যোগাযোগ আৰু তথ্য প্ৰযুক্তি মন্ত্ৰালয়
ইউ পি আইৰ চালিত পোষ্টট্ৰান্সফাৰৰ ওপৰত ভিত্তি কৰি কাটাৰ-ভাৰত ডাক ৰেমিটেন্স সেৱা এতিয়া কাটাৰ পোষ্ট আউটলেটৰ জৰিয়তে উপলব্ধ
নতুন ডিজিটেল ডাক ৰেমিটেন্স সেৱাই কাটাৰৰ পৰা ভাৰতলৈ ধন প্ৰেৰণ কৰাটো দ্ৰুত, সুৰক্ষিত আৰু সহজ কৰি তুলিছে
प्रविष्टि तिथि:
17 AUG 2026 4:20PM by PIB Guwahati
ইউ পি আই চালিত পোষ্টট্ৰান্সফাৰৰ ওপৰত ভিত্তি কৰি কাটাৰ-ভাৰত ৰেমিটেন্স সেৱা এতিয়া উপলব্ধ, যাৰ ফলত কাটাৰৰ গ্ৰাহকে কাটাৰ পোষ্টৰ আউটলেটৰ জৰিয়তে ভাৰতৰ ইউ পি আই সক্ষম বেংক একাউণ্টলৈ পোনপটীয়াকৈ ধন প্ৰেৰণ কৰিব পাৰিব।
কাটাৰ পোষ্ট, ইণ্ডিয়া পোষ্ট, ইউনিভাৰ্চেল ডাক সংঘৰ আন্তঃসংযোগ প্লেটফৰ্ম (ইউ পি ইউ-আই পি) আৰু এনপিচিআই ইণ্টাৰনেশ্যনেল পেমেণ্টছ লিমিটেড (এন আই পি এল)ৰ সহযোগত এই সেৱা বিকশিত কৰা হৈছে। এই পদক্ষেপে ভাৰতৰ ডিজিটেল ৰাজহুৱা আন্তঃগাঁথনিৰ সৈতে পোষ্ট নেটৱৰ্কৰ বিস্তৃত প্ৰসাৰক একত্ৰিত কৰাৰ লগতে সীমা অতিক্ৰম কৰি ৰেমিটেন্সৰ বাবে এক কাৰ্যক্ষম আৰু সুবিধাজনক মাধ্যম প্ৰদান কৰে।
ভাৰতৰ স্বাধীনতা দিৱসৰ লগত সংগতি ৰাখি ২০২৬ চনৰ ১৫ আগষ্টত কাটাৰত এই সেৱা উপলব্ধ কৰা হৈছিল। কাটাৰত থকা ভাৰতৰ দূতাৱাসৰ চাৰ্জ ডি এফেয়াৰ্ছ শ্ৰী সন্দীপ কুমাৰে ডোহাৰ লুলু মলত থকা কাটাৰ পোষ্টৰ আউটলেট পৰিদৰ্শন কৰি এই উপলক্ষে অংশীদাৰসকলৰ সৈতে মত বিনিময় কৰে। এই পাৰস্পৰিক বাৰ্তালাপে ভাৰত আৰু কাটাৰৰ মাজত ডিজিটেল বিত্তীয় সংযোগ আৰু দ্বিপাক্ষিক সহযোগিতা শক্তিশালী কৰাৰ ক্ষেত্ৰত এই পদক্ষেপৰ গুৰুত্বৰ ওপৰত আলোকপাত কৰে।
কাটাৰত ইউ পি আই-চালিত পোষ্টট্ৰান্সফাৰ ৰেমিটেন্স সেৱা
এই সেৱাৰ অধীনত গ্ৰাহকে ভাৰতত থকা গ্ৰাহকৰ ইউ পি আই আই ডিৰ লগতে প্ৰয়োজনীয় গ্ৰাহক চিনাক্তকৰণৰ বিৱৰণ প্ৰদান কৰি কাটাৰ পোষ্টৰ আউটলেটত ৰেমিটেন্স আৰম্ভ কৰিব পাৰে। গ্ৰাহকে তেওঁলোকৰ ইউপিআই এপৰ জৰিয়তে বিদেশী আভ্যন্তৰীণ ৰেমিটেন্স লাভ কৰিবলৈ এই বৈশিষ্ট সক্ৰিয় কৰিব লাগিব। এবাৰ সক্ৰিয় হ’লে ৰেমিটেন্স কৰা ধনৰাশি হিতাধিকাৰীৰ ইউপিআই-সক্ষম বেংক একাউণ্টত তৎক্ষণাত জমা কৰা হব।
প্ৰতিটো লেনদেনৰ ক্ষেত্ৰত সৰ্বোচ্চ ১০০০০০ টকাৰ অধীনত ১০ কিউ এ আৰৰ পৰা ৪,০০০ কিউ এ আৰলৈকে ধনৰ বাবে লেনদেন আৰম্ভ কৰিব পাৰি। প্ৰতিটো লেনদেনৰ বাবে ১৫ কি ইউ আৰ ফ্লেট সেৱা শুল্ক প্ৰযোজ্য।
কাটাৰৰ বৃহৎ ভাৰতীয় সম্প্ৰদায়ৰ বাবে এই সেৱা বিশেষভাৱে তাৎপৰ্যপূৰ্ণ, ই ভাৰতীয় পৰিয়ালসমূহলৈ ধন প্ৰেৰণৰ বাবে এক বিশ্বাসযোগ্য, সুলভ আৰু সহজসাধ্য মাধ্যম প্ৰদান কৰে। ডাক নেটৱৰ্কৰ সুলভতাক ইউপিআইৰ সামৰ্থ্যৰ সৈতে সংযুক্ত কৰি এই পদক্ষেপে দুয়োখন দেশৰ মাজত অধিক বিত্তীয় অন্তৰ্ভুক্তি আৰু নিৰৱচ্ছিন্ন ডিজিটেল বিত্তীয় সংযোগত অৰিহণা যোগায়।
ভাৰত আৰু কাটাৰৰ মাজত আন্তঃৰাষ্ট্ৰীয় ডাক বিত্তীয় সেৱা তথা ডিজিটেল বিত্তীয় সহযোগিতাৰ আধুনিকীকৰণৰ ক্ষেত্ৰত কাটাৰ-ভাৰত কৰিড’ৰে এক গুৰুত্বপূৰ্ণ সাফল্যক প্ৰতিনিধিত্ব কৰে। ইউপিআইৰ সৈতে ইউপিইউ-আইপিৰ একত্ৰীকৰণে ডাক নেটৱৰ্ক আৰু ডিজিটেল ৰাজহুৱা আন্তঃগাঁথনিৰ সম্ভাৱনা প্ৰদৰ্শন কৰে, যাতে অন্তৰ্ভুক্তি, আন্তঃকাৰ্য্কৰী আৰু কাৰ্যক্ষম সীমা অতিক্ৰম কৰা বিত্তীয় সেৱাসমূহৰ আন্তঃগাঁথনিৰ সম্ভাৱনা মুকলি হয়।
ইউ পি আই চালিত পোষ্টট্ৰান্সফাৰ হৈছে ভাৰতৰ ইউ পি আই পৰিৱেশতন্ত্ৰৰ সৈতে ইউনিভাৰ্চেল ডাক সংঘৰ আন্তঃসংযোগ মঞ্চ (ইউ পি ইউ-আই পি)ৰ সংহতিৰ জৰিয়তে সক্ষম কৰা এক আন্তঃৰাষ্ট্ৰীয় আভ্যন্তৰীণ ৰেমিটেন্স সেৱা। ই অংশগ্ৰহণকাৰী ডাক পৰিচালকসকলক ভাৰতৰ ইউপিআই-সক্ষম বেংক একাউণ্টলৈ ৰেমিটেন্স প্ৰেৰণৰ বাবে গ্ৰাহকসকলক এক সহজ আৰু সুৰক্ষিত ব্যৱস্থা প্ৰদান কৰিবলৈ সহায় কৰে।
ইণ্ডিয়া পোষ্টে আন দেশৰ ডাক অপাৰেটৰৰ সৈতেও ইউ পি আই কৰিডৰৰ দ্বাৰা চালিত অতিৰিক্ত পোষ্টট্ৰান্সফাৰ কাৰ্যকৰী কৰাৰ বাবে কাম কৰি আছে, যাৰ ফলত প্ৰৱাসী ভাৰতীয়সকলৰ বাবে আন্তঃৰাষ্ট্ৰীয় বিত্তীয় সংযোগ আৰু অধিক শক্তিশালী হৈছে।
***
AMK/ARJ /KD
(रिलीज़ आईडी: 2300742)
आगंतुक पटल : 7