কেন্দ্রগী গৃহ মন্ত্রী অমসুং কোওপরেসন মন্ত্রী শ্রী অমিত শাহনা ২০২৬কী হৌজিক চুরিবা খা-নোংচুপতগী হৌরকপা নোংজু মনুংদা ঈশিং-ঈচাউনা শোকহল্লবা রাজ্যশিংদা মতেং পাংনবা স্তেত দিজাস্তর রেস্পোন্স ফন্দ (এস.দি.আর.এফ.) গী কেন্দ্রগী শরুক্তগী লুপা করোর ২,১১৭.৮৫গী এদভান্স রিলিজ তৌবদা অয়াবা পীখ্রে। প্রধান মন্ত্রী শ্রী নরেন্দ্র মোদীগী লুচিং মখাদা সরকারনা রাজ্যশিংদা ইফেক্তিব ওইনা রিলিফ, রেস্ক্যু অমসুং রিহেবিলিতেসনগী খোঙথাংশিং পায়খৎনবা তঙাইফদবা তেংবাং পুম্নমক পীনবা লেপ্পী অমসুং ফিভম অসি কুপ্না য়েংশিনগনি।

নোংজু পন্থা হৌরকপা মতমদগী ভারত সরকারনা রাজ্য সরকারশিংগা লোয়ননা নক্না চৎমিন্নদুনা ঈশিং-ঈচাউগী ফিভম লেপ্পা লৈতনা য়েংশিল্লি। কেন্দ্র সরকারনা দরকার ওইবা মফম খুদিংদা নেস্নেল দিজাস্তর রেস্পোন্স ফোর্স (এন.দি.আর.এফ.) গী তীমশিং প্রি-দিপ্লোইমেন্ত তৌবা অমসুং ঙাকশেল মন্ত্রালয়দগী লোজিস্তিক সপোর্ত য়াওনা পাংবা য়াবা মতেং পুম্নমক পীরি।

অরুনাচল প্রদেশ অমসুং অসামদা থোকখিবা অমাং-অতাশিং অদু য়েংশিন্নবা ইন্তর-মিনিস্ত্রিএল সেন্ত্রেল তীমশিং (আই.এম.সি.তি.) দিপ্যুৎ তৌখিবা লৈখ্রে। ঈশিং-ঈচাউগী ফিভম অসি য়েংলগা অসামদা আই.এম.সি.তি.গী খোঙচৎ অনি চৎখ্রে। নাগালেন্দ সরকারনা হায়জরকপদগী রাজ্য অসিগীদমক আই.এম.সি.তি.সু শেমখ্রে নাগালেন্দ সরকারনা হায়জরকপগী মতুং ইন্না রাজ্য অসিগীদমক আই.এম.সি.তি.সু শেমগৎলি।

শোকহল্লবা রাজ্য তরেৎকী মনুংদা, হিমাচল প্রদেশ, ওরিশা অমসুং নাগালেন্দনা শেনবা চহি ২০২৬-২৭কীদমক এস.দি.আর.এফ.কী অহানবা ইন্সতোলমেন্ত ফংখ্রে। রিলিফ ওপরেসনশিংগীদমক মতম চানা ফন্দ ফংহন্নবা, কেন্দ্রগী গৃহ মন্ত্রীনা হিমাচল প্রদেশ অমসুং ওরিশাদা এস.দি.আর.এফ.কী সেন্ত্রেল শিয়রগী অনিশুবা ইন্সতোলমেন্ত এদভান্স ওইনা থাদোকপদা অয়াবা পীখ্রে। মখা তানা, রিলিফকী থবকশিংগীদমক রিসোর্সশিংগী তঙাই ফদবা অদু য়েংলগা, এস.দি.আর.এফ.কী সেন্ত্রেল শিয়রগী অহানবা ইন্সতোলমেন্তকী এদভান্সকী শেনফম অমা অরুনাচল প্রদেশ, অসাম, গুজরাত অমসুং মহারাস্ত্রাগীদমক চৎনবা য়াবা গাইদলাইনশিংগী মখাদা দোকুমেন্তরীগী মথৌ তাবশিং কোমথোক্তুনা অয়াবা পীখ্রে।

শোকহল্লবা রাজ্যশিংগীদমক অয়াবা পীরবা মতেং অসিদা শেনবা চহি ২০২৬-২৭কীদমক এস.দি.আর.এফ.কী সেন্ত্রেল শিয়রগী অহানবা ইন্সতোলমেন্তকী এদভান্স রিলিজ ওইনা অরুনাচল প্রদেশতা লুপা করোর ৪৪.৫৫ য়াওরি। অসামদা অহানবা ইন্সতোলমেন্তকী এদভান্স রিলিজ ওইনা লুপা করোর ৩৭৯.৩৫গী অয়াবা পীখ্রে, অদুগা গুজরাত্তা অহানবা ইন্সতোলমেন্তকী এদভান্স রিলিজ ওইনা লুপা করোর ৫০০গী অয়াবা পীখ্রে। ২০২৬-২৭কীদমক এস.দি.আর.এফ.কী অহানবা ইন্সতোলমেন্ত ফংখ্রবা হিমাচল প্রদেশতা সেন্ত্রেল শিয়রগী অনিশুবা ইন্সতোলমেন্তকী এদভান্স রিলিজ ওইনা লুপা করোর ১৯৩.৯৫ অয়াবা পীখ্রে। মহারাস্ত্রদা অহানবা ইন্সতোলমেন্তকী এদভান্স রিলিজ ওইনা লুপা করোর ৫০০গী অয়াবা পীখ্রে। অহানবা ইন্সতোলমেন্ত হান্না ফংখ্রবা ওরিশাদা, অনিশুবা ইন্সতোলমেন্তকী এদভান্স রিলিজ ওইনা লুপা করোর ৫০০গী অয়াবা পীখ্রে। মসিগী অয়াবা অসিগা লোয়ননা, হৌজিক চত্থরিবা রিলিফ অমসুং রেস্পোন্সকী খোঙথাংশিং মপাঙ্গল কনখৎহন্নবগীদমক্তা ঈচাউনা শোকহল্লবা রাজ্যশিংদা পুন্না লুপা করোর ২,১১৭.৮৫ ফংহনখ্রে।

***