প্ৰধানমন্ত্ৰী শ্ৰী নৰেন্দ্ৰ মোদীৰ ‘সহকৰ সে সমৃদ্ধি’ৰ দৃষ্টিভংগীক আগুৱাই নিয়াৰ লগতে কেন্দ্ৰীয় গৃহমন্ত্ৰী তথা সমবায় দপ্তৰৰ  মন্ত্ৰী শ্ৰী অমিত শ্বাহৰ নেতৃত্বত দেশৰ সমবায় বেংকিং খণ্ডক আধুনিক, স্বচ্ছ, সুৰক্ষিত আৰু প্ৰতিযোগিতামূলক কৰি তোলাৰ দিশত এক গুৰুত্বপূৰ্ণ পদক্ষেপ হিচাপে আজি মুম্বাইৰ বি এছ ই আন্তঃৰাষ্ট্ৰীয় অধিৱেশন কেন্দ্ৰত অনুষ্ঠিত হয় ‘সহকৰ নৱ-ক্ৰান্তি’  কাৰ্যসূচী। অনুষ্ঠানত   মুখ্য অতিথি হিচাবে উপস্থিত থাকে কেন্দ্ৰীয় গৃহমন্ত্ৰী তথা সমবায় মন্ত্ৰী শ্ৰীযুত অমিত শ্বাহ। কেন্দ্ৰীয় গৃহমন্ত্ৰীগৰাকীয়ে  দেশজোৰা সেৱাৰ অধীনত নগৰীয়া সমবায় বেংক আৰু মূল বেংকিং তথা সংশ্লিষ্ট সেৱাসমূহৰ বাবে নিৰাপত্তা পৰিচালনা কেন্দ্ৰ মুকলি কৰে। এই উপলক্ষে এন ইউ চি এফ ডি চি আৰু ৰাষ্ট্ৰীয় ফৰেনছিক বিজ্ঞান বিশ্ববিদ্যালয়—এন এফ এছ ইউৰ মাজত বুজাবুজিৰ চুক্তিৰ আদান-প্ৰদান কৰা হয়। ইয়াৰ পূৰ্বে কেন্দ্ৰীয় গৃহমন্ত্ৰী তথা সমবায়  মন্ত্ৰীগৰাকীয়ে  মুম্বাইৰ ফ’ৰ্টৰ সাৰদা সদনত এন ইউ চি এফ ডি চিৰ নতুন কাৰ্যালয় চৌহদ উদ্বোধন কৰে। মহাৰাষ্ট্ৰৰ মুখ্যমন্ত্ৰী শ্ৰী দেৱেন্দ্ৰ ফাদনৱীছ, মহাৰাষ্ট্ৰৰ উপ-মুখ্যমন্ত্ৰী শ্ৰী একনাথ শিণ্ডে, কেন্দ্ৰীয় সহযোগিতা ৰাজ্যিক মন্ত্ৰী শ্ৰী কৃষণ পাল গুৰজাৰ, কেন্দ্ৰীয় সহযোগিতা আৰু অসামৰিক বিমান পৰিবহণৰ ৰাজ্যিক মন্ত্ৰী শ্ৰীযুত মুৰলীধৰ মোহল, মহাৰাষ্ট্ৰৰ সমবায়  মন্ত্ৰী শ্ৰীযুত বাবাচাহেব পাটিল,মহাৰাষ্ট্ৰ চৰকাৰৰ মন্ত্ৰী শ্ৰী জয়কুমাৰ ৰাৱাল আৰু শ্ৰী আশীষ শ্বেলাৰ, সচিব ,সমবায়  মন্ত্ৰালয়, শ্ৰী আশীষ কুমাৰ ভূটানী, এন ইউ চি এফ ডি চিৰ অধ্যক্ষ শ্ৰীযুত জ্যোতিন্দ্ৰ মেহতা, বিভিন্ন ৰাজ্যৰ নগৰ সমবায় বেংক ফেডাৰেচনৰ প্ৰতিনিধি আৰু সমগ্ৰ দেশৰ নগৰ সমবায় বেংকৰ সৈতে জড়িত কেইবাজনো গণ্যমান্য ব্যক্তিয়ে ‘সহকৰ নৱ-ক্ৰান্তি’ কাৰ্যসূচীত উপস্থিত থাকে।

সভাত ভাষণ দি কেন্দ্ৰীয় গৃহমন্ত্ৰী তথা সমবায়  মন্ত্ৰী শ্ৰীযুত অমিত শ্বাহে কয় যে ভাৰতীয় ৰিজাৰ্ভ বেংকৰ স্বীকৃতি, পৰ্যাপ্ত মূলধন আৰু নতুন কাৰ্যালয়ৰ পৰা স্বীকৃতি লাভ কৰি বহু প্ৰত্যাশিত নগৰীয়া সমবায় বেংকৰ ছত্ৰ সংগঠন এতিয়া  বাস্তৱত পৰিণত হৈছে। শ্ৰী অমিত শ্বাহে কয় যে অনুষ্ঠানৰ স্থানৰ নিজস্ব বিশেষ ঐতিহাসিক তাৎপৰ্য আছে। প্ৰায় ১০০ বছৰ ধৰি এই ঠাইখন ভাৰতৰ শ্বেয়াৰ বজাৰৰ হৃদস্পন্দন  হিচাবে পৰিগণিত হৈ আছে আৰু দেশৰ অৰ্থনৈতিক তথা  ঔদ্যোগিক উন্নয়নৰ ভেটি স্থাপন কৰাত গুৰুত্বপূৰ্ণ অৱদান আগবঢ়াইছে। তেওঁ কয় যে বিএছইৰ এই ঐতিহাসিক ট্ৰেডিঙে স্বাধীনতাৰ পূৰ্বে আৰু পিছত ভাৰতৰ পুনৰ্গঠন তথা  উন্নয়নত গুৰুত্বপূৰ্ণ  ভূমিকা পালন কৰিছে।  আজি একেটা ঐতিহাসিক যাত্ৰাৰেই সাক্ষী হৈ  নগৰীয়া সমবায় বেংকিং খণ্ডত এক নতুন পৰিৱৰ্তন সাক্ষী হৈছে। শ্ৰী অমিত শ্বাহে কয় যে ছত্ৰ সংস্থাই নগৰীয়া সমবায় বেংকসমূহক ভাৰতীয় ৰিজাৰ্ভ বেংকে নিৰ্ধাৰণ কৰা বিধানৰ মান  পূৰণৰ বাবে প্ৰয়োজনীয় নিৰ্দেশনা প্ৰদান কৰিব আৰু ইয়াৰ সুচাৰুৰূপে কাম-কাজৰ বাবে কাৰিকৰী আৰু প্ৰতিষ্ঠানিক সহায় আগবঢ়াব। ইয়াৰ জৰিয়তে বেংকিং খণ্ডৰ নতুন সংস্কাৰ আৰু নিয়ন্ত্ৰণমূলক পৰিৱৰ্তনৰ তথ্যও সময়মতে নগৰ সমবায় বেংকৰ ওচৰলৈ যাব। তেওঁ কয় যে ‘আধুনিক প্ৰযুক্তিগত সমাধান আৰু কৰ্মচাৰীৰ প্ৰশিক্ষণৰ সুবিধাৰ বাবে অত্যাৱশ্যকীয় চফট্ ৱেৰ  গ্ৰহণ কৰা হৈছে — এয়া খণ্ডটোৰ বাবে অতি প্ৰয়োজনীয়—ইয়াক ছাতিৰ দৰে কাম কৰি থকা  সংস্থাৰ জৰিয়তেও উপলব্ধ কৰা হ’ব। শ্ৰী অমিত শ্বাহে কয় যে সংস্থাটোৱে স্বচ্ছতা বৃদ্ধি কৰি জনসাধাৰণ আৰু ভাৰতীয় ৰিজাৰ্ভ বেংক উভয়ৰে আস্থা শক্তিশালী কৰাৰ পথো দেখুৱাব। ইয়াৰ দ্বাৰা নগৰীয়া সমবায় বেংকসমূহে আধুনিক বেংকিং প্ৰতিযোগিতাত আন বেংকৰ  সৈতে একেলগে থিয় দিব পাৰিব। তেওঁ কয় যে, এই সেৱাসমূহ প্ৰদান কৰাৰ বাহিৰে ছত্ৰ সংস্থাই নগৰ সমবায় বেংকিং আন্দোলনত নতুন জীৱন উশাহ ল’ব, ইয়াৰ পৰিসৰ বৃদ্ধি কৰিব আৰু বেংকিং সেৱাসমূহ আধুনিক, স্বচ্ছ আৰু নিৰ্ভৰযোগ্য কৰি তুলিব। কেন্দ্ৰীয় গৃহমন্ত্ৰী তথা সমবায় মন্ত্ৰীগৰাকীয়ে কয় যে সমবায় মন্ত্ৰালয়ৰ দায়িত্ব গ্ৰহণ কৰাৰ পিছত যেতিয়া তেওঁ প্ৰথমবাৰৰ বাবে নাবাৰ্ডৰ বিষয়া আৰু সংশ্লিষ্ট কৰ্তৃপক্ষৰ সৈতে বৈঠকত মিলিত হৈছিল, তেতিয়া নগৰীয়া  সমবায় বেংকৰ বাবে এটা ছত্ৰ  সংগঠন প্ৰতিষ্ঠা কৰাটো আটাইতকৈ ডাঙৰ প্ৰত্যাহ্বান আৰু প্ৰায় অসম্ভৱ কাম যেন অনুভৱ কৰিছিল । তেওঁ কয় যে নগৰীয়া সমবায় বেংক আৰু সমবায় খণ্ডৰ সৈতে জড়িত সকলো অংশীদাৰৰ সহযোগত অতি কম সময়তে ৩০৬ কোটি টকাৰ মূলধন সংগঠিত কৰা হয় আৰু সংস্থাটোৰ কেইবাটাও সেৱা আৰু কাৰ্য্যকলাপ সফলতাৰে আৰম্ভ কৰা হয়। শ্ৰী অমিত শ্বাহে কয় যে এসময়ত যিটো ধাৰণা অতি কঠিন যেন লাগিছিল, সেয়া আজি  বাস্তৱত পৰিণত হৈছে আৰু নগৰীয়া সমবায় বেংকিং খণ্ডক শক্তিশালী কৰাৰ বাবে ক্ৰমাগতভাৱে আগবাঢ়িছে।

শ্ৰী অমিত শ্বাহে কয় যে আজি নগৰীয়া সমবায় বেংকিং খণ্ডৰ বাবে এক অত্যন্ত গুৰুত্বপূৰ্ণ দিন আছিল, কিয়নো ‘বেংক ইন এ বক্স’ সেৱা আৰম্ভ কৰা হৈছে। ইয়াৰ জৰিয়তে নগৰীয়া সমবায় বেংকসমূহে একক সংহত মঞ্চত মূল বেংকিং, ডিজিটেল পেমেণ্ট, ক্লাউড সেৱা, নিয়ন্ত্ৰণ অনুসৰণ আৰু কেইবাটাও আধুনিক বেংকিং সুবিধা লাভ কৰিব। তেওঁ কয় যে ইয়াৰ দ্বাৰা এটা সৰু, একক শাখাৰ নগৰীয়া  সমবায় বেংকেও নিজৰ গ্ৰাহকক অধিক ব্যয় নকৰাকৈ আধুনিক আৰু বিশ্বমানৰ বেংকিং সুবিধা আগবঢ়াব পাৰিব। এই পদক্ষেপে ক্ষুদ্ৰ বেংকসমূহক প্ৰযুক্তিগতভাৱে সবলীকৰণ আৰু প্ৰতিযোগিতামূলক বেংকিং পৰিৱেশ তন্ত্ৰৰ সৈতে একত্ৰিত কৰাৰ পথ মুকলি কৰিব।

তেওঁ কয় যে, বৰ্তমান অনলাইন বেংকিঙৰ যুগত ফৰেনছিক বিজ্ঞানৰ সহায় অবিহনে বেংক বা তেওঁলোকৰ গ্ৰাহক কোনোৱেই সম্পূৰ্ণৰূপে সুৰক্ষিত হৈ থাকিব নোৱাৰে। এই প্ৰয়োজনীয়তাৰ কথালৈ  লক্ষ্য কৰি এন ইউ চি এফ ডি চিক ৰাষ্ট্ৰীয় ফৰেনছিক বিজ্ঞান বিশ্ববিদ্যালয়—এন এফ এছ ইউৰ সৈতে বুজাবুজিৰ চুক্তিত স্বাক্ষৰ কৰিবলৈ পৰামৰ্শ দিয়া হৈছে । তেওঁ কয় যে এন এফ এছ ইউয়ে চাইবাৰ সুৰক্ষা আৰু ডিজিটেল ফৰেনছিকৰ ক্ষেত্ৰত বিশ্বমানৰ বিশেষজ্ঞতা গঢ়ি তুলিছে আৰু সমগ্ৰ দেশৰ কেইবাটাও বেংকক পেছাদাৰী সেৱা আগবঢ়াইছে। এন ইউ চি এফ ডি চি আৰু এন এফ এছ ইউৰ সহযোগিতাই নগৰীয়া সমবায় বেংক আৰু তেওঁলোকৰ গ্ৰাহকৰ ডিজিটেল সুৰক্ষা আৰু অধিক শক্তিশালী কৰিব। কেন্দ্ৰীয় গৃহমন্ত্ৰী তথা সমবায়  মন্ত্ৰীগৰাকীয়ে কয় যে, এন ইউ চি এফ ডি চি আৰু ৰাষ্ট্ৰীয় ফৰেনছিক বিজ্ঞান বিশ্ববিদ্যালয়—এন এফ এছ ইউৰ মাজত হোৱা চুক্তিৰ জৰিয়তে চাইবাৰ সুৰক্ষা আৰু ডিজিটেল ফৰেনছিক সম্পৰ্কীয় সুবিধাসমূহ অতি কম খৰচত সৰু নগৰীয়া সমবায় বেংকৰ প্ৰতিটো শাখালৈও লৈ যোৱা হ’ব। তেওঁ কয় যে ‘বেংক ইন এ বক্স’ৰ জৰিয়তে চাইবাৰ সুৰক্ষা, ডিজিটেল ফৰেনছিক, এই ক্ষেত্ৰসমূহত কৰ্মচাৰীৰ প্ৰশিক্ষণ আৰু গৱেষণাৰ সুবিধাসমূহ একত্ৰিতভাৱে উপলব্ধ কৰা হ’ব। তেওঁ কয় যে এই কাৰ্যসূচীৰ সময়ত মুকলি কৰা নিৰাপত্তা অভিযান কেন্দ্ৰই নগৰ সমবায় বেংকসমূহক ২৪ ঘণ্টাই চাইবাৰ নিৰীক্ষণ, তাৎক্ষণিক পথ প্ৰদৰ্শন আৰু নিৰাপত্তা প্ৰদান কৰিব। সকলো নগৰীয়া সমবায় বেংকক কেন্দ্ৰৰ সদস্য হ’বলৈ আহ্বান জনাই তেওঁ কয় যে বেংক, গ্ৰাহক আৰু জমাকাৰীক ডিজিটেল ভাবুকিৰ পৰা সুৰক্ষা নিশ্চিত কৰাটো অতি প্ৰয়োজনীয়।

শ্ৰী অমিত শ্বাহে সকলো নগৰীয়া সমবায় বেংকক ছত্ৰ  সংগঠন আৰু ইয়াৰ নিৰাপত্তা অভিযান কেন্দ্ৰৰ সদস্য হ’বলৈও আহ্বান জনায়। তেওঁ কয় যে সদস্যপদৰ মাচুল বেংকৰ শাখাৰ সংখ্যাৰ সৈতে সংযোগ কৰিব লাগে যাতে সৰু, একক শাখাৰ বেংক এটাও সদস্য হ’ব পাৰে। তেওঁ স্পষ্ট কৰি দিয়ে  যে ছত্ৰ  সংগঠনৰ উদ্দেশ্য লাভ অৰ্জন কৰা নহয়, বৰঞ্চ নগৰীয়া  সমবায় বেংকসমূহক সুশৃংখলিত কৰা, ৰাষ্ট্ৰীয় আৰু বিশ্বজোৰা প্ৰতিযোগিতাত অংশগ্ৰহণ কৰিবলৈ প্ৰস্তুত কৰা, সংকটৰ সময়ত সহায় কৰা আদি ।কেন্দ্ৰীয় গৃহমন্ত্ৰী তথা সমবায়  মন্ত্ৰীগৰাকীয়ে কয় যে সমগ্ৰ দেশতে প্ৰায় ১৪০০ নগৰীয়া  সমবায় বেংকত প্ৰায় ৬ লাখ কোটি টকা জমা হৈছে আৰু এই বেংকসমূহে ৰাষ্ট্ৰীয় উন্নয়নত অত্যন্ত গুৰুত্বপূৰ্ণ ভূমিকা পালন কৰিছে। তেওঁ কয় যে নগৰীয়া  সমবায় বেংকসমূহে ক্ষুদ্ৰ দোকানী, ক্ষুদ্ৰ ব্যৱসায়ী, কুটিৰ উদ্যোগ, এম এছ এম ই, স্থানীয় উদ্যোগী, মহিলা আত্মসহায়ক গোট আৰু মধ্যবিত্ত শ্ৰেণীৰ আকাংক্ষা পূৰণৰ বাবে ফলপ্ৰসূভাৱে ক্ষুদ্ৰ ঋণ প্ৰদান কৰে। বৃহৎ বাণিজ্যিক বেংকসমূহে সমাজৰ এই শ্ৰেণীসমূহৰ ওচৰলৈ একে সংবেদনশীলতাৰে উপনীত হ’ব নোৱাৰে। তহচিল পৰ্যায়ত স্থাপিত নগৰীয়া সমবায় বেংক সমগ্ৰ অঞ্চলটোত কৰ্মসংস্থাপন আৰু স্ব-নিয়োজনৰ কামত নিয়োজিত লোকসকলৰ আৰ্থিক প্ৰয়োজনীয়তা পূৰণৰ এক মাধ্যম হৈ পৰিছে।

নগৰীয়া সমবায় বেংকৰ অধ্যক্ষ হিচাপে থকা অভিজ্ঞতাৰ কথা উল্লেখ কৰি শ্ৰী অমিত শ্বাহে কয় যে ক্ষুদ্ৰ ঋণৰ ক্ষেত্ৰত পৰিশোধ ব্যতিক্ৰমীভাৱে শক্তিশালী , কাৰণ সাধাৰণ আৰু কম আয়ৰ ঋণ লোৱাসকলে নিজৰ বাধ্যবাধকতা পূৰণৰ ক্ষেত্ৰত অধিক আন্তৰিকতাৰে কাম কৰে। তেওঁ কয় যে তেওঁৰ বেংকে কোনো নিশ্চয়তা বা জামিন অবিহনে ২.৫ লাখ  টকা পৰ্যন্ত ঋণ দিয়াৰ সিদ্ধান্ত লৈছে।কেন্দ্ৰীয় গৃহমন্ত্ৰী তথা সমবায় মন্ত্ৰীগৰাকীয়ে কয় যে তেওঁৰ বেংকৰ নিশ্চয়তা বা জামিন অবিহনে ক্ষুদ্ৰ ঋণ প্ৰদানৰ আঁচনি আজিও অব্যাহত আছে আৰু এই সীমা ২.৫ লাখ টকাৰ পৰা ৫ লাখ টকালৈ বৃদ্ধি কৰা হৈছে। তেওঁ উল্লেখ কৰে যে আঁচনিৰ অধীনত প্ৰদান কৰা প্ৰায় সমগ্ৰ ধন সুতৰ সৈতে আদায় কৰা হৈছে। আনকি অতি সীমিত বাকী থকা ক্ষেত্ৰসমূহতো ঋণ পৰিশোধ নকৰাৰ কাৰণ আছিল ঋণ লোৱাজনৰ মৃত্যুৰ দৰে ব্যতিক্ৰমী পৰিস্থিতি। শ্ৰী অমিত শ্বাহে কয় যে এই অভিজ্ঞতাই প্ৰমাণ কৰে যে ঋণ যিমানেই সৰু হ’ব সিমানেই ইয়াৰ আদায় ভাল হ’ব আৰু ক্ষুদ্ৰ ঋণ লোৱাসকলে নিজৰ আৰ্থিক বাধ্যবাধকতা পূৰণৰ ক্ষেত্ৰত অত্যন্ত আন্তৰিকতাৰে কাম কৰে।

শ্ৰী অমিত শ্বাহে কয় যে ভাৰতৰ অৰ্থনীতিত আত্মনিয়োগৰ সুযোগ সৃষ্টি কৰাত সমবায়ৰ মুখ্য ভূমিকা আছে। তেওঁ কয় যে এটা বৃহৎ উদ্যোগ গঢ়ি তোলাৰ বাবে এজন ব্যক্তিৰ পৰা বৃহৎ পৰিমাণৰ মূলধন অপৰিহাৰ্য নহয়। সমবায়ৰ জৰিয়তে সৰু মানুহক একত্ৰিত কৰি তেওঁলোকৰ সৰু সৰু অৱদানক একত্ৰিত কৰি যথেষ্ট পৰিমাণৰ মূলধন সৃষ্টি কৰিব পাৰি আৰু সেই ভেটিত বৃহৎ ব্যৱসায়িক প্ৰতিষ্ঠান গঢ়ি তুলিব পাৰি। এইটোৱেই সমবায় মৌলিক শক্তি বুলিও তেওঁ কয়। আমুল, ইফ্ফকো, ক্ৰীভকো আৰু লিজ্জত পাপাড়ৰ উদাহৰণ দি কেন্দ্ৰীয় গৃহমন্ত্ৰী তথা সমবায়  মন্ত্ৰীগৰাকীয়ে কয় যে তেওঁলোকৰ সফলতা এজন বৃহৎ বিনিয়োগকাৰীৰ বিনিয়োগৰ ফল নহয়, বৰঞ্চ লাখ লাখ ক্ষুদ্ৰ সদস্যৰ সামূহিক অংশগ্ৰহণৰ ফল। তেওঁ কয় যে আজি আমুলৰ লেনদেন প্ৰায় ১.২৫ লাখ কোটি টকা আৰু ইয়াত প্ৰায় ৩৩ লাখ মহিলাৰ অংশীদাৰিত্ব আছে। ইয়াৰ দ্বাৰা প্ৰমাণিত হয় যে সমবায়  ক্ষুদ্ৰ মূলধন আৰু বহল ভিত্তিৰ জনসাধাৰণৰ অংশগ্ৰহণক একত্ৰিত কৰি এক বৃহৎ অৰ্থনৈতিক শক্তিলৈ পৰিণত কৰিব পাৰে। ডিজিটেল ডেস্কঃ ডিজিটেল বেংকিং, ৰিয়েল টাইম পেমেণ্ট, চাইবাৰ আৰু ডাটা ছিকিউৰিটি, এআই ভিত্তিক জালিয়াতি প্ৰতিৰোধ ব্যৱস্থা আৰু আধুনিক বেংকিঙৰ বাবে প্ৰয়োজনীয় নিয়ন্ত্ৰণমূলক মানদণ্ড মানি চলাত আমব্ৰেলা অৰ্গেনাইজেশ্যনে আৰ্বান ক’অপাৰেটিভ বেংকক সহায় কৰিব বুলিও তেওঁ কয়।

শ্ৰী অমিত শ্বাহে কয় যে মহাৰাষ্ট্ৰত দেশৰ ভিতৰতে সৰ্বাধিক নগৰ সমবায় বেংক আছে ৪৪৯ টা।মহাৰাষ্ট্ৰ, গুজৰাট, গোৱা আৰু কৰ্ণাটক মিলি দেশৰ গৰিষ্ঠসংখ্যক নগৰ সমবায় বেংকক প্ৰতিনিধিত্ব কৰে। তেওঁ কয় যে  কাৰ্যকলাপৰ কেন্দ্ৰীভূততা আৰু নগৰীয়া সমবায় বেংকিং খণ্ডৰ ব্যাপক উপস্থিতিৰ প্ৰতি লক্ষ্য ৰাখি এন ইউ চি এফ ডি চিৰ মুখ্য কাৰ্যালয় দিল্লীৰ পৰা মহাৰাষ্ট্ৰলৈ স্থানান্তৰিত কৰা হ’ব।

কেন্দ্ৰীয় গৃহমন্ত্ৰী আৰু সমবায়  মন্ত্ৰীয়ে কয় যে ছত্ৰ  সংগঠনৰ ধাৰণাটো সম্পূৰ্ণ স্পষ্ট— নগৰ সমবায় বেংকসমূহক অতি সুলভ মূল্যত কাৰিকৰী আন্তঃগাঁথনি, চাইবাৰ সুৰক্ষা, পেমেণ্ট ব্যৱস্থা আৰু আধুনিক বেংকিং সুবিধা প্ৰদান কৰা। তেওঁ কয় যে দেশৰ আটাইকেইখন ১৪০০ নগৰীয়া সমবায় বেংকে যদি এই সেৱা, চফটৱেৰ আৰু প্ৰযুক্তিগত ব্যৱস্থাসমূহ পৃথকে পৃথকে ক্ৰয় কৰি স্বতন্ত্ৰভাৱে ৰক্ষণাবেক্ষণ কৰে তেন্তে খৰচ অত্যন্ত বেছি হ’ব। ইয়াৰ বিপৰীতে ছত্ৰ  সংস্থাই সকলো বেংকৰ হৈ সামূহিকভাবে  চুক্তিবদ্ধ হ’ব, প্ৰয়োজনীয় চফট্ ৱেৰ ক্ৰয় কৰিব আৰু ৰক্ষণাবেক্ষণৰ দায়িত্ব ল’ব, যাৰ ফলত খৰচ যথেষ্ট হ্ৰাস পাব আৰু ক্ষুদ্ৰ বেংকসমূহে আধুনিক প্ৰযুক্তিৰ পৰা লাভাৱান্বিত  হ’ব পাৰিব।

শ্ৰী অমিত শ্বাহে কয় যে, ছত্ৰ কাঠামোৰ বিকাশ আৰু নতুন কাৰ্যালয়ৰ উদ্বোধনীৰ সমান্তৰালভাৱে সহকাৰ চিবিএছ, শ্বেয়াৰ পেমেণ্ট সেৱা, এটা ঋণ উৎপত্তি ব্যৱস্থা, সহকৰ ক্লাউড আৰু নিৰাপত্তা পৰিচালনা কেন্দ্ৰৰ দৰে কেইবাটাও সেৱা একেলগে আগবঢ়াই নিয়া হ’ব। ইয়াৰ উপৰি মাল হাণ্টাৰ আৰু অন্যান্য এআই ভিত্তিক ব্যৱস্থা, গ্ৰুপ চাইবাৰ বীমা, এনএফএছইউৰ সহযোগত আনকি সৰুতম বেংকলৈও ডিজিটেল ফৰেনছিক ক্ষমতা সম্প্ৰসাৰণ, আধাৰ ভিত্তিক সেৱা, নিয়ন্ত্ৰণ অনুসৰণৰ স্বয়ংক্ৰিয়কৰণ আৰু আধুনিক ৰিস্ক-মেনেজমেণ্ট ফ্ৰেমৱৰ্ক প্ৰস্তুত কৰা হ’ব। তেওঁ কয় যে এই সকলোবোৰ পদক্ষেপে নগৰ সমবায় বেংকসমূহক অধিক সুৰক্ষিত, অধিক সক্ষম, স্বচ্ছ আৰু প্ৰতিযোগিতামূলক কৰি তুলিব।কেন্দ্ৰীয় গৃহমন্ত্ৰী তথা সমবায়  মন্ত্ৰীয়ে কয় যে, বিগত পাঁচ বছৰত চৰকাৰ আৰু ভাৰতীয় ৰিজাৰ্ভ বেংকৰ মাজত আস্থা আৰু আলোচনাৰ ভিত্তিত নগৰ সমবায় বেংক সম্পৰ্কীয় কেইবাটাও সমস্যা সমাধান কৰা হৈছে। ইয়াৰ ভিতৰত আছে বেংকসমূহক পৃথক অনুমতি অবিহনে ১৫ শতাংশ পৰ্যন্ত অতিৰিক্ত শাখা খোলাৰ অনুমতি দিয়া, দুৱাৰমুখত বেংকিং কৰা, যোগ্য টায়াৰ-৩ বেংকৰ বাবে অনুসূচিত বেংকৰ মৰ্যাদা লাভৰ প্ৰক্ৰিয়া সৰল কৰা, আৰ বি আইত এজন ন’ডেল বিষয়া নিযুক্তি, অগ্ৰাধিকাৰ খণ্ডৰ ঋণৰ লক্ষ্য ৭৫ শতাংশৰ পৰা ৬০ শতাংশলৈ হ্ৰাস কৰা, গৃহ-ঋণৰ সীমা বৃদ্ধি কৰা আৰু ২০ শতাংশ বৃদ্ধি কৰা আদি এককালীন বন্দোবস্তৰ সুবিধা। শ্ৰী অমিত শ্বাহে কয় যে নগৰ সমবায় বেংক আৰু ভাৰতীয় ৰিজাৰ্ভ বেংকৰ মাজত পাৰস্পৰিক ধাৰণা আৰু অনাস্থাৰ পুৰণি পৰিস্থিতিৰ বাহিৰলৈ যোৱাটো প্ৰয়োজনীয়। তেওঁ কয় যে, সমবায় মন্ত্ৰী হিচাপে তেওঁৰ পাঁচ বছৰীয়া অভিজ্ঞতাত তেওঁ দেখিছে যে যেতিয়াই সমবায় খণ্ডই বিশ্বাস আৰু স্বচ্ছতাৰে আগবাঢ়ি যায়, তেতিয়াই ভাৰতীয় ৰিজাৰ্ভ বেংকে সক্ৰিয় সমৰ্থন আগবঢ়াইছে। নগৰীয়া সমবায় বেংকৰ বাবে ছত্ৰ  সংস্থা প্ৰতিষ্ঠা এই আস্থাভিত্তিক সহযোগিতাৰ আটাইতকৈ ডাঙৰ উদাহৰণ।

কেন্দ্ৰীয় গৃহমন্ত্ৰী তথা সমবায় মন্ত্ৰীগৰাকীয়ে কয় যে নগৰীয়া সমবায় বেংকসমূহে বছৰ বছৰ ধৰি নতুন শাখা খোলাৰ ক্ষেত্ৰত অসুবিধাৰ সন্মুখীন হৈ আহিছে যদিও এতিয়া পৃথক অনুমোদন অবিহনে ১৫ শতাংশ পৰ্যন্ত শাখা নেটৱৰ্ক সম্প্ৰসাৰণৰ অনুমতি দিয়া হৈছে। পূৰ্বে নিৰ্ধাৰিত বেংকৰ বাহিৰে আন নগৰ সমবায় বেংকৰ বাবে দুৱাৰ মুখতে সেৱাৰ দৰে  বেংকিঙৰ সুবিধা  উপলব্ধ নাছিল যদিও এতিয়া তেওঁলোকে গ্ৰাহকৰ দুৱাৰমুখতে ডিমাণ্ড ড্ৰাফ্ট আৰু জীৱন প্ৰমাণ পত্ৰৰ দৰে সেৱা আগবঢ়াব পাৰিব। ভাৰতীয় ৰিজাৰ্ভ বেংক আইনৰ দ্বিতীয় অনুসূচীত অন্তৰ্ভুক্ত হৈ যোগ্য টায়াৰ-৩ সমবায় বেংকসমূহে অনুসূচিত-বেংকৰ মৰ্যাদা লাভ কৰাৰ পথটোও সৰল কৰা হৈছে।

শ্ৰী অমিত শ্বাহে কয় যে ভাৰতীয় ৰিজাৰ্ভ বেংকে প্ৰতিষ্ঠাৰ পিছত প্ৰথমবাৰৰ বাবে নগৰ সমবায় বেংকিং খণ্ডৰ সৈতে নিয়মীয়া আলোচনাৰ বাবে এজন ন’ডেল বিষয়া নিযুক্তি দিছে। অগ্ৰাধিকাৰ খণ্ডৰ ঋণ—পিএছএলৰ লক্ষ্য ৭৫ শতাংশৰ পৰা ৬০ শতাংশলৈ হ্ৰাস কৰা হৈছে  আৰু নগৰীয়া সমবায় বেংকৰ বাবে গৃহ নিৰ্মাণ-ঋণৰ সীমা বৃদ্ধি কৰা হৈছে। মহিলা ঋণ লোৱাসকলৰ বাবে নিৰ্ধাৰিত ২ লাখ টকাৰ সীমা আৰু সোণৰ ঋণৰ ক্ষেত্ৰত প্ৰযোজ্য সীমাও আঁতৰোৱা হৈছে।

কেন্দ্ৰীয় গৃহমন্ত্ৰী তথা সমবায়  মন্ত্ৰীগৰাকীয়ে কয় যে নগৰীয়া সমবায় বেংকসমূহক এনপিএ একাউণ্টৰ সৈতে জড়িত বিধানসমূহ মানি চলাৰ বাবে পৰ্যায়ক্ৰমে ‘গ্লাইড পাথ’ প্ৰদান কৰা হৈছে, যাতে এবছৰতে সমগ্ৰ আৰ্থিক বোজা বেংকসমূহৰ ওপৰত নপৰে। পূৰ্বে কেৱল বাণিজ্যিক আৰু ৰাষ্ট্ৰীয়কৃত বেংকসমূহৰ বাবে উপলব্ধ হোৱা এককালীন নিষ্পত্তি—অ’টিএছ সুবিধা এতিয়া নগৰীয়া সমবায় বেংকসমূহলৈও সম্প্ৰসাৰিত কৰা হৈছে।ব্যক্তিগত গৃহ-ঋণৰ সীমা বৃদ্ধিৰ লগতে অনুজ্ঞাপত্ৰ সম্পৰ্কীয় মাচুলও হ্ৰাস কৰা হৈছে। শ্ৰী অমিত শ্বাহে কয় যে নগৰ সমবায় বেংক, ৰাজ্যিক সমবায় বেংক আৰু জিলা সমবায় বেংকক ‘সদস্য ঋণ প্ৰদানকাৰী প্ৰতিষ্ঠান’ৰ মৰ্যাদা প্ৰদান কৰা হৈছে, যাৰ ফলত ৮৫ শতাংশ পৰ্যন্ত ৰিস্ক কভাৰেজ আৰু জামিনমুক্ত ঋণৰ ব্যৱস্থা কৰা হৈছে। ইয়াৰ উপৰি  সমবায় সমিতিৰ বাবে অগ্ৰাধিকাৰ খণ্ডৰ ঋণৰ সীমা ৫ লাখৰ পৰা ১০ কোটি টকালৈ বৃদ্ধি কৰা হৈছে। শ্ৰী অমিত শ্বাহে কয় যে এই সংস্কাৰৰ জৰিয়তে নগৰ সমবায় বেংকসমূহে তেওঁলোকৰ বিত্তীয় প্ৰসাৰ সম্প্ৰসাৰণ কৰিব পাৰিব, গ্ৰাহকক উন্নত ঋণৰ সুবিধা প্ৰদান কৰিব পাৰিব আৰু আধুনিক বেংকিং ব্যৱস্থাত ফলপ্ৰসূভাৱে প্ৰতিযোগিতাত অৱতীৰ্ণ হ’ব পাৰিব।কেন্দ্ৰীয় গৃহমন্ত্ৰী তথা সমবায় মন্ত্ৰীগৰাকীয়ে কয় যে, বিগত পাঁচ বছৰত ভাৰতীয় ৰিজাৰ্ভ বেংকৰ সৈতে সমন্বয়ৰ জৰিয়তে নগৰ সমবায় বেংকৰ সৈতে জড়িত কেইবাটাও বিচাৰাধীন বিষয়- শাখা খোলাৰ অনুমতি আৰু বিত্তীয় যোগ্যতাৰ নীতি-নিয়ম শিথিল কৰাকে ধৰি— সমাধান কৰা হৈছে। তেওঁ কয় যে এইটোও বুজিব লাগিব যে, নিয়ন্ত্ৰক হিচাপে ভাৰতীয় ৰিজাৰ্ভ বেংকৰ দায়িত্ব হৈছে বেংকসমূহে যাতে সঠিকভাৱে কাম কৰে, নিয়ম অনুসৰি কাম কৰে আৰু জমাকাৰীৰ ধন সম্পূৰ্ণৰূপে সুৰক্ষিত কৰি ৰাখে। ইয়াৰ বাবে নগৰ সমবায় বেংকৰ বাবে ছত্ৰ  সংস্থা গঠন কৰা হৈছে।

শ্ৰী অমিত শ্বাহে কয় যে দেশৰ ১৪০০ নগৰীয়া সমবায় বেংকৰ আটাইকেইখন ছত্ৰ সংগঠনৰ সদস্য হ’ব লাগে। বেংকসমূহে নিজৰ কাৰ্য্যকলাপত স্বচ্ছতা আনিব লাগিব, আধুনিক প্ৰযুক্তি গ্ৰহণ কৰিব লাগিব, তেওঁলোকৰ কৰ্মচাৰীসকলক প্ৰশিক্ষণ দিব লাগিব আৰু তেওঁলোকৰ গ্ৰাহকসকলক সকলো ধৰণৰ আধুনিক বেংকিং সুবিধা প্ৰদান কৰিব লাগিব যাতে তেওঁলোকে প্ৰতিযোগিতামূলক হৈ থাকিব পাৰে আৰু নিজৰ কাৰ্য্যকলাপ সম্প্ৰসাৰণ কৰিব পাৰে। তেওঁ কয় যে, বৰ্তমান ১৪০০টা নগৰ সমবায় বেংকৰ ভিতৰত ৬৫০টা বেংক ছত্ৰ সংগঠনৰ সদস্য হৈ পৰিছে, যাৰ ফলত সদস্য সংখ্যা প্ৰায় ৫০ শতাংশলৈ বৃদ্ধি পাইছে। তেওঁ আশা  কৰে যে এন ইউ চি এফ ডি চিয়ে নিজৰ সদস্যপদ মাচুল সৰু আৰু একক শাখাৰ বেংকৰ বাবে অধিক সুলভ কৰি তুলিব। শ্ৰী অমিত শ্বাহে সমগ্ৰ দেশৰ নগৰীয়া  সমবায় বেংক ফেডাৰেচনৰ অধ্যক্ষ আৰু বিষয়ববীয়াসকলক অহা এবছৰৰ ভিতৰত ১০০ শতাংশ নগৰীয়া সমবায় বেংকক ছত্ৰ সংস্থাৰ নেটৱৰ্কলৈ অনাৰ দায়িত্ব ল’বলৈ আহ্বান জনায়। শ্ৰী অমিত শ্বাহে কয় যে প্ৰধানমন্ত্ৰী শ্ৰী নৰেন্দ্ৰ মোদীয়ে ২০৪৭ চনৰ ভিতৰত ভাৰতক বিশ্বৰ সমৃদ্ধিৰ শিখৰলৈ লৈ গৈ প্ৰতিটো খণ্ডতে এক নম্বৰ স্থানত গঢ়ি তোলাৰ লক্ষ্য নিৰ্ধাৰণ কৰিছে। এই লক্ষ্যত উপনীত হোৱাত নগৰীয়া সমবায় বেংকে গুৰুত্বপূৰ্ণ ভূমিকা ল’ব পাৰে। ‘সহকৰ ছে সমৃদ্ধি’ মানে কেৱল  চহকী কৰা নহয়; ইয়াৰ অৰ্থ হ’ল আত্ম সংস্থাপন  সৃষ্টি কৰা বেংক আৰু তেওঁলোকৰ গ্ৰাহকৰ সমৃদ্ধি নিশ্চিত কৰা।কেন্দ্ৰীয় গৃহমন্ত্ৰী আৰু সমবায়  মন্ত্ৰীগৰাকীয়ে আম্ব্ৰেলা অৰ্গেনাইজেশ্যনে  সৰু চহৰৰ বাবেও উন্নয়নৰ বাহন হৈ পৰিব আৰু ‘সহকৰ ছে সমৃদ্ধি’ৰ বিপ্লৱক নতুন গতি প্ৰদান কৰিব বুলি আস্থা প্ৰকাশ কৰে। ছত্ৰ সংগঠনৰ সপোন বাস্তৱায়িত কৰাৰ ক্ষেত্ৰত নগৰ সমবায় বেংকৰ সঞ্চালক মণ্ডলীৰ অধ্যক্ষ আৰু সদস্যসকলক ধন্যবাদ জ্ঞাপন কৰে। শ্ৰী অমিত শ্বাহে কয় যে প্ৰধানমন্ত্ৰী শ্ৰী নৰেন্দ্ৰ মোদীয়ে সংকল্প লৈছে যে, ২০৪৭ চনৰ ভিতৰত—ভাৰতৰ স্বাধীনতাৰ শতবাৰ্ষিকী—দেশখনে বিশ্বৰ সমৃদ্ধিৰ শিখৰত উপনীত হ’ব লাগে আৰু প্ৰতিটো খণ্ডতে প্ৰথম স্থান লাভ কৰিব লাগে। তেওঁ কয় যে ভাৰত সমৃদ্ধিশালী হ’বলৈ হ’লে প্ৰতিজন ভাৰতীয় সমৃদ্ধিশালী হ’ব লাগিব। সমৃদ্ধি কেৱল মূলধনী বজাৰৰ জৰিয়তে প্ৰতিজন নাগৰিকৰ কাষ চাপিব নোৱাৰে; দেশত এক বহল আৰু শক্তিশালী আত্মনিয়োগ ব্যৱস্থাও গঢ়ি তুলিব লাগিব। নগৰীয়া সমবায় বেংকসমূহে ক্ষুদ্ৰ ব্যৱসায়ী, উদ্যোগী আৰু স্ব-নিয়োজনত নিয়োজিত লোকসকলক আৰ্থিক সহায় আগবঢ়াই এই ব্যৱস্থাক শক্তিশালী কৰাৰ ক্ষেত্ৰত গুৰুত্বপূৰ্ণ ভূমিকা গ্ৰহণ কৰিব পাৰে।

কেন্দ্ৰীয় গৃহমন্ত্ৰী আৰু সমবায় মন্ত্ৰীয়ে কয় যে, নগৰীয়া সমবায় বেংকৰ প্ৰেক্ষাপটত চৰকাৰৰ বাবে ‘সমৃদ্ধি’ৰ অৰ্থ কেৱল বেংকসমূহক আৰ্থিকভাৱে শক্তিশালী কৰা নহয়; ইয়াৰ অৰ্থ হ’ল আত্মনিয়োগ আৰু জীৱিকাৰ সুযোগ সৃষ্টি কৰা গ্ৰাহকসকলক সমৃদ্ধিশালী কৰা। তেওঁ কয় যে গ্ৰাহক আৰু বেংক উভয়ৰে সমৃদ্ধি হৈছে ‘সহকৰ ছে সমৃদ্ধি’ৰ প্ৰকৃত আত্মা। এই পবিত্ৰ লক্ষ্যত উপনীত হ’বলৈ আমব্ৰেলা অৰ্গেনাইজেশ্যন ফৰ আৰ্বান ক’অপাৰেটিভ বেংকে দ্ৰুতগতিত কাম কৰি আছে, আৰু অনাগত সময়ছোৱাত ইয়াৰ কাৰ্য্যকলাপ আৰু অধিক সম্প্ৰসাৰিত কৰা হ’ব। মহাৰাষ্ট্ৰৰ সুবিধাজনক স্থানত মুখ্য কাৰ্যালয় স্থাপন কৰিলে সংস্থাটোৰ কাৰ্য্যকৰী দক্ষতা উন্নত হ’ব আৰু নগৰীয়া সমবায় বেংকসমূহলৈ অধিক ফলপ্ৰসূ সহায় আগবঢ়াবলৈ সক্ষম হ’ব।

শ্ৰী অমিত শ্বাহে ছত্ৰ সংগঠনৰ সপোন বাস্তৱায়িত কৰাত গুৰুত্বপূৰ্ণ অৱদান আগবঢ়োৱাৰ বাবে সমগ্ৰ দেশৰ নগৰ সমবায় বেংকৰ সঞ্চালক মণ্ডলীৰ অধ্যক্ষ আৰু সদস্যসকলক কৃতজ্ঞতা জ্ঞাপন কৰে। তেওঁলোকৰ সহযোগিতা অবিহনে সংগঠনটো প্ৰতিষ্ঠা হ’ব নোৱাৰিলেহেঁতেন বুলিও তেওঁ কয়। আগষ্ট ক্ৰান্তিৰ ঐতিহাসিক দিনটোত ছত্ৰ সংগঠনৰ নতুন কাৰ্যালয়ত প্ৰৱেশৰ কথা উল্লেখ কৰি শ্ৰী অমিত শ্বাহে আস্থা প্ৰকাশ কৰে যে ‘সহকৰ ছে সমৃদ্ধি’ৰ বিপ্লৱে এই স্থানৰ পৰাই নতুন গতি লাভ কৰিব আৰু নগৰীয়া সমবায় বেংকসমূহ দেশৰ সৰু সৰু চহৰসমূহৰ বাবেও উন্নয়ন আৰু সমৃদ্ধিৰ বাহন হৈ পৰিব।এই উপলক্ষ্যে  কেন্দ্ৰীয় গৃহমন্ত্ৰী তথা সমবায় মন্ত্ৰীয়ে ভাৰতীয় ৰিজাৰ্ভ বেংকৰ প্ৰাক্তন উপ-সাধাৰণ প্ৰবন্ধক শ্ৰী জি পি মিষ্ট্ৰীয়ে লিখা ‘অপাৰেচনেল ৰিস্ক মেনেজমেণ্ট – এ প্ৰেক্টিকেল গাইড টু আৰ্বান কো-অপাৰেটিভ বেংকছ’ নামৰ গ্ৰন্থখন আৰু ভাৰতৰ সমবায় বেংকিঙৰ ঐতিহাসিক যাত্ৰাৰ ওপৰত এখন কফি-টেবুল গ্ৰন্থ মুকলি কৰে। শ্ৰী অমিত শ্বাহে সহকাৰ চিবিএছত সফলতাৰে যোগদান কৰা প্ৰথম ছটা নগৰীয়া সমবায় বেংকৰ প্ৰতিনিধিকো সম্বৰ্ধনা জনায়।

****

AK/DM