PIB Backgrounder
ভারতকী স্পেস সোভরেন্তী (অন্তরিক্ষকী মনিং তম্বা) মপাঙ্গল কনখৎহনবা
ইন্নোবেসন অমসুং চাউখৎ-থৌরাং মাংলোমদা পুখৎপা
प्रविष्टि तिथि:
14 AUG 2026 4:13PM by PIB Imphal
ভারতনা স্পেসকী লুচিংবা ওইনবা থাংজিল্লিবা খোঙথাং
ভারতকী স্পেসকী খোঙচৎ অসি বেসিক কেপাসিতিশিং শেমগৎপদগী হৌদুনা মালেমগী থাক্তা চাংদম্নবা ঙম্বা, খ্বাইদগী নৌবা স্পেস তেক্নোলোজিশিং ফংহন্নবা ফাওবা খুমাং চাউশিল্লক্লে। হৌখিবা দিকেদ অসিদা, অহোংবশিংনা সেক্তর অসি প্রাইভেত এন্তর্প্রাইজ, স্তার্ত-অপশিং অমসুং মালেমগী পার্তনরশিপশিংগীদমক হাংদোকখ্রে। ভারতনা হৌজিক লোঞ্চ সীস্তেম, সেতলাইত, স্পেস এপ্লিকেসনশিং অমসুং হ্যুমেন স্পেসফ্লাইতকী মায়কৈদা মহাক্কী মতিকশিং পাকথোক-চাউথোকহল্লি। ভারতনা ৮০শুবা নিংতম্বা নুমীৎ পাংথোক্লিবা অসিদা, মসিগী স্পেসকী পান্দম অসিনা স্পেসকী তুংগী ফীভম শেমগৎলিবা থাজবা লৈবা অমসুং মশানা-মরোমদোম লেপচবা ঙম্বা লৈবাক অমা ওইনা উৎলি।
· ভারতকী স্পেস ইকোসীস্তেম অসি য়াম্না থুনা পাকথোক-চাউথোক্লে, রেজিস্তার তৌবা স্পেস স্তার্ত-অপশিং ২০১৪ দা ১ খক্তা লৈরমবদগী ২০২৬ (অগস্ত ফাওবা) দা ৪৪০ রোম য়ৌখ্রে।
· পাকথোক-চাউথোক্লিবা ইকোসীস্তেম অসিনা অগস্ত ২০২৬ ফাওবদা য়ু.এস.দি. বিলিয়ন ৯ রোমগী ভেল্যু লৈবা ভারতকী স্পেস ইকোনোমি মপাঙ্গল কনখৎহল্লি। লাক্কদৌরিবা দিকেদ অসিদা মসি য়ু.এস.দি. বিলিয়ন ৪০-৪৫ ফাওবা য়ৌগনি হায়না পানরি।
· ভারতকী স্পেস সেক্তরদা প্রাইভেতকী শেন্থং থাদবা অসি চাউরাক্না শরুক তরুক হেনগৎখ্রে, ২০২১-২২ দা য়ু.এস.দি. মিলিয়ন ১০০.৫ লৈরমবদগী মার্চ ৩১, ২০২৬ ফাওবদা য়ু.এস.দি. মিলিয়ন ৬১৮.৫ য়ৌখ্রে, অমসুং ২০২৬ খক্তদা য়ু.এস.দি. মিলিয়ন ১৮৭ রোমগী শেন্থং থাদখ্রে।
· ২০২৬ ময়াই চল্লকপদা, নন-গভর্নমেন্ত এন্তিতিশিং (NGEs) ৫২ দা ওথোরাইজেসন ১১৩ ফংহনখ্রে, মসিগী মনুংদা ১৮ দি সেতলাইত ওপরেসন, পেলোদ শেমগৎপা অমসুং লোঞ্চ সর্ভিসকীদমক স্তার্ত-অপশিংনি।
|
দি আর্থ ওবজার্ভেসন পব্লিক-প্রাইভেত পার্তনরশিপ (EO-PPP)
ই.ও.-পি.পি.পি. (EO-PPP) অসি ইন-স্পেস (IN-SPACe) না হৌদোকপা পব্লিক-প্রাইভেত ফ্রেমৱার্ক অমনি। মসিনা সরকারগী মিৎয়েং অমসুং প্রাইভেত ইন্দস্ত্রি পুনশিনহল্লি মদুনা ভারতকী অহানবা প্রাইভেতনা মপু ওইবা আর্থ ওবজার্ভেসন সেতলাইত কন্সতেলেসন শেমগৎনবা, মসিদা লুপা করোর ১,২০০ রোমগী প্রাইভেত ইনভেস্তমেন্তকী থাজবা পীরি।
|
· ভারতকী হেনগৎলক্লিবা লোঞ্চ কেপাসিতিনা মালেমগী দিমান্দ চিংশিল্লি, মীরৈবাক্কী সেতলাইত লোঞ্চ তৌবা ২০১৪ মমাংদা ৩৫ লৈরমবদগী জনুৱারি ২০২৬ ফাওবদা ৩৯৯ ফাওবা হেনগৎখ্রে।
- ভারতকী গ্লোবেল পার্তনরশিপশিংনা মসিগী স্পেস লুচিংবা ওইবগী পাঙ্গল কনখৎহল্লি, লৈবাক ৬১ অমসুং মলতিলেতরেল ওর্গানাইজেসন ৫দা স্পেস কোওপরেসন এগ্রিমেন্ত ৩০০+ লৈরে, মসিদা রিসর্চ, তেক্নোলোজি, জোইন্ত মিসন অমসুং কেপাসিতি বিলদিং য়াওরি।
স্ত্রেতেজিক এক্সনগী খুত্থাংদা রিফোর্মশিং মায়পাকহনবা
ভারতকী স্পেস রিফোর্মশিং অসিনা প্রাইভেতনা শরুক য়াবা, শেন্থং থাদবা, ইন্নোবেসন অমসুং তেক্নোলোজিনা লমজিংবা চাউখৎ-থৌরাংগীদমক য়াম্না ফবা ফীভম অমা শেম্লে। খোঙথাংশিং অসিনা সেক্তর অসিবু সরকারনা লমজিংবা স্পেসকী থবক-থৌরমশিংদগী হেন্না পাকথোক-চাউথোকহনখ্রে।
· ভারতনা ২০২০ দা স্পেস সেক্তর অসি প্রাইভেতকী শরুক য়ানবা হাংদোকখি, মদুনা সেতলাইত, লোঞ্চ সীস্তেম অমসুং স্পেস এপ্লিকেসনশিংদা ইন্দস্ত্রি অমসুং স্তার্ত-অপশিংদা কান্নবা ফংহনখি। মসিনা লৈবাক্কী পাক-চাউরবা স্পেস ইকোসীস্তেম অমগী মায়কৈদা অচৌবা অহোংবা অমা পুরকখি।
· ইন্দিয়ন স্পেস পোলিসি ২০২৩না স্পেস ভেল্যু চেন পুম্নমক্তা প্রাইভেতনা শরুক য়াবা হেনগৎহনখি। মসিনা ন্যুস্পেস ইন্দিয়া লিমিতেদ (NSIL) অমসুং ইন্দিয়ন নেস্নেল স্পেস প্রমোসন এন্দ ওথোরাইজেসন সেন্তর (IN-SPACe) গী থৌদাং অমসুং মথৌশিং ময়েক শেংনা লেপখি।
· ইসরো (ISRO) গী কমর্সিয়েল ওইবা শরুক ওইরিবা এন.এস.আই.এল. (NSIL) না লোঞ্চ, সেতলাইত অমসুং স্পেসকী সর্ভিসশিং পীরি অমসুং ইসরোগী তেক্নোলোজিশিং ভারতকী ইন্দস্ত্রিদা পীথোক্লি। মসিগী শেন্থোক অসি এফ.ৱাই. (FY) ২০২১-২২ দা লুপা করোর ৩২১.৭৭ লৈরমবদগী এফ.ৱাই. ২০২৪-২৫ দা লুপা করোর ৩,০০০দগী হেন্না ৱাংখৎলক্লে, মসি ভারতকী স্পেস প্রোগ্রামগী কমর্সিয়েলাইজেসন হেনগৎলকপা উৎলি।
· ঙসি ফাওবদা, এন.এস.আই.এল.না ইসরো/দিপার্তমেন্ত ওফ স্পেসনা শেমগৎপা তেক্নোলোজি ৮৩ ভারতকী ইন্দস্ত্রিদা পীথোক্নবা তেক্নোলোজি ত্রান্সফর এগ্রিমেন্ত ১১৮ খুয়েক পীনখ্রে।
· ইন-স্পেস (IN-SPACe)না সিঙ্গেল-ৱিন্দো মেকানিজমগী খুত্থাংদা প্রাইভেত স্পেস এক্তিবিতিশিং মায়পাকহল্লি। মসিনা ৩১ জনুৱারি ২০২৬ ফাওবদা ইসরোগী তেক্নোলোজি ৭১ ইন্দস্ত্রি অমসুং স্তার্ত-অপশিংদা পীথোকপদা মতেং পাংখ্রে।
· ফেব্রুৱারি ২০২৪ দা স্পেস সেক্তরগীদমক ফোরেন দাইরেক্ত ইনভেস্তমেন্ত (FDI) কাংলোনশিং লাইথোকহনখি। সেতলাইত মেনুফেকচরিং অমসুং ওপরেসনশিংগীদমক ৭৪% ফাওবা এফ.দি.আই. ওতোমেতিক ওইনা য়াহনখ্রে, লোঞ্চ ভেহিকল অমসুং স্পেসপোর্তশিংগীদমক ৪৯%, অমসুং সেতলাইত অমসুং গ্রাউন্দ-সেগমেন্ত কম্পোনেন্তশিংগীদমক ১০০% য়াহনখ্রে।
· নোর্মস, গাইডলাইন্স অমসুং প্রোসিজরশিং (NGP) ২০২৪ না ময়েক শেংবা ওথোরাইজেসন অমসুং কমপ্লায়েন্স মথৌ তাবশিং শেমখ্রে। ফ্রেমৱার্ক অসিনা ললোন-ইতিক তৌবদা লাইহনবা অমসুং রেগুলেতোরিগী থাজবা হেনগৎহল্লি।
· তার্গেতেদ ফাইনান্সিংনা ভারতকী প্রাইভেত স্পেস ইকোসীস্তেম মপাঙ্গল কনখৎহল্লি। ইন-স্পেস সীদ ফন্দ স্কিমনা হৌগৎলক্লিবা স্পেস স্তার্ত-অপশিংদা মতেং পাংই, লুপা করোর ১,০০০ গী ভেঞ্চর কেপিতেল ফন্দনা গ্রোথ কেপিতেল পীরি, অমসুং লুপা করোর ৫০০ গী তেক্নোলোজি এদোপসন ফন্দনা স্পেস তেক্নোলোজিশিং পাক-শন্না শীজিন্নবদা মতেং পাংই। মসিগী মথক্তা, সেতলাইত বস এজ এ সর্ভিস (SBaaS) স্কিমনা সেতলাইত বসকী মতিকশিং শেমগৎনবা লুপা করোর ৭৫ খাকখ্রে।
অহোংবা অসিদা হেন্না চাংদম্নবা ঙম্বা অমসুং দাইনামিক স্পেস ইকোসীস্তেম অমা শেমগৎলি। মখোয়না ভারতকী ইন্দস্ত্রি অমসুং স্তার্ত-অপশিংবু স্পেস ভেল্যু চেন শিনবা থুংনা থৌদাং লৌনবা মতিক লৈহল্লি।
স্পেসকী মতিক পৃথিবীগী ৱাংমদা য়ৌবা
ভারতকী স্পেস প্রোগ্রাম অসি সেতলাইত শেমগৎপদগী হৌদুনা থা, মার্স অমসুং সোলার সীস্তেমদা য়াম্না লুরবা মিসনশিং ফাওবা চাউখৎলে। মাইপাকপশিং অসিনা এক্সপ্লোরেসন, নেভিগেসন, সাইন্স অমসুং এদভান্স স্পেস ওপরেসনশিংদা হেনগৎলক্লিবা মতিক-ময়াই উৎলি।
মীপাল তাংদনা মশানা-মরোমদোম লেপচবা ঙম্বা স্পেস ত্রান্সপোর্তেসন
· ভারতনা মশাগী লমদম অসিদা মশানা শাজবা লোঞ্চ ভেহিকল মরি শীজিন্নবা হৌখ্রে: পোলার সেতলাইত লোঞ্চ ভেহিকল (PSLV), জিওসিঙ্ক্রোনস সেতলাইত লোঞ্চ ভেহিকল (GSLV), জিওসিঙ্ক্রোনস সেতলাইত লোঞ্চ ভেহিকল মার্ক ৩ (GSLV Mk III), অমসুং স্মোল সেতলাইত লোঞ্চ ভেহিকল (SSLV)।
· লোঞ্চ ভেহিকলশিং অসিনা লৈবাক্কী অমসুং মালেমগী কস্তমরশিংগী কমর্সিয়েল লোঞ্চশিংগী মথক্তা আর্থ ওবজার্ভেসন, কম্ম্যুনিকেসন, নেভিগেসন, স্পেস সাইন্স অমসুং এক্সপ্লোরেসন্দা মতেং পাংই।
· হৌখিবা চহি অহুম অসিদা (জুলাই ২০২৩ দগী জুন ২০২৬ ফাওবা), ভারতনা লোঞ্চ ভেহিকল মিসন ১২ মায়পাক্না লোইশিনখ্রে, মসিদা নেস্নেল সেতলাইত ১১ অমসুং ইন্তরনেস্নেল কস্তমরশিংগী সেতলাইত মাপল পুখৎখি।
|
ভারতনা মসাগী লোঞ্চ কেপাসিতি পাকথোক-চাউথোকহল্লি
ভারতনা মসাগীলো ইনফ্রাস্ত্রকচর মপাঙ্গল কনখৎহল্লি মদুনা হেনগৎলক্লিবা নেস্নেল অমসুং কমর্সিয়েল স্পেস দিমান্দ ফংহন্নবা। শ্রীহরিকোতাদা হৌজিক ওপরেস্নেল লোঞ্চ পেদ অনি লৈরি, অদুগা অহুমশুবা অমা নেক্স-জেনেরেসন লোঞ্চ ভেহিকলশিংগীদমক লিংখৎলি। তামিল নাদুগী কুলাসেকারাপত্তিনামসু স্মোল সেতলাইত লোঞ্চ ভেহিকল (SSLV) অমসুং প্রাইভেত-সেক্তর লোঞ্চশিংগীদমক ভারতকী অনিশুবা রোকেত লোঞ্চ সাইত ওইনা থোরক্লি। অপুনবা ওইনা, ফেসিলিতিশিং অসিনা লোঞ্চ কেপাসিতি, ফ্রিক্বেন্সী অমসুং ওপরেস্নেল ফ্লেক্সিবিলিতি পাকথোক-চাউথোকহনগনি, মদুনা ভারতপু চাংদম্নবা ঙম্বা গ্লোবেল স্পেস-লোঞ্চ হব অমা ওইনবা মফম অমা কনবদা হেন্না কনখৎহনগনি।
|
লুনার এক্সপ্লোরেসন (থা থিজিনবা) — চন্দ্রয়ান প্রোগ্রাম
· চন্দ্রয়ান-১ (২০০৮) অসি ভারতকী অহানবা থাগী মিসন ওইখি অমসুং থাগী মমাংদা ৱাতর মোলিক্যুলস অমসুং হাইদ্রোক্সিল ফংখি। মসিনা ভারতপু মালেমগী লুনার সাইন্সতা অচৌবা থৌদাং লৌবা অমা ওইহনখি।
· চন্দ্রয়ান-২ (২০১৯) না ১০০ কি.মি. ৱাংবদগী থবক তৌখি অমসুং ৩০ সি.এম. রেজোল্যুসন ফাওবা লুনার ইমেজশিং লৌখি, মসি লুনার ওর্বিতর প্লেতফোর্মদগী হৌজিক ফাওবগী খ্বাইদগী ৱাংবা রেজোল্যুসন ওপ্তিকেল ইমেজশিংনি।
· চন্দ্রয়ান-৩ (২০২৩) না ভারতপু থাগী খা-থংবা পোলগী নক্নবা মফমদা সোফ্ত-লেন্দ তৌবা অহানবা লৈবাক অমসুং থাদা সোফ্ত-লেন্দ তৌবা মরিশুবা লৈবাক ওইহনখি।
|
তুংগী লুনার মিসনশিং
চন্দ্রয়ান-৪, মিসন অসিনা থাদগী সেম্পল লৌবা, থাগী মমাংদগী মথকলোমদা কারকপা অমসুং সেম্পল অদু মালেমদা অমুক পুরকপা উৎখিগনি। মিসন অসিগী থৌরাং তৌরিবা মতমদি ২০২৭ নি।
চন্দ্রয়ান-৫/লুপেক্স (LUPEX), ইসরো (ISRO)-জাক্সা (JAXA) পুন্না তৌবা মিসন অমা ওইনা, থাগী খা-থংবা পোল রিজনগী নক্নবা মফমদা লুনার ৱাতর য়াওনা লুনার ভোলাতাইলশিং নৈনগনি।
|
থাগী ৱাংমদা: মার্স, নুমিৎ অমসুং দীপ স্পেস
· মার্স ওর্বিতর মিসন (মঙ্গলয়ান) অসি ২৪ সেপ্তেম্বর ২০১৪ দা মার্সকী ওর্বিত্তা চংহনখি, মসিনা ভারতকী অহানবা ইন্তরপ্লেনেতরি মিসন ওইহনখি। স্পেসক্রাফ্ত অসিনা চহি ৮ দগী হেন্না থবক তৌখি, মসিগী থৌরাং তৌখিবা থা তরুক্কী মিসন অদুদগী য়াম্না হেনখি।
· এস্ত্রোসেত (AstroSat), ভারতকী অহানবা তোখাইবা এস্ত্রোনোমি মিসন অসিনা এক্স-রে, ওপ্তিকেল অমসুং য়ু.ভি. (UV) স্পেকত্রেল বেন্দশিংদা সেলেস্তিয়েল সোর্সশিং পুন্না নৈননবা পান্দম থমখি।
· অদিত্য-এল.১ (Aditya-L1) (২০২৩) অসি নুমিৎ নৈননবা ভারতকী অহানবা স্পেসতা য়ুম্ফম ওইবা মিসননি, মসি পঋথিবীদগী কি.মি. মিলিয়ন ১.৫ রোম লাপ্পা সন-আর্থ এল১ (L1) পোইন্ততা থম্লি। ২৭ তি.বি. দগী হেনবা সোলার দেতা মীয়ামদা ফোংখ্রে।
· জনুৱারি ২০২৪ দা থাগৎখিবা এক্সপোসেত (XPoSat) না এক্স-রে পোলরাইজেসন এস্ত্রোনোমিদা ভারতকী মতিক-ময়াই পাকথোক-চাউথোকহনখি। মসিনা এক্সত্রিম কোস্মিক সোর্সশিংগী মতাংদা কুপ্না নৈনবা ঙমহল্লি।
· স্পেস দোকিং এক্সপেরিমেন্ত (SPADEX), জনুৱারি ২০২৫ না ভারতপু ওতোনোমস স্পেস দোকিং অমসুং অন্দোকিং উৎপা ঙম্বা মরিশুবা লৈবাক ওইহনখি।
এক্সিওম-৪ (Axiom-4): হ্যুমেন স্পেসফ্লাইতকী মতিকশিং মাংলোমদা পুখৎপা
· ২৫ জুন ২০২৫ দা থাগৎখিবা এক্সিওম-৪ মিসনদা আই.এস.এস. (ISS) তা খোঙচৎ চৎখিবা ভারতকী অহানবা এস্ত্রোনোত, গ্রুপ কেপ্তেন সুভান্সু সুক্লানি। মহাক্না শরুক য়াখিবা অসিনা ভারত্তা হ্যুমেন স্পেসফ্লাইত অমসুং মাইক্রোগ্রেভিতি রিসর্চতা য়াম্না মরুওইবা এক্সপেরিয়েন্স ফংহনখি।
· এক্সিওম-৪ অসি ১৫ জুলাই ২০২৫ দা মায়পাক্না লোইশিনখি, মসিনা গগনয়ান য়াওনা তুংগী ক্রু য়াওবা মিসনশিংগীদমক ভারতকী ওপরেস্নেল এক্সপেরিয়েন্স মপাঙ্গল কনখৎহনখি।
নাভিক (NavIC) — ভারতকী লমদম অসিগী মশাগী মশানা শাজবা নেভিগেসন সীস্তেম
· নেভিগেসন ৱিথ ইন্দিয়ন কন্সতেলেসন (NavIC) না ভারত শিনবা থুংনা অমসুং মসিগী ঙমখৈদগী কি.মি. ১,৫০০ ফাওবগী মপান্দা পোজিসনিং, নেভিগেসন অমসুং তাইমিং ফংহল্লি। মসিনা ভারতকী নেভিগেসন ওতোনোমি মপাঙ্গল কনখৎহল্লি অমসুং স্ত্রেতেজিক অমসুং সিভিলিয়ন এপ্লিকেসনশিংদা মতেং পাংই।
· অহানবা অনিশুবা-মীরোলগী নাভিক সেতলাইত অনি, এন.ভি.এস.-০১ (NVS-01) অমসুং এন.ভি.এস.-০২ (NVS-02), মথংশিৎনা মে ২০২৩ অমসুং জনুৱারি ২০২৫ দা থাগৎখি।
· এন.ভি.এস.-০৩ (NVS-03)দি থাগৎনবা শেম-শারে, অদুগা এন.ভি.এস.-০৪ (NVS-04) অমসুং এন.ভি.এস.-০৫ (NVS-05) দি শেমগৎলি। অনিশুবা-মীরোলগী সেতলাইতশিং অসিনা সীস্তেমগী রিলাইয়েবিলিতি অমসুং কন্তিন্যুইতি হেনগৎহনগনি।
· নাভিক অসি পাৱর-গ্রিদ সিঙ্ক্রোনাইজেসন, রিএল-তাইম ত্রেন ত্রেকিং, আধার জিও-তেগিং অমসুং মোবাইল চিপসেতশিংদা ইন্তিগ্রেত তোরি।
· মসি শিজিন্নবা অসিনা মরুওইবা ইনফ্রাস্ত্রকচর অমসুং নুমিৎ খুদিংগী সর্ভিসশিংদা সেতলাইততা য়ুম্ফম ওইবা পোজিসনিং পাকথোক-চাউথোকহল্লি।
ভারতকী পাকথোক-চাউথোক্লিবা মতিকশিং অসিনা স্পেস সাইন্স অমসুং এক্সপ্লোরেসন্দা অনৌবা পনখৈশিং হাংদোক্লি।
মখোয়না লৈবাক অসিগী তেক্নোলোজিগী মতিক অমসুং স্পেসতা মালেমগী থাক্তসু মপাঙ্গল কনখৎহল্লি।
ভারতকী তুংগী স্পেস খোঙচৎ
ভারত অসি হ্যুমেন স্পেসফ্লাইত, দীপ-স্পেস এক্সপ্লোরেসন অমসুং এদভান্স স্পেস ইনফ্রাস্ত্রকচরগী অনৌবা তাঙ্কক অমদা চংশিল্লি। লাক্কদৌরিবা মিসনশিং অসিনা মীওইবনা লেপ্তনা লৈবা ঙম্বা অমসুং লুরবা ওর্বিতেল ওপরেসনশিংগীদমক মতিকশিং শেমগৎকনি।
· গগনয়ান হ্যুমেন স্পেসফ্লাইত প্রোগ্রাম অসি জনুৱারি ২০১৯ দা অয়াবা পীখি। মসিগী স্কোপ অসি পাকথোক-চাউথোকহনখি অমসুং সেপ্তম্বর ২০২৪ দা অপুনবা মিসন ৮ — ভারতকী অন্তরিক্ষ স্তেসন (BAS-01) গী প্রিকর্সর ফ্লাইতশিং য়াওনা — অপুনবা শেনফম লুপা করোর ২০,১৯৩ দা শেমদোকখি।
· মসিনা ভারতকী এস্ত্রোনোত ৩গী ক্রু অমা নুমিৎ হুম্নিগী মিসনগীদমক ৪০০-কি.মি. ওর্বিত্তা থাগৎনবা পান্দম থম্লি।
· ব্যোমমিত্র (Vyommitra) হাফ-হ্যুমেনোয়দ য়াওনা তোঙান-তোঙানবা তেক্নোলোজিশিং চাংয়েং তৌনবা অহানবা মী য়াওদবা এক্সপেরিমেন্তেল মিসন অসি ২০২৬ কী অরোইবা শরুক্তা (Q4) পাংথোক্নবা পান্দম থম্লি। মী য়াওবা মিসন অসি ২০২৭ ফাওবদা পাংথোক্নবা পান্দম থম্লি।
· ভারতনা থৌরাং তৌরিবা মোদ্যুল-মঙাগী স্পেস স্তেসন ভারতীয় অন্তরিক্ষ স্তেসন (BAS)। মসি ২০৩৫ ফাওবদা ওপরেস্নেল ওইনবা পান্দম থম্লি, মসিদা বি.এ.এস.-০১ (BAS-01) দি ২০২৮ ফাওবদা থাগৎনবা থৌরাং তৌরি। মসিনা মতম শাংনা চত্থবা হ্যুমেন স্পেসফ্লাইত, মাইক্রোগ্রেভিতি রিসর্চ অমসুং এদভান্স স্পেস ওপরেসনশিংদা মতেং পাংগনি।
· স্পেদেক্স-২ (SPADEX-2) অমসুং স্পেদেক্স-৩ (SPADEX-3): মিসনশিং অসি তুংগী চন্দ্রয়ান-৪, গগনয়ান অমসুং বি.এ.এস. (BAS) মিসনশিংগীদমক ওর্বিতেল দোকিং তেক্নোলোজিশিং মাংলোমদা পুখৎনবা নৈনরি। মখোয়না স্পেসক্রাফ্ত দোকিং, সেম্পল ত্রান্সফর, ক্রু ত্রান্সফর অমসুং পাৱর, ফ্লুইদ অমসুং প্রোপেল্লান্ত ত্রান্সফরগুম্বা মতিকশিং লৈহনগনি।
· ভেনস ওর্বিতর মিসন: মার্চ ২০২৮ দা থাগৎনবা পান্দম থম্লি, মিসন অসিনা ভেনসকী জিওলোজি, এত্মোস্ফিয়র অমসুং আইওনোস্ফিয়র নৈনগনি। মসিনা এদভান্স এরোব্রেকিং অমসুং থর্মেল-মেনেজমেন্ত তেক্নোলোজিশিং উৎকনি।
|
ভারতকী নেক্স জেনেরেসন স্পেসকী মতিক-ময়াইশিং শেমগৎলিবা এদভান্স তেক্নোলোজিশিং
ইসরো (ISRO)না ২০০-তোন থ্রস্তকী সেমি-ক্রায়োজেনিক ইঞ্জিন অমা শেমগৎলি। মসিনা হেন্না পাঙ্গল লৈবা লোঞ্চ ভেহিকলশিং অমসুং অৱাংবা পেলোদ কেপাসিতি লৈহনগনি।
লোঞ্চ ভেহিকল মার্ক-৩ (LVM3)গীদমক সেমি-ক্রায়োজেনিক বুস্তর স্তেজ অমা শেমগৎলি। মসিনা এল.ভি.এম.৩ (LVM3) গী পেলোদ পুবা ঙম্বগী মতিক-ময়াই য়াম্না হেনগৎহনগনি।
ইসরো (ISRO)না ভর্তিকেল তেক-ওফ অমসুং ভর্তিকেল লেন্দিং (VTVL) তেক্নোলোজি শীজিন্নদুনা বুস্তর অমুক ফংবা উৎলি। মসিনা রোকেত-স্তেজ অমুক শীজিন্নবা য়াহনগনি অমসুং তুংগী লোঞ্চকী মমল হন্থহনগনি।
ইসরো (ISRO)না এল.ও.এক্স.-মিথেন (LOX-Methane) প্রোপলসন শিজিন্নদুনা শরুক খরা অমুক শিজিন্নবা য়াবা নেক্স জেনেরেসন লোঞ্চ ভেহিকল (NGLV) অমা শেমগৎলি। মসিনা হেন্না ফবা পেলোদ কেপাসিতি ফংহনগনি অমসুং তোইনা, মমল হোংনা লোঞ্চ তৌবদা মতেং পাংগনি।
ইসরো (ISRO)না রিয়ুজেবল লোঞ্চ ভেহিকল (RLV) প্রোগ্রামগীদমক মশা পানবা ৱিঙ্গদ ওর্বিতেল রি-এন্ত্রী ভেহিকল অমা শেমগৎলি। মসিনা অমুক শিজিন্নবা য়াবা স্পেস ত্রান্সপোর্তেসনগীদমক ওর্বিতেল রি-এন্ত্রী অমসুং রনৱে লেন্দিং উৎখিগনি।
ইসরো (ISRO)না এয়র-ব্রেদিং প্রোপলসন অমসুং তেক্নোলোজি দেমোন্সত্রেতর ভেহিকল অমা শেমগৎলি। তেক্নোলোজি অসিনা হেন্না মতিক চাবা এত্মোস্ফেরিক ফ্লাইত অমসুং এদভান্স রিয়ুজেবল লোঞ্চ সীস্তেমশিং লৈহনবা ঙমগনি।
|
মথংগী তাঙ্কক অসিনা হ্যুমেন স্পেসফ্লাইত, প্লেনেতরি এক্সপ্লোরেসন অমসুং এদভান্স স্পেস তেক্নোলোজিদা ভারতকী থৌদাং মপাঙ্গল কনখৎহনগনি। থৌরাংশিং অসিনা ভারতপু মালেমগী মাংজিল থাবা স্পেস পাৱর অমা ওইনবা মহাক্কী পান্দমদা মতেং পাংগনি।
রিফরেন্সশিং
দিপার্তমেন্ত ওফ স্পেস
সাইন্স আমসুং তেক্নোলোজী মন্ত্রালয়
পি.আই.বি. বেকগ্রাউন্দর
লোক সভা
ইন্দিয়ন স্পেস রিসর্চ ওর্গনাইজেসন
উপ রাস্ত্রপতিগী সেক্রেতরিয়েত
প্রধান মন্ত্রীগী লোইশঙ
পি.দি.এফ. ফাইলগীদমক্তা অসিদা ক্লিক তৌবীয়ু।
****
(रिलीज़ आईडी: 2301337)
आगंतुक पटल : 12