ঙাকশেল মন্ত্রী শ্রী রাজনাথ সিংহনা সেপ্তেম্বর ৩, ২০২৬তা নই দিল্লীদা বেলজিয়মগী ঙাকশেল অমসুং ফোরেন ত্রেদ মন্ত্রী শ্রী থিও ফ্রেঙ্কেনগা লোয়ননা নাকল অনিগী ওইবা মীফম অমা পাংথোকখ্রে। ৱারী শানবগী মনুংদা নাকল অনিমক্না দিফেন্স অমসুং ইন্দস্ত্রীএল কোওপরেসনগী অপুনবা স্পেক্ত্রম অদু য়েংশিনখি। মন্ত্রী অনিনা দিফেন্স কোওপরেসন দাইলোগ, অৱাংবা থাক্কী খোঙচৎশিং, ত্রেনিং অমসুং কেপাসিতী বিল্দিংগী খুত্থাংদা নাকল অনিগী ওইবা মরীশিং পাকথোক চাউথোকহন্নবা য়ানখি।

লুচিংবা অনিমক্না রিজনেলগী ওইবা শান্তি অমসুং সেক্যুরিতীগী ইসুশিংগী মতাংদসু খন্নখি অমসুং ইন্দো-পেসিফিক্তা মেরিতাইম সেক্যুরিতী কোলাবোরেসনগী তঙাইফদবা অদু খঙখি। ভারত অমসুং বেলজিয়মগী মরক্তা লৈরিবা পার্তনরশিপ অসি নাকল অনিগী থাজবা অমসুং ইকায় খুম্নবাগী শেয়র ভেল্যুশিংদা য়ুম্ফম ওই হায়না মখোয়না অমুক হন্না ফোংদোকখি।

প্রধান মন্ত্রী শ্রী নরেন্দ্র মোদী অমসুং বেলজিয়মগী প্রধান মন্ত্রী শ্রী বার্ত দে ৱিভরগী মরক্তা নই দিল্লীদা পাংথোকখিবা মীফমগী নাকলদা মীফম অসি পাংথোকখি।

***