માહિતી અને પ્રસારણ મંત્રાલયએ ટીવી રેટિંગ્સ પોલિસી 2026 જાહેર કરી છે, જે ભારતમાં ટેલિવિઝન રેટિંગ્સના નિયમન માટે વ્યાપક માર્ગદર્શિકા સુનિશ્ચિત કરે છે. આ નીતિ દર્શકોના માપનમાં પારદર્શિતા, સ્વતંત્રતા અને જવાબદેહી સુનિશ્ચિત કરવાના ઉદ્દેશ્ય સાથે ટીવી રેટિંગ સેવાઓ આપતી એજન્સીઓના રજીસ્ટ્રેશન, કામગીરી, ઓડિટ અને દેખરેખ માટે સ્પષ્ટ ધોરણો વ્યાખ્યાયિત કરે છે.

ટીવી રેટિંગ પોલિસી 2026 એ 16 જાન્યુઆરી 2014 ની ભારતમાં ટીવી રેટિંગ એજન્સીઓ માટેની હાલની માર્ગદર્શિકાનું સ્થાન લીધું છે.

નીતિ હેઠળ રજૂ કરવામાં આવેલા મુખ્ય સુધારાઓમાં નીચેનાનો સમાવેશ થાય છે:

· નેટ વર્થના માપદંડને રૂ. 20 કરોડથી ઘટાડીને રૂ. 5 કરોડ કરવો;

· કનેક્ટેડ ટીવી અને OTT પ્લેટફોર્મ પર ઉપલબ્ધ ટીવી ચેનલો સહિત બહુવિધ પ્લેટફોર્મ્સ પર ટેકનોલોજી-તટસ્થ દર્શક માપન;

· મીટર ધરાવતા ઘરોની સંખ્યા 50,000 થી વધારીને 80,000 કરીને સેમ્પલ સાઈઝમાં વધારો કરવો;

· દર ત્રણ વર્ષે સામયિક એસ્ટાબ્લિશમેન્ટ સર્વેક્ષણ;

· વ્યૂઅરશિપ ડેટાની ગણતરીમાં લેન્ડિંગ પેજનો બાકાત;

· વાર્ષિક સ્વતંત્ર ઓડિટ; અને

· બિન-પાલન માટે ગ્રેડેડ દંડનું માળખું.

નિયત કરાયેલી સુરક્ષાત્મક જોગવાઈઓમાં ક્રોસ-હોલ્ડિંગ નિયંત્રણો, એજન્સીના બોર્ડમાં ઓછામાં ઓછા 33% સ્વતંત્ર નિયામકોની આવશ્યકતા, હિતોની વિરોધાભાસ ઊભી કરી શકે તેવી કન્સલ્ટન્સી અથવા સલાહકારી પ્રવૃત્તિઓ પર પ્રતિબંધ, સિક્યોરિટી ક્લિયરન્સની જરૂરિયાતો, ઓડિટ અને પારદર્શિતાની જવાબદારીઓનો સમાવેશ થાય છે જેથી રેટિંગ એજન્સીઓની કાર્યાત્મક અને ઓપરેશનલ સ્વતંત્રતા સુનિશ્ચિત કરી શકાય.

આ નીતિ હેઠળ, ભારતમાં ટેલિવિઝન રેટિંગના વ્યવસાયમાં રહેલી કોઈપણ સંસ્થાએ ચોક્કસ વધારાની જરૂરિયાતોનું પાલન કરવું પડશે અને નવી નીતિ હેઠળ નોંધણી કરાવવી પડશે.

આજની તારીખ સુધી, નવી નીતિ હેઠળ કોઈ સંસ્થા નોંધાયેલ નથી. ટેલિવિઝન રેટિંગ્સ પોલિસી, 2026 ટીવી રેટિંગ સેવાઓ પૂરી પાડવા માટે નોંધણી કરાવી શકે તેવી એજન્સીઓની સંખ્યા પર કોઈ મર્યાદા લાદતી નથી.

રાજ્યસભામાં ડૉ. જોન બ્રિટાઝ દ્વારા પૂછવામાં આવેલા એક અનતારાંકિત પ્રશ્નના લેખિત જવાબમાં માહિતી અને પ્રસારણ તેમજ સંસદીય બાબતોના રાજ્ય મંત્રી ડૉ. એલ. મુરુગન દ્વારા આ માહિતી આપવામાં આવી હતી.

IJ/DK/GP

સોશિયલ મીડિયા પર અમને ફોલો કરો :  @PIBAhmedabad    /pibahmedabad1964    /pibahmedabad  pibahmedabad1964[at]gmail[dot]com