প্রধান মন্ত্রী শ্রী নরেন্দ্র মোদীনা ঙসি জল শক্তি মন্ত্রালয়না শিনবা নুমিৎ নিনিগী নেস্নেল দিপার্তমেন্তেল সম্মিৎ ওন ৱাতরগী লোইশিনবগী মীফমদা সভাপতি ওইখ্রে। সম্মিৎ অসি প্রধান মন্ত্রীনা তীম ইন্দিয়াগী ৱাখল্লোনবু মপাঙ্গল কনখৎহন্নবা, কোওপরেতিব ফেদরেলিজমবু হেন্না চেৎশিলহন্নবা অমসুং কেন্দ্র অমসুং রাজ্যশিংগী মরক্তা হেন্না নকশিন্ননা থবক তৌমিন্নদুনা নেস্নেল প্রাইওরিতীশিংদা অপুনবা মপু ওইবা হেনগৎহন্নবা থৌরাং তৌখিবা দিপার্তমেন্তেল সম্মিৎশিংগী পরিং অসিদা অহানবা অমনি। ভারতকী ৱাতর সেক্যুরিতীগী তোঙান তোঙানবা মওংশিংদা মীৎয়েং চঙদুনা খন্ন-নৈন্নবগীদমক্তা রাজ্যশিং অমসুং য়ুনিয়ন তেরিতোরীশিংগী মন্ত্রীশিং অমসুং মকোক থোংবা ওফিসিএলশিংবু পুনশিনখি।

প্রধান মন্ত্রীনা নুমিৎ নিনিগী কুপ্না খন্ন-নৈনখিবা অদু থাগৎপা ফোংদোকখি অমসুং মীফম অদুদগী থোক্লকপা থবক লৌখৎপা য়াবা অমসুং মতমগী মতুং ইন্না লৌখৎপা য়াবা ৱাফমশিং অসি লেপ্পা লৈতনা য়েংশিনবা অমসুং তম্বগী থৌওং অমগী খুত্থাংদা মখা চত্থগদবনি হায়না অকনবা ৱাফম থমখি। মহাক্না হায়খি মদুদি সমিৎ অসি মতম অমা খক্তগী ওইবা থৌরম অমা ওইনা লৈরোইদবনি। মহাক্না মখা তানা রিভিয়ু অমসুং ফোলো-অপ তৌনবগী থৌওং অমা চত্থনবা হায়খি।

প্রধান মন্ত্রীনা অর্বান লোকেল বোদীশিংবু মীশিং হেনগৎলকপা অমসুং তুংগী ঈশিংগী মথৌ তাবশিং য়াওনা অর্বানাইজেসনদগী লাকপা শিংনবশিং খঙহন্নবা হায়খি। মহাক্না অর্বান লোকেল বোদীশিংগীদমক অসিগুম্বা চিন্তন শিবিরশিং পাংথোক্নবা ৱাফম থমখি। মহাক্না ঈশিং কনবা তেক্নোলোজীশিং হেন্না শীজিন্ননবা হায়খি। ভারতকী মেন্যুফেকচররশিং অমসুং স্তেকহোল্দরশিংনা ইফিসিএন্ত সোলুসনশিং শেমগৎনবা অমসুং পাকথোক চাউথোকহন্নবগীদমক মালেমগী খ্বাইদগী ফবা থৌওংশিং য়াওনা অখন্নবা একজিবিসনশিং অমসুং ৱার্কশোপশিং পাংথোক্নবা মহাক্না ফোংদোকখি।

জন ভাগিদারীদা মরুওইবা পীরদুনা, প্রধান মন্ত্রীনা মীয়ামগী মরক্তা অহেনবা এৱেরনেস অমা পীনবগীদমক 'জল উৎসব' প্রমোৎ তৌনবা ৱাফম থমখি। প্রধান মন্ত্রীনা সি-সিল্তিং অসি চাং নাইনা পাংথোকপা প্রোগ্রাম অমা ওইহন্নবা অমসুং দি-সিল্তিংগীদমক ময়েক শেংবা ক্রাইতেরিয়া অমসুং এস.ও.পি. শেম্নবা হায়খি। দাম সেফতীগী মতাংদা, মহাক্না নোংজু থা খুদিংগী মমাংদা মপুং ফানা শেম-শানবা, পীরিবা চেকশিন থৌরাংশিং ঙাক্না চৎনবা অমসুং মহৈরোইশিংগী মরক্তা এজুকেস্নেল করিকুলমশিংদা মতিক চাবা মওংদা য়াওহন্দুনা এজুকেসনগী মতাংদা এৱেরনেস পীনবগী মতাংদা অকনবা ৱাফম থমখি।

য়ুনিভর্সিতীশিং অমসুং হায়র এজুকেস্নেল ইন্সতিত্যুসনশিংদা ৱাতর মেনেজমেন্ত অমসুং গভর্নান্সকী মতাংদা লৌশিং অমসুং কেপাসিতী মপাঙ্গল কনখৎহন্নবা প্রধান মন্ত্রীনা হায়খি। মহাক্না মীয়ামগী মীহুৎশিং, ওফিসিএলশিং অমসুং লৌমীশিং য়াওনা স্ত্রকচর তৌরবা ইন্তর-স্তেৎ স্তদী ভিজিৎশিং পাংথোক্নবা ৱাফম থমখি। মসিনা মায় পাকপা ইন্তর্ভেন্সনশিং অসি তম্নবা অমসুং অমুক হন্না পাংথোক্নবা মতেং পাংগনি।

প্রধান মন্ত্রীনা ঈশিং সেক্তরগী দেতা পুনশিন্নবা, পথাপ নাইনা মেনেজ তৌনবা, নৈননবা অমসুং ইফেক্তিব ওইনা শীজিন্ননবা মপাঙ্গল কনবা ঈশিংগী দেতা গভর্নান্স অমা লৈনবা হায়খি। মহাক্না দেতা খোমজিনবা অমসুং য়েংশিনবগীদমক য়ুনিফোর্ম ওইবা ফোর্মেৎ অমগী খুত্থাংদা এ.আই. শিজিন্ননবা রিকমেন্দ তৌখি। লৌউ-শিংউ অমসুং ইন্দস্ত্রীএলগীদমক ত্রিৎ তৌরবা ঈশিংবু মতিক চাবা মওংদা শীজিন্নদুনা ঈশিং ফংদবগী অৱাবা অসি কোকহন্নবা মাংজৌননা অমসুং অপুনবা থৌরাং তৌনবা মহাক্না অকনবা ৱাফম থমখি।

গুজরাতকী মুখ্য মন্ত্রী ওইরিঙৈগী মহাক্কী এক্সপরিয়েন্স অদু পল্লদুনা, প্রধান মন্ত্রীনা হায়খি মদুদি ঈশিংগী অৱাৎপা অসি পথাপ নাইনা থৌরাং তৌদুনা, মতিক চাবা রিসোর্সশিং অমসুং হৈথোই-শিংথোইরবা ওফিসরশিং থাদোক্তুনা অমসুং থৌদাং লৌদুনা খুদোংচাবদা ওন্থোকপা য়াই।

কেন্দ্রগী জল শক্তি মন্ত্রী শ্রী সি. আর. পাতিলনা সম্মিৎ অসিগী মরুওইবা ফল মরি পনখি: ঈশিংগী ইনফ্রাস্ত্রকচর প্রোজেক্তশিং অথুবা মতমদা লোইশিনবা; ঈশিং ঙাকথোকপা অসি তুং কোইনা চৎথরিবা মীয়ামগী খোঙজং অমা ওইনা মপাঙ্গল কনখৎহনবা; থক্নবা ঈশিংগী সোর্সশিংগী অশাংবা মতমগী ওইবা সস্তেনেবিলিতী লৈহনবা; অমসুং খুঙ্গংগী থক্নবা ঈশিংগী স্কিমশিংবু ইফেক্তিব ওইবা মওংদা মথৌ পাংথোকপা অমসুং য়েংশিনবা।

*****