ಆಧಾರ್ ಅಪ್ಲಿಕೇಶನ್ 40 ಮಿಲಿಯನ್ (4 ಕೋಟಿ) ಡೌನ್ ಲೋಡ್ ಗಳ ಗಮನಾರ್ಹ ಮೈಲಿಗಲ್ಲನ್ನು ದಾಟಿದೆ, ಇದು ಅನುಕೂಲಕರ ಮತ್ತು ಡಿಜಿಟಲ್-ಪ್ರಥಮ ಗುರುತಿನ ಸೇವೆಗಳಲ್ಲಿ ನಿವಾಸಿಗಳ ಹೆಚ್ಚುತ್ತಿರುವ ನಂಬಿಕೆಯನ್ನು ಒತ್ತಿಹೇಳುತ್ತದೆ.

ಆಧಾರ್ ಅಪ್ಲಿಕೇಶನ್  ನಿನ ಹೆಚ್ಚುತ್ತಿರುವ ಅಳವಡಿಕೆಯು/ಬಳಕೆಯು ಮನೆಯಿಂದಲೇ ವಿಳಾಸ ನವೀಕರಣ, ಮೊಬೈಲ್ ಸಂಖ್ಯೆ ನವೀಕರಣ, ಇಮೇಲ್ ನವೀಕರಣ, ಬಯೋಮೆಟ್ರಿಕ್ ಲಾಕ್/ಅನ್ಲಾಕ್ ಮತ್ತು ಇ-ಆಧಾರ್ ಡೌನ್ಲೋಡ್ ಸೇರಿದಂತೆ ವ್ಯಾಪಕ ಶ್ರೇಣಿಯ ಆಧಾರ್ ಸಂಬಂಧಿತ ಸೇವೆಗಳನ್ನು ಪ್ರವೇಶಿಸಲು ಏಕ-ಗವಾಕ್ಷ ಡಿಜಿಟಲ್ ವೇದಿಕೆಯಾಗಿ ಹೊರಹೊಮ್ಮಿರುವುದನ್ನು ಪ್ರತಿಬಿಂಬಿಸುತ್ತದೆ.

ಪ್ರಾರಂಭವಾದಾಗಿನಿಂದ, ಆಧಾರ್ ಅಪ್ಲಿಕೇಶನ್ 11.65 ಲಕ್ಷ ವಿಳಾಸ ನವೀಕರಣಗಳನ್ನು ಸುಗಮಗೊಳಿಸಿದೆ, ಇದು ನಿವಾಸಿಗಳಿಗೆ ಆಧಾರ್ ಕೇಂದ್ರಕ್ಕೆ ಭೇಟಿ ನೀಡದೆ ತಮ್ಮ ಆಧಾರ್ ವಿವರಗಳನ್ನು ಸುಲಭವಾಗಿ ನವೀಕೃತವಾಗಿಡಲು ಅನುವು ಮಾಡಿಕೊಡುತ್ತದೆ.

ಅಪ್ಲಿಕೇಶನ್ ಸುಮಾರು 49 ಲಕ್ಷ ಮೊಬೈಲ್ ಸಂಖ್ಯೆ ನವೀಕರಣಗಳನ್ನು ಸಕ್ರಿಯಗೊಳಿಸಿದೆ, ಇದು ನಿವಾಸಿಗಳಿಗೆ ತಮ್ಮ ಆಧಾರ್ ಗೆ ಲಿಂಕ್ ಮಾಡಲಾದ ನಿಖರವಾದ ಸಂಪರ್ಕ ಮಾಹಿತಿಯನ್ನು ನಿರ್ವಹಿಸಲು ಸಹಾಯ ಮಾಡುತ್ತದೆ.

ಜುಲೈ 1 ರಂದು ಇಮೇಲ್ ನವೀಕರಣ ಸೌಲಭ್ಯವನ್ನು ಪ್ರಾರಂಭಿಸಿದಾಗಿನಿಂದ, ಆಧಾರ್ ಅಪ್ಲಿಕೇಶನ್ ಮೂಲಕ ಸುಮಾರು 12.5 ಲಕ್ಷ ಇಮೇಲ್ ವಿಳಾಸಗಳನ್ನು ಸೇರಿಸಲಾಗಿದೆ ಅಥವಾ ನವೀಕರಿಸಲಾಗಿದೆ, ಇದು ನಿವಾಸಿಗಳು ಮತ್ತು ಯುಐಡಿಎಐ ನಡುವಿನ ಸಂವಹನವನ್ನು ಮತ್ತಷ್ಟು ಬಲಪಡಿಸುತ್ತದೆ. ಈ ಹಿಂದೆ 75 ರೂ.ಗಳ ಶುಲ್ಕ ವಿಧಿಸಲಾಗುತ್ತಿದ್ದ ಈ ಸೌಲಭ್ಯ ವೈಶಿಷ್ಟ್ಯವನ್ನು ಆಧಾರ್ ಅಪ್ಲಿಕೇಶನ್ ನಲ್ಲಿ 2026 ರ ಡಿಸೆಂಬರ್ 31 ರವರೆಗೆ ಉಚಿತವಾಗಿ ನೀಡಲಾಗಿದೆ.

ಅಪ್ಲಿಕೇಶನ್ ತನ್ನ ಗೌಪ್ಯತೆ ಮತ್ತು ಭದ್ರತಾ ವೈಶಿಷ್ಟ್ಯಗಳ ಬಲವಾದ ಅಳವಡಿಕೆಗೆ ಒಂದು ದೃಷ್ಟಾಂತವಾಗಿದೆ. ನಿವಾಸಿಗಳು ಬಯೋಮೆಟ್ರಿಕ್ ಲಾಕ್ / ಅನ್ಲಾಕ್ ಸೌಲಭ್ಯವನ್ನು 19.1 ದಶಲಕ್ಷಕ್ಕೂ ಹೆಚ್ಚು (1.91 ಕೋಟಿ) ಬಾರಿ ಬಳಸಿದ್ದಾರೆ. ಈ ಸೌಲಭ್ಯ ವೈಶಿಷ್ಟ್ಯವು ಆಧಾರ್ ಸಂಖ್ಯೆ ಹೊಂದಿರುವವರಿಗೆ ಅಗತ್ಯವಿದ್ದಾಗ ತಮ್ಮ ಬಯೋಮೆಟ್ರಿಕ್ಗಳನ್ನು ತಕ್ಷಣ ಲಾಕ್ ಮಾಡಲು ಅಥವಾ ಅನ್ಲಾಕ್ ಮಾಡಲು ಅನುವು ಮಾಡಿಕೊಡುವ ಮೂಲಕ ಅವರ ವೈಯಕ್ತಿಕ ಮಾಹಿತಿಯ ಮೇಲೆ ಹೆಚ್ಚಿನ ನಿಯಂತ್ರಣವನ್ನು ನೀಡುತ್ತದೆ, ಕೆಲವೇ ಟ್ಯಾಪ್ಗಳೊಂದಿಗೆ ಹೆಚ್ಚುವರಿ ಭದ್ರತೆಯ ಪದರವನ್ನು ಒದಗಿಸುತ್ತದೆ.

ಆಧಾರ್ ಸಂಖ್ಯೆ ಹೊಂದಿರುವವರಿಗೆ ತಮ್ಮ ಗುರುತನ್ನು ತೋರಿಸಲು, ಹಂಚಿಕೊಳ್ಳಲು ಮತ್ತು ಪರಿಶೀಲಿಸಲು ಅನುಕೂಲಕರ ಮತ್ತು ಗೌಪ್ಯತೆ ಆದ್ಯತೆಯ ಮಾರ್ಗವನ್ನು ಒದಗಿಸಲು ಆಧಾರ್ ಅಪ್ಲಿಕೇಶನ್ ಅನ್ನು ವಿನ್ಯಾಸಗೊಳಿಸಲಾಗಿದೆ ಮತ್ತು ವಿಕಸಿತ ಭಾರತಕ್ಕಾಗಿ ಡಿಜಿಟಲ್ ಇಂಡಿಯಾ ಮಿಷನ್ ಗೆ ಅನುಗುಣವಾಗಿ ಜೀವನವನ್ನು ಮತ್ತಷ್ಟು ಸುಧಾರಿಸುವಲ್ಲಿ ಇದು ಪ್ರಮುಖ ಪಾತ್ರ ವಹಿಸುತ್ತಿದೆ.

*****