প্রধানমন্ত্রীগী লোইশঙ
প্রধান মন্ত্রীনা নই দিল্লীদা সেপ্তেম্বর ১৭ তা সেমিকোন ইন্দিয়া হৌদোক্কনি
সেমিকোন ইন্দিয়া ২০২৬ কী থীম: ‘সিলিকোন তু সিস্তেম্স: বিল্দিং দি ইকোসিস্তেম’
লৈবাক ৫২ দগী কম্পেনী অমদি মীহুৎ ৬০০ হেন্না শরুক য়াগদৌরি
সেমিকোন ইন্দিয়া ২০২৬ তা জাপান, সাউথ কোরিয়া, মলেসিয়া, দি নেদরলেন্দস, সিঙ্গাপোর অমসুং স্বিদেন্দগী কন্ত্রী পেবিলিয়ন তরুক য়াওগদৌরি
থাগৎখিবা:
16 SEP 2026 11:47AM by PIB Imphal
প্রধান মন্ত্রী শ্রী নরেন্দ্র মোদীনা নই দিল্লীগী য়সোভুমিদা সেপ্তেম্বর ১৭, ২০২৬ কী অয়ুক পুং ১০ তাবা মতমদা সেমিকোন ইন্দিয়া ২০২৬ হৌদোক্কদৌরি। প্রধান মন্ত্রীনা থৌরম অসিদা তিল্লিবা মীয়ামগী মফমদা ৱা ঙাংগনি।
সেপ্তেম্বর ১৭ তগী ১৯, ২০২৬ ফাওবা নুমিৎ হুম্নি পাঙথোক্কদবা কন্ফরেন্স অমসুং একজিবিসন অসি ‘সিলিকোন তু সিস্তেম্স: বিল্দিং দি ইকোসিস্তেম’ হায়বা থীমদা পাঙথোক্কনি। মসিনা সেমিকন্দক্তর অমদি ইলেক্ত্রোনিক্স ভেল্যু চেন পুম্নমক্তগী ভারতকী অমসুং মালেমগী কম্পেনীশিং, খুজিল থৌরাং য়াৎপা মীওইশিং, ইনভেস্তরশিং, থিজিন হুমজিল্লিবশিং, স্তার্ত-অপশিং, একাদমিক ইনস্তিত্যুসনশিং অমসুং মহৈরোয়শিং মফম অমদা পুনশিন্নগদৌরি। কন্ফরেন্স অসিনা ভারত্তা খুৎশম্ননা চৎমিন্নবা খুমাঙ চাওশিলহনবা, ইনভেস্তমেন্ত, ইনোভেসন পুরকপা অমদি তেলেন্ত শেমগৎপদা মীৎয়েঙ থমগদৌরি। পেরেলেল সেসনশিংনা দিস্প্লে ইন্দস্ত্রীদা খুমাঙ চাওশিল্লিবশিং কোনশিনগনি, খুৎশম্ননা চৎমিন্নবা অমদি জোইন্ত ভেঞ্চরশিং পুরক্নবগীদমক কন্ত্রী রাউন্দতেবল তরুক শেম শারি, অমদি অতৈ সেসনশিংগী মনুংদা নুপীনা লুচিংবগী মতাঙদা ফোরম অমসু য়াওরি।
সেমিকোন ইন্দিয়া ২০২৬ না সেমিকন্দক্তর মচাকশিং, খুৎশু-খুৎলায় অমদি চিপ দিজাইন্দগী হৌরগা ফেব্রিকেসন, এদভান্স পেকেজিং, ইলেক্ত্রোনিক্স অমদি সিস্তেম ফাওবগী খোঙচৎশিং উৎপা মপুং ফাবা ভেল্যু-চেন এপ্রোচ অমদা চঙশিনগনি। অনৌবা ‘সেন্দ তু সিলিকোন তু সিস্তেম্স’ ভেল্যু চেন এক্সপিরিএন্স অসিনা খোঙচৎ অসিবু সেমিকন্দক্তর ইকোসিস্তেম থুংনা খুদোল তমগনি।
সেমিকোন ইন্দিয়া ২০২৬ তা কম্পেনী ৬০০ হেন্না শরুক য়াগনি অমদি লৈবাক ৫২ দগী মীহুৎশিং, একজেক্যুতিব ৪০০ অমদি ৱাঙাংলোয় ১৫০ হেনবগা লোয়ননা ভিজিতর ৫০,০০০ রোমগী পুক্নিং চিংশিনগনি হায়না থাজবা থম্লি। একজিবিসন অসিদা স্তেত বুথ ১২, স্তার্তঅপ পেবিলিয়ন, ইনোভেসন সোকেজ, স্তুদেন্ত হেকাথোন অমদি ৱর্কফোর্স দিভেলপমেন্ত পেবিলিয়ন য়াওনা জাপান, সাউথ কোরিয়া, মলেসিয়া, দি নেদরলেন্দস, সিঙ্গাপোর অমদি স্বিদেনগী মহুৎ শিনবা কন্ত্রী পেবিলিয়ন তরুকসু য়াওগনি।
***
(রিলিজ আই.দি.: 2310956)
ভিজিতর কাউন্তর : 14
রিলিজ অসি মসিদা পাবীয়ু:
Urdu
,
Malayalam
,
English
,
Marathi
,
हिन्दी
,
Bengali
,
Bengali-TR
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada