প্রধান মন্ত্রী শ্রী নরেন্দ্র মোদীনা ২০২৬গী জুলাই ১৭দা হরিয়ানা, চন্দীগর অমসুং পঞ্জাবতা চৎকনি। অয়ুক পুং ১১ রোম তাবদা, প্রধান মন্ত্রীনা জিন্দ রেলৱে স্তেসনদা জিন্দ অমসুং সোনিপৎকী মরক্তা ভারতকী অহানবা হায়দ্রোজেন ত্রেন লমথাগনি৷ অয়ুক্কী পুং ১১.৩০ রোম তাবদা, প্রধান মন্ত্রীনা জিন্দগী এক্লভিয়া স্তেদিয়মদা চাউরাকপা লুপা করোর ১৪,৭০০গী চাউখৎ-থৌরাংগী প্রোজেক্ত কয়া লৈবাক মীয়ামদা কত্থোক্কনি অমসুং উরেপ উয়ুংসু তমগনি। থৌরম অদুদা মহাক্না মীয়ামদা ৱা ঙাংগনি।

মসিগী মতুংদা, প্রধান মন্ত্রীনা চন্দীগরদা চৎকনি। মফম অদুদা নুমিদাং পুং ১.৪৫ রোম তাবদা মহাক্না লুপা করোর ৪,৭০০ হেনবগী তোঙান তোঙানবা দিবেলপমেন্ত প্রোজেক্তশিংগী উরেপ উয়ুং তমগনি অমসুং লৈবাক মীয়ামদা কত্থোক্কনি থৌরম অদুদা মহাক্না মীয়ামদা ৱা ঙাংগনি।

মতুং তারকপদা, প্রধান মন্ত্রীনা জলন্ধরদা চৎকনি। মফম অদুদা মহাক্না লুপা করোর ৫,৪৭০ হেনবগী চাউখৎ-থৌরাংগী প্রোজেক্ত কয়াগী উরেপ উয়ুং তমগনি অমসুং লৈবাক মীয়ামদা কত্থোক্কনি৷

জিন্দদা প্রধান মন্ত্রী

প্রধান মন্ত্রীনা জিন্দ অমসুং সোনিপৎকী মরক্তা ভারতকী অহানবা হায়দ্রোজেন-পাৱর ত্রেন লমথাগনি। মসিনা রেলৱে সেক্তরদা ক্লিন অমসুং সস্তেনেবল মোবিলিতী শিজিন্নবগী মায়কৈদা মরুওইবা খোংথাং অমা ওইরি। ভারত্তা দিজাইন তৌখিবা, ইঞ্জিনীয়র তৌখিবা অমসুং শাখিবা, ত্রেন অসি লৈবাক অসিগী অৱাংবা থাক্কী রেলৱেজ ইঞ্জিনীয়রিংদা লৈবাক্কী হেনগৎলক্লিবা কেপাসিতীশিং উৎলিবা, লমদমসিগী তেক্নোলোজী শিজিন্নদুনা শেমগৎপনি। মসি হৌদোকখিবগা লোয়ননা, ভারত অসি হায়দ্রোজেন-পাৱর ত্রেনশিং মথৌ তৌরিবা লৈবাকশিংগী মরক্তা য়াওরকখি।

ত্রেন অসি হায়দ্রোজেন ফ্যুল সেল তেক্নোলোজীনা পুথোকই, মসিনা ত্রেন অসি থৌননবা হায়দ্রোজেনবু ইলেক্ত্রিসিতীদা ওন্থোকই। থৌওং অসিনা বাই-প্রদক্ত অমা ওইনা ঈশিং ভেপরখক্তমক পুথোকই, মসিনা ওপরেসনগী মতমদা কার্বন থাদোকলোই।

দিজল ত্রেনশিংগা চাংদম্নবদা, মখোয়না এক্সপোস পাইপ থাদোকপা, ফোসিল ফ্যুএল অমসুং ফোসিল ফ্যুএল ইম্পোর্তশিংদা মখা পোনবা হন্থহল্লি। মহৌশা ইলেক্ত্রিক ত্রেনশিংগা মান্নদবা মওংদা, মখোয়দা লেপ্পা লৈতনা ওভরহেদ ইলেক্ত্রিফিকেসন ইনফ্রাস্ত্রকচর মথৌ তাদে, মরমদি ইলেক্ত্রিসিতী অসি হায়দ্রোজেন ফ্যুল সেলশিংদগী পুথোকই, মসিনা মখোয়বু ক্লিন অমসুং ইফিসিএন্ত সোলুসন অমা ওইহল্লি। গ্রীন হাইদ্রোজেন শিজিন্নবনা ফোসিল ফ্যুলদা য়ুম্ফম ওইবা থর্মেল পাৱর প্লান্তশিংদগী পুথোকপা ইলেক্ত্রিসিতীদা মখা পোনবা হন্থহল্লি। মসিনা ভারতকী তুং কোইনা চৎনগদবা ত্রান্সপোর্তকী মাইকৈদা অহোংবা পুরকপদা মতেং পাংলি।

ভারতকী হায়দ্রোজেন ত্রেন অসি কোচ ১০গী কনফিগ্যুরেসন অমা য়াওরি। মসিনা হৌজিক ফাওবদা শেমগৎলবা খ্বাইদগী শাংবা হায়দ্রোজেন-পাৱর পেসেঞ্জর ত্রেনশিংগী মনুংদা অমা ওইরে। মসি হাইদ্রোজেননা চলাইবা খ্বাইদগী শক্তি লৈরবা ত্রেন অমা ওইহন্নবগীদমক্তা, মসি হোর্স পাৱর ৩,২০০গী প্রোপলসন সিস্তেম অমনা চলাইরি।

প্রধান মন্ত্রীনা হরিয়ানাদা লুপা কোতি ১২,৪৭০ হেনবগী নেস্নেল হায়ৱে প্রোজেক্তশিংগী উরেপ উয়ুংসু তমগনি অমসুং লৈবাক মীয়ামদা কত্থোক্কনি।

প্রধান মন্ত্রীনা চাউরাক্না লুপা করোর ৯,৬৮০ চংনা শেমগৎলবা কন্ত্রোল তৌবা দিল্লী-অম্রিতসর-কাত্রা এক্সপ্রেসৱে (পেকেজ ১দগী ৫ ফাওবা) গী কিলোমীতর ১৫৭.৯২ শাংবা লম্বী মরি লৈবাক মীয়ামদা কত্থোক্কনি। গ্রীনফিল্দ কোরিদোর অসি কিলোমিতর ৬৬৭ শাংবা দিল্লী-অমৃতসর-কাত্রা এক্সপ্রেসৱেগী শরুক অমনি। এক্সপ্রেসৱে অসিনা দিল্লী অমসুং কত্রাগী মরক্তা পুং ১৪দগী পুং ৬ ফাওবগী খোঙচৎকী মতম হন্থহল্লগনি, অদুগা দিল্লী-অমৃতসরগী খোঙচৎ অসি পুং ৮দগী পুং ৪ ফাওবগী মতম হন্থহল্লগনি। প্রোজেক্ত অসিনা এন.ঐচ.-44 (জি.তি. রোদ) গী অচিনবা য়াম্না হন্থহল্লগনি, শ্রী মাতা বৈষ্ণো দেবীদা তীর্থ চৎপা অমসুং তুরিস্ত ত্রাফিক হেনগৎহল্লগনি, অমসুং কোরিদোর অদুদা ইন্দস্ত্রীএল অমসুং লোজিস্তিক দিবেলপমেন্ত লাকহল্লগনি হায়না পানরি।

প্রধান মন্ত্রীনা কিলোমীতর ৩৩.৮১ শাংবা, শরুক খরদি এক্সেস কন্ত্রোল তৌবা অম্বালা-কলা অম্ব হাইৱে এন.ঐচ.-৭ অমসুং এন.ঐচ.-৩৪৪দা মীয়ামদা কৎথোক্কনি। হায়ৱে অসিনা অম্বালা অর্বান এগ্লোমরেসন অমসুং কালা অম্ব ইন্দস্ত্রীএল বেল্তকী মরক্তা কনেক্তিবিতী হেঙ্গৎহল্লগনি, হরিয়ানা অমসুং হিমাচল প্রদেশকী মরক্তা লম্বীগী কনেক্তিবিতী হেঙ্গৎহল্লগনি, চীংগী লমশিংদা তুরিস্তকী খোঙচৎপু লায়থোকহল্লগনি অমসুং কালা অম্ব লমদমগী ইন্দস্ত্রীশিংগী লোজিস্তিক্কী শেনফম হন্থহল্লগনি।

অতোপ্পা মরুওইবা প্রোজেক্ত অমা ওইনা শঙ্গাগদৌরিবা অসিদি এন.ঐচ.-৩২৫এদা কিলোমীতর ৪০.৬০ শাংবা জিন্দ-গোহানা গ্রীনফিল্দ হাইৱেনি। অনৌবা হাইৱে অসিনা জিন্দ অমসুং গোহানাগী মরক্তা চৎথোক-চৎশিন তৌবদা চংগদবা মতম অসি চাউরাক্না পুং অনিদগী মিনিট ৪০দা হন্থহল্লগনি। মসিনা রোহতক, পাণীপৎ অমসুং দিল্লী-এন.সি.আর. দা চিনবা হন্থহল্লগনি৷

প্রধান মন্ত্রীনা কিলোমীতর ২৪.২৭ শাংবা হানসি-বারৱালা ব্রাউনফিল্দ হায়ৱে প্রোজেক্তকীদমক উরেপ উয়ুংসু তমগনি। মসিনা হৌজিক লৈরিবা কেরিয়রৱে অসি পেস্তেদ শোল্দরগা লোইননা 2/4-লেনগী মওং অমদা ওন্থোক্কনি।

প্রধান মন্ত্রীনা কুরুকশেত্রাদা ইলিভেতেদ রেলৱে ত্রেক মীয়ামদা কৎথোক্কনি। মসি অচৌবা অর্বান ইনফ্রাস্ত্রকচর প্রোজেক্ত অমনি অমসুং মসিনা শহর অসিদা রেলৱে ক্রোসিংদা মতম শাংনা লৈরক্লবা ত্রাফিক্কী খুদোংচাদবশিং কোকহল্লগনি। প্রোজেক্ত অসিনা ভেহিক্যুলরগী খোঙচৎপু হেন্না শোইদনা লৈহন্নবা, লম্বীগী সেফতী ফগৎহন্নবা অমসুং রেল অমসুং রোদ ত্রান্সপোর্ত সিস্তেম অনিমক্কী ওপরেস্নেল ইফিসেন্সী হেনগৎহন্নবা হোৎনগনি।

প্রধান মন্ত্রীনা মরুওইবা মেদিকেল ইন্সতিত্যুসনশিং - পন্দিৎ নেকি রাম শর্মা গবর্নমেন্ত মেদিকেল কোলেজ, ভিবানী, মহারিশী চয়াৱান মেদিকেল কোলেজ অমসুং রাও তুলা রাম হোস্পিতাল, কোরিয়াৱাস, নর্নৌলসু লৈবাক মীয়ামদা কত্থোক্কনি। ইন্সতিত্যুসনশিং অসিনা হরিয়ানাদা মগুন লৈবা মেদিকেল এজুকেসনগী খুদোংচাবা হেনগৎহল্লগনি, এম.বি.বি.এস.গী সীৎ মশিং হেনগৎহল্লগনি, স্পিসিয়েলিস্ত হেল্থকেয়র প্রোফেস্নেলশিং ফংহল্লগনি অমসুং মীওইশিংনা মখোয়গী য়ুমগী মনাক নক্না হেন্না ফবা মেদিকেল সর্ভিসশিং ফংহল্লগনি। মসিনা রাজ্য অসিগী হেল্থকেয়র ইকোসিস্তেম মপাঙ্গল কনখৎহল্লগনি।

লমদম অসিগী কলচরেল ইনফ্রাস্ত্রকচর হেন্না মপাঙ্গল কনখৎহন্নবা, প্রধান মন্ত্রীনা কুরুক্ষেত্রদা শিখ ম্যুজিয়মগী উরেপ উয়ুংসু তমগনি। ম্যুজিয়ম অসিনা শিখীজমগী পুৱারী, শিখ গুরুশিংগী পাউতাকশিং, মখোয়গী থৌনা, কত্থোকপশিং অমসুং অনৌবা তেক্নোলোজী শিজিন্নদুনা ভারতকী সিভিলাইজেসন অমসুং কলচরদা শিখ কম্ম্যুনিতীগী মমল য়াম্লবা থৌদাং উৎকনি।

প্রধান মন্ত্রী চন্দীগরদা

প্রধান মন্ত্রীনা লুপা করোর ৪,৭০০ হেনবগী হেল্থকেয়র, এজুকেসন অমসুং লম্বীগী ইনফ্রাস্ত্রকচরগী প্রোজেক্ত কয়া শঙ্গাগনি অমসুং উরেপ উয়ুং তমগনি।

প্রধান মন্ত্রীনা চান্দীগরগী পোস্ত গ্রেজুএত ইন্সতিত্যুৎ ওফ মেদিকেল এজুকেসন এন্দ রিসর্স (পি.জি.আই.এম.ই.আর.) দা এদভান্স মদর এন্ড চাইল্দ অমসুং এদভান্স ন্যুরোসাইন্স সেন্তর শঙ্গাগনি।

এদভান্স মদর এন্ড চাইল্দ সেন্তর অসি য়াম্না রিস্ক লৈবা মীরোনবশিং, নারবা নৌনা পোকপা অঙাংশিং অমসুং অখন্নবা লায়েং মথৌ তাবা অঙাংশিংগীদমক কমপ্রেহেন্সিব তর্সিয়রী হেল্থকেয়র সর্ভিসশিং ফংহন্নবা দিজাইন তৌখ্রে। ফমুং ৩০০ অমসুং অত্যাধুনিক মেদিকেল ফেসিলিতীশিংগা লোয়ননা সেন্তর অসিনা মমা অমসুং অঙাংশিংগী হকশেলগী সর্ভিসশিং মপাঙ্গল কনখৎহল্লগনি অমসুং লমদম অসিগী ইমুং লিশিং কয়াদা কান্নবা ফংহল্লগনি।

এদভান্স ন্যুরোসাইন্স সেন্তর অসিনা ন্যুরোলোজী, ন্যুরোসর্জরী, ন্যুরো-ক্রিতিকেল কেয়র অমসুং এদভান্স দাইগ্নোস্তিক ফেসিলিতীশিংগী ইন্তিগ্রেতেদ সর্ভিসশিং অমখক্তদা ফংহল্লগনি। মসিনা মেদিকেল রিসর্চ, মেদিকেল এজুকেসন অমসুং ন্যুরোসাইন্সতা ত্রেনিং মপাঙ্গল কনখৎহন্দুনা কমপ্লেক্স ন্যুরোলোজিকেল দিসওর্দরশীং লৈবা পেসেন্টশীংগীদমক মতম চানা অমসুং মালেমগী থাক্তা লায়েংবা ঙমহনগনি।

প্রধান মন্ত্রীনা পি.জি.আই.এম.ই.আর., চান্দিগরদা প্রধান মন্ত্রী আয়ুশ্মান ভারত হেল্থ ইনফ্রাস্ত্রকচর মিসন (প্রধান মন্ত্রী-এ.বি.আই.এম.) গী মখাদা ফমুং ১৫০ লৈবা অত্যাধুনিক ক্রিতিকেল কেয়র ব্লোক অমগী উরেপ উয়ুংসু তমগনি। ফেসিলিতী অসিনা লমদম অসিগী অপুনবা হেল্থকেয়র ইনফ্রাস্ত্রকচর মপাঙ্গল কনখৎহন্দুনা ইমর্জেন্সীগী শেম-শারিবা, ইন্তেনসিভ কেয়র সর্ভিসশিং অমসুং দিজাস্তর রেসপোন্স কেপাসিতীশিং ময়েক শেংনা হেনগৎহল্লগনি।

প্রধান মন্ত্রীনা চান্দিগরদা এজুকেস্নেল ইন্সতিত্যুসন কয়াগা মরী লৈনবা ইনফ্রাস্ত্রকচর প্রোজেক্ত কয়া শঙ্গাগনি অমসুং উরেপ উয়ুং তমগনি। মসিগী মনুংদা পঞ্জাব ইঞ্জিনীয়রিং কোলেজদা কুরুকশেত্রা বোইজ হোস্তেল অমসুং মেসকী উরেপ উয়ুং তম্বগী থৌরম, সেক্তর ৪৬দা লৈবা গবর্নমেন্ত কোলেজদা লৈবা হোস্তেল ব্লোক অমসুং পঞ্জাব ইঞ্জিনীয়রিং কোলেজদা রিসর্স স্কোলর্স হোস্তেলগী উরেপ উয়ুং তম্বগী থৌরম য়াওরি। হায়রিবা ফেসিলিতীশিং অসিনা একাদেমিক ইনফ্রাস্ত্রকচর মপাঙ্গল কনখৎহল্লগনি, মহৈরোইশিং অমসুং রিসর্চ তৌরিবশিংগী রেসিদেন্সিএল ফেসিলিতীশিং ফগৎহল্লগনি, অমসুং হায়র এজুকেসনগীদমক হেন্না ফবা অকোয়রোন অমা শেমগনি।

প্রধান মন্ত্রীনা লমদম অসিদা কনেক্তিবিতী ফগৎহন্নবা পান্দম থম্লিবা মরুওইবা লম্বীগী ইনফ্রাস্ত্রকচর প্রোজেক্তশিং শঙ্গাগনি অমসুং উরেপ উয়ুংসু তমগনি। মহাক্না লমদম অসিগী মরুওইবা ইনফ্রাস্ত্রকচর প্রোজেক্ত অমা ওইরিবা আই.তি.সিতিদগী মোহালি দিস্ত্রিক্তকী কুরালি ফাওবা লেন ৬গী গ্রীনফিল্দ হাইৱেগী উরেপ উয়ুং তমগনি। হায়ৱে অসিনা মোহালি, খারার অমসুং কুরালিগী মরক্তা চৎথোক-চৎশিন তৌবগী মতম হন্থহল্লগনি অমসুং পঞ্জাব, হরিয়ানা, হিমাচল প্রদেশ অমসুং জম্মু অমসুং কাশ্মীরগী মরক্তা হেন্না ফবা কনেক্তিবিতী ফংহল্লগনি।

প্রধান মন্ত্রীনা অম্বালা-চান্দিগর গ্রীনফিল্দ হায়ৱে (এন.ঐচ. ২০৫.এ.) গী পি.আর.-৭ স্পরগীদমক উরেপ উয়ুংসু তমগনি। মসি কিলোমিতর ১০.৩গী গ্রীনফিল্দ কোরিদোর অমনি। মসিনা জিরাকপুরগী অর্বান এরিয়াশিংবু লাপথোক্তুনা অরাপ্পা ত্রাফিক চৎথোক-চৎশিন তৌবা ঙমহনগনি অমসুং জিরাকপুর বাইপাস অসি চান্দিগরগী এরোসিতিগা হকথেংননা শম্নহনগনি।

জলন্ধরদা প্রধান মন্ত্রী

প্রধান মন্ত্রীনা লমদম অসিদা কনেক্তিবিতী মপাঙ্গল কনখৎহন্নবা, পেসেঞ্জরশিংগী খুদোংচাবা ফগৎহন্নবা অমসুং শেন্মিৎলোন চাউখৎহন্নবা পান্দম থমদুনা লুপা করোর ৫,৪৭০ হেনবগী রেল অমসুং রোদ ইনফ্রাস্ত্রকচর প্রোজেক্তশিং শঙ্গাগনি অমসুং উরেপ উয়ুংসু তমগনি।

প্রধান মন্ত্রীনা অমৃত ভারত স্তেসন স্কিমগী মখাদা জলন্ধর কেন্ত য়াওনা নৌনা শেমগৎলবা রেলৱে স্তেসন ৭৫গী উরেপ উয়ুং তমগনি। রাজ্য ২০ শিনবা থুংনা অমৃত স্তেসন ৭৫ হাংদোকপা অসি অমৃত ভারত স্তেসন স্কিমগী মখাদা মালেমগী খ্বাইদগী চাউবা স্তেসন রিদিভেলপমেন্ত প্রোগ্রামশিংগী মনুংদা অমা ওইদুনা অতোপ্পা মরুওইবা মাইলস্তোন অমা ওইরি৷ চাউরাক্না লুপা করোর ১,৫৭০ চংনা শেমগৎখিবা, স্তেসনশিং অসি অনৌবা মতমগী, পেসেঞ্জর-ফ্রেন্দলী ফেসিলিতীশিংদা ওন্থোকখ্রে। 'বীরাসত ভী, বিকাস ভী'গী ৱাখল্লোন্দা নৌনা শেমগৎলবা স্তেসনশিং অসিদা মফম অদুগী চৎনবী, হেরিতেজ অমসুং আর্কিতেকচরগী মগুনশিং য়াওরি।

প্রধান মন্ত্রীনা নাঙ্গাল দাম- তালৱারা- মুকেরিয়ান অনৌবা রেল লাইন প্রোজেক্তকী শরুক অমা ওইনা চাউরাক্না লুপা কোতি ৮৩০ চংনা শাবা দৌলতপুর চৌক-কার্তোলি অনৌবা রেল লাইনসু শঙ্গাগনি। মসিনা পঞ্জাব অমসুং হিমাচল প্রদেশকী মরক্তা রেলগী কনেক্তিবিতী য়াম্না হেঙ্গৎহল্লগনি। মসিনা হোসিয়রপুর অমসুং উনা জিলাদা কান্নবা ফংহল্লগনি। অনৌবা রেল লাইন অসিনা শ্রী আনন্দপুর সাহিব অমসুং মা চিনতপুরনী মন্দিরগুম্বা মরুওইবা ধর্মগী ওইবা মফমশিংগা শম্নহল্লগনি। মসিগা লোয়ননা লমকোইবশিংদা হেন্না থুনা, হেন্না সেফ অমসুং হেন্না থাজবা য়াবা ত্রান্সপোর্তেসনগী মওং অমা পীরদুনা অরাপ্পা মফমশিংদা চৎপা হেনগৎহল্লগনি।

প্রধান মন্ত্রীনা কারতোলি-অম্বালা ত্রেন সর্বিসকী ফ্লেগ ওফ তৌরগনি। মসিনা পঞ্জাব, হরিয়ানা অমসুং হিমাচল প্রদেশকী মরক্তা কনেক্তিবিতী ফগৎহল্লগনি। প্রধান মন্ত্রীনা অমৃতসর (চেহর্তা) - বরানসী ত্রেন সর্বিসকীসু লমথাগনি। মসিনা ভারতকী খ্বাইদগী শক্নাইরবা স্পিরিচুএল অমসুং কলচরেল সেন্তর অনিগী মরক্তা হকথেংননা রেল লিংক অমা লিংখৎলগনি।

রাজ্য অসিদা লম্বীগী ইনফ্রাস্ত্রকচর হেন্না মপাঙ্গল কনখৎহন্নবা, প্রধান মন্ত্রীনা লুপা কোতি ৩০৭০ হেনবগী নেস্নেল হায়ৱে প্রোজেক্তশিং শঙ্গাগনি অমসুং উরেপ উয়ুং তমগনি।

প্রধান মন্ত্রীনা দিল্লী-অমৃতসর-কাত্রা এক্সপ্রেসৱেগী লেন মরিগী গ্রীনফিল্দগী কিলোমীতর ৩০.৯ শাংবা পেকেজ-৬কী উরেপ উয়ুং তমগনি। সেক্সন অসিনা মরুওইনা লিরবা গারীশিংগীদমক হেন্না লায়বা অমসুং থুনা চৎথোক চৎশিন তৌবদা মতেং পাংগনি, অদুগা ফ্যুল কঞ্জুমসন অমসুং ভেহিকল ওপরেতিং কোস্তশিং হন্থহল্লগনি।

প্রধান মন্ত্রীনা কিলোমীতর 25.2 শাংবা গ্রীনফিল্দ সাউদর্ন লুধিয়ানা বাইপাস শেমগৎনবা উরেপ উয়ুংসু তমগনি। প্রোজেক্ত অসিনা লুধিয়ানা অমসুং বথিন্দাগী মরক্তা চৎথোক-চৎশিনগী অরাপ্পা অমসুং মতম হন্থহল্লগনি, অমসুং অতোপ্পা মরুওইবা ইকোনোমিক সেন্তরশিংগা শম্নবা হেনগৎহল্লগনি।

 ***