ভারত লৈঙাক্কী স্কিল দিভেলপমেন্ত এন্ত ওন্ত্রপ্রিন্যুরসিপ মন্ত্রালয় (এম.এস.দি.ই.)গী লমজিং মখাদা লৈরিবা নেস্নেল স্কিল দিভেলপমেন্ত কোর্পোরেসন (এন.এস.দি.সি.), অমসুং কুল্তুস এজুকেসন্না এমেজোন ৱেব সর্ভিসেস (এ.দব্লিউ.এস.)কা খুৎশম্নরগা লৈবাক পুম্বগী ক্লাউদ অমসুং এ.আই. স্কিল্লিং ইনিসিএতিব অমা হৌনবা লাউথোকখ্রে। থৌশিল অসিনা এ.দব্লিউ.এস. দিজিতেল ত্রেনিং কন্তেন্তশিংগী খুত্থাঙদা মহৈ তম্লিবা মীওই ১৫০,০০০ দা ফাউন্দেস্নেল এ.আই. অমসুং ক্লাউদ লিতরেসী ফংহনগনি, অমসুং লনাই মীওইশিংবু ক্লাউদ কম্প্যুতিং স্কিল হৈহন্দুনা লোকেল এমপ্লোয়রশিংদা লৈরিবা থবক্কী খুদোংচাবশিংগা মরী শম্নহল্লিবা শেল তিংদবা, কোহোর্ত-বেজ ৱর্কফোর্স দিভেলপমেন্ত্ ত্রেনিং প্রোগ্রাম অমা ওইরিবা এ.দব্লিউ.এস. রি/স্তার্ত প্রোগ্রামগী খুত্থাঙদা মীওই ১০,০০০ দা ইন্তেন্সিব, জোব রেদী ত্রেনিং ফংহন্নবা পান্দম থম্লি। গ্রেজুএতশিংনা ক্বালিফাইদ ওইরবা ইন্তরভিউগী খুদোংচাবশিং ফংলি।

এন.এস.দি.সি. অমসুং কুলতুসনা এ.দব্লিউ.এস. রি/স্তারত অমসুং এ.দব্লিউ.এস. দিজিতেল ত্রেনিং কন্তেন্তনা ইনেবলমেন্ত প্রোগ্রাম ওইদুনা, মালেমগী ওইনা শকখঙনরবা তেক্নিকেল ত্রেনিংশিং মরাং কায়না ফংদবা, তেক্নোলোজী এমপ্লোয়রশিংগা মরী নীংথিনা লৈতবা, অমসুং ক্লাউদ অমদি এ.আই. রোলশিংদা হিদান্ননবা মথৌ তাবা ক্রিদেন্সিএলশিং লৈতবা য়াওনা, তিয়র ২ অমসুং তিয়র ৩ ময়োল্লমশিংদা লৈরিবা নহাশিংনা থেংনরিবা শিংনবশিংগী পাম্বৈ পুরক্লি। এন.এস.দি.সি.না খনগৎলবা দেলিভরী পার্ত্নর ওইরিবা কুল্তুসকী খুত্থাঙদা ওনলাইন্দা ফংহল্লিবা থৌশিল অসি স্তেত অমসুং তেরিতরী পুম্নমক্তা ফংহনগনি অমসুং চাকথুং ফিথুংদ্রবা ফুরুপশিংগী নহাশিংদা প্রাইওরিতী পীগনি। প্রোগ্রাম অসিদা নেস্নেল হেকাথোন অমসু য়াওরি।

ভারত লৈঙাক্কী স্কিল দিভেলপমেন্ত অমসুং ওন্ত্রপ্রিন্যুরসিকী রাজ্য মন্ত্রী (ইন্দিপেন্দেন্ত চার্জ) অমসুং মহৈ মশিংগী রাজ্য মন্ত্রী শ্রী জয়ন্ত চৌধরীনা হায়খি, “থৌশিল অসিদা খুদোংচাবা ফংবা হায়বসি লৈফম নৎত্রগা হৌরকফমগী মখা পোন্দবা ভিক্সিত ভারতকী মঙলানগী মমি তারি। ভারতনা ইনোভেসন, তেক্নোলোজী অমসুং তেলেন্তকী মালেমগী মফম অমা ওইরক্নবা চঙশিনবগা লোয়ননা, ঐখোয়গী তিয়র ২ অমসুং তিয়র ৩ ময়োল্লমশিংগী নহাশিংসু মশাবু তুংগী থবক্তা মথৌ তাগদবা স্কিলশিং লৈহঞ্জনবা খুদোংচাবা ফংহনবা হায়বসি তঙায় ফদবনি। অসিগুম্বা থৌশিল অসিনা ঐখোয়গী ভিক্সিত ভারত ২০৪৭ গী খোঙচত্তা মরুওইবা মফম কল্লিবা পুম্নমক কোনশিনবা, হৈথোই শিংথোইরবা অমসুং তুংগীদমক শেম শারবা ৱর্কফোর্স অমা শেমগৎপদা মরুওইবা থৌদাং লৌগনি।”

এ.দব্লিউ.এস. স্কিল্লিং এন্দ সোসিএল ইম্পেক্তকী এ.পি.জে.সি. লীদ রানী বর্চমোরনা হায়খি, “এ.দব্লিউ.এস. রি/স্তার্তনা ৱর্কফোর্সতা ‘নেত-নিউ’ তেলেন্ত পুশিলক্তুনা লনাই মীওইশিংদা ক্লাউদকী লমদা মশাগী করিয়র মায় পাক্না হৌদোকচনবা তাঞ্জা ফংহন্দুনা, লুপশিংদা দিমান্দ লৈবা তেলেন্ত ফংহন্দুনা মখোয়ী হিদান্নবগী খুদোংচাবা হেনগৎহন্দুনা, অমসুং মীয়ামবুনা খুমাঙ চাওশিলহন্নবা তাঞ্জা পীদুনা পুম্নমক্তা ইকান্দা কান্নমিন্নবা ফীভম অমা শেমগৎলি। তুংগী খেন্নবা মখলগী অচৌবা ক্লাউদ ৱর্কফোর্স অমা শেমগৎনবা, লুপশিংবু এ.দব্লিউ.এস. ক্লাউদকা লোয়ননা মখোয়গী ইনোভেসন খোঙজেল য়াঙখৎহন্নবগীদমক এস.এস.দি.সি. অমসুং কুল্তুস এজুকেসনগা থবক তৌমিন্নবদা ঐখোয়দা চাউথোকচবা পোকই।”

কুল্তুস এজুকেসনগী গ্রুপ মেনেজিং দাইরেক্তর নলিন সিংহনা হায়খি, “স্কিল্লিংগী তশেংবা ৱাহন্থোক্তি তম্লিবশিং অদু থাজবা, মশক তাকপা য়াবা অমসুং ৱাহন্থোক লৈবা করিয়রগী খুদোংচাবশিংদা ওন্থোক্লবরা হায়বসিদা লৈ। ঐখোয়না থম্লিবা পান্দমদি মালেমগী ওইনা চুনবা ক্লাউদ অমসুং এ.আই.স্কিলশিং অচৌবা মেত্রোশিংগী ৱাংমদা ফংহন্দুনা তম্বা অমসুং ত্রেনিংদগী সর্তিফিকেসন অমসুং এমপ্লোয়র কন্নেক্সন ফাওবগী মহৈনা লমজিংবা খোঙচৎ অমা শেমগৎপদুনি।”

থৌশিল অসি ভারত পুম্বদা, মরুওইনা চাকথুং ফিথুংদ্রবা অমসুং নৌনা মচিন তুমখৎলক্লিবা তেলেন্ত হবশিংদা লৈরিবা নহাশিংনা অৱাংবা থাক্কী তেক্নোলোজী ত্রেনিং পীদুনা অমসুং থবক্কী খুদোংচাবা ফংহন্দুনা ৱাহন্থোক লৈবা খুন্নাই অমসুং শেন্মিৎলোনগী শাফু শেমগৎনবা শেম শাবনি। মসিগী ১০০% ওনলাইন দেলিভরী মোদেলগী খুত্থাঙদা তিয়র ২ অমসুং তিয়র ৩ ময়োল্লমশিংগী মহৈ তম্লিবা মীওইশিংনা মেত্রোপোলিতন ময়োল্লমশিংদা চত্তনা ত্রেনিং ফংবা ঙমদুনা মালেমগী ওইনা শকখঙলবা ক্রিদেন্সিএলশিং অমসুং থবক্কী খুদোংচাবশিংগী ফাউন্দেস্নেল দিজিতেল লিতরেসীগী লম্বী শেমবা ঙমহনগনি।

মহৈ তম্লিবা মীওইশিংনা ওনলাইন রেজিস্ত্রেসন পোর্তেল অমগী খুত্থাঙদা মিং চনবা য়াগনি অমসুং মখোয়গী খোঙচৎ অদু এ.দব্লিউ.এস. দিজিতেল ত্রেনিং কন্তেন্তকা লোয়ননা হৌবা য়াগনি, মসিনা মখোয় মশাগী খোঙজেলদা য়ুম্ফম ওইবা এ.আই. অমসুং ক্লাউদ স্কিলশিং শেমগৎপদা মতেং পাংগনি। শেম-শাবা লৈরে হায়বা উৎলবা শরুক য়ারিবশিংনা এ.দব্লিউ.এস. রি/স্তার্ততা চংশিনবা য়াগনি, মসিনা ক্লাউদ ইনফ্রাস্ত্রকচর, সেক্যুরিতী, নেতৱর্কিং অমসুং এ.আই. ফন্দামেন্তেলশিংদা নিংথিনা শেম-শারবা, ওজানা লমজিংবা ত্রেনিং পীরি। হৈশিংলবা মেন্তরশিং অমসুং এক্রেদিতেদ ইন্সত্রক্তরশিংগী ঙাক্লৌগা লোয়ননা, শরুক য়ারিবশিংনা হকথেংননা উরিবা ফীভমদা য়ুম্ফম ওইবা লর্নিং, হেন্দ্স-ওন লেবশিং অমসুং কোর্সৱর্ক্কী খুত্থাঙদা প্রোগ্রামিং, নেতৱর্কিং, সেক্যুরিতী অমসুং রিলেস্নেল দেতাবেজশিংদা স্কিলশিং শেমগৎলি। গ্রেজুএতশিংনা ক্লাউদ কম্প্যুতিং স্কিলশিং মশক তাক্লিবা ইন্দস্ত্রীনা শকখঙলবা ক্রিন্দেন্সিএল অমা ওইরিবা এ.দব্লিউ.এস. সর্তিফিকেসন অমা ফংগনি — অমসুং লোকেল এমপ্লোয়রশিংগা শম্নহনবগী খুত্থাঙদা তশেংনা মতিক চারবা ইন্তরভ্যু ফংবগী খুদোংচাবসু ফংগনি। তম্বগী খোঙচৎ অসি শরুক য়ারিবশিংদা হাইয়রিং মেনেজরশিং, ইন্দস্ত্রী লূচিংবশিং অমসুং অতোপ্পা মরুওইবা স্তেকহোল্দরশিংগী মাঙদা মখোয়গী ক্লাউদ অমসুং এ.আই. সোল্যুসনশিং উৎনবা খুদোংচাবা অমা পীদুনা, নেস্নেল হেকাথোন অমদা লোইশিনগনি।

এস.দি.সি.গী চীফ ওপরেতিং ওফিসর প্রসান্ত সিন্হাসু লোঞ্চ তৌবগী থৌরমদুদা শরুক য়াখি।

***