প্রধানমন্ত্রীগী লোইশঙ
ন্যু দিল্লিদা ব্রিক্স মীফমগী নাকলদা প্রধান মন্ত্রীনা ভিয়েতনামগী প্রধান মন্ত্রীগা উনখ্রে
থাগৎখিবা:
12 SEP 2026 12:54PM by PIB Imphal
ঙসি ন্যু দিল্লিদা ব্রিক্স মীফমগী নাকলদা, প্রধান মন্ত্রী শ্রী নরেন্দ্র মোদীনা ভিয়েতনামগী প্রধান মন্ত্রী লি মিন হুংগা উনখ্রে।
পার্তনর কন্ত্রি অমা ওইনা ব্রিক্স মীফমদা ভিয়েতনাম শরুক য়াবদা প্রধান মন্ত্রীনা তরাম্না ওকখ্রে। মে ২০২৬ দা কম্মুনিষ্ট পার্তি ওফ ভিয়েতনামগী জেনেরেল সেক্রেতরি অমসুং ভিয়েতনামগী রাষ্ট্রপতি তো লামগী সরকারগী খোঙচৎ মনুংদা ইনহান্স কমপ্রেহেন্সিপ ষ্ট্রাতেজিক পার্তনরশিপ অমগী থাক্ত পুখৎখ্রবা লৈবাক অনিগী মরীশিংগী ফিবম ফগৎলকপা হন্না য়েংশিন্নবা লুচিংবা অনিমক্ত খুদোংচাবা অমা মীফম অসিনা পীরে। লৈবাক অনিমক্না দরকার ওইবা লমদম লমদমগী অমসুং মালেমগী তোঙান তোঙানবা থৌদোক-ৱাথোকশিংসু লুচিংবা অনিমক্না খন্নখ্রে অমসুং মখোয়গী মরী মখা তানা ফগৎহন্নবসু অমুক হন্না থাজবা ফোঙদোক্নখ্রে।
মান্নবা সভেত্য, অমনা অমবু থাজনবা অমসুং মশক খঙনবদা য়ুম্ফম ওইরবা মতম কুইরবা ভারত অমসুং ভিয়েতনামগী মরুপ-মপাংগী মরী অমা লৈনরি। ভারতকী এক্ত ইষ্ট পোলিসিগী মরুওইবা য়ুম্বী অমা ভিয়েতনামনা ওইরি অমসুং ভারতনা খা-নোংপোক এসিয়াগা থবক তৌমিন্নবগী মরুওইবা খোঙলোয় অমনি।
*****
(রিলিজ আই.দি.: 2309530)
ভিজিতর কাউন্তর : 15
রিলিজ অসি মসিদা পাবীয়ু:
English
,
Urdu
,
Marathi
,
हिन्दी
,
Assamese
,
Bengali
,
Punjabi
,
Gujarati
,
Tamil
,
Telugu
,
Kannada
,
Malayalam