ময়াম পুম্নমকপু তরাম্না ওকচরি।

মোন্সুন অসিনা মসিগী পোজিতিব ইম্পেক্ত উৎলকপা হৌরে, অমসুং পার্লিয়ামেন্তকী মোন্সন সেসনসু হৌরে। মোন্সুন ওইগেরা নত্রগা মোন্সুন সেসন ওইগেরা, মখোয় অনিমক্না প্রোএক্তিব ওইরকপা মতমদা, মখোয় অসি য়াম্না প্রদক্তিব ওই। অমসুং মখোয় অনিমক্না প্রোদক্তিব ওইবা মতমদা, মখোয়না লৈবাক অমসুং জিব পানবা পুম্নমক্কী য়াইফ-থৌরাংদা মতেং পাংই। অসিগুম্বা আশা অসিগা লোইননা, ঐখোয়না খুরমজরি মদুদি মোন্সুন অসি প্রোএক্তিব ওইদুনা লৈরসনু অমসুং মোন্সুন সেসন অসিসু চপ মান্ননা প্রদক্তিব ওইহল্লকপা ওইরসনু।

মরুপশিং,

হৌখিবা থা অসিদা লৈবাক অসিনা মাইলস্তোন কয়া অমা ফংখ্রে, মসিনা নাগরিকশিংদা চাউথোকচবা পোকহল্লে। মসিগী মায়পাকপশিং অসি নেস্নেল, ইন্তর্নেস্নেল, অমসুং স্পেস দোমেন ফাওবা শন্দোক্লি। ভারতকী ওইনা, মসি শিংথানিংঙাই ওইবা তাঙ্কক অমনি। মমাং চহিগী মনসুন সেসনগী মমাংদা, ভারতকী নাগরিক অমা ইন্তর্নেস্নেল স্পেস স্তেসনদা থুংখি। অমসুং নুমিৎ খরনিগী মমাংদা, নহা ওইরিবা ভারতকী স্তার্ত-অপ অমনা অখন্নবা মায়পাকপা অমা ফংখি। মালেমদা প্রাইভেত এন্তরপ্রাইজশিংনা অসিগুম্বা তৌবা ঙম্বগী মতিক অদু উৎলিবা লৈবাক খরখক্তনি। ঐখোয়গী নহা ওইরিবা ইন্নোবেতরশিংনা স্পেসকী লমদা ভারতকী অনীংবা অপাম্বশিংবু অৱাংবা থাক্তা পুখৎলে, অমসুং মসি তশেংনা মশক থোকপা মায়পাকপা অমনি। ঐহাক্না স্কাইরুৎ স্তার্ত-অপ অসিদা থবক তৌরিবা তীমগী চহী অসি চাংচত্তা ২৮ রোম ওইরি হায়না পাউদমখি। অসিগুম্বা নহা ওইরিবা ৱাখল্লোন অসিনা মসি ওইথোকহল্লি। ঐহাক চহি ৫৬ শুরবা নহা অমগী মতাংদা ঙাংবা নত্তে, ঐহাক্না স্তার্ত-অপ অমগী তীমগী মতাংদা ঙাংলিবনি, চাংচত্তা চহি ২৮ খক্তমক ওইরিবা মসিগী তীম অসিনা স্পেসতা ভারতকী ফিরাল চিংখৎখ্রে। মখোয়শিং অসি ঐখোয়না তশেংনা থম্মোয় শেংনা থাগৎফম থোকই। হেন্না মরু ওইরিবদি, অসিগুম্বা মায়পাকপশিং অসিনা ঐখোয়গী লৈবাক অসিদা চাউনা থাজবা পোকহল্লি অমসুং মালেমদা ইকাই খুম্নরবা অমসুং থাজবা য়াবা পার্তনর অমা ওইনা ভারতকী থাক অদু হেন্না চেৎশিলহল্লি।

মরুপশিং,

মসি তানজা চানরুদনা থোকখিবা নত্তে, মসি ভারতকী নহারোলশিংগী তৌবা ঙম্বশিং অমসুং অপাম্বশিং অসি স্পেস মশামক্না ঙমখৈ লৈতবা অদুগুম্না শক্তি লৈরবা পাউজেল অমনি। লৈবাক অসিগীদমক্তা মসিদগী হেন্না চাউবা ইন্সপিরেসন অমত্তা লৈরোই।

মরুপশিং,

লৈবাক অসিনা চংশিল্লিবা রিফোর্ম এক্সপ্রেসকী মহৈনি, মসিনা ঐখোয়গী নহাশিংবু অসিগুম্বা থৌনা ফবা খোংথাংশিং লৌখৎপা অমসুং মায়পাকপা ঙমহল্লি।

মরুপশিং,

ইকুই কুইদ্রিঙৈদা, রাজস্থানদা অচৌবা ওইল রিফাইনরী অমা লৈবাক মীয়ামদা কত্থোকখ্রে। চয়োল খরগী মমাংদা, লৈবাক অসিগী অহুমশুবা সেমিকন্দক্তর প্লান্ত শঙ্গাখি। নুমিৎ খরনিগী মমাংদা, লৈবাক খরখক্তদা ফংলিবা গ্রীন হায়দ্রোজেন-পাৱর ত্রেন অমা হৌদোকখ্রে। অদুম ওইনমক ভারতনা মখোয়গী প্রজাশিংদা কত্থোকখ্রিবা মসিগী হাইদ্রোজেন ত্রেন অসি মালেমদা খ্বাইদগী শক্তি লৈবা ইঞ্জিননা চলাইবা অমসুং খ্বাইদগী শাংবা ত্রেননি। মসি ভারতকী সাইন্তিস্তশিং, ইঞ্জিনীয়রশিং, ইন্নোবেতরশিং, এন্ত্রপ্রেনরশিং, অমসুং ৱর্করশিং, মখোয় পুম্নমক্না লৈবাক অসিগীদমক মিসন অমগা লোয়ননা থবক তৌরিবা অসিগী মহৈনি।

মরুপশিং

ঐখোয়না ফজনা খঙই, অমসুং মালেমসু খল্লি, মদুদি লানগুম্বা ফিভম অসি লেপ্পা লৈতনা থোক্লক্লি। নোংচুপ এসিয়াদা চত্থরিবা লান অসিনা ভারতগুম্বা ইনর্জীগীদমক অতোপ্পা লৈবাকশিংদা মখা পোল্লিবা লৈবাকশিংগীদমক অচৌবা অৱাবা অমা থোকহল্লে। পেত্রোল, দিজল, এল.পি.জি., ফর্তিলাইজরশিং, কেমিকেল - পুম্নমক্কী সপ্লাই শোকহল্লে। অদুম ওইনমক, ভারত অসি চাদা ৭.৭গী চাংদা হেনগৎলকখি, মসিনা মালেমদা খ্বাইদগী য়াংনা চাউখৎলক্লিবা মরুওইবা ইকোনোমী অমা ওইরি। মসিনা ভারতকী মপাঙ্গল অমসুং থৌনা অমসুং ইনর্জীগা লোয়ননা অনৌবা অৱাংবা থাক্তা য়ৌনবা হোৎনরিবা অদু উৎলি। মোন্সুন সেসন হৌরকপগা লোয়ননা, লৈবাক অসিনা খোঙজেল য়াংখৎলক্লি, অমসুং পার্লিয়ামেন্তকী স্পিরিত অসিনা মসিগী খোঙজেল অসিদা অনৌবা ইনর্জী পীবা ঙমগনি। নেস্নেলগী পান্দমশিং ফংনবগীদমক্তা পোজিতিব ওইবা ৱাখল্লোন অসি য়াম্না মরু ওই। পার্লিয়ামেন্ত অমসুং লৈবাক অসিদা মখোয়গী খঙ-হৈবা অমসুং লৌশিং মথৌ তাবা, পার্লিয়ামেন্ত অসিদা পার্তীগী খেন্নবা লৈতনা, এক্সপরিয়েন্স লৈবা পার্লিয়ামেন্তরিয়ন কয়া ঐখোয়গী হাউস অসিদা লৈ। মরম অদুনা, পার্লিয়ামেন্ত অসি মথৌ তৌগদবনি, ৱাহন্থোক লৈবা খন্ন-নৈনবশিং পাংথোক্কদবনি, অমসুং লৈবাক অসিবু মাংলোমদা পুখৎনবা পুন্না ৱারেপ লৌগদবনি। মসি মতমগী তঙাইফদবা অমসুং নহাশিংগী অপাম্বনি। ঙসিদি, লৈবাক নুংশিবা অমসুং লৈবাক্কী ইকায় খুম্নবগী ৱাখল্লোনগা লোয়নরিবা মীওইশিংনা মখোয়গী ৱা ঙাংনবা অমসুং লৈবাক অসিবু লমজিংনবা পার্লিয়ামেন্ততা মতিক চাবা প্লেতফোর্ম অমা ফংনবা হায়জরি। ঐহাক্না থাজবা থম্লি মদুদি ফেক্ত অমসুং লোজিক্না প্রাইমরি ওইগদবা মফমদা, অশোই-অঙাম থোকহন্নবগী মফম মপাঙ্গল লৈরবা আর্গুমেন্তশিং অমসুং মপাঙ্গল লৈরবা ফেক্তশিংনা খোল্লাওশিংবু কোম্না অদুবু শক্তি লৈনা ৱা ঙাংবা ঙমহল্লি। ঐনা থাজৈ মদুদি পার্লিয়ামেন্তকী খন্ন-নৈনবশিং অসি ফেক্ত অমসুং লোজিক্না মপাঙ্গল কনখৎহল্লি, মীপুম খুদিংমক্তা খুদোংচাবা ফংহল্লি, অমসুং ৱাখল্লোন খুদিংমক্তা ইকাই খুম্নবা ফংহল্লি। মসি পার্লিয়ামেন্ত অসিদা ঐখোয়গী থৌদাংনি। ঐহাক্না এম.পি. পুম্নমকপু মীফম অসিদা থৌনা ফনা শরুক য়ানবা কৌজরি। ঙসি অয়ুক, স্পিকরনা সোসিয়েল মীদিয়াগী খুত্থাংদা এম.পি.শিংবু তরাম্না ওকখি। ঐহাক্না মহাক্কী ৱারোল অদুগী মখাতারদুনা অমত্তা ওইনা ৱাফম অসি থমজরি।

ময়াম পুম্নমকপু থাগৎচরি।

খুরুমজরি

****