કેન્દ્રીય ગૃહ અને સહકારિતા મંત્રી શ્રી અમિત શાહ મંગળવાર, 22 સપ્ટેમ્બર 2026ના રોજ નવી દિલ્હીમાં રાજ્યો/કેન્દ્રશાસિત પ્રદેશોના એન્ટી-નાર્કોટિક્સ ટાસ્ક ફોર્સ (ANTF) પ્રમુખોની ત્રીજા રાષ્ટ્રીય પરિષદનું ઉદ્ઘાટન કરશે. આ પ્રસંગે શ્રી અમિત શાહ ડ્રગ્સ સામે જાગરૂકતા ફેલાવવા માટે TVCs પણ રિલીઝ કરશે અને લખનઉ તથા દહેરાદૂનમાં નાર્કોટિક્સ કંટ્રોલ બ્યુરો (NCB) ઝોનના નવા કોમ્પ્લેક્સનો શિલાન્યાસ કરશે. આ ઈવેન્ટ દરમિયાન રાજ્યો/કેન્દ્રશાસિત પ્રદેશોમાંથી શ્રેષ્ઠ પ્રદર્શન કરનાર ANTFનું સન્માન પણ કરવામાં આવશે, સાથે જ સુધારેલી NCB વેબસાઈટ લોન્ચ કરવામાં આવશે. NCB દ્વારા આયોજિત આ બે દિવસીય પરિષદમાં 36 રાજ્યો અને કેન્દ્રશાસિત પ્રદેશોના ANTFના પ્રમુખો સાથે અન્ય સંબંધિત સરકારી વિભાગો અને હિતધારકોના પ્રતિનિધિઓ હાજરી આપશે.

પ્રધાનમંત્રી શ્રી નરેન્દ્ર મોદીના નેતૃત્વ અને કેન્દ્રીય ગૃહ મંત્રી શ્રી અમિત શાહના માર્ગદર્શન હેઠળ, ભારત સરકાર દેશના યુવાનોને ડ્રગ્સના દુરુપયોગની પ્રતિકૂળ અસરોથી બચાવવા માટે 'મિશન મોડ'માં કામ કરી રહી છે. પ્રધાનમંત્રી મોદીએ 2047 સુધીમાં 'વિકસિત ભારત'નું લક્ષ્ય નક્કી કર્યું છે, અને ડ્રગ-મુક્ત ભારતનું નિર્માણ કર્યા વિના આ વિઝનને સાકાર કરવું શક્ય નથી. આ પરિષદ ભાવિ પેઢીઓને ડ્રગ્સના દૂષણથી બચાવવા માટે એક શક્તિશાળી મંચ તરીકે કામ કરશે.

"યુનાઈટેડ રિઝોલ્વ, શેર્ડ રિસ્પોન્સિબિલિટી"ની થીમ પર આધારિત, પરિષદ તાજેતરમાં બહાર પાડવામાં આવેલા નાર્કોટિક્સ કંટ્રોલ પરના વિઝન ડોક્યુમેન્ટ (2026-29) માં રાજ્ય/કેન્દ્રશાસિત પ્રદેશોના ANTFને સોંપવામાં આવેલા લક્ષ્યોની પ્રગતિ અને સમગ્ર દેશમાં ડ્રગ તસ્કરી અને નશાકારક પદાર્થોના દુરુપયોગ સામે લડવામાં સંબંધિત હિતધારકો દ્વારા કરવામાં આવેલી પહેલો અને પ્રયાસો પર ધ્યાન કેન્દ્રિત કરશે. ભારત સરકારના સપ્લાય ઘટાડા, માંગ ઘટાડા અને નુકસાન ઘટાડાના પગલાંને વધુ મજબૂત કરવા માટે યોગ્ય વ્યૂહરચનાઓની ઓળખ અને અપનાવવા સંબંધિત મુદ્દાઓ પર પણ વિચાર-વિમર્શ કરવામાં આવશે.

વિઝન ડોક્યુમેન્ટના ચાર વ્યૂહાત્મક સ્તંભો- (I) એન્ફોર્સમેન્ટ, ઈન્ટેલિજન્સ એન્ડ ઓપરેશન્સ, (II) પ્રિકર્સર્સ એન્ડ સિન્થેટિક ડ્રગ્સ કંટ્રોલ, (III) ડિમાન્ડ એન્ડ હાર્મ રિડક્શન અને (IV) કેપેસિટી બિલ્ડિંગ એન્ડ કોઓર્ડિનેશન - ને અનુરૂપ, ઈવેન્ટ માટે આઠ ટેકનિકલ સત્રો રાખવામાં આવ્યા છે, જે નીચે મુજબ રહેશે:

1.વિઝન ડોક્યુમેન્ટ ફોર નાર્કોટિક્સ કંટ્રોલ (2026-2029)- પાર્ટ-I: ઇન્સ્ટિટ્યુશનલ મિકેનિઝમ્સ 
2.ડિસ્મેન્ટલિંગ નેટવર્ક લિન્કેજિસ & કાર્ટેલ્સ – પાર્ટ: I 
3.વિઝન ડોક્યુમેન્ટ ફોર નાર્કોટિક્સ કંટ્રોલ (2026-2029)- પાર્ટ-II: ડિમાન્ડ રિડક્શન, પ્રિવેન્શન & રિહેબિલિટેશન 
4.ડિસ્મેન્ટલિંગ નેટવર્ક લિન્કેજિસ & કાર્ટેલ્સ- પાર્ટ: II 
5.ઈમ્પ્રૂવિંગ ઈફેક્ટિવનેસ ઓફ એન્ફોર્સમેન્ટ 
6.પ્રિકર્સર્સ, સિન્થેટિક ડ્રગ્સ & ક્લેન લેબ્સ 
7.ડિસ્ટ્રક્શન ઓફ ઈલિસિટ કલ્ટિવેશન & અલ્ટરનેટ ક્રોપિંગ 
8.ડાર્કનેટ & ક્રિપ્ટો ઈન્વેસ્ટિગેશન

સમગ્ર સરકારના અભિગમની જરૂરિયાતનો પુનરોચ્ચાર કરતા, આ વિચાર-વિમર્શ સહભાગી રાજ્યો, વિભાગો અને એજન્સીઓને આગામી ત્રણ વર્ષમાં દેશભરમાં ડ્રગ તસ્કરી સામે અસરકારક રીતે લડવા માટે નવીન પ્રતિબદ્ધતા સાથે આગળ વધવા માટે સક્ષમ બનાવશે. ચર્ચાઓથી ડ્રગ કાયદા અમલીકરણને વધુ મજબૂત કરવા અને દેશના યુવાનોને ડ્રગ્સથી દૂર રાખવા માટે અમલમાં મૂકી શકાય તેવી વ્યૂહરચનાઓ બનાવવાની અપેક્ષા છે. આ રાષ્ટ્રીય કાર્યક્રમ ડ્રગ્સના દુરુપયોગ સામે લડવા અને ડ્રગ-મુક્ત ભારતના વિઝનને સાકાર કરવા માટે NCB અને રાજ્ય/કેન્દ્રશાસિત પ્રદેશના ANTF વચ્ચે ભવિષ્ય માટે તૈયાર ભાગીદારીને વધુ ગાઢ બનાવવાનો પ્રયાસ કરશે.

SM/BS/GP/JT

સોશિયલ મીડિયા પર અમને ફોલો કરો :  @PIBAhmedabad    /pibahmedabad1964    /pibahmedabad