ಕೇಂದ್ರ ಪಂಚಾಯತ್ ರಾಜ್ ಸಚಿವಾಲಯವು ಸಾರ್ವಜನಿಕ ಪಾಲ್ಗೊಳ್ಳುವಿಕೆಯ 'ದಾನವೀರ್' ಗಳಾಗಲು ಮತ್ತು ತಳಮಟ್ಟದಲ್ಲಿ ಡಿಜಿಟಲ್ ಮೂಲಸೌಕರ್ಯ ಬಲವರ್ಧನೆಗೆ ಕೊಡುಗೆ ನೀಡಲು ಆಹ್ವಾನಿಸುತ್ತದೆ. ಜನರ ನೇತೃತ್ವದ ಕಂಪ್ಯೂಟರ್ ಕ್ರೌಡ್‌ಸೋರ್ಸಿಂಗ್ ಉಪಕ್ರಮವಾದ ದಾನವೀರ್, ಸರಳ, ಪಾರದರ್ಶಕ ಮತ್ತು ತಂತ್ರಜ್ಞಾನ-ಸಕ್ರಿಯಗೊಳಿಸಿದ ಕಾರ್ಯವಿಧಾನದ ಮೂಲಕ ವ್ಯಕ್ತಿಗಳು ಮತ್ತು ಸಂಸ್ಥೆಗಳು ಪರಿಶೀಲಿಸಿದ ಗ್ರಾಮ ಪಂಚಾಯತ್‌ಗಳಿಗೆ ನೇರ ಡೆಸ್ಕ್‌ಟಾಪ್ ಕಂಪ್ಯೂಟರ್‌ಗಳನ್ನು ದಾನ ಮಾಡಲು ಅನುವು ಮಾಡಿಕೊಡುತ್ತದೆ. ರಾಷ್ಟ್ರೀಯ ಗ್ರಾಮ ಸ್ವರಾಜ್ ಅಭಿಯಾನ (ಆರ್ ಜಿಎಸ್ ಎ) ಸೇರಿದಂತೆ ಸರ್ಕಾರಿ ಕಾರ್ಯಕ್ರಮಗಳಡಿಯಲ್ಲಿ ಒದಗಿಸಲಾದ ಮೂಲಸೌಕರ್ಯ ಬೆಂಬಲಕ್ಕೆ ಪೂರಕವಾಗಿ, ಈ ಉಪಕ್ರಮವು ತಳಮಟ್ಟದಲ್ಲಿ ಡಿಜಿಟಲ್ ಆಡಳಿತ ಮತ್ತು ಸೇವಾ ವಿತರಣೆಯನ್ನು ಬಲಪಡಿಸಲು ಸ್ವಯಂಪ್ರೇರಿತ ಸಾರ್ವಜನಿಕ ಪಾಲ್ಗೊಳ್ಳುವಿಕೆಯನ್ನು ಬಳಸಿಕೊಳ್ಳಲು ಪ್ರಯತ್ನಿಸುತ್ತದೆ.

ದಾನವೀರ್ ಗ್ರಾಮ ಪಂಚಾಯತ್‌ಗೆ ಕಂಪ್ಯೂಟರ್ ದಾನ ಮಾಡುವುದನ್ನು ಆನ್‌ಲೈನ್ ಖರೀದಿಯಂತೆ ಸರಳ ಮತ್ತು ಅನುಕೂಲಕರವಾಗಿಸುತ್ತದೆ. ಮೇರಿ ಪಂಚಾಯತ್ ಅಪ್ಲಿಕೇಷನ್ ಮೂಲಕ, ನಾಗರಿಕರು ಆಯಾ ರಾಜ್ಯ ಸರ್ಕಾರಗಳು ಪರಿಶೀಲಿಸಿದ ಗ್ರಾಮ ಪಂಚಾಯತ್‌ಗಳಿಗೆ ಡೆಸ್ಕ್‌ಟಾಪ್ ಕಂಪ್ಯೂಟರ್‌ಗಳ ಅಗತ್ಯವಿರುವುದನ್ನು ವೀಕ್ಷಿಸಬಹುದು ಮತ್ತು ತಮ್ಮದೇ ಆದ ಅಥವಾ ಯಾವುದೇ ಇತರ ಅರ್ಹ ಗ್ರಾಮ ಪಂಚಾಯತ್‌ಗೆ ನೆರವು ನೀಡಲು ಆಯ್ಕೆ ಮಾಡಬಹುದು, ಎಲ್ಲವನ್ನೂ ಅವರ ಫೋನ್‌ನಿಂದಲೇ ಮಾಡಬಹುದು. "ಕಂಪ್ಯೂಟರ್ ದಾನ" ಕ್ಲಿಕ್ ಮಾಡಿದ ನಂತರ ದಾನಿಯನ್ನು ಪ್ರತ್ಯೇಕ ನೋಂದಣಿ ಅಗತ್ಯವಿಲ್ಲದೆ ONDC-ಆಧರಿಸಿದ ಡಿಜಿಟಲ್ ಮಾರುಕಟ್ಟೆಯಾದ ಡಿಜಿಹಾತ್ ಗೆ ಸುರಕ್ಷಿತವಾಗಿ ಮರುನಿರ್ದೇಶಿಸಲಾಗುತ್ತದೆ. ಆಯ್ದ ಪಂಚಾಯತ್‌ನ ವಿತರಣಾ ವಿಳಾಸ ಮತ್ತು ಸ್ವೀಕರಿಸುವವರ ವಿವರಗಳನ್ನು ಸ್ವಯಂಚಾಲಿತವಾಗಿ ಭರ್ತಿ ಮಾಡಲಾಗವುದು, ಹಸ್ತಚಾಲಿತ ಡೇಟಾ ನಮೂದನ್ನು ತೆಗೆದುಹಾಕುತ್ತದೆ. ದಾನಿಗಳು ನಿಗದಿತ ತಾಂತ್ರಿಕ ವಿಶೇಷಣಗಳೊಂದಿಗೆ ಸಂಯೋಜಿಸಲಾದ ಪ್ರಮಾಣೀಕೃತ ಕಂಪ್ಯೂಟರ್ ಬಂಡಲ್‌ಗಳಿಂದ ಆಯ್ಕೆ ಮಾಡಬಹುದು, ಡಿಜಿಟಲ್ ಪಾವತಿಯನ್ನು ಮಾಡಬಹುದು ಮತ್ತು ದೃಢೀಕರಣ ಮತ್ತು ರವಾನೆಯಿಂದ ವಿತರಣೆ ಮತ್ತು ಸ್ವೀಕೃತಿಯವರೆಗೆ ತಾವು ಸಲ್ಲಿಸಿರುವ ಬೇಡಿಕೆಯು ಮೇಲೆ ನಿಗಾ ಇಡಬಹುದು. ಗ್ರಾಮ ಪಂಚಾಯತ್ ಕಾರ್ಯದರ್ಶಿಯ ಸ್ವೀಕೃತಿಯ ನಂತರ ದಾನಿಯು ಡಿಜಿಟಲ್ ಆಗಿ ಸೃಷ್ಟಿಸಿದ ಮೆಚ್ಚುಗೆಯ ಪ್ರಮಾಣಪತ್ರವನ್ನು ಪಡೆಯುತ್ತಾರೆ.  ಆದ್ದರಿಂದ ಈ ಉಪಕ್ರಮದಡಿಯಲ್ಲಿ, ಆರ್ಡರ್ ಪ್ಲೇಸ್‌ಮೆಂಟ್‌ನಿಂದ ವಿತರಣೆಯವರೆಗೆ ದೇಣಿಗೆ ಪಯಣದ ಪ್ರತಿಯೊಂದು ಹಂತವನ್ನು ನೈಜ ಸಮಯದಲ್ಲಿ ಟ್ರ್ಯಾಕ್ ಮಾಡಬಹುದು, ಹಾಗಾಗಿ ಇದು  ಸಂಪೂರ್ಣ ಪಾರದರ್ಶಕತೆಯನ್ನು ಖಚಿತಪಡಿಸುತ್ತದೆ.

ದಾನವೀರ್‌  ಮೂಲಕ ದಾನ ಮಾಡಲಾದ ಕಂಪ್ಯೂಟರ್, ಯೋಜನೆ, ಹಣಕಾಸು ನಿರ್ವಹಣೆ, ದಾಖಲೆ ನಿರ್ವಹಣೆ ಮತ್ತು ನಾಗರಿಕ ಸೇವಾ ವಿತರಣೆಗಾಗಿ ಡಿಜಿಟಲ್ ಆಡಳಿತ ವೇದಿಕೆಗಳನ್ನು ಪರಿಣಾಮಕಾರಿಯಾಗಿ ಬಳಸುವ ಗ್ರಾಮ ಪಂಚಾಯತ್ ಸಾಮರ್ಥ್ಯವನ್ನು ಬಲಪಡಿಸುತ್ತದೆ. ಈ ಉಪಕ್ರಮವು ಈ ಪರಿಣಾಮವನ್ನು ಪಾರದರ್ಶಕ ದೇಣಿಗೆ ಪ್ರಕ್ರಿಯೆಯೊಂದಿಗೆ ಸಂಯೋಜಿಸುತ್ತದೆ, ಸಾರ್ವಜನಿಕರು ತಮ್ಮ ಗ್ರಾಮ ಪಂಚಾಯತ್‌ನ ದೇಣಿಗೆ ಸ್ಥಿತಿಯನ್ನು ವೀಕ್ಷಿಸಲು ಮತ್ತು ದಾನಿಗಳು ತಮ್ಮ ಕೊಡುಗೆಯನ್ನು ಡಿಜಿಟಲ್ ಆಗಿ ಟ್ರ್ಯಾಕ್ ಮಾಡಲು ಅನುವು ಮಾಡಿಕೊಡುತ್ತದೆ. ಇದು ಅನಿವಾಸಿ ಭಾರತೀಯರು, ಪರೋಪಕಾರಿ ಸಂಸ್ಥೆಗಳು ಮತ್ತು ಸಿಎಸ್ ಆರ್ ಪಾಲುದಾರರು ಸೇರಿದಂತೆ ತಮ್ಮ ಸ್ವಂತ ಊರುಗಳಿಂದ ದೂರ ವಾಸಿಸುವ ನಾಗರಿಕರಿಗೆ, ತಳಮಟ್ಟದ ಡಿಜಿಟಲ್ ಮೂಲಸೌಕರ್ಯಕ್ಕೆ ಕೊಡುಗೆ ನೀಡಲು ಮತ್ತು ಅವರ ಹಳ್ಳಿಗಳೊಂದಿಗೆ ಮರುಸಂಪರ್ಕಿಸಲು ವಿಶ್ವಾಸಾರ್ಹ ಮಾರ್ಗವನ್ನು ನೀಡುತ್ತದೆ. ಹೆಚ್ಚಿನ ರಾಜ್ಯಗಳು ಅರ್ಹ ಗ್ರಾಮ ಪಂಚಾಯತ್‌ಗಳನ್ನು ಸೇರಿಸಿಕೊಳ್ಳುವುದರೊಂದಿಗೆ ದಾನವೀರ್ ಸದೃಢವಾದ ಮತ್ತು ಡಿಜಿಟಲ್ ಆಗಿ ಸಬಲೀಕರಣಗೊಂಡ ಪಂಚಾಯತ್‌ಗಳಿಗಾಗಿ ರಾಷ್ಟ್ರವ್ಯಾಪಿ ಚಳವಳಿಯಾಗಿ ವಿಕಸನಗೊಳ್ಳುವ ಸಾಮರ್ಥ್ಯವನ್ನು ಹೊಂದಿದೆ. 2026ರ ಆಗಸ್ಟ್ 27 ರವರೆಗೆ 75 ದೇಣಿಗೆಗಳನ್ನು ಈಗಾಗಲೇ ನೀಡಲಾಗಿದೆ, ಇದು ಈ ಉಪಕ್ರಮಕ್ಕೆ ಉತ್ಸಾಹಭರಿತ ಪ್ರತಿಕ್ರಿಯೆ ಮತ್ತು ಹೆಚ್ಚುತ್ತಿರುವ ಸಾರ್ವಜನಿಕ ಸ್ವೀಕಾರವನ್ನು ಗುರುತಿಸುತ್ತದೆ. ದಾನ ಪ್ರಕ್ರಿಯೆ ಯಶಸ್ವಿಯಾಗಿ ಪೂರ್ಣಗೊಂಡ ನಂತರ, ದಾನಿಗಳು ಮೆಚ್ಚುಗೆಯ ಪ್ರಮಾಣಪತ್ರವನ್ನು ಪಡೆಯುತ್ತಾರೆ, ಸ್ಥಳೀಯ ಆಡಳಿತವನ್ನು ಬಲಪಡಿಸುವಲ್ಲಿ ಅವರ ಕೊಡುಗೆಯನ್ನು ಗುರುತಿಸುತ್ತಾರೆ. ದಾನವೀರ್  ಪಾಲ್ಗೊಳ್ಳುವಿಕೆಯ ಆಡಳಿತದ ನವೀನ ಮಾದರಿಯನ್ನು ಪ್ರತಿನಿಧಿಸುತ್ತದೆ, ತಳಮಟ್ಟದ ಸಂಸ್ಥೆಗಳನ್ನು ಬಲಪಡಿಸುವಲ್ಲಿ ಸರ್ಕಾರದ ಪ್ರಯತ್ನಗಳಿಗೆ ಪೂರಕವಾಗಿ ಸ್ವಯಂಪ್ರೇರಿತ ಸಾರ್ವಜನಿಕರ ಭಾಗವಹಿಸುವಿಕೆಯನ್ನು ಸಕ್ರಿಯಗೊಳಿಸುತ್ತದೆ. ನಾಗರಿಕರು, ಪರೋಪಕಾರಿಗಳು, ಸಂಸ್ಥೆಗಳು, ಸಿಎಸ್ಆರ್ ಪಾಲುದಾರರು ಮತ್ತು ಅನಿವಾಸಿ ಭಾರತೀಯರು ಮುಂದೆ ಬಂದು ದಾನವೀರರಾಗಲು ಪ್ರೋತ್ಸಾಹಿಸಲಾಗುತ್ತದೆ.

QR ಕೋಡ್ ಅನ್ನು ಸ್ಕ್ಯಾನ್ ಮಾಡಿ, ಮೇರಿ ಪಂಚಾಯತ್ ಅಪ್ಲಿಕೇಷನ್‌ನಲ್ಲಿ ನೋಂದಾಯಿಸಿ. ಹೆಚ್ಚಿನ ವಿವರಗಳಿಗಾಗಿ, ಭೇಟಿ ನೀಡಿ: https://egramswaraj.gov.in/danveer/

ದಾನವೀರ್ ಕುರಿತ ಪ್ರಶ್ನೋತ್ತರಗಳ ಸರಣಿಗೆ ಇಲ್ಲಿ ಕ್ಲಿಕ್ ಮಾಡಿ: Click Here

ದೇಣಿಗೆ ಮಾದರಿಗೆ ಇಲ್ಲಿ ಕ್ಲಿಕ್ ಮಾಡಿ: Click Here

*****