ಪ್ರಕಟಣಾ ದಿನಾಂಕ:
28 JUL 2026 1:39PM by PIB Bengaluru
ರೈಲ್ವೆ ಮೂಲಸೌಕರ್ಯವನ್ನು ಬಲವರ್ಧನೆಗೊಳಿಸುವ ಮತ್ತು ನೆಟ್‌ವರ್ಕ್ ಸಾಮರ್ಥ್ಯವನ್ನು ಹೆಚ್ಚಿಸುವ ಮಹತ್ವದ ಕ್ರಮವಾಗಿ ಭಾರತೀಯ ರೈಲ್ವೆ ದಕ್ಷಿಣ ಮಧ್ಯ ರೈಲ್ವೆಯ ನಾಂದೇಡ್ ವಿಭಾಗದ ಪರ್ಭಾನಿ-ಮುದ್ಖೇಡ್ ಡಬಲ್ ಲೈನ್ ವಿಭಾಗದಲ್ಲಿ ವಿದ್ಯುತ್ ಟ್ರಾಕ್ಷನ್ ವ್ಯವಸ್ಥೆ ಮೇಲ್ದರ್ಜೆಗೇರಿಸಲು ಅನುಮೋದನೆ ನೀಡಿದೆ. ಈ ಸಂಬಂಧಿತ ವಿದ್ಯುತ್ ಸರಬರಾಜು ಅಳವಡಿಕೆ ಕಾರ್ಯಗಳನ್ನು ಸಹ ಒಳಗೊಂಡಿರುವ ಈ ಯೋಜನೆಗೆ 163 ಕೋಟಿ ರೂ. ವೆಚ್ಚದಲ್ಲಿ ಅನುಮೋದನೆ ನೀಡಲಾಗಿದೆ
ಈ ಯೋಜನೆಯು ಅಸ್ತಿತ್ವದಲ್ಲಿರುವ 1x25 kV ವಿದ್ಯುತ್ ಟ್ರಾಕ್ಷನ್ ವ್ಯವಸ್ಥೆಯನ್ನು 164 ಟ್ರ್ಯಾಕ್ ಕಿಲೋಮೀಟರ್‌ಗಳಷ್ಟು ವಿಸ್ತಾರದಲ್ಲಿ ಹೆಚ್ಚು ಸುಧಾರಿತ 2x25 kV ವ್ಯವಸ್ಥೆಯಾಗಿ ಪರಿವರ್ತಿಸುವುದನ್ನು ಒಳಗೊಂಡಿದೆ, ಇದು ವರ್ಧಿತ ವಿದ್ಯುತ್ ಹೊರೆಯನ್ನು ಪೂರೈಸಲು ನವೀಕರಿಸಿದ ವಿದ್ಯುತ್ ಸರಬರಾಜು ಮೂಲಸೌಕರ್ಯದ ನೆರವನ್ನು ಪಡೆಯುತ್ತದೆ.
ಪರ್ಭಾನಿ-ಮುದ್ಖೇಡ್ ವಿಭಾಗವು ಅಜ್ಮೀರ್-ಇಂದೋರ್-ಖಂಡ್ವಾ-ಅಕೋಲಾ-ಪೂರ್ಣ-ಮುದ್ಖೇಡ್-ಸಿಕಂದರಾಬಾದ್-ಮಹಬೂಬ್‌ನಗರ-ಧೋನ್ ಅನ್ನು ಸಂಪರ್ಕಿಸುವ ಕಾರ್ಯತಂತ್ರದ ಪ್ರಮುಖ ಹೈಲಿ ಹೆಚ್ಚು ಬಳಕೆಯಲ್ಲಿರುವ ಜಾಲ (ಹೈಲಿ ಯುಟಿಲೈಸ್ಡ್ ನೆಟ್‌ವರ್ಕ್ ) (ಎಚ್ ಯುಎನ್ ) ಮಾರ್ಗ-9 ರ ಭಾಗವಾಗಿದೆ.
ನವೀಕರಿಸಿದ ಟ್ರ್ಯಾಕ್ಷನ್ ವ್ಯವಸ್ಥೆಯು ರೈಲು ಕಾರ್ಯಾಚರಣೆಗಳಿಗೆ ವಿದ್ಯುತ್ ಸರಬರಾಜನ್ನು ಬಲಪಡಿಸುತ್ತದೆ, ಈ ವಿಭಾಗವು ಹೆಚ್ಚಿನ ಸರಕು ಸಾಗಣೆ ಪ್ರಮಾಣ ನಿರ್ವಹಿಸಲು ಅನುವು ಮಾಡಿಕೊಡುತ್ತದೆ ಮತ್ತು ವಂದೇ ಭಾರತ್ ಎಕ್ಸ್‌ಪ್ರೆಸ್ ರೈಲುಗಳ ಚಾಲನೆ ಬೆಂಬಲಿಸುತ್ತದೆ. ಇದು 2029-30ರ ವೇಳೆಗೆ 3,000 ಮಿಲಿಯನ್ ಟನ್ ಸರಕು ಸಾಗಣೆಯನ್ನು ಸಾಧಿಸುವ ಭಾರತೀಯ ರೈಲ್ವೆಯ ಗುರಿಗೆ ಕೊಡುಗೆ ನೀಡುತ್ತದೆ.
ಈ ಯೋಜನೆಯು ದೇಶಾದ್ಯಂತ ಹೆಚ್ಚಿನ ಸಾಂದ್ರತೆಯ ಕಾರಿಡಾರ್‌ಗಳಲ್ಲಿ ವಿದ್ಯುತ್ ಮೂಲಸೌಕರ್ಯ ಆಧುನೀಕರಿಸಲು ಮತ್ತು ಕಾರ್ಯಾಚರಣೆಯ ದಕ್ಷತೆಯನ್ನು ಸುಧಾರಿಸಲು ಭಾರತೀಯ ರೈಲ್ವೆಯ ನಿರಂತರ ಪ್ರಯತ್ನಗಳನ್ನು ಪ್ರತಿಬಿಂಬಿಸುತ್ತದೆ.
*****