ಪತ್ರಿಕಾ ಮತ್ತು ಮಾಧ್ಯಮದ ಕೆಲವು ವಿಭಾಗಗಳು ಕೆಲವು ವರದಿಗಳನ್ನು ಬಿಡುಗಡೆ ಮಾಡಿದ್ದು, ಅವುಗಳಲ್ಲಿ 1600 ಸರಣಿ ಮತ್ತು 140 ಸರಣಿಯ ಕಾರ್ಯಾಚರಣೆಯ ಬಗ್ಗೆ ಕಾಮೆಂಟ್ ಗಳು / ಅಭಿಪ್ರಾಯಗಳನ್ನು ಕಾಣಬಹುದಾಗಿದೆ. ಈ ಕಾಮೆಂಟ್ ಗಳು / ಅಭಿಪ್ರಾಯಗಳು ಗೊತ್ತುಪಡಿಸಿದ ಸರಣಿಗಳ ಕಾರ್ಯಾಚರಣೆಯ ಬಗ್ಗೆ ತಪ್ಪಾದ ಮಾಹಿತಿ ಅಥವಾ ತಪ್ಪಾದ ವ್ಯಾಖ್ಯಾನಕ್ಕೆ ಕಾರಣವಾಗಬಹುದು. ಈ ನಿಟ್ಟಿನಲ್ಲಿ ಸರಿಯಾದ ನಿಯಂತ್ರಕ ನಿಲುವನ್ನು ಈ ಕೆಳಗಿನಂತೆ ಸ್ಪಷ್ಟಪಡಿಸಲಾಗಿದೆಃ

(i) TRAIಯು 1600xx ಸರಣಿ ಸಂಖ್ಯೆಗಳನ್ನು BFSI ವಲಯದ ನಿಯಂತ್ರಿತ ಘಟಕಗಳು ಅಂದರೆ RBI, SEBI, IRDAI and PFRDA ನಿಯಂತ್ರಿತ ಘಟಕಗಳು ತಮ್ಮ ಅಸ್ತಿತ್ವದಲ್ಲಿರುವ ಗ್ರಾಹಕರಿಗೆ ಮತ್ತು ಸರ್ಕಾರಿ ಘಟಕಗಳು ಸರ್ಕಾರದಿಂದ ನಾಗರಿಕರಿಗೆ ಸಂವಹನ ನಡೆಸಲು ಬಳಸುವಂತೆ ಆದೇಶಿಸಿದೆ. ಈ ಪ್ರಮುಖ ಸಂವಹನಗಳಿಗೆ ಗೊತ್ತುಪಡಿಸಿದ ಸರಣಿಗಳನ್ನು ನಿಯೋಜಿಸುವ ಪ್ರಮುಖ ಉದ್ದೇಶವೆಂದರೆ ಗ್ರಾಹಕರು/ನಾಗರಿಕರಿಗೆ ಅಂತಹ ಕರೆಗಳ ಬಗ್ಗೆ ವಿಶ್ವಾಸಾರ್ಹತೆಯನ್ನು ಮೂಡಿಸುವುದಾಗಿದೆ. ಟೆಲಿಕಾಂ ವಾಣಿಜ್ಯ ಸಂವಹನ ಗ್ರಾಹಕ ಆದ್ಯತೆ ನಿಯಂತ್ರಣದ (TCCCPR) ಅಡಿಯಲ್ಲಿ 1600 ಸರಣಿ ಸಂಖ್ಯೆಯಿಂದ ಬರುವ ಕರೆಗಳನ್ನು ಟ್ಯಾಗ್ ಮಾಡುವುದು, ನಿರ್ಬಂಧಿಸುವುದು ಅಥವಾ ಫಿಲ್ಟರ್ ಮಾಡುವುದನ್ನು ಅನುಮತಿಸಲಾಗುವುದಿಲ್ಲ.

(ii) ಯಾವುದೇ ವಲಯದ ಘಟಕಗಳಿಂದ ಪ್ರಚಾರ ಕರೆಗಳನ್ನು ಮಾಡಲು 140xx ಸರಣಿ ಸಂಖ್ಯೆಗಳ ಬಳಕೆಯನ್ನು TRAI ಕಡ್ಡಾಯಗೊಳಿಸಿದೆ. ಪ್ರಚಾರದ ಕರೆಗಳನ್ನು ಮಾಡಲು 140 ಸರಣಿ ಸಂಖ್ಯೆಯನ್ನು ಬಳಸಲು ಬಯಸುವ ಘಟಕಗಳು ಟೆಲಿಕಾಂ ಸೇವಾ ಪೂರೈಕೆದಾರರೊಂದಿಗೆ TCCCPR ಚೌಕಟ್ಟಿನ ಅಡಿಯಲ್ಲಿ ನೋಂದಾಯಿಸಿಕೊಂಡು, ನಿಯಂತ್ರಣದ ನಿಬಂಧನೆಗಳನ್ನು ಅನುಸರಿಸಬೇಕು. ಯಾವುದೇ ಅಥವಾ ಎಲ್ಲಾ ವಲಯಗಳ ಘಟಕಗಳಿಂದ 140 ಸರಣಿ ಸಂಖ್ಯೆಯಿಂದ ಪ್ರಚಾರ ಕರೆಗಳನ್ನು ಅನುಮತಿಸುವ ಅಥವಾ ನಿರ್ಬಂಧಿಸುವ ಹಕ್ಕನ್ನು ಗ್ರಾಹಕರು ಹೊಂದಿದ್ದಾರೆ. DND ರಿಜಿಸ್ಟ್ರಿಯಲ್ಲಿ ಪ್ರಚಾರ ಕರೆಗಳನ್ನು ಸ್ವೀಕರಿಸಲು ಯಾವುದೇ ಅಥವಾ ಎಲ್ಲಾ ವಲಯಗಳನ್ನು ನಿರ್ಬಂಧಿಸಿದ ಗ್ರಾಹಕರು ನಿರ್ಬಂಧಿತ ವಲಯಗಳ ಘಟಕಗಳಿಂದ 140 ಸರಣಿಯಿಂದ ಯಾವುದೇ ಕರೆಗಳನ್ನು ಭವಿಷ್ಯದಲ್ಲಿ ಸ್ವೀಕರಿಸುವುದಿಲ್ಲ. ಗ್ರಾಹಕರು ತಮ್ಮ DND ಆದ್ಯತೆಯನ್ನು TRAI DND ಆ್ಯಪ್ ಸೇರಿದಂತೆ ವಿವಿಧ ವಿಧಾನಗಳ ಮೂಲಕ ನೋಂದಾಯಿಸಿಕೊಳ್ಳಬಹುದು. 140 ಸರಣಿ ಸಂಖ್ಯೆಯಿಂದ ಬರುವ ಕರೆಗಳನ್ನು ಯಾವುದೇ ಟ್ಯಾಗಿಂಗ್ ಅಥವಾ ಫಿಲ್ಟರಿಂಗ್ ಮಾಡುವುದನ್ನು DND ರಿಜಿಸ್ಟ್ರಿಯಲ್ಲಿ ನಿರ್ಬಂಧಿಸುವುದನ್ನು ಹೊರತುಪಡಿಸಿ ಅನುಮತಿಸಲಾಗುವುದಿಲ್ಲ, ಏಕೆಂದರೆ ಯಾವುದೇ ಟ್ಯಾಗಿಂಗ್ ಮಾಡುವುದರಿಂದ DND ರಿಜಿಸ್ಟ್ರಿಯ ವಲಯದಿಂದ ಬರುವ ಕರೆಗಳನ್ನು ಸ್ವೀಕರಿಸಲು ಅನುಮತಿ ನೀಡಿದ ಗ್ರಾಹಕರನ್ನು ತಪ್ಪುದಾರಿಗೆಳೆಯಬಹುದಾದ ಸಾಧ್ಯತೆ ಇರುತ್ತದೆ.

*****