য়ুমলৈ-কৈরৈ মন্ত্রালয়
য়ুনিয়ন হোম মিনিস্তর অমসুং মিনিস্তর ওফ কোওপরেসন, শ্রী অমিত শাহনা ‘হর ঘর তিরঙ্গা’ কেম্পেনগী শরুক অমা ওইনা ন্যু দিল্লীদা লৈবা মহাক্কী ময়ুমদা মচু অহুমগী ফিরাল চিংখৎখ্রে
প্রধান মন্ত্রী, শ্রী নরেন্দ্র মোদীজীগী লুচিং মখাদা হৌদোকখিবা ‘হর ঘর তিরাঙ্গা’ কেম্পেন্না ভারতমচা খুদিংমক্কী থম্মোয়দা লৈবাক নিংবা অমসুং চাউথোকচবগী ইথিল অদু মখাতানা চেৎশিনহল্লি
তিরঙ্গানা লৈবাক্কীদমক ঐখোয়না ফাওরিবা শেংলবা চাউথোকচবা অমসুং ঐখোয়গী অপুনবগী থৌনা অদু উৎলি
লৈবাকমচা করোর কয়া মচু অহুম অসি মরী লৈনরি অমসুং ‘এক ভারত, শ্রেস্থ ভারত’কী ইথিলবু মপাঙ্গল কনখৎহল্লি
হোম মিনিস্তরনা নাগরিক খুদিংমক্তা ইহৌ অসিদা অতৈ মীওই কয়াগা পুল্লনবা অমসুং অপুনবা ওইনবা অপীল তৌখ্রে
নাগরিক খুদিংমক্না মখোয়গী ময়ুমদা তিরঙ্গা চিংখত্তুনা অমসুং http://harghartiranga.com দা সেল্ফী অমা অপলোদ তৌদুনা লৈবাক নিংবা অসি পাংথোক্কদবনি
प्रविष्टि तिथि:
13 AUG 2026 5:40PM by PIB Imphal
য়ুনিয়ন হোম মিনিস্তর অমসুং মিনিস্তর ওফ কোওপরেসন, শ্রী অমিত শাহনা ঙসি ‘হর ঘর তিরাঙ্গা’ কেম্পেনগী শরুক অমা ওইনা ন্যু দিল্লীদা লৈবা মহাক্কী ময়ুমদা মচু অহুমগী ফিরাল চিংখৎখ্রে। হোম মিনিস্তরনা নাগরিক খুদিংমক্তা ইহৌ অসিদা অতৈ মীওই কয়াগা পুল্লনবা অমসুং অপুনবা ওইনবা অমদি মখোয়গী ময়ুমদা তিরঙ্গা চিংখত্তুনা অমসুং http://harghartiranga.com দা সেল্ফী অমা অপলোদ তৌদুনা লৈবাক নিংবা অসি পাংথোক্নবা অপীল তৌখ্রে।
Xকী পোস্ত অমদা য়ুনিয়ন হোম মিনিস্তরনা হায়খি, “ঙসি, ন্যু দিল্লীদা লৈবা ঐগী ময়ুমদা, ঐহাক্না #HarGharTiranga কেম্পেনগী মখাদা মচু অহুমগী ফিরাল চিংখৎখ্রে। মোদীজীগী লুচিং মখাদা হৌদোকখিবা কেম্পেন অসিনা ঙসি ভারতমচা খুদিংমক্কী থম্মোয়দা লৈবাক নিংবা অমসুং চাউথোকচবগী ইথিল অদু মখাতানা চেৎশিনহল্লি। ঙসি লৈবাকমচা করোর কয়া মচু অহুম অসিগা মরী লৈনরি অমসুং এক ভারত, শ্রেস্থ ভারতকী ইথিলবু মপাঙ্গল কনখৎহল্লি।”
হোম মিনিস্তরনা Xকী অতোপ্পা পোস্ত অমদা হায়খি, “তিরঙ্গানা লৈবাক্কীদমক ঐখোয়না ফাওরিবা শেংলবা চাউথোকচবা অমসুং ঐখোয়গী অপুনবগী থৌনা অদু উৎলি। ঐখোয়গী জাতিগী ফিরাল চিংখত্তুনা #HarGharTiranga ইহৌদা শরুক য়াখ্রে। ঐহাক্না নাগরিক খুদিংমক্তা ইহৌ অসিদা অতৈ মীওই কয়াগা পুল্লনবা অমসুং অপুনবা ওইনবা অমদি নখোয়গী ময়ুমদা তিরঙ্গা চিংখত্তুনা অমসুং http://harghartiranga.com. দা সেল্ফী অমা অপলোদ তৌদুনা লৈবাক নিংবা অসি পাংথোক্নবা তকশিল্লি।”
****
(रिलीज़ आईडी: 2299800)
आगंतुक पटल : 7