పౌర విమానయాన మంత్రిత్వ శాఖ
కాన్పూర్లోని గంగా బ్యారేజ్ సమీపంలో ప్రమాదానికి గురైన టెక్నామ్ P2006T ట్విన్-ఇంజిన్ విమానం
నాడు పోస్టు చేయడమైనది:
27 AUG 2026 2:08PM by PIB Hyderabad
కాన్పూర్లోని 'గార్గ్ ఏవియేషన్ లిమిటెడ్' సంస్థకు చెందిన 'టెక్నామ్ P2006T' (రిజిస్ట్రేషన్ నంబర్ VT-NBV) అనే ట్విన్-ఇంజిన్ విమానం ఈ రోజు మధ్యాహ్నం కాన్పూర్ సివిల్ విమానాశ్రయం నుంచి సుమారు 5 నాటికల్ మైళ్ల దూరంలో గల గంగా బ్యారేజ్ సమీపంలో ప్రమాదానికి గురైనట్లు ప్రాథమిక సమాచారం అందింది.
ఆ విమానం కాన్పూర్ సివిల్ ఎయిర్ పోర్ట్ లోకల్ ఫ్లయింగ్ ఏరియాలో శిక్షణ విమానంగా ఉంది. విమానంలో శిక్షణ పొందుతున్న ఒక పైలట్, ఒక శిక్షకుడూ ఉన్నారు. ఈ ప్రమాదంలో తీవ్రంగా గాయపడిన ఆ ఇద్దరూ మరణించారు.
అవసరమైన నియంత్రణ పర్యవేక్షణ, సమన్వయం కోసం డైరెక్టరేట్ జనరల్ ఆఫ్ సివిల్ ఏవియేషన్ (డీజీసీఏ)కు చెందిన ముగ్గురు అధికారుల బృందం ఆ ప్రాంతానికి బయలుదేరింది.
విమాన ప్రమాదాల దర్యాప్తు సంస్థ (ఏఏఐబీ)కు సమాచారం అందించారు. వర్తించే నిబంధనల ప్రకారం ప్రమాదంపై సమగ్ర ఈ సంస్థ దర్యాప్తు చేస్తుంది. ఈ దర్యాప్తు ద్వారా ప్రమాదానికి సంబంధించిన పరిస్థితులు, కారణాలను నిర్ధారిస్తారు.
***
(రిలీజ్ ఐడి: 2303737)
సందర్శకుల సూచీ సంఖ్య : : 5