இளைஞர் நலன் மற்றும் விளையாட்டு அமைச்சகம்
மத்திய விளையாட்டுத் துறை அமைச்சர் டாக்டர் மன்சுக் மாண்டவியா தலைமையில் மேஜர் தயான் சந்த் தேசிய விளையாட்டு அரங்கில் நடைபெற்ற தேசிய விளையாட்டு தினக் கொண்டாட்டங்கள்
இடுகை இடப்பட்ட நாள்:
29 AUG 2026 1:57PM by PIB Chennai
நாட்டின் விளையாட்டுத் துறைக்கு இணையற்ற பங்களிப்பை வழங்கிய புகழ்பெற்ற ஹாக்கி வீரர் மேஜர் தயான் சந்தின் 121-வது பிறந்த தினத்தையொட்டி, நாடு முழுவதும் இன்று தேசிய விளையாட்டு தினம் உற்சாகமாகக் கொண்டாடப்பட்டது.
புதுதில்லியில் உள்ள இந்தியா கேட் பகுதியில் அமைந்துள்ள மேஜர் தயான் சந்த் தேசிய விளையாட்டு அரங்கில், மத்திய இளைஞர் நலன் மற்றும் விளையாட்டுத்துறை அமைச்சர் டாக்டர் மன்சுக் மாண்டவியா, மத்திய சட்டம் மற்றும் நீதித்துறை இணையமைச்சர் திரு அர்ஜுன் ராம் மேக்வால் ஆகியோர் முன்னிலையில் சிறப்பு விளையாட்டு நிகழ்வுகள் நடைபெற்றன.
இந்த ஆண்டுக்கான நிகழ்வுகள், நாடு தழுவிய அளவில் 'விளையாட்டு மைதானத்தில் ஒரு மணி நேரம்' என்ற முன்னெடுப்பை மையமாகக் கொண்டு அமைந்திருந்தன. பொதுமக்கள், குறிப்பாக இளைஞர்கள், விளையாட்டு மற்றும் உடற்பயிற்சி நடவடிக்கைகளுக்காக நாள்தோறும் குறைந்தது ஒரு மணி நேரத்தையாவது ஒதுக்க வேண்டும் என்பதை வலியுறுத்தும் நோக்கில் இது முன்னெடுக்கப்பட்டது.
மேஜர் தயான் சந்தின் சிலைக்கு அமைச்சர்கள் மலர்தூவி மரியாதை செலுத்தியதைத் தொடர்ந்து நிகழ்ச்சிகள் தொடங்கின. காலை 8:00 மணி முதல் நூற்றுக்கணக்கானோர் இந்தக் கொண்டாட்டங்களில் பங்கேற்று, பல்வேறு விளையாட்டு மற்றும் உடற்தகுதி சார்ந்த செயல்பாடுகளில் ஆர்வத்துடன் ஈடுபட்டனர்.
மேலும் விவரங்களுக்கு இந்த ஆங்கிலச் செய்திக் குறிப்பைக் காணவும்: https://www.pib.gov.in/PressReleaseDetail.aspx?PRID=2304488®=3&lang=1
***
SS/SV/RJ
(வெளியீட்டு அடையாள எண்: 2304546)
வருகையாளர் எண்ணிக்கை : 8