પ્રધાનમંત્રીનું કાર્યાલય
બ્રિક્સ સમિટ દરમિયાન પ્રધાનમંત્રીએ યુએન (UN) મહાસચિવ સાથે મુલાકાત કરી
પોસ્ટેડ ઓન:
11 SEP 2026 9:29PM by PIB Ahmedabad
પ્રધાનમંત્રી શ્રી નરેન્દ્ર મોદીએ આજે નવી દિલ્હીમાં બ્રિક્સ સમિટ દરમિયાન યુએન (UN) મહાસચિવ, મહામહિમ શ્રી એન્ટોનિયો ગુટેરેસ સાથે મુલાકાત કરી.
યુએનએસજી (UNSG) ગુટેરેસે ચોથી વખત બ્રિક્સની ભારતના અધ્યક્ષપદ માટે પીએમ મોદીને અભિનંદન પાઠવ્યા. બંને નેતાઓએ બહુધ્રુવીયતાના મહત્વ અને સમકાલીન વાસ્તવિકતાઓને પ્રતિબિંબિત કરવા માટે યુએન સુરક્ષા પરિષદ સહિતની બહુપક્ષીય સંસ્થાઓમાં સુધારાની જરૂરિયાત પર ભાર મૂક્યો હતો.
તેઓએ ચાલુ સંઘર્ષો અને નેવિગેશનની સ્વતંત્રતા, ટકાઉ વિકાસ, માનવ-કેન્દ્રિત એઆઈ (AI), અક્ષય ઊર્જામાં પ્રગતિ અને વૈશ્વિક ખાદ્ય સુરક્ષા સહિતના વિવિધ મુદ્દાઓ પર પણ ચર્ચા કરી હતી.
પીએમ મોદીએ યુએનએસજી ગુટેરેસને તેમના બાકીના કાર્યકાળ માટે ખૂબ ખૂબ શુભેચ્છાઓ પાઠવી.
SM/JY/JD
(રીલીઝ આઈડી: 2309340)
મુલાકાતી સંખ્યા : 13