انڈین ریلویز نے ہندوستان میں پہلی بار ٹرین کے ذریعے لائیو ڈونر ہارٹ کو کامیابی کے ساتھ منتقل کر کے صحت کی دیکھ بھال کے شعبے میں ایک تاریخی سنگ میل حاصل کیا ہے۔ زندگی بچانے والے اس وژول آرگن (دل) کو ٹرین نمبر 20901 ممبئی سنٹرل-گاندھی نگر کیپیٹل وندے بھارت ایکسپریس کے ذریعے سورت سے احمد آباد منتقل کیا گیا، جس نے یو این مہتا انسٹی ٹیوٹ آف کارڈیالوجی اینڈ ریسرچ سنٹر احمد آباد میں پیوند کاری کے لیے اس کی محفوظ اور وقت پر آمد کو یقینی بنایا۔

اس تاریخی مشن نے وندے بھارت ایکسپریس کی رفتار، وقت کی پابندی اور قابل اعتمادی کو ظاہر کیا جبکہ ہنگامی طبی نقل و حمل اور اہم صحتی خدمات میں انڈین ریلویز کے بڑھتے ہوئے کردار کو اجاگر کیا۔ عضو کی پیوند کاری کی انتہائی حساس نوعیت کو مدنظر رکھتے ہوئے، اس آپریشن کے لیے انڈین ریلویز، ریلوے پروٹیکشن فورس (آر پی ایف)، گجرات اسٹیٹ پولیس اور میڈیکل ٹیموں کے درمیان باریک بین منصوبہ بندی اور بہترین تعاون کی ضرورت تھی۔ نقل و حمل کے ہر مرحلے کو احتیاط سے مربوط کیا گیا تھا تاکہ یہ یقینی بنایا جا سکے کہ ڈونر ہارٹ مقررہ وقت کے اندر مریض کے اسپتال تک پہنچ جائے۔

احمد آباد ریلوے اسٹیشن کے پلیٹ فارم نمبر 1 سے یو این مہتا انسٹی ٹیوٹ آف کارڈیالوجی اینڈ ریسرچ سنٹر تک ریلوے پروٹیکشن فورس اور گجرات اسٹیٹ پولیس کی جانب سے ایک وقف گرین راہداری بنائی گئی، جس سے ڈونر ہارٹ کی بلا تعطل منتقلی ممکن ہوئی اور اس بات کو یقینی بنایا گیا کہ پیوند کاری کا طریقہ کار بلا تاخیر شروع ہو سکے۔

اس موقع پر بات کرتے ہوئے احمد آباد کے ڈیویژنل ریلوے مینیجر وید پرکاش نے کہا کہ "یہ انڈین ریلویز کے لیے بے پناہ فخر اور اطمینان کا لمحہ ہے۔ وندے بھارت ایکسپریس کے ذریعے سورت سے احمد آباد تک لائیو ڈونر ہارٹ کی کامیاب منتقلی روایتی مسافر اور مال بردار نقل و حمل سے ہٹ کر معاشرے کی خدمت کرنے کے ہمارے عزم کو ظاہر کرتی ہے۔ ایسے زندگی بچانے والے مشنوں میں، ہر منٹ انتہائی اہم ہوتا ہے۔ انڈین ریلویز، آر پی ایف، گجرات اسٹیٹ پولیس اور میڈیکل ٹیموں کے درمیان بہترین تعاون نے اس مشن کی کامیابی کو یقینی بنایا۔ انسانی زندگی کو بچانے میں اپنا تعاون دینا نہ صرف ہماری ذمہ داری ہے بلکہ خدمت اور انسانیت کی طرف ہمارا سب سے اعلیٰ فرض بھی ہے۔"

یہ کامیاب مشن وندے بھارت ایکسپریس کی تیز رفتاری، آپریٹو قابل اعتمادی اور وقت کی پابندی کے ذریعے وقت کے لحاظ سے انتہائی حساس آپریشنز میں معاونت کی صلاحیت کو مزید مضبوط کرتا ہے۔ یہ اس بات کا بھی مظاہرہ کرتا ہے کہ جدید ریلوے کا بنیادی ڈھانچہ ملک کے ہنگامی صحتی نظام کو مضبوط بنانے میں کس طرح اہم کردار ادا کر سکتا ہے۔

انڈین ریلویز نے ریلوے پروٹیکشن فورس، گجرات اسٹیٹ پولیس، ڈاکٹروں، ارگن ٹرانسپلانٹ کوآرڈینیٹرز اور ریلوے حکام سمیت تمام اسٹیک ہولڈرز کا شکریہ ادا کیا، جن کی مربوط کوششوں نے اس چیلنجنگ مشن کو کامیاب بنایا۔

یہ تاریخی کامیابی انڈین ریلویز کے محفوظ، قابل اعتماد اور موثر ٹرانسپورٹیشن خدمات فراہم کرنے کے عزم کا اعادہ کرتی ہے اور ساتھ ہی زندگی بچانے والے انسانی فلاحی اقدامات میں اپنے تعاون کو وسعت دیتی ہے اور ملک کے صحتی نظام میں اہم کردار ادا کرتی ہے۔

ش ح۔ ف ا۔ ج

uno-1066