ਨਸ਼ੀਲੇ ਪਦਾਰਥਾਂ ਦੀ ਤਸਕਰੀ ਦੇ ਵਿਰੁੱਧ ਇੱਕ ਵੱਡੀ ਸਫ਼ਲਤਾ ਹਾਸਲ ਕਰਦੇ ਹੋਏ, ਕੇਂਦਰੀ ਨਾਰਕੋਟਿਕਸ ਬਿਊਰੋ (ਸੀਬੀਐੱਨ) ਦੀ ਮੱਧ ਪ੍ਰਦੇਸ਼ ਅਤੇ ਉੱਤਰ ਪ੍ਰਦੇਸ਼ ਯੂਨਿਟਾਂ ਦੇ ਅਧਿਕਾਰੀਆਂ ਨੇ ਲਖਨਊ (ਉੱਤਰ ਪ੍ਰਦੇਸ਼) ਦੇ ਨੇੜੇ ਲਗਾਤਾਰ ਚਲਾਏ ਗਏ ਅਭਿਆਨਾਂ ਵਿੱਚ ‘ਆਪ੍ਰੇਸ਼ਨ ਬਲੈਕ ਹੌਕ’ ਨੂੰ ਸਫ਼ਲਤਾਪੂਰਵਕ ਅੰਜ਼ਾਮ ਦਿੱਤਾ ਅਤੇ ਕੁੱਲ 18.64 ਕਿਲੋਗ੍ਰਾਮ ਕੱਚੀ ਹੈਰੋਇਨ ਜ਼ਬਤ ਕੀਤੀ। ਅੰਤਰਰਾਜੀ ਤਸਕਰੀ ਨੈੱਟਵਰਕ ਦੇ ਤਿੰਨ ਪ੍ਰਮੁੱਖ ਮੈਂਬਰਾਂ ਨੂੰ ਗ੍ਰਿਫਤਾਰ ਕੀਤਾ ਗਿਆ ਹੈ। ਇਹ ਪ੍ਰਤੀਬੰਧਿਤ ਪਦਾਰਥ ਉੱਤਰ-ਪੂਰਬੀ ਰਾਜ ਤੋਂ ਆਇਆ ਸੀ ਅਤੇ ਉੱਤਰ ਪ੍ਰਦੇਸ਼ ਵਿੱਚ ਖਪਤ ਲਈ ਤਸਕਰੀ ਕੀਤੀ ਜਾ ਰਹੀ ਸੀ।

ਉੱਤਰ-ਪੂਰਬ ਖੇਤਰ ਤੋਂ ਲਖਨਊ ਤੱਕ ਨਸ਼ੀਲੇ ਪਦਾਰਥਾਂ ਦੀ ਆਵਾਜਾਈ ਦੇ ਸਬੰਧ ਵਿੱਚ ਸੀਬੀਐੱਨ ਐੱਮਪੀ ਯੂਨਿਟ ਤੋਂ ਪ੍ਰਾਪਤ ਪਹਿਲੀ ਸਟੀਕ ਜਾਣਕਾਰੀ ਦੇ ਅਧਾਰ ‘ਤੇ ਸੀਬੀਐੱਨ ਐੱਮਪੀ ਅਤੇ ਯੂਪੀ ਯੂਨਿਟ ਦੀਆਂ ਸੰਯੁਕਤ ਟੀਮਾਂ ਨੇ 20-21 ਅਗਸਤ, 2026 ਦੀ ਦਰਮਿਆਨੀ ਰਾਤ ਨੂੰ ਸੁਲਤਾਨਪੁਰ-ਲਖਨਊ ਰਾਜਮਾਰਗ ‘ਤੇ ਇੱਕ ਰਣਨੀਤਕ ਘੇਰਾਬੰਦੀ ਸਥਾਪਿਤ ਕੀਤੀ।

ਵੱਖ-ਵੱਖ ਟੋਲ ਪਲਾਜ਼ਾ ‘ਤੇ ਲਗਾਤਾਰ ਨਿਗਰਾਨੀ ਤੋਂ ਬਾਅਦ, 21 ਅਗਸਤ ਨੂੰ ਸਟ੍ਰਾਇਕ ਟੀਮ ਨੇ ਲਖਨਊ ਦੇ ਕੋਲ ਅਸਾਮ ਵਿੱਚ ਰਜਿਸਟਰਡ ਇੱਕ ਹੁੰਡਈ ਕ੍ਰੇਟਾ ਨੂੰ ਰੋਕਿਆ। ਗੱਡੀ ਖਾਲੀ ਪਾਈ ਗਈ ਅਤੇ ਉਸ ਵਿੱਚ ਸਵਾਰ ਲੋਕਾਂ ਨੇ ਖੁਦ ਨੂੰ ਨਿਰਦੋਸ਼ ਦੱਸਿਆ। ਆਪ੍ਰੇਸ਼ਨਲ ਅਧਿਕਾਰੀਆਂ ਨੂੰ ਉਸ ਸਮੇਂ ਸ਼ੱਕ ਹੋਇਆ ਜਦੋਂ ਪੁੱਛਗਿੱਛ ਕਰਨ ‘ਤੇ ਗੱਡੀ ਵਿੱਚ ਸਵਾਰ ਲੋਕਾਂ ਨੇ ਦੱਸਿਆ ਕਿ ਉਨ੍ਹਾਂ ਨੇ ਸਿਰਫ਼ 500 ਕਿਲੋਮੀਟਰ ਦੀ ਦੂਰੀ ਵਿੱਚ ਚਾਰ ਵਾਰ ਈਂਧਣ ਭਰਵਾਇਆ ਸੀ। ਈਂਧਣ ਟੈਂਕ ਦੀ ਭੌਤਿਕ ਜਾਂਚ ਕਰਨ ‘ਤੇ ਉਸ ਵਿੱਚੋਂ ਖੋਖਲੀ ਆਵਾਜ਼ ਆਉਣ ਦੀ ਪੁਸ਼ਟੀ ਹੋਈ। ਲਖਨਊ ਸਥਿਤ ਸੀਬੀਐੱਨ ਦਫ਼ਤਰ ਵਿੱਚ ਤਕਨੀਕੀ ਸਹਾਇਤਾ ਲੈ ਕੇ ਈਂਧਣ ਟੈਂਕ ਨੂੰ ਖੋਲਿਆ ਗਿਆ, ਜਿਸ ਨਾਲ ਇੱਕ ਵਿਸ਼ੇਸ਼ ਤੌਰ ‘ਤੇ ਤਿਆਰ ਡੱਬਾ ਮਿਲਿਆ ਜਿਸ ਵਿੱਚ 16.46 ਕਿਲੋਗ੍ਰਾਮ ਕੱਚੀ ਹੈਰੋਇਨ ਨਾਲ ਭਰੇ 25 ਵਾਟਰਪਰੂਫ ਪੈਕੇਟ ਸਨ। ਦੋਵਾਂ ਸ਼ੱਕੀਆਂ ਨੂੰ ਗ੍ਰਿਫਤਾਰ ਕਰ ਲਿਆ ਗਿਆ।

ਸੀਬੀਐੱਨ ਯੂਪੀ ਯੂਨਿਟ ਦੁਆਰਾ ਪ੍ਰਾਪਤ ਕੀਤੀ ਹੋਰ (ਦੂਜੀ) ਮਹੱਤਵਪੂਰਨ ਖੁਫੀਆ ਜਾਣਕਾਰੀ ਤੋਂ ਪਤਾ ਚਲਿਆ ਕਿ ਸਿਲੀਗੁੜੀ-ਲਖਨਊ ਕੌਰੀਡੋਰ ‘ਤੇ ਇੱਕ ਭਾਰੀ ਟਰੱਕ ਵਰਜਿਤ ਸਾਮਾਨ ਲਿਜਾ ਰਿਹਾ ਸੀ। ਸੀਬੀਐੱਨ ਦੀਆਂ ਟੀਮਾਂ ਨੇ ਕਈ ਟੋਲ ਪਲਾਜ਼ਿਆਂ ਤੋਂ ਲੰਘਦੇ ਹੋਏ ਵਾਹਨ ਦਾ ਪਿੱਛਾ ਕੀਤਾ ਅਤੇ ਬਾਰਾਬੰਕੀ ਦੇ ਨੇੜੇ ਉਸ ਨੂੰ ਰੋਕਿਆ ਲਿਆ। ਯੋਜਨਾਬੱਧ ਤਲਾਸ਼ੀ ਵਿੱਚ ਵਾਹਨ ਦੇ ਢਾਂਚੇ ਦੇ ਅੰਦਰ ਵਿਸ਼ੇਸ਼ ਤੌਰ ‘ਤੇ ਬਣੇ ਇੱਕ ਗੁਪਤ ਕਮਰੇ ਵਿੱਚ 2.16 ਕਿਲੋਗ੍ਰਾਮ ਕੱਚੀ ਹੈਰੋਇਨ ਲੁਕਾਈ ਹੋਈ ਮਿਲੀ। ਇੱਕ ਸ਼ੱਕੀ ਨੂੰ ਗ੍ਰਿਫਤਾਰ ਕੀਤਾ ਗਿਆ।

ਤਿੰਨ ਸ਼ੱਕੀਆਂ ‘ਤੇ ਨਾਰਕੋਟਿਕਸ ਡਰੱਗਜ਼ ਐਂਡ ਸਾਈਕੋਟ੍ਰੌਪਿਕ ਸਬਸਟੈਂਸ (ਐੱਨਡੀਪੀਐੱਸ), ਐਕਟ, 1985 ਦੀਆਂ ਸਖ਼ਤ ਧਾਰਾਵਾਂ ਦੇ ਤਹਿਤ ਮਾਮਲਾ ਦਰਜ ਕੀਤਾ ਗਿਆ ਹੈ। ਆਵਾਜਾਈ ਵਾਹਨ ਅਤੇ ਪੂਰੀ ਵਰਜਿਤ ਖੇਪ ਜ਼ਬਤ ਕਰ ਲਈ ਗਈ ਹੈ। ਉੱਤਰ-ਪੂਰਬ ਵਿੱਚ ਅਪਸਟ੍ਰੀਮ ਸਪਲਾਇਰਾਂ ਦਾ ਪਤਾ ਲਗਾਉਣ ਅਤੇ ਉਨ੍ਹਾਂ ਨਾਲ ਜੁੜੇ ਵੰਡ ਚੈਲਨਾਂ ਨੂੰ ਤਬਾਹ ਕਰਨ ਲਈ ਵਿਆਪਕ ਵਿੱਤੀ ਅਤੇ ਲੌਜਿਸਟਿਕਸ ਸਬੰਧੀ ਜਾਂਚ ਚਲ ਰਹੀ ਹੈ।

ਪ੍ਰਮੁੱਖ ਗ੍ਰਿਫਤਾਰੀਆਂ ਦਾ ਸੰਖੇਪ ਵੇਰਵਾ

• ਕੁੱਲ ਜ਼ਬਤ ਡਰੱਗਜ਼: 18.64 ਕਿਲੋਗ੍ਰਾਮ (ਇੱਕ ਕਾਰ ਤੋਂ 16.48 ਕਿਲੋਗ੍ਰਾਮ ਅਤੇ ਇੱਕ ਭਾਰੀ ਵਣਜ ਵਾਹਨ ਤੋਂ 2.16 ਕਿਲੋਗ੍ਰਾਮ)
• ਜ਼ਬਤ ਕੀਤੇ ਗਏ ਵਾਹਨ: ਅਸਾਮ ਵਿੱਚ ਰਜਿਸਟਰਡ ਇੱਕ ਹੁੰਡਈ ਕਰੇਟਾ, ਇੱਕ ਭਾਰੀ ਵਪਾਰਕ ਟਰੱਕ।
• ਕੁੱਲ ਗ੍ਰਿਫਤਾਰੀਆਂ: 3 ਸ਼ੱਕੀ (ਐੱਨਡੀਪੀਐੱਸ ਐਕਟ, 1985 ਦੇ ਤਹਿਤ ਗ੍ਰਿਫਤਾਰ)
• ਲੁਕਾਉਣ ਦੇ ਤਰੀਕੇ : ਟਰੱਕ ਵਿੱਚ ਆਰਟੀਫਿਸ਼ੀਅਲ ਫਿਊਲ ਟੈਂਕ ਕੈਵਿਟੀ ਅਤੇ ਗੁਪਤ ਬਾਡੀ ਚੈਂਬਰ

****

ਐੱਸਆਰ/ਕੇਐੱਮਐੱਨ/ਏਕੇ