প্রধান মন্ত্রী, শ্রী নরেন্দ্র মোদীনা ময়াই তাংবল লৌবা কেবিনেত কম্মিতি ওন ইকোনোমিক এফিয়র্সনা ঙসি রেলৱে মন্ত্রালয়গী প্রোজেক্ত ৫ অয়াবা পীখ্রে, মসিগী অপুনবা চাদিং লুপা করোর ১০,০২১ (চাউরাক্না)নি। প্রোজেক্তশিং অসিদা য়াওরিবা:

1. আরক্কোনম – রেনিগুন্তা ৩শুবা অমসুং ৪শুবা লাইন – কিলোমিতর ৭৭
2. ৱাইতফিল্ড – বঙ্গারপেত ৩শুবা অমসুং ৪শুবা লাইন – কিলোমিতর ৪৭
3. হোসুর – ওমালুর দবলিং – কিলোমিতর ১৪৭
4. সালেম – কারুর – দিন্দিগুল দবলিং – কিলোমিতর ১৫৯
5. সেকন্দ্রবাদ (ঘতকেসর) – কাজিপেতকী মল্তিত্রেকিং – কিলোমিতর ১১০

লাইনগী কেপাসিতি হেনগৎলকপা অসিনা চত্থোক-চৎশিন তৌবদা য়াম্না লাইহল্লগনি, মরম অদুনা ইন্দিয়ন রেলৱেজকী ওপরেস্নেল ইফিsiয়েন্সী অমসুং সর্ভিসকী থাজবা হেনগৎহনগনি। মল্তি-ত্রেকিং প্রোজেক্তশিং অসিনা ওপরেসনশিং লাইহনগনি অমসুং লম্বী চিনবা হন্থহনগনি। প্রোজেক্তশিং অসি প্রধান মন্ত্রী, শ্রী নরেন্দ্র মোদীগী অনৌবা ইন্দিয়া (New India) অমা শেম্বগী বিজনগা চুশিন্নৈ, মদুনা লমদম অসিগী মীয়াম্বু পাক-চাউনা চাউখৎ-থৌরাংগী খুত্থাংদা "আত্মনির্ভর" (Atmanirbhar) ওইহনগনি, মদুনা মখোয়গী থবক/মশানা মশাবু থবক পীজবগী খুদোংচাবশিং হেনগৎহনগনি।

প্রোজেক্তশিং অসি পি.এম.-গতি শক্তি নেস্নেল মাস্তর প্লানগী মখাদা থৌরাং তৌবনি অমসুং মল্তি-মোদেল কন্নেক্তিভিতী অমসুং লোজিস্তিক্কী ইফিসিয়েন্সী হেনগৎহন্নবা মীৎয়েং চংলি। প্রোজেক্তশিং অসিনা মীয়াম, পোৎলম অমসুং সর্ভিসশিং চত্থোক-চৎশিন তৌবদা অপনবা লৈতবা কন্নেক্তিভিতী পীরগনি।

তামিল নাদু, অন্ধ্র প্রদেশ, কর্নাতক অমসুং তেলাঙ্গানা রাজ্যশিংগী দিস্ত্রিক্ত ১৭তা য়ৌবা প্রোজেক্ত ৫ অসিনা ইন্দিয়ন রেলৱেজকী হৌজিক লৈরিবা নেতৱার্ক অসি কিলোমিতর ৫৪০ রোম শাংদোক্লগনি। অয়াবা পীখ্রবা মল্তি-ত্রেকিং প্রোজেক্তশিং অসিনা চাউরাক্না মীওই লাখ ৫২ লৈবা খুঙ্গং ২,১২১ রোমদা কন্নেক্তিভিতী হেনগৎহনগনি।

অয়াবা পীখ্রবা কেপাসিতী হেনগৎলকপগী থবক অসিনা লৈবাক অসিগী মশক নাইবা তুরিস্ত দেস্তিনেসন কয়াগী রেল কন্নেক্তিভিতী ফগৎহনগনি, মসিদা য়াওরিবা মফমশিং অদুদি তিরুপতি, সুব্রমনিয়া স্বামী লাইশঙ (তিরুত্তানি), শ্রী পদ্মবতি অম্বাবারি লাইশঙ (তিরুচানুর), কোতিলিঙ্গেশ্বর দেবালয়, শ্রী সীথি বাইরভেশ্বর স্বামী লাইশঙ, বাঙ্গারু তিরুপতি, কোলার গোল্দ ফিল্দস, হোগেন্নাক্কল ফোল্স, হোসুর ফোর্ত, মেত্তুর দাম, কোদাইকানাল হিলস, সত্যমঙ্গলম ৱাইল্দলাইফ সেঞ্চুয়ারী, নমক্কল অঞ্জনয়ার লাইশঙ, নমক্কল ফোর্ত, কল্যানা পশুপথেশ্বর লাইশঙ, য়াদগিরিগুত্তা লাইশঙ, ভোঙ্গির ফোর্ত, সুরেন্দ্রপুরি, স্বর্নগিরি লাইশঙনচিংবশিংনি।

প্রোজেক্তশিং অসি কোইল, সিমেন্ত, য়োৎ অমসুং স্তিল, কন্তেনর, ওতোমোবাইল, চেং-হৱাই, পেত্রোলিয়ম পোত্থোকশিং, হার নচিংবা পোৎলমশিং পুথোক-পুশিন তৌনবা য়াম্না মরুওইবা লম্বীনি। কেপাসিতী হেনগৎলকপনা মরম ওইরগা অহেনবা মাল পুবা (freight traffic) চহিগী মিলিয়ন তন ৪৭ (MTPA) হেনগৎলকখিগনি। রেলৱেজ অসি অকোয়বগী ফিভমদা শোকহন্দবা অমসুং ইনর্জী য়াম্না চংদবা পুথোক-পুশিনগী পাম্বৈ অমা ওইবনা, মসিনা ক্লাইমেত গোলশিং ফংবা অমসুং লৈবাক্কী লোজিস্তিক্সকী চাদিং হন্থহনবদা মতেং পাংগনি, থাও ইম্পোর্ত তৌবা (চাউরাক্না লিতর করোর ৮) হন্থহনগনি অমসুং CO2 থাদোকপা (চাউরাক্না কেজি করোর ৪২) হন্থহনগনি মসি উ-পাম্বী করোর ২ রোম থাবগা মান্নৈ।

*****