প্রধানমন্ত্রীগী লোইশঙ
প্রধান মন্ত্রী নরেন্দ্র মোদীদা জর্মনীগী চান্সেল্লরগী তেলিফোন কোল অমা ওকখ্রে
লুচিংবা অনিনা লৈবাক অনিনা তেংবাংনরিবা হীরমশিংদা মশক থোক্না খুমাং চাউশিল্লিবা অসিদা নুংঙাইবা ফোংদোক্নখ্রে
মখোয়না অপাম্বা মান্নবা রিজনেল অমসুং মালেমগী হীরমশিং খন্ন-নৈনখি
থাগৎখিবা:
10 SEP 2026 6:27PM by PIB Imphal
প্রধান মন্ত্রী শ্রী নরেন্দ্র মোদীনা ঙসি ফেদরেল রিপব্লিক ওফ জর্মনীগী চান্সেলর ঐচ.ই. ফ্রিদরিখ মর্জকী তেলিফোন কোল অমা ওকখ্রে।
চহি অসিদা ভারত অমসুং জর্মনীনা দিপ্লোমেতিক রিলেসনশিংগী চহি ৭৫ মপুং ফারকপগা লোয়ননা, প্রধান মন্ত্রী অমসুং চান্সেলর মর্সনা ভারত-জর্মনী স্ত্রেতেজিক পার্তনরশিপকী খোংজেল য়েংশিনখি। মখোয়না অৱাংবা থাক্কী এক্সচেঞ্জশিংদা লেপ্তনা খোঙজং চংশিল্লিবা অদু খঙখি অমসুং ললোন-ইতিক অমসুং ইনভেস্তমেন্ত, এদভান্স তেক্নোলোজীশিং, ক্লিন ইনর্জী, দিফেন্স, এজুকেসন অমসুং তেলেন্ত মোবিলিতী য়াওনা মরুওইবা লমশিংদা তেংবাং পীনবা মখা তানা চেৎশিলহন্নবা মখোয়গী ফিরেপ অদু অমুক হন্না ফোংদোকখি।
লুচিংবশিংনা অপাম্বা মান্নবা রিজনেল অমসুং গ্লোবেল দিবেলপমেন্তশিংগী মতাংদসু ৱাখল্লোনশিং ফোংদোক্নখি অমসুং মালেমগী শান্তি, তংদু লৈতাবা অমসুং চাউখৎপা পুরক্নবা পুন্না থবক তৌমিন্ননবা য়ানখি।
***
(রিলিজ আই.দি.: 2309089)
ভিজিতর কাউন্তর : 4
রিলিজ অসি মসিদা পাবীয়ু:
Assamese
,
English
,
Urdu
,
हिन्दी
,
Marathi
,
Bengali
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam