আই.সি.তি.শিংদা ব্রিক্স ৱার্কিং গ্রুপ ফোর কোওপরেসনগী ৭শুবা মীফম হৌখিবগা লোয়ননা ভারতকী ব্রিক্স চেয়রশিপকী মখাদা পুনেদা ঙসি ইনফোর্মেসন অমসুং কম্ম্যুনিকেসন তেক্নোলোজীশিংগী লমদা ব্রিক্স ত্রেক ওন কোওপরেসনগী মীফম হৌখ্রে।

মীফমশিং অসি হৌদোক্লদুনা, তেলিকম্ম্যুনিকেসন দিপার্তমেন্তকী সেক্রেতরী শ্রী অমিত আগরৱালনা মীহুৎ কাংবুশিংবু তরাম্না ওকখি অমসুং ভারতকী চেয়রশিপকী মখাদা আই.সি.তি. ত্রেক্কী থিম - “মপাঙ্গল কনবা তুংলমচৎ অমগীদমক ইন্নোবেৎ, কোওপরেৎ, অমসুং ত্রান্সফোর্ম (আই.সি.তি.)” অমসুং মাগী য়ম্বীশিং অদু থমখি। শরুক য়ারিবা মেম্বর লৈবাক খুদিংমক্না হৌদোকপগী ৱারোল পীখি।

থৌরম অদুদা তেলিকম্ম্যুনিকেসন দিপার্তমেন্তকী সেক্রেতরী শ্রী অমিত আগরৱালনা হায়খি, “ঙসিগী উরেপ-উয়ুং তমখিবা অসিনা ব্রিক্স আই.সি.তি.ত্রেক্কী মখাদা এঙ্গেজমেন্তগী মরু ওইবা চয়োল অমগী অহৌবা ওইরি। চহি অসিগী অঙনবা শরুক্তা ভারতনা ব্রিক্স আই.সি.তি. ত্রেক্কী চেয়রশিপ হৌরকপদগী, ঐখোয়না মথং-মনাও নাইনা ৱার্কিং গ্রুপকী মীফমশিং, থিমেতিক ৱেবিনারশিং, কন্সেপ্ত নোৎশিংগী মতাংদা খন্ন-নৈনবা অমসুং এক্সপর্তশিং অমসুং ওফিসিএলশিংগী মরক্তা চাং নাইনা ৱারী শানবগী থোংদা পুন্না থবক তৌমিন্নরি। হায়রিবা এঙ্গেজমেন্তশিং অসিনা ঐখোয়দা এক্সপরিয়েন্সশিং শেয়র তৌনবা, ঐখোয়গী প্রাইওরিতিশিংগী মতাংদা কমন ওইবা ৱাখল্লোন অমা শেম্নবা অমসুং ঙসি ঐখোয়গী মমাংদা লৈরিবা এজেন্দা অসি পুন্না শেমগৎনবা খুদোংচাবা পীরি”।

ব্রিক্স ইন্সতিত্যুৎ ওফ ফ্যুচর নেৎৱার্ক্কী কাউন্সিলনা নুমিৎ অদুদা উনখি অমসুং আর্তিফিসিএল ইন্তেলিজেন্স, নেক্স জেনরেসন কম্ম্যুনিকেসন, ইন্দস্ত্রী ৪.০দা ইন্তর্নেত এপ্লিকেসনশিং অমসুং ইলেক্ত্রোমেগ্নেতিক ফিল্দ এক্সপোজরগী মতাংদা স্তদী গ্রুপশিংদগী অপদেৎশিংগা লোয়ননা দেজিগনেতেদ নেস্নেল ব্রাঞ্চশিংগী থবক থৌরমশিং য়েংশিনখি।

মসিগী মতুংদা ৱার্কিং গ্রুপ অসিনা ইস্যু নোৎকী প্রাইওরিতীশিং, চেয়রশিপ অদুনা লেপখিবা অমসুং পিল্লর খুদিংমক্কী মখাদা খন্ন-নৈনবগী ৱাহংশিং অমসুং সর্ভে ক্বেস্নিয়রদা মেম্বর লৈবাকশিংদগী ফংবা পাউখুমশিংগী কমপাইলেসন অমা লৌখৎখি। মেম্বর লৈবাকশিংনা পীশিল্লকপা কন্সেপ্ত নোৎশিং অদু খন্ন-নৈনবগীদমক লৌখৎখি।

মীফমশিং অসি হয়েং দিজিতেল পব্লিক ইনফ্রাস্ত্রকচরগী ফোকস গ্রুপকী মীফম অমসুং দিজিতেল ব্রিক্স তাস্ক ফোর্সকী মীফমগা লোয়ননা মখা চত্থগনি।

****