પ્રેસ અને મીડિયાના કેટલાક વિભાગોએ એવા અહેવાલો બહાર પાડ્યા છે જેમાં અન્ય બાબતોની સાથે નિયુક્ત 1600 સીરિઝ અને 140 સીરિઝના કાર્યપ્રણાલી અંગે ટિપ્પણીઓ/મંતવ્યો છે જે સંભવિત રીતે આ નિયુક્ત સીરિઝના સંચાલનની ખોટી માહિતી અથવા ગેરસમજ તરફ દોરી શકે છે. આ સંદર્ભમાં યોગ્ય નિયમનકારી સ્થિતિ નીચે મુજબ સ્પષ્ટ કરવામાં આવી છે:

(i) TRAIએ BFSI સેક્ટરની નિયમનકારી સંસ્થાઓ એટલે કે RBI, SEBI, IRDAI અને PFRDA દ્વારા નિયંત્રિત સંસ્થાઓ માટે તેમના હાલના ગ્રાહકોને સર્વિસ અને ટ્રાન્ઝેક્શન કોલ્સ કરવા માટે તથા સરકારી સંસ્થાઓ દ્વારા સરકારથી નાગરિક સંચાર માટે 1600xx સીરીઝના નંબરોનો ઉપયોગ ફરજિયાત બનાવ્યો છે. આ મહત્વપૂર્ણ સંચાર માટે નિયુક્ત સીરીઝ ફાળવવાનો મુખ્ય ઉદ્દેશ્ય ગ્રાહકો/નાગરિકો માટે આવા કોલ્સને વિશ્વાસપાત્ર બનાવવાનો છે. ટેલિકોમ કોમર્શિયલ કોમ્યુનિકેશન્સ કસ્ટમર પ્રેફરન્સ રેગ્યુલેશન (TCCCPR) હેઠળ, 1600 સીરીઝના નંબરો પરથી ઉદ્ભવતા કોલ્સનું કોઈપણ પ્રકારનું ટેગિંગ, બ્લોકિંગ અથવા ફિલ્ટરિંગ કરવાની મંજૂરી નથી.

(ii) TRAIએ કોઈપણ ક્ષેત્રની સંસ્થાઓ દ્વારા પ્રમોશનલ કોલ્સ કરવા માટે 140xx સીરીઝના નંબરોનો ઉપયોગ ફરજિયાત બનાવ્યો છે. પ્રમોશનલ કોલ્સ કરવા માટે 140 સીરીઝનો નંબર મેળવવા ઈચ્છતી સંસ્થાઓએ TCCCPR ફ્રેમવર્ક હેઠળ ટેલિકોમ સર્વિસ પ્રોવાઈડર્સ પાસે નોંધણી કરાવવી આવશ્યક છે અને નિયમનની જોગવાઈઓનું પાલન કરવું પડશે. ગ્રાહકો પાસે ડૂ નોટ ડિસ્ટર્બ (DND) રજિસ્ટ્રી પર તેમની પસંદગી નોંધાવીને કોઈપણ અથવા તમામ ક્ષેત્રોની સંસ્થાઓ તરફથી 140 સીરીઝના નંબરો પરથી આવતા પ્રમોશનલ કોલ્સને મંજૂરી આપવાનો અથવા બ્લોક કરવાનો અધિકાર છે. જે ગ્રાહકે DND રજિસ્ટ્રી પર પ્રમોશનલ કોલ્સ મેળવવા માટે કોઈપણ અથવા તમામ ક્ષેત્રોને બ્લોક કર્યા છે, તેમને બ્લોક કરાયેલા ક્ષેત્રોની સંસ્થાઓ તરફથી આવતા 140 સીરીઝના કોઈ કોલ્સ પ્રાપ્ત થશે નહીં. ગ્રાહક TRAI DND એપ સહિતના બહુવિધ માધ્યમો દ્વારા પોતાની DND પસંદગી નોંધાવી શકે છે. ડીએનડી રજિસ્ટ્રી પર બ્લોક કરવા સિવાય 140 સીરીઝના નંબરો પરથી આવતા કોલ્સના કોઈપણ ટેગિંગ કે ફિલ્ટરિંગની મંજૂરી નથી, કારણ કે કોઈપણ ટેગિંગ એવા ગ્રાહકને ગેરમાર્ગે દોરી શકે છે જેમણે અન્યથા DND રજિસ્ટ્રી પર કોઈ ક્ષેત્રમાંથી આવા કોલ્સ પ્રાપ્ત કરવાની મંજૂરી આપી હોય.

SM/BS/GP

સોશિયલ મીડિયા પર અમને ફોલો કરો :  @PIBAhmedabad    /pibahmedabad1964    /pibahmedabad  pibahmedabad1964[at]gmail[dot]com