ত্রেদ, কম্মর্স অমসুং ইনভেস্তমেন্তকী ভারত-অফঘানিস্তান জোইন্ত ৱার্কিং গ্রুপ (জে.দবল্যু.জি.)গী মাগী মীফম সেপ্তেম্বর ১, ২০২৬তা ভর্চুএল ওইনা পাংথোকখি। মীফম অদুদা ভারত অমসুং অফঘানিস্তানগী ওফিসিএলশিং, কম্মর্স, ইন্দস্ত্রী, কস্তমস, রেগুলেতরী ওথোরিতীশিং অমসুং দিপ্লোমেতিক মিসনশিংগী মীহুৎশিং য়াওনা শরুক য়াখি।

নাকল অনিমক্না লৈবাক অনিগী মরক্তা ত্রেদ অমসুং ইকোনোমিক কোওপরেসনগা মরী লৈনবা তোঙান তোঙানবা হিরমশিং য়েংশিনখি অমসুং ত্রেদ মখা তানা লাইথোকহন্নবা অমসুং কম্মর্সিএল এঙ্গেজমেন্ত মপাঙ্গল কনখৎহন্নবা খন্ন-নৈনখি।

ৱারী শানবগী মরুওইবা হিরমশিং অদুদি ললোন-ইতিক চাউখৎহনবা অমসুং কস্তমস কোওপরেসন, অফগান ত্রেদরশিংগী ভিসা লাইথোকহনবা, বেঙ্কিং অমসুং ফাইনান্সিএল কোওপরেসন, ফার্মাস্যুতিকেল্স অমসুং লৌউ-শিংউগী ললোন-ইতিক, ইনর্জী কোওপরেসন, ইনভেস্তমেন্ত অমসুং ললোন-ইতিক প্রমোসন, তারিফ কন্সেসন, কার্গো কনেক্তিবিতী অমসুং পোর্তকা মরী লৈনবা হিরমশিংনি।

নাকল অনিমক্না ইন্সতিত্যুস্নেল কোওপরেসন মপাঙ্গল কনখৎহন্নবা অমসুং মশক খঙদোক্লবা হিরমশিংদা মখা তানা থবক পায়খৎনবা য়ানখি। মসিগী মনুংদা কস্তমস অমসুং দেতা শেয়রিং কোওপরেসন, ফার্মাস্যুতিকেল্স অমসুং এগ্রিকলচরদা রেগ্যুলেতরী কোওপরেসন, ললোন-ইতিক্কী কনেক্তিবিতী ফগৎহনবা অমসুং ইনভেস্তমেন্ত অমসুং বিজিনেস-তু-বিজিনেস এঙ্গেজমেন্ত প্রমোৎ তৌবা য়াওরি।

মীফম অসি নুংশি-চান্নবা অমসুং পুক্নিং থৌগৎনীংঙাই ওইবা ফিভম অমদা পাংথোকখি। নাকল অনিমক্না ভারত-অফঘানিস্তান ত্রেদ, কম্মর্স অমসুং ইনভেস্তমেন্তকী মরীশিং মখা তানা চেৎশিলহন্নবা মখোয়গী অচেৎপা ফিরেপ অদু অমুক হন্না ফোংদোকখি অমসুং খন্ন-নৈনখিবা হিরমশিংদা লেপ্তনা থবক তৌমিন্ননবা য়ানখি।

***