ইয়োর এক্সেলেন্সী রাস্ত্রপতি প্রবোৱো,

ঐগী নুংশিরবা ইরৈবাকচাশিং,

ঐহাক্কী নুংশিরবা মরুপশিং

অমসুং ইচিল-ইনাওশিং,

সেলামত মালম!

নমসকার !

ৱনকম!

শত শ্রী অকাল!

জয় ঝুলে লাল!

কেম-চো?

ঙসিদি মালেম পুম্বা অসি ফুতবোলদা লোইনা লুপ্নরি। মফম অসিদা ইন্দোনেসিয়াদসু ফুতবোলগী পামজবগী মওং অসি অঙকপনি। অমসুং অদোম পূম্নমক্না মফম অসিদসু ঙসি অদুগুম্বা ইনর্জি অমসুং ইথিল অদু পুদুনা লাকখি।

মফম মসি অতোপ্পা অঙকপা থৌদোক অমসু অদোম্নসু থেংনবিরম্বা য়াই, অদুবু মদু  ঐহাক্না হায়বা পামজৈ। ঐহাক্না ইন্দোনেসিয়াদা লাকপা মতম খুদিংদা ফিফা ৱার্ল্দ কপ অসি অচৌবা থৌরম অমা ওইদুনা লাক্লি। অহানবা ওইনা ২০১৮দা জকার্তাদা ওইখি, মদুগী মতুংদা ঐখোয়না ২০২২দা বালিদা উনখি. অদুগা হৌজিক্না ২০২৬তা জকার্তাদা অমুক থেংনরে। থৌরম অহুম্মক অসি ইন্দোনেসিয়া অসি ফুতবোলদা য়াম্না লাংতক্নবা অমসুং পামজবা ওইরি।

অদুবু মরুপশিং,

মফম অসিদা ইন্দোনেসিয়াদা পাংথোকপা থৌরম অহুম অসিগী ‘মেন ওফ মেচ্চ’ অসিদি মীওই অমখক্তনি: ইন্দোনেসিয়াদা লৈরিবা নখোয় পুম্নমক। অদোম পুম্নমক অসি ‘মেন ওফ মেচ্চ’ নি।

অদোম্না অসিগুম্বা অচৌবা থৌরম অমা য়াম্না নিংথিনা পাংথোকখ্রে। অদোম অথোইবা ভারতকি অহিংবা খুদম অমা ওইরে। অসুক য়াম্বা মীওই কয়া মফম অসিদা পুনবা উবসি য়াম্না নুংঙাইবা অমনি। অমসুং ইচিল-ইনাওশিং, হন্দক্কী মতম অসিদা ঐহাক ইশাখক লাকপা নত্তে। হন্দক্কী অসিদা ঐহাক্কী নুংশিজরবা ইরৈচা রাস্ত্রপতি প্রবোৱোসু ঐগা লোয়ননা লাক্লে।

ঙসি ঐহাক্না থৌরম হৌদোকপগী ৱা ঙাংদ্রিঙৈগী মমাঙদা রাস্ত্রপতি প্রবোৱোবু মহাক্কী মিনুংশি লৈবা ৱাফমশিংগীদমক্তা থমোই শেঙনা থাগৎপা ফোঙদোকচরি।

ইয়োর এক্সেলেন্সী,

অদোম ভারতকি অশেংবা মরুপ অমনি। মফম অসিদা লাকপগীদমক থাগৎচরি!!!

মরুপশিং,

ঙরাং ঐখোয়গী এয়রক্রাফনা ইন্দোনেসিয়াগী অতিয়াদা চংশিল্লকপা অদুগা ঐহাক্না  ওইনা খোঙ থাংজিল্লকপা মতমদা ইন্দোনেসিয়াগী মীয়াম্না ঐহাকপু অসুক মতিক হরাও-তরাম্না অমসুং নুংশিনা তৌবিবা মতৌদুদা ঐহাক্কী পুক্নিং অসি থুমহৎখ্রে। অসিগুম্বা নিংথিনা তরাম্না ওকপী-খোৎপিবগী মতৌ অসি ঐহাক ৱাহৈনা শিংথাবদা ৱাৎলগনি। রাস্ত্রপতি প্রবোওনা মহাক্কী মন্ত্রীমন্দলগী মরুপশিংগা লোয়ননা ঐহাকপু এয়রপোর্ত্তা ওকপা লাকপিখিবা অদু তশেংনা নিংশিংনিংঙাই ওইরবা এক্সপরিয়েন্স অমা ওইখি।

ঙসি ঐহাক্না রাস্ত্রপতি ভবন্দা ইন্দোনেসিয়ানা ভারতকি কলচরবু নুংশিবগী মমি অমা উবা ফংজরে। মীয়ামগী থৌনা, অঙাংশিংগী মীনোক, নহাশিংগী থৌনা – পুম্নমক অসি ফোঙদোকপা ঙমদবা অমসুং অঙকপা ওইখি। ঐনা চৎখিবা মফম খুদিংদা, কনাগুম্বা অমগা উনরবসু, ভারতকিদমক নুংশিবা, ইকায় খুম্নবা অমসুং নুংশিবিবা অসি মায়থোঙ খুদিংদা ময়েক শেঙনা উবা ফংজখি।

মরুপশিং,

ভারতকি ইশৈ "কুছ কুছ হোতা হায়" অসি মফম অসিদা য়াম্না পাম্নরি হায়বা ঐনা খঙলে। ঙসি ঐহাক্না রাস্ত্রপতি প্রবোৱোদা হায়বা তাখি মদুদি ভারত অমসুং ইন্দোনেসিয়া পুন্না থবক তৌমিন্নরকপা মতমদা ৱাফম খরখক্তা নত্তে, অতৈ অহেনবা কয়া অমসু ফংবা ঙম্মি।

মরুপশিং,

ঙসি অয়ুক অঙনবদা ঐহাক ইন্দোনেসিয়াগী খ্বাইদগী ৱাংবা ইকায় খুম্নবা ফংবগী লাইবক ফবসু ফংজরে। মসি ভারত মচা বিলিয়ল ১.৪গী ইকায়খুম্নবিবনি, মসি ভারতকি খুন্নাইগী অদোম পুম্নমক্কী ইকায়খুম্নবানি। মসি পুম্নমক্কী মথক্তা খ্বাইদগী মরু ওইবদি, মসিগী মনা অসি ইন্দোনেসিয়া অমসুং ভারতকি মরক্ত লৈরিবা নক্নবা মরুপ-মপাং ওইবগী অতোপ্পা খুদম অমনি। প্লেৎফোর্ম অসিদগী ঐহাক্না রাস্ত্রপতি প্রবোৱো, ইন্দোনেসিয়াগী সরকার অমসুং মীয়ামদা থম্মোয় শেঙনা থাগৎপা ফোঙদোকচরি।

মরুপশিং,

মমাঙ চহিগী জনুৱারি ২৬তা ভারতনা মসিগী রিপব্লিক দে অসি য়াম্না চাওনা পাঙথোকখি হায়বদি ২ অমসুং ৬ কা মান্ননা ... অমসুং ঐগী ইরৈবাকচাগী নুমিৎসু ১৭সুবা মপোক নুমীৎ, ১ + ...

থৌরম অদুদা রাস্ত্রপতি প্রবোৱোনা অথোইবা মিথুংলেল ওইখি। খোঙচৎ অদুদা ঐখোয়না হীরম কয়াদা মরিক চুম্না খন্নবগী খুদোংচাবা ফংজখি। অদুবু ঙসি ঐহাক্না অখন্ননা নিংশিংনিংলিবা ৱাফম অমদি লৈরি। রাস্ত্রপতিগা প্রবোৱো অসি মফম অসিদা য়াম্না চাওথোকচবা অমদি নিংথিজনা পনখি।

শ্রীমান রাস্ত্রপতি, মতম অদুদা অদোম্না হায়বিরম্মি, অমসুং ঙসি অমুক হন্না হায়বিরম্মি, অদোমগীদা ভারতকি দি.এন.এ. লৈ হায়বিখি। ঐহাক্না খংখি মদুদি মতম অদুদা খ্বাইদগী ৱাংবা খোঞ্জেল অদু ঐনা তাজখি। অদুগা অদোম্না ভারত্তা লৈরিবা ভারত মচা লাখ কয়াগী থম্মোয়বু থোইখ্রে। অদুগুম্বা ৱাহৈ পরেং অমখক্তনা ভারত মচা কয়াগী থম্মোয়বু হুমখ্রে।

ঐহাক্না অদোমগী ৱাফম অদু মাংলোমদা চংশিলহনগনি: অদোম্না হায়খিবা দি.এন.এ. অদু অমগা-অমগা থাজনবগীনি। অদুগুম্বা দি.এন.এ. অসি সেয়র তৌরবা হেরিতেজনি। অদুগুম্বা দি.এন.এ.না সেয়র তৌরবা মেমোরিশিংদা শেখিবনি। অদুগুম্বা দি.এন.এ. অসি চহি লিশিং কয়াদগী ঐখোয়গী জহাজশিংবু মফম অমদগী অমদা তুরেলশিংদা পুদুনা চৎখিবা শমুদ্রগী নুংশিৎনা শেখিবনি।

মরুপশিং,

ভারত-ইন্দোনেসিয়াগী মরিগী দি.এন.এ.না লৌশিংগী ঙমখৈ লান্থোক্তনা লৈথোকপা নত্তবা লায়নিংবশিং অমসুং বুদ্ধিস্তকি লায়নিংবশিংনা শেখিবনি। মসি মশক থোকপা লল্লোন-ইতিক তৌবা খক্তা নত্তনা কলচরশিংগী থোঙশিংসু শাবা ওন্তর্প্রিনরশিংনা শেখিবনি। মসিগী দি.এন.এ.না রামায়ন অমসুং মহাভারত অসি মখোয়গী লোন্দা অদুম্মক লৈরমখিবা, অদুগা মখোয়গী স্পিরিত অদু লেংদনা থমখিবা আরতিস্তশিংনা শেখিবনি।

ভারত-ইন্দোনেসিয়াগী মরি অসি ইন্দোনেসিয়াগী থৱায় য়াওবা নাগরিকশিং অমসুং মফম অসিদা লৈরিবা ইমুং কয়ানা য়োকখৎলি, য়োকখৎলি অমসুং হেন্না চেৎশিলহল্লে।

মরুপশিং,

মালেমদা লৈবাক অনিগী মরক্তা লৈনরিবা মরি অসি অয়াম্বনা এগ্রীমেন্ত অমসুং এম.ও.য়ু.গী খুত্থাংদা মাংলোমদা চঙশিল্লি । লৈবাক কয়ানা স্ত্রেতেজিগী খুত্থাংদা শম্নহল্লি, অদুগা অতোপ্পা লৈবাক কয়ানা ললোন-ইতিক্কী খুত্থাংদা হেন্না নকশিল্লকই। অদুবু ভারত অমসুং ইন্দোনেসিয়াগী মরক্ত লৈরিবা মরি অসি সিভিলাইজেসনগী, শমুদ্রনা শেম্বা মরি অমনি।

এম্পায়র কয়া লাকখি অমসুং চৎখি, শমুদ্রগী লম্বিশিং হোঙলকখি, অমসুং মালেমগী রাজনিতিদা অহোঙবা লাকখি, অদুবু ভারত অমসুং ইন্দোনেসিয়াগী মরক্তা লৈরিবা মরি অসি মতম পুম্নমক্ত লেংদনা লৈরি। অমসুং মসি ঐখোয়গী খ্বাইদগী চাওবা পাঙ্গলনি।

মরুপশিং,

ঙসি মালেম অসিনা কনেক্তিবিতিগী মতাংদা ৱারি শানরি। অদুবু ঐখোয়গী ইপা-ইপুশিংনা মসিগী কনেক্তিবিতি অসি হিংদুনা উৎখি। ঙসিদি মালেমগী শপ্লাই চেনশিং থাজবা ৱাৎপনা মরম ওইদুনা শোন্থরক্লি, অদুবু মালেমগী শপ্লাই চেনশিংগী মতাংদা খন্ন-নৈনবাসু য়াওদবা মতম অসিদা ভারত অমসুং ইন্দোনেসিয়ানা শপ্লাই চেনশিংদা থাজবা অদু অমুক হন্না হিংগৎহনখি।

ঐহাক্না নুংঙাইবা ফাওই মদুদি ঙসিদি থাজবা অদুগী কেপিতেলগা লোয়ননা ভারত অমসুং ইন্দোনেসিয়ানা পুন্না অনৌবা তুংলমচৎ অমা ইরি। অমসুং মসিগী মঙাল নাইরবা তুংলমচৎ অসিগী খ্বাইদগী চাওবা কান্নবা ফংগদৌরিবা অদোম পুম্নমক, ইন্দোনেসিয়াদা লৈরিবা ভারতকি খুন্নাই অসিনি।

মরুপশিং,

ঙসিদি সোসিয়েল মিদিয়াগী মতম ওইরে, অমসুং মতম অসিদা ‘কোলাব্স’গী মতাংদা য়াম্না ৱারি শানরি। অদুবু ভারত অমসুং ইন্দোনেসিয়ানা চহি লিশিং কয়াদগী পুন্না থবক তৌমিন্নদুনা লাক্লি।

মসিগী ‘কোলাব্স’ না মরম ওইদুনা ইন্দোনেসিয়াগী কুতাইদা অরিবা সংস্কৃতকী ময়েকশিং ইখি। মসিগী ‘কোলাব্স’ মরম ওইদুনা ইন্দোনেসিয়াদগী স্কোলারশিংনা নালন্দা য়ুনিভর্সিতিদা পুরকখি।

কতত্তা লৈবা বালি জাত্রাগী কুম্মৈ ওইরো, মহানদি তুরেলদা লফুনা পোং সাদুনা হী শাবগী চৎনবী ওইরো, ৱায়াং কুলিৎকী থোংদগী মহাভারত অসি ফম্পাক্তা শান্নবা ওইরো, ৱেশক তির্থ ওইরবসু, নত্রগা ইশ্বর শ্রীবু খুরুমজবা ওইরবসু, ভারত অমসুং ইন্দোনেসিয়াগী মরক্ত ‘কোলাব্স ’অসি চৎনবি খুদিংমক্ত ময়েক শেঙনা উবা ফংই।

মরুপশিং,

ভারত অমসুং ইন্দোনেসিয়াগী মরক্ত পুন্না থবক তৌমিন্নবগী পুৱারি অসি অরিবা ওইবতা নত্তনা ইনাক খুল্লবা পুৱারিনি। সুমাত্রাদা লৈবা মুয়ারো জাম্বি অসি অরিবা মতমদা নালন্দাগী মনাও নুপী ইন্সতিত্যুত অমা ওইরম্মি। ঐহাক্না য়াম্না নুংঙাইবা ফাওই মদুদি ঐখোয়না হৌখিবা মতমগী চৎনবি অসিবু অমুক হন্না হিংগৎহল্লি।

ময়াম পূম্নমক্না খঙবিরিবা অদুনি নলন্দা য়ুনিভর্সিতি অসি হৌজিক অনৌবা অৱতার অমদা থোরকলে। অমসুং ইন্দোনেসিয়াদগী মহৈরোয় কয়া অমসু মফম অদুদা এদমিসন লৌখ্রে। মসিনা তাকপদি ২১সুবা চহিচা অসিদা হৌখিবা মতমদগী ইথিল লৌদুনা ঐখোয়গী লৈবাক অনিমক্না অনৌবা তুংগী ফিবম অমা শেম্লি।

মরুপশিং,

ভারত অমসুং ইন্দোনেসিয়া অসি থম্মোয়দা নক্নবা অমদি জিওগ্রাফিগী মতুং ইননা নক্নবা য়ুমলোননবশিংনি। ভারতকি গ্রেৎ নিকোবর আইলেন্দদগী ইন্দোনেসিয়াগী আচে ফাওবগী অরাপ্পা অসি চাওরাক্না কিলোমিতর ১৫০নি। খনবিয়ু, ইন্দোনেসিয়া অসি ভারতকি রাজ্য অমত্তদগী হেন্না ভারতকি দ্বিপ অমগা নক্ননা লৈ।

ইন্দোনেসিয়াদা লাকপা ভারত মচা খুদিংমক্না মফম অসিদা মশাগী ওইজবা থিবা ফাওই। মসিনা মরম ওইদুনা চহি কয়াদগী ঐখোয়গী লৈবাক অনিনা ললোন-ইতিক, চৎনবি, অমসুং তুরিজমগী খুত্থাংদা অমগা অমগা শম্নদুনা লাক্লি, ঐখোয়গী মরিগী লিগেসি অসি মাংলোমদা পুখৎলি।

ঙসি ভারতনা অনৌবা হিথাংফমশিং শাবা, অনৌবা জহাজশিং শাবগী থবক তৌবা, অনৌবা শমুদ্রগী লম্বিশিং থিবা, অনৌবা পার্ত্নরশিপকি খুত্থাংদা শমুদ্রগী ললোন-ইতিক অসি মাংলোমদা পুখৎলিবা মতম অসিদা ইন্দোনেসিয়ানা ঐখোয়গা য়াম্না চান্নবা মরুপ অমা ওইনা লেপ্লি।

মরুপশিং,

ইন্দোনেসিয়া ওইগেরা নত্রগা ভারত ওইগেরা, লৈবাক অনিমক চাওখৎপদা য়াম্না ৱানা থোক্লি। ঐখোয়না লেপ্পা নত্রগা তপ্না তপ্না চৎপাগী মতম লৈতে। ভারত মচা খরনা হৌজিক ইন্দোনেসিয়াগী প্রোগ্রেশকি মতাংদা নখোয়দা হায়খ্রে, অমসুং ঐহাক্না, ভারত্তগী, ভারতকি প্রোগ্রেশকি ৱারি কয়া অমা নখোয়দা পুদুনা লাক্লে।

মরুপশিং,

হৌজিক্কা অদোম্না ভারতকি মরমদা তাবা মতম খুদিংদা খন্ন-নৈনবগী হীরম অমা মতম পুম্নমক্তা হেদ লাইন্না হান্না লাকই, অমদি মসিগী হেদলাইল অসি ভারতকি ইকোনোমিনি। কনাগুম্বা খরনা হায়গনি, "দোলর ত্রিলিয়ল ইকোনোমি অমা ওইরে" অতোপ্পা খরনা অদোমদা জি.দি.পি. গ্রোথ অসি শিংথানিংঙাই ওইরে।  হৌখিবা চহি ১০-১২ অসিদাা ইকোনোমি অসি কয়া য়াম্না চাওনা চাওখৎলকখিবগে হায়বদু খরনা হায়গনি। শিংথানিংঙাই ওইবা এচিবমেন্ত অমগী মতুংদা অতোপ্পা অমগী মতাংদা অদোম্না তাবিরমগনি।

ঙসিদি ভারতকি ইকোনোমিনা গ্লোবেল গ্রোথ থৌগৎপদা অচৌবা থৌদাং লৌরি। কোরোনা ভাইরসকুম্বা অচৌবা ক্রাইসিস অমা মালেম অসিনা মায়োক্নরকপা মতমদসু ভারতকি ইকোনোমি অসি লেপ্পা লৈতনা লাকখিদে। ৱেস্ত এসিয়াদা অসিগুম্বা অচৌবা ক্রাইসিস অমা লাক্কদৌরিবা মতমদসু ভারতকি ইকোনোমি লেপখিদে। তশেংবদি মমাঙ চহিগী অরোয়বা ক্বারতরদা, মার্চ লোয়রবা মতুংদা, ঐখোয়গী গ্রোথ রেৎ অসি চাদা ৭.৭ ওইখি।

মসিগী মীৎকুপ অসি, মসিগী প্রোগ্রেশ অসি, তশেঙনা লাকখিবা নত্তে। ভারতনা অমুক হন্না রিফোর্মশিং ইমপ্লিমেন্ত তৌখ্রে, অমসুং ঐখোয়না লেপ্পা লৈতনা থবক পায়খৎলি, মরম অসিনা ঙসি লৈবাক অসি ত্রান্সফোরম তৌরি। ঐখোয়না রিফোর্ম, পর্ফোর্ম, ত্রান্সফোর্ম হায়বা মন্ত্র অসিগা লোয়ননা মাংলোমদা চঙশিল্লি।

মরুপশিং,

ঙসি ভারতনা ফংলিবা গ্রোথ অসি মীওই বিলিয়ল ১.৪গী মংলাল গ্রোথনি, ভারত মচা লাখ কয়াগী অপাম্বগী গ্রোথনি। অদোম পুম্নমকসু মংলাল অদুগী শরুক্নি। ইন্দোনেসিয়াদা লৈরিবা ভারত মচা খুদিংমক মংলাল অদুগী পার্ত্নরনি।

মরুপশিং,

করিগুম্বা ঐহাক্না ভারতকি গ্রোথকি খোঙজেল অমসুং স্কেল অসি পরিং অমদা ফোঙদোক্লবদি ঐহাক্না হায়গনি মদুদি এসপিরেসন বিলিয়ল ১.৪ গী মোসন্নি। ঙসিদি ভারত্তা খুঙ্গংদগী শহর ফাওবগী নাগরিকশিং অসি এসপিরেসন্না থল্লে। ঐখোয়গী মায়পাকপা অসি ফংবা ঙমগনি হায়বগী থাজবা মীপুম খুদিংমক্তা লৈরক্লে।

মরুপশিং,

ঐহাক্না অদোমদা খুদম অমা পিজগে। মীওই খুদিংমক্কী মশাগী ওইবা য়ুম লৈবা অসি কয়াদা চাওবা মংলাল অমনি হায়বা নখোয়না খঙলে। অমসুং ভারতকি ফিগর অসি  য়েংবিয়ু: হৌখিবা চহি ১০-১২ অসিদা সরকারনা ভারত্তা লায়রবা মীওই মিলিয়ল ৪০ হেনবগী পর্মেনেন্ত হাওসশিং শাখ্রে। মসি লৈবাক কয়াগী অপুনবা য়ুম মশিংদগীসু হেল্লি।

মরুপশিং,

মীয়াম্না মশাগী য়ুম অমা লৈবদা, ইকায় খুম্ননিংঙাই ওইবা পুন্সী অমা ফংলবা মতমদা, ভারত মচা লাখ কয়া অসিগী অপাম্বশিং অদু খোঙজেল য়াংখৎলকপা মতমদা, মখোয়গী মংলানশিং অদু চৎপা হৌরকই।

মরুপশিং,

ভারত্তা সোসিয়েল সেক্যুরিতি কভরেজগী মতাংদা ঐনা অদোমদা পুক্নিং চিংশিন্নিংঙাই ওইবা স্তেতিস্তিক অমা পিজগে। চহি ১২গী মমাঙদা ভারত্তা মীওই মিলিয়ল ২৫০ সোসিয়েল সেক্যুরিতি কভরেজ লৈরমমি। ঙসি চাওরাক্না ভারত মচা বিলিয়ল ১দি সোসিয়েল সেক্যুরিতিগী মখাদা লৈরি। অমসুং ঐহাক্না সেয়র তৌগদৌরিবা স্তেতিস্তিক অসিনা অদোম্বু ঙকহনগনি।

ভারত্তা প্রধাল মন্ত্রী সুরক্ষা বিমা য়োজনা কৌবা স্কিম অমা লৈরি। স্কিম অসিগী মখাদা লুপা লাখ ২গী এক্সিদেন্ত ইন্সুরেন্স অসি চহি অমদা সুপ্নতগী লুপা ২০গী প্রিমিয়ম অমদা ফংহল্লি। মদু কোফি অমগী মমল ফাওবা নত্তে। মসি মালেমগী অতোপ্পা মফম অমদা ফংলবসু নত্রগা ফংদবা য়াই, অদুবু মসি ভারত্তা ফংলি। স্কীম অসিনা ভারতকি চাওরাক্না মীওই করোর ৬০ কোনশিল্লি।

মরুপশিং,

অতোপ্পা স্কিম অমসু লৈরি, মদুদি পি.এম.জিবল জ্যোতি বিমা য়োজনা। স্কিম অসিনা নোংমদা চাওরাক্না লুপা অমা মখায়গী প্রিমিয়ম অমদা লাইফ ইন্সুরেন্স পিরি। নোংমদা সুপ্নতগী লুপা অমা মখায় খক্তমক, কোফি অমফাওবা লুপা অমা মখায়দগী হেন্না চংই। অমসুং হৌজিক্কী ওইনা ভারত্তা মীওই মিলিয়ল ২৮০ স্কিম অসিদা মিং চন্নরি।

মরুপশিং,

সরকারগী স্কিম অনি অসিগী মখাদা হৌজিক ফাওবদা চাওরাক্না লুপা করোর ২২,০০০গী ক্লেম মীওইশিংদা পিখ্রে। লুপা কোতি ২২,০০০ পিখ্রে। মীয়ামনা মখোয়গী পুন্সীদা থৌদোক অমা মায়োক্নরকপা মতম খুদিংদা সরকারনা মখোয়গী মরুপ ওইনা মখোয়গী মনাক্তা লেপ্লম্মি।

মরুপশিং,

ঙসি ভারত্তা মমাঙদা অমুক্ত ওইখিদ্রিবা অমসুং শিংথানিংঙাই ওইবা অতোপ্পা সিস্তেম অমা লিংখৎলে। মসি দাইরেক্ত বেনিফিৎ ত্রান্সফরনি। মসি ফন্দ পুম্নমক লিক অমত্তা য়াওদনা বেনিফিসরিশিংদা য়ৌহনবা ঙম্বা ফুলপ্রুফ সিস্তেম অমনি।

মরুপ অমনা লাক্তুনা ঐঙোন্দা হংখি, "বঙ্গালগীদমক ঐগী ভিজন করিনো?" মসিগী ভিজন অসি... দাইরেক্ত বেনিফিৎ ত্রান্সফরনি। লিকেজ মত্তা লৈতে।

অমসুং মসিগী শেনফম অসি মখোয়গী বেঙ্ক একাওন্তশিংদা হকথেংননা চংই। অদোম্না খনবিরমগনি মদুদি হৌখিবা চহি ১২ অসিদা চাওরাক্না লুপা কোতি লাখ ৫০, তেংবাংগী লুপা ত্রিলিয়ল মঙারোম হকথেংননা মীয়ামগী বেঙ্ক একাওন্ততা থাদোকখ্রে।

মরুপশিং,

অসিগুম্বা সিস্তেম অসি লিংখৎপা মতমদা মীয়ামগী থাজবা হেনগৎলকই, মীয়াম্না থাজবা হেনগৎলকই, মদুগী মতুংদা ভারত মচা করোর ২৫০না লায়রববু মায়থিবা পিখ্রে, চাওখৎলক্লে অমসুং চাউথোক্না অমদি ইকাইখুম্নবা পুন্সী মহিং হিংবা হৌরকএ।

মরুপশিং,

ঐহাক্না অদোমদা অতোপ্পা দেতা অমা পিজগে। অদোম্না তাবিরমগনি মদুদি মালেমগী রিএন তাইম দিজিতেল পেমেন্তকি চাদা ৫০দি ভারত খক্তদা থোকই। মালেমগী অপুনবা মশিংগী ৫০%।

ঙসিদি ভারত্তা নুমিৎ খুদিংগী দিজিতেল ত্রাঞ্জেক্সল মিলিয়ল ৭৫০ হেন্না চত্থরি। মিলিয়ল ৭৫০ হেন্না য়াওরি। মসিনা তাকপদি নুংতিগী পুন্সীদা শেল পুথোক পুশিন তৌবগী তঙাইফদবা লৈত্রে। অমসুং ফীভম অসি অসুম্না ওইরে মদুদি মীয়ামনা মখোয়গী দেবিৎ কারদকি পাশৱারদশিং, মখোয়গী বেঙ্ক এ.তি.এম.গী পাশৱার্দশিং কাওথোক্লি, অমসুং পুম্নমক অসি মোবাইল শিজিন্নদুনা ইরায় লায়না য়ু.পি.আই. দগী তৌবা য়ারে

মরুপশিং,

মংলানশিং অচৌবা ওইরকপা মতমদা সরকারগী থবক থৌরমশিংগী খোঙজেলসু খোঙজেল য়াংখৎলকই। ঙসি ভারত্তা চৎলগদি মফম খুদিংদা হায়ৱে অমসুং এক্সপ্রেশৱে শাবা উবা ফংগনি ।

চহি ১২গী মনুংদা হায়ৱে শাবগী খোঙজেল অসি শরুক অহুম হেনগৎলে। মসিসু মালেমদা খ্বাইদগী য়াংনা চৎলিবা অমনি। মতম অসিগী মনুংদা ভারত্তা এক্সপ্রেশৱেগী লম্বি অসি কিলোমিতর ১০০দগী কিলোমিতর ৩০০০দা হেনগৎলে।

অদুগা ভারতকি অচৌবা মংলানশিং অসি ভারতকি নহারোলশিংনা থৌনা হাপলি। চহি ১২গী মনুংদা মালেমগী ক্যু.এস.কি রেঙ্কিংদা ভারতকি য়ুনিভর্সিতিশিংগী মশিং ১১দগী ৫০ হেন্না হেনগৎলে।

ঙসিদি ভারতকি নহারোলশিংনা মশিং য়াম্না পেতেন্ত ফাইল তৌরি, মসিনা অনৌবা পুথোকপগী খোঙজেল য়াংশিলহল্লি। মরম অসিনা ভারত্তা রেজিস্তর তৌরবা স্তারতঅপ ২০০,০০০ হেন্না লৈরি। মসিদা চাওরাক্না য়ুনিকোর্ন ১২৫ লৈরি।

মরম অসিনা ঐনা হায়রি মদুদি ভারত অসি খ্বাইদগী য়াংনা চাওখৎলকলিবা ইকোনোমি খক্তাা নত্তে, মসি চত্থরিবা বিলিয়ল হেনবা মংলানশিংগী ময়ুম্নি।

মরুপশিং,

ঐখোয় ভারত মচাশিংনা অনৌবা চিঞ্জাকশিং য়াম্না পামমি। অশাবা চিঞ্জাক অসি মপূঙ ফানা তোঙানবা এক্সপরিয়েন্স অমনি। অদুনা, ভারতকি পোতেন্সিয়েলগী হন্দক্কী খুদম অমা পিজগে।

ঐহাক্না ইন্দোনেসিয়া য়ৌরকপগী নুমিৎ অনিগী মমাঙদা জুলাই ৪দা লুপা কোতি লাখ অমা হেনবগী প্রোজেক্তশিং নুমিৎ অমদা লৈবাক অসিদা শিন্নবগী খুদোংচাবা ফংজখি। নুমিৎ অমদা লুপা ত্রিলিয়ল অমগী মমল ওইবা ইনফ্রাস্ত্রকচর প্রোজেক্তশিং। ভারতনা মসিগী স্কেলদা থবক তৌরি।

মরুপশিং,

ভারতনা জুলাই ৪দা অচৌবা রিফাইনরি অমা শঙ্গাখি। অমসুং রিফাইনরি অসিদা শিজিন্নরিবা মচাকশিং অসিসু মসিদগী হেন্না ঙকপা নত্তে। প্রোজেক্ত অসিদা শিজিন্নরিবা স্তিলগী চাং অসিনা অনৌবা ঐফেল তৱার ৪০ শাবা ঙম্লমগনি, অমসুং মসিনা বুর্জ খলিফা ৫ শাবা ঙমগনি।

মসিগী রিফাইনরি অসি শাবদা পৃথিবি পুম্ববু অনিরক চত্থোক-চৎশিন তৌবা য়াবা শাংলবা কেবলশিং শিজিন্নখি। অসিগুম্বা ইনিসিয়েতিবশিং অসিনা মরম ওইদুনা হৌজিক ভারতনা রিফাইনিং কেপাসিতিগী মতাংদা মালেমদা মকোক থোঙবা বৈবাক ৪দা য়ৌরে।

মরুপশিং,

জুলাই ৪দা রিফাইনরি অসিগী মথক্ত জোধপুরদা অঙকপা এয়রপোরৎ অমা শঙ্গাখি। লুপা কোতি ২৮,০০০গী উরানগী স্কিম অসি অপিকপা শহরশিংদা এয়র কনেক্তিবিতি ফগৎহন্নবা হৌদোকখিবনি। জয়পুরগী মেৎরো নেতৱার্ক অসি নুমিৎ অদুমক্তদা পাকথোক চাওথোকহনখি। অমসুং ঙসিগী নুমিৎ অসিদা ভারতকি অহুমসুবা সেমিকন্দক্তর প্লান্তসু থবক হৌখি।

হায়বদি, ইনর্জিদগী হৌরগা কনেক্তিবিতি অমসুং চিপ মেন্যুফেকচরিং ফাওবা, ভারত অসি থিংবা ঙমদবা অমনি!

মরুপশিং,

ঙসিগী ভারতনা মশাগী মংলাল মংফাওনহনবতা নত্তনা মরুপ-মপাং ওইবা লৈবাক খুদিংমক্কী মংলানশিংসু শৌগৎলি। ভারতনা "সবকা সাথ, সবকা বিকাস" হায়বা মন্ত্র অসি ঙাক্লি। মরম অদুনা মসিগী পার্ত্নরশিংগা থবক তৌমিন্নদুনা অনৌবা খুদোংচাবশিং শেগৎলি অমসুং মখোয়বু অনৌবা খুদোংচাবশিংগা শম্নহল্লি।

ভারতকি মশা-মরোমদোম লেপচবা ঙম্বা অসি ইন্দোনেসিয়া অমসুং এসিয়াল লমদম পুম্বগী মশিং য়াম্লবা মচাক অমনি। খুদম ওইনা হেল্থ সেক্তর অসি লৌবিয়ু। ঙসিদি মালেমদা জেনেরেক হিদাক মঙাগী মনুংদা অমদি ভারত্তা পুথোক্লি । য়ুনিসেফকি তিকা চাওরাক্না চাদা ৬০দি ভারত্তগী লাকই। মসিনা লমদম পুম্বদা কান্নবা পিরি। ঐখোয়গী ইচিল-ইনাওশিংগীদমক ঐখোয়না তৌবা ঙম্বশিং অদুদা ঐখোয় য়াম্না চাওথোকচৈ।

মরুপশিং,

ঐহাক্না অদোমদা ভারতকি মরমদা অসুক য়াম্না হায়বিরে । হৌজিক নখোয়না ঐগীদমক অহেনবা থবক অমা লৈরে। অদোম্না অদোমগী ইন্দোনেসিয়াগী মরুপশিংদা ভারতকি মরমদা খঙহনগদবনি অমসুং মখোয়দা চৎনবা তকশিনগদবনি।

হৌজিক্তি জকার্তাদগী মুম্বাই ফাওবা, বালিদগী দিল্লী অমসুং বেঙ্গলুরু ফাওবা দাইরেক্ত ফ্লাইৎ কয়া অমা লৈরে। মসিনা ভারত্তা চত্থোক-চৎশিন তৌবদা য়াম্না লাইহল্লে।

মরুপশিং,

অদোম্না অনৌবা মিরোলদা, ভারতকি খুন্নাইগী মনুংদা লৈরিবা নহারোলশিংদসু ভারতকি মরমদা খঙহনগদবনি। ইন্দোনেসিয়াদা ভারত মীয়ামগী অঙাংশিংগীদমক ভারত কো জানো ক্বিজ হৌদোকখ্রে। মসিদা য়াম্লবা অঙাং কয়া শরুক য়ারি। ঐহাক্না মায়খুম হাংদোকপগী থৌরমদসু য়াম্না থৱাই য়াওবা কয়া অমা উখি।

তরুকসুবা এদিসন্দা ঐখোয়না পরিক্ষাগী ফোর্মেৎ অদু থাদোক্তুনা কম্পিতিসন পুম্নমক গেমিফাই তৌখ্রে। নহা ওইরিবা ইচিল-ইনাও পুম্নমক্ত শরুক য়াবিয়ু অমসুং সোসিয়েল মিদিয়াদা অদোমগী এক্সপরিয়েন্সশিং অদু ঐঙোন্দা সেয়র তৌবিয়ু হায়না ঐনা হায়জরি।

মরুপশিং,

ভারত অমসুং ইন্দোনেসিয়ানা পুৱারিগা শম্নরিবা অদুগুম্লবা তুংলমচৎ অমা সেয়র তৌরি। ঐখোয়না খুদোংচাবশিং সেয়র তৌই। ঐখোয়না শিংনবা কয়া সেয়র তৌরি। য়োগা নুমিৎ লাকপা মতমদা ঐখোয়না পুন্না য়োগা তৌমিন্নৈ, সুনামিগুম্বা ক্রাইসিস অমা লাকপা মতমদা ঐখোয় পুন্না থেংনমিন্নৈ।

ঐখোয়গী লৈবাক অনিগী মরক্ত লৈরিবা থাজবা অসি অচৌবা পাঙ্গল অমনি। অমসুং ঐখোয় পুন্না মসিবু মখা তানা মপাঙ্গল কনখৎহনগদবনি।

অদোম পুম্নমক ভারত অমসুং ইন্দোনেসিয়াগী য়াইফবা তুংলমচত্তা সেয়র তৌরবা মরুওইরবা লিঙ্কশিংনি। ঐখোয়না থৌদাং অসি মখা তানা পাকথোক চাওথোকহনগদবনি।

মসিগী ৱাহৈশিং অসিগা লোয়ননা ঐহাক্না অমুক হন্না রাস্ত্রপতি, ঐহাক্কী নুংশিজরবা মরুপ প্রবোৱো অমসুং ইন্দোনেসিয়াগী মীয়ামদা থাগৎপা ফোঙদোকচরি। অদুগা অদোম পুম্নমকপু য়াইফ-পাওজেল পিজরি।

ভারত অমসুং ইন্দোনেসিয়া, মিত্র সেলামন্যা।

অদোম্বু য়াম্না থাগৎচরি।

অদুগা হয়েং ঐহাক রাস্ত্রপতিগা লোয়ননা অদুগুম্বা শেংলবা লাইশঙ অদুদা চৎনবা চৎকনি। অদুগা হয়েং অসি তাং করিনো? ঐখোয়গী মরি অসি অসুক য়াম্না মপাঙ্গল কল্লি। অমসুং ঐহাক্না রাস্ত্রপতিগা থৌরাং কয়া অমা সেয়র তৌখ্রে, অমসুং মসিদা কোপিরাইত অমত্তা লৈতে হায়না ঐহাক্না ৱাশকচরি। কোপিরাইত অমত্তা লৈতে, রোয়েলতি ক্লেম অমত্তা লৈতে। সবকা সাথ, সবকা বিকাশ অসিনা ঐখোয়বু লমজিংলিবা মন্ত্রনি।

অদোম্বু য়াম্না থাগৎচরি।

***