দিবলপমেন্ত, কম্মুনিকেসন এন্দ দিসিমিনেসন ওফ ফিল্মিক কন্তেন্ত (দি সি দি এফ সি) স্কিমগী মখাদা, রিজনেল ফিল্মশিং পুথোকপদা সরকারনা শেন্থং পীরে। থবকশিং অসিনা মহারাষ্ট্রা য়াওনা লৈবাক শীনবা থুংবগী ফিল্ম পুথোক্লিবা মীওইশিংদা কান্নবা পীরে অমসুং ভারতকী ফিল্ম পুথোকপগী থবকশিং ফগৎহনবা অমসুং মালেমগী ওইনা চাংদম্নবদা শরুক য়াবা হেনগৎহনবদা মতেং পাংলে।

ভারতকী ফিল্ম পুথোকপগী থবকশিং ফগৎহন্নবা অমসুং ভারতকী ফিল্মশিং মালেমগী লৈবাকশিংদা য়ৌহন্নবা সরকারনা থবক কয়া পায়খৎলে। নেসনেল ফিল্ম দিবলপমেন্ত কোর্পোরেসন (এন এফ দি সি) না অসিগুম্বা ফিল্মমেকরশিংদা শেন্থং পীরে।

মালেমগী কৈথেলশিংদা য়ৌহন্নবা, মরুওইবা মালেমগী ফিল্ম ফেষ্টিবেলশিং অমসুং ফিল্মগী কৈথেলশিংদা ভারতকী ফিল্মমেকরশিং শরুক য়াবদা সরকারনা মতেং পাংলে। ভারতকী সেনিমা য়োকখৎনবা অমসুং মালেমগী লৈবাকশিংগা পুন্না থবক তৌমিন্নবা য়ানবা খুদোংচাবশিং শেমগৎনবা ফেদেরেসন ওফ ইন্দিয়ান চেম্বর্স ওফ কম্মর্স এন্দ ইন্দষ্ট্রি (এফ আই সি সি আই) অমসুং ইন্তরনেসনেল চেম্বর ওফ কম্মর্স (আই সি সি) গুম্বা উদ্যোগকী লুপশিংগা মিনিষ্ট্রিগা পুন্না থবক তৌমিন্নরে।

ভারতকী সেনিমা য়োকখৎনবা পান্দম থমদুনা অমসুং ভারত অমসুং মালেমগী ফিল্ম ইন্দষ্ট্রিশিংগী মরক্ত থবক তৌমিন্নবা য়ানবা থৌরম কয়া পাংথোক্নবা মপান লৈবাকশিংদা লৈরিবা ভারতকী মিসনশিংদা শেন্থং পীরে। অসিগুম্বা থবকশিংগী মনুংদা ৱেবস বাজার, ৱার্ক-ন-প্রোগ্রেস লেবশিং, ফিল্ম য়েংফম কাশিং, ফিল্মগী কৈথেলশিং অমসুং মালেমগী লৈবাকশিংগা পুন্না ফিল্ম নম্নবা থৌরমশিং য়াওরি। হায়রিবা থবকশিং অসিনা প্রোজেক শেমগৎপা, নেতৱার্ককী খুদোংচাবশিং অমসুং ভারতকী ফিল্মমেকরশিং মালেমগী কৈথেলশিংগা শম্নবদা মতেং পাংলি।

মালেম থাক্কী ইনফ্রাষ্ট্রকচরশিং অমসুং খুদোংচাবশিং লৈদুনা, মহারাষ্ট্রানা মখা তানা লৈবাক অসিদা অচৌবা ফিল্ম পুথোকপা মফম ওইরি। মুম্বাইগী গোরেগাউন্দা দাদাসাহেব ফালকে চিত্রানগরি (ফিল্ম সিতি) লৈরি। ফিল্ম এন্দ তেলিবিজন ইন্সতিতুৎ ওফ ইন্দিয়া (এফ তি আই আই), পুনে অমসুং ইন্দিয়ান ইন্সতিতুৎ ওফ ক্রিয়েতিপ তেক্নোলোজিস (আই আই সি তি), মুম্বাইগুম্বা মহৈলোয়শঙশিংনা সেক্তর অসিগী হৈথোই-শিংথোইরবা মীওই কয়া পুথোক্লি। হায়রিবা থবকশিং অসিগী মথক্ত, মুম্বাই, পুনে অমসুং নাশিক শীনবা থুংনা লনাই কাংবুগী প্রদক্সন অমসুং পোষ্ট-প্রদক্সনগী পাক-চাউরবা নেতৱার্ক অমা লৈরি।

ফিল্ম সেক্তরগা মরী লৈনবা ৱাফমশিং মখা তানা থিজিন্নবা ইনফোর্মেসন অমসুং ব্রোদকাষ্টিং মিনিষ্ট্রিনা অৱাংবা থাক্কী ষ্টদি গ্রুপ অমা শেম্লে। গ্রুপ অসিগী রিপোর্ত মতুংইন্না, মখা তানা থবক পায়খৎনবা থৌশিলশিং শেমগনি।

ৱাফম অসি লোক সভাদা দোক্তর অমোল রামশিং কোলহেনা পুখৎলকপা অনষ্টার ৱাহং অমগী অইবা ওইনা পীবা পাউখুম অমদা ইনফোর্মেসন অমসুং ব্রোদকাষ্টিং অমসুং পর্লিয়ামেন্তরি এফেয়ার্সকী রাজ্য মন্ত্রী দোক্তর এল.মরুগান্না ফোঙদোকখিবনি।

***