নেস্নেল ওলিম্পিয়াদ প্রোগ্রামগী মখাদা ত্রেন তৌবা মহৈরোয়শিংনা ইন্তরনেস্নেল ফীজিক্স, কেমিস্ত্রী, বাইওলোজী অমসুং মেথমেতিক্স ওলিম্পিয়াদ ২০২৬দা লৈবাক অসিগী খ্বায়দগী ফবা পর্ফোর্মেন্স পীদুনা দিপার্তমেন্ত ওফ এতোমিক ইনর্জী (DAE) না তারতকী সাইন্তিফিক তেলেন্তশিং মখোঙ শোম্নবগীদমক লেপ্লিবা খোঙফম অমুক হন্না চেৎশিনহনখ্রে। মায় পাকপা অসিনা ভরতকী নহাশিংগী তোপ তোপ্পা মতিক ময়াই তাক্লি অমসুং লৈবাক অসিগী খ্বায়দগী হৈ-শিংবা নহাশিং মশক খঙদোক্নবা, লমজিংনবা অমসুং পুক্নিং থৌগৎনবা দেকেদ কয়া চঙনা ৱানা শেমগৎলকখিবা নেস্নেল ইকোসিস্তেম অসিগী মপাঙ্গল উৎলি। ওলিম্পিয়াদ তীম অসিগী থোইদোক হেন্দোকপা মায় পাকপা অসি ভারতকী নহাগী মতিক অমসুং মালেমগী থাক্তা হৈ-শিংলবা নহা ওইরিবা মহৈরোয়শিংগী মশাগী মপুং ফাবা মতিং ফুদোকচবা ঙমহন্নবা খুদোংচাবা শেমগৎনবা লেপ্তনা হোৎনরিবা অসিগী শক্লোন অমনি।

২০২৬ ওলিম্পিয়াদ সীজন অসি ইন্তরনেস্নেল ওলিম্পিয়াদশিংদা ভারতকী পর্ফোর্মেন্সকী মশক নাইবা পন্দুপ অমা ওইরি। ওলিম্পিয়াদ মরিদা, ভারতকী কন্তিঞ্জেন্তনা বাইওলোজী অমসুং মেথমেতিক্সতা মশক থোকপা পর্ফোর্মেন্স পীখিবগী মথক্তা ফীজিক্স অমসুং কেমিস্ত্রীদা সনাগী মেদল পুম্নমক লৌবা য়াওনা সনাগী মেদল ১২, লুপাগী মেদল ৭ ফংলকখি। মালেমগী খ্বায়দগী হৈ-শিংবা নহাশিংগী মায়োক্নদুনা লম্বা পারদুনা, ভারতকী মহৈরোয়শিংনা শিংথানিংঙাই ওইরবা সাইন্তিফিক এপ্তিচুদ, হোৎনবা কনবা অমসুং ইনোভেসনগী মতৌ উত্তুনা, লৈবাক অসিগী মিংচৎ পুরকখি অমসুং সাইন্স অমসুং মেথমেতিক্সকী লমদা ভারতনা মালেমগী শাফু অমা ওইরক্নবগী খোঙফম চেৎশিনহল্লে।

মহৈরোয়শিংগী মফমদা মখোয়গী মশক থোক্না মায় পাক্লকপগীদমক নুংঙাইবা ফোঙদোক্লদুনা, দোক্তর অজিত কুমার মোহন্তী, সেক্রেতরী, দিপার্তমেন্ত ওফ এতোমিক ইনর্জী অমসুং চেয়রমেন, এতোমিক ইনর্জী কম্মিসন্না হায়খি, “ইন্তরনেস্নেল ওলিম্পিয়াদতা ভারতকী মহৈরোয়শিংনা পীখিবা মশক থোকপা পর্ফোর্মেন্সশিং অসি লৈবাক্কী য়াম্না চাউথোকচনিংঙাইগী ৱাফম্নি অমসুং ভারতকী সাইন্তিফিক স্পিরিতকী সেলেব্রেসন অমনি। মায়পাকপশিং অসিদা মহৈরোয়শিংগী পুক্নিং লুপ্পা, লমজিং-লমতাক্লিবা অমসুং ওজাশিংগী মমল নাইদ্রবা লমজি, অমসুং দেকেদ কয়া চঙনা ৱানা শেমগৎলকখিবা ইন্সতিত্যুস্নেল ইকোসিস্তেমগী মপাঙ্গলগী মমি তারি।

মায় পাকপা অসিগী মরুমদা দিপার্তমেন্ত ওফ এতোমিক ইনর্জী (DAE)গী মখাদা লৈবা এদেদ ইন্সতিত্যুসন অমা ওইরিবা তাতা ফন্দামেন্তেল রীছর্চ (TIFR) কী নেস্নেল সেন্তর অমা ওইরিবা হোমী বাবা সেন্তর ফোর সাইন্স এজুকেসন (HBCSE) লৈরি। ভারতকী সাইন্স অমসুং মেথমেতিক্স ওলিম্পিয়াদ প্রোগ্রামগী নেস্নেল নোদেল সেন্তর অমা ওইইনা, HBCSE না তেলেন্ত খঙদোক্নবা অকনবা, তাঙ্কক কয়া থোকপা থৌওং, ওরিএন্তেসন, এদভান্স ত্রেনিং অমসুং মেন্তরিং পায়খত্তুনা, লৈবাক অসিগী খ্বায়দগী হৈশিংবা প্রি-য়ুনিভর্সিতী মহৈরোয়শিংবু মালেমগী খ্বায়দগী ৱাংবা থাক্তা চাংদম্ননবগীদমক শেমগৎলি। DAE না লেপ্পা লৈতনা ইন্সতিত্যুস্নেল সপ্পোর্ত পীদুনা অমসুং সাইন্তিফিক এক্সেলেন্স পুরক্নবা খোঙফম হোংদনা লেপ্তুনা প্রোগ্রাম অসি মালেমগী খ্বায়দগী ইকায়খুম্নবা ওলিম্পিয়াদ ইকোসিস্তেম অমা ওল্লক্লে।

ভারতকী ওলিম্পিয়াদ প্রোগ্রাম মখোঙ শোমবদা DAE না পীরিবা লোইনাইদ্রবা মতেঙবু শকখঙলদুনা প্রোফঃ অর্নাব ভত্তচার্য়, সেন্তর দাইরেক্তর, HBCSE না হায়খি, “HBCSE দা পীরিবা মমল নাইদ্রবা ঙাক্লৌ অমসুং লৈবাক অসিগী সাইন্তিফিক তেলেন্তশিং মখোঙ শোম্নবা হনবা লৈতনা লেপ্লিবা খোঙফমগীদমক ঐখোয়না দিপার্তমেন্ত ওফ এতোমিক ইনর্জীগী মফমদা তৌবিমল খঙবা উৎচরি। ঐখোয়গী মহৈরোয়শিংনা পীখিবা তোপ তোপ্পা পর্ফোর্মেন্সশিং অসিনা লৈবাক পুম্বদা সাইন্স অমসুং মেথমেতিক্সকী কলচর ওফ এক্সেলেন্স অমা শেমগৎপগা লোয়ননা নহা ওইরিবা স্কোলারশিংগী মথংগী মীরোল মশক খঙদোকপা, মখোঙ শোম্বিবা অমসুং পুক্নিং থৌগৎপগী মিসনবু হেন্না খোঙফম চেৎশিনহল্লে।”

দিপার্তমেন্ত ওফ এতোমিক ইনর্জীনা ওলিম্পিয়াদ ইহৌদা লৌরিবা থৌদাং অসি স্পোন্সরসিপখক্তদা নত্তে। TIFR অমসুং HBCSE দা ঙাক্লৌ পীদুনা, DAE না সাইন্তিফিক তেলেন্তশিং মখোঙ শোম্নবগী মান্নবা মিসন অমদা লৈবাক পুম্বদগী সাইন্তিস্ত, ওজা, একাদমিক ইন্সতিত্যুসনশিং অমসুং সবজেক্ত এক্সপর্তশিং পুনশিন্নবা লৈবাক্কী ইকোসিস্তেম অমা শেমগৎপদসু মতেঙ পাংলি। পুন্না থবক তৌমিন্নবগী ফ্রেমৱর্ক অসিনা ভারত অমসুং মপান লৈবাকশিংদা হাইয়র এজুকেসন, রিছর্চ, ইনোভেসন অমসুং সাইন্তিফিক লীদরসিপ্তা মশাগী তোপ তোপ্পা মফম কঞ্জবা ঙম্বা ওলিম্পিয়ান মরোল কয়া লেপ্তনা পুথোক্তুনা লাক্লি।

দিপার্তমেন্ত ওফ এতোমিক ইনর্জীনা মেদল ফংলকখৎবা পুম্নমক, তীম লুচিংবশিং, মেন্তরশিং, সাইন্তিফিক ওবজর্বরশিং, HBCSE গী ওলিম্পিয়দ সেলশিং, ওজাগী লুপশিং অমসুং মখোয়গী কত্থোকপনা মায় পাকপা অসি পুরকপা ঙমহল্লিবা লৈবাক পুম্বগী রিসোর্স পর্সনশিংগী নেতৱর্কগী মফমদা থাগৎপা ফোঙদোক্লি। ভারতকী নেস্নেল ওলিম্পিয়াদ প্রোগ্রামদা ঙাক্লৌ পীদুনা মখা তানা মপাঙ্গল কনখৎহল্লিবা দিপার্তমেন্ত ওফ সাইন্স এন্দ তেক্নোলোজী, দিপার্তমেন্ত ওফ স্পেস, অমসুং মিনিস্ত্রী ওফ এজুকেসন, ভারত লৈঙাক্কী খোঙবু ওইবগী মরীবুসু DAE না শকখঙলি।

ভারতকী ওলিম্পিয়ান তীম্না ২০২৫ তা মায় পাক্লিবশিং অসিনা সাইন্তিফিক এজুকেসন অমসুং তেলেন্ত শেমগৎপদা লেপ্তনা থবক পায়খৎপনা পুরক্লিবা অওনবা শাফু অসিবু হেন্না চেৎশিনহল্লে। লৈবাক অসিনা মালেমগী নোলেজ ইকনমী অমা ওইরক্নবগী লম্বীদা চঙশিল্লকপগা লোয়ননা দিপার্তমেন্ত ওফ ইনর্জীনা নহা ওইরিবা সাইন্তিফিক ৱাখল্লোনশিংবু পুক্নিং থৌগৎনবা, ইন্সতিত্যুসন্স ওফ এক্সেলেন্স মপাঙ্গল কনখৎহন্নবা, অমসুং সাইন্স, ইনোভেসন অমদি মীওইবগী মতিংনা মথৌ হাপ্পা তুংলমচৎ অমা শেমগনবা খোঙফম হোংদনা লেপ্লি।

বুকারামঙ্গা, কোলম্বিয়াদা পাঙথোকখিবা ৫৬শুবা ইন্তরনেস্নেল ফীজিক্স ওলিম্পিয়াদ (IPhO) ২০২৬ তা শরুক য়াখিবা ভারতকী তীম

৫৮শুবা ইন্তরনেস্নেল কেমিস্ত্রী ওলিম্পিয়াদ, তাসকেন্ত, উজবেকিস্তান্দা শরুক য়াখিবা ভারতকী তীম

ভিলনিয়স, লিথুৱানিয়াদা পাঙথোকখিবা ৩৭শুবা ইন্তরনেস্নেল বাইওলোজী ওলিম্পিয়াদ ২০২৬ তা শরুক য়াখিবা ভারতকী তীম

সংহাই, চাইনাদা পাঙথোকখিবা ৬৭শুবা ইন্তরনেস্নেল মেথমেতিকেল ওলিম্পিয়াদতা শরুক য়াখিবা ভারতকী তীম

***