بھارتی  ریلوے نے کولکاتہ  بندرگاہ سے براٹ نگر کسٹمز یارڈ ، نیپال تک پہلی براہ راست کمرشیل کنٹینر مال بردار ٹرین کے کامیاب آغازکے ساتھ بھارت  اور نیپال کے درمیان مال بردار ٹرین کنکٹیوٹی کو مستحکم کرنے میں ایک اہم سنگ میل حاصل کیا ہے ۔  کینولا کی کھیپ لے جانے والی 40 بوگیوں پر مشتمل اس ٹرین نے ترمیم شدہ بھارت -نیپال ریل ٹرانزٹ پروٹوکول کے تحت اپنا سفر مکمل کیا ، جس سے ریل پر مبنی سرحد پار مال بردار نقل و حرکت میں ایک نیا باب شروع ہوا ۔

یہ کامیاب آپریشن کولکاتہ  بندرگاہ سے براٹ نگر تک کنٹینر والے کارگو کی براہ راست ریل نقل و حرکت کو سرحد پر ٹرانس شپمنٹ کے بغیر قابل بناتا ہے ۔  توقع ہے کہ اس نئے انتظام سے دونوں پڑوسی ممالک کے درمیان سرحد پار تجارت کی کارکردگی ، اعتماد اور مسابقت کو بہتر بناتے ہوئے ٹرانزٹ ٹائم ، لاجسٹک لاگت اور کارگو ہینڈلنگ میں کافی کمی آئے گی ۔  یہ سنگ میل نظر ثانی شدہ بھارت-نیپال ریل ٹرانزٹ پروٹوکول کے نفاذ کے ذریعے ممکن ہوا ہے ، جو دونوں ممالک کے درمیان مال برداری کی شروع سے آخر تک  ریل نقل و حمل کی سہولت فراہم کرتا ہے ۔

یہ کامیابی جوگبنی (بھارت ) اور براٹ نگر (نیپال) کے درمیان براڈ گیج ریل لنک پر مبنی ہے جس کا افتتاح جون 2023 میں وزیر اعظم جناب نریندر مودی اور نیپال کے اس وقت کے وزیر اعظم نے کیا تھا ۔  نومبر 2025 میں نظر ثانی شدہ لیٹر آف ایکسچینج (ایل او ای) پر دستخط کے بعد ، براٹ نگر تک براہ راست  کمرشیل  ریل کی نقل و حرکت اب فعال ہو گئی ہے ، جس سے دو طرفہ تجارت اور اقتصادی تعاون کے نئے مواقع کھل گئے ہیں ۔

براہ راست مال برداری سروس سے توقع کی جاتی ہے کہ وہ نقل و حمل کا تیز تر ، زیادہ کفایتی اور ماحولیاتی طور پر پائیدار طریقہ پیش کرکے درآمدی اور برآمدی کارگو کی نقل و حرکت کو نمایاں فروغ فراہم کرے گی ۔  متعدد ہینڈلنگ مراکز کو کم کرنے اور سپلائی چین کی کارکردگی کو بہتر بنانے سے اس پہل سے برآمدکاروں ، درآمد کاروں، لاجسٹک آپریٹرز اور سرحد پار تجارت میں مصروف صنعتوں کو فائدہ پہنچے گا ۔

یہ سنگ میل بین الاقوامی ریل رابطے کو بڑھانے ، بار برداری لاجسٹکس کو مضبوط بنانے اور جدید ٹرانسپورٹ انفراسٹرکچر کے ذریعے کاروبار کرنے میں آسانی کو بہتر بنانے کے حکومت کے وژن کی حمایت کرنے پر بھارتی ریلوے کی مسلسل توجہ کی عکاسی کرتا ہے ۔  ریل پر مبنی مال بردار نقل و حرکت میں اضافہ لاجسٹک لاگت کو کم کرنے ، کارگو کے اعتماد کو بہتر بنانے اور ماحولیات کے لیے ساز گارنقل و حمل میں معاون ثابت ہوگا جبکہ پڑوسی ممالک کے ساتھ مضبوط اقتصادی شراکت داری کو فروغ دے گا ۔

نیپال کے لیے پہلی براہ راست کمرشیل کنٹینر مال بردار ٹرین کا کامیاب آپریشن بھارتی  ریلوے کی ایک مربوط ، موثر اور مستقبل کے لیے تیار مال بردار نیٹ ورک کی تعمیر کی کوششوں میں ایک اور اہم کامیابی کی نشاندہی کرتا ہے جو علاقائی تجارت ، اقتصادی ترقی اور ہموار بین الاقوامی رابطے کی حمایت کرتا ہے ۔

******

(ش ح۔م ع ۔ت ا(

   U.No.750