঙজিল থাবা থৌদাং ওইদুনা লৈরি হায়বসি দিপার্তমেন্ত অসিনা অমুক্কা হন্না ফোঙদোক্লি। লৈঙাক অমসুং বেঙ্ক মেনেজমেন্তশিংনা য়ুনিয়নশিংদা মখোয়না কৌরিবা স্ত্ৰাইক অসি মতম য়ৈথোক্নবা আপীল তৌখ্রে, অমসুং মরু ওইবা বেঙ্কিং সর্বিসশিং অসি অয়েৎ-অপন লৈতনা মখা চত্থহনবগী পাম্বৈশিংসু লৌখৎলে।
***
(রিলিজ আই.দি.: 2313883)
ভিজিতর কাউন্তর : 15
রিলিজ অসি মসিদা পাবীয়ু:
English
,
Urdu
,
Marathi
,
हिन्दी
,
Assamese
,
Bengali
,
Gujarati
,
Tamil
,
Telugu
,
Kannada
,
Malayalam