યુવા બાબતો અને રમતગમત મંત્રાલયે તમામ માન્ય નેશનલ સ્પોર્ટ્સ ફેડરેશન્સ (NSFs) ને લોસ એન્જલસ 2028 ઓલિમ્પિક ગેમ્સ માટે એથ્લેટ્સની પસંદગી માટે અપનાવવામાં આવનારા માપદંડો અને પ્રક્રિયા સહિત ઓલિમ્પિક ક્વોલિફિકેશન અને સિલેક્શન પાથવે (પસંદગી પ્રક્રિયાનો માર્ગ) પ્રકાશિત કરવા નિર્દેશ આપ્યો છે.

મંત્રાલયે પુનરોચ્ચાર કર્યો છે કે ઓલિમ્પિક, પેરાલિમ્પિક, એશિયન ગેમ્સ, પેરા એશિયન ગેમ્સ અને કોમનવેલ્થ ગેમ્સ જેવી મોટી રમતગમતની ઈવેન્ટ્સ માટેની પસંદગી નીતિ અને માપદંડો વ્યાપકપણે પ્રચારિત હોવા જોઈએ અને સંબંધિત ગેમ્સની શરૂઆતના ઓછામાં ઓછા બે વર્ષ પહેલાં સંબંધિત NSF ની સત્તાવાર વેબસાઇટ પર અપલોડ થવા જોઈએ.

પસંદગીની નીતિ અને માપદંડો NSFs ના સભ્ય એકમો અને સ્પોર્ટ્સ ઓથોરિટી ઓફ ઇન્ડિયા (SAI) સાથે પણ શેર કરવા જોઈએ.

લોસ એન્જલસ 2028 ઓલિમ્પિક ગેમ્સ 14 જુલાઈથી 30 જુલાઈ 2028 દરમિયાન યોજાવાની છે.

મંત્રાલયે માહિતી આપી છે કે લોસ એન્જલસ 2028 ઓલિમ્પિક ગેમ્સ માટેના ક્વોલિફિકેશન પાથવે સંબંધિત ઇન્ટરનેશનલ ફેડરેશન્સ દ્વારા જાહેર કરવામાં આવ્યા છે, જે નીચેની લિંક પર ઉપલબ્ધ છે:

https://www.olympics.com/ioc/documents/olympic-games/los-angeles-2028-olympic-games

તદનુસાર, તમામ માન્યતા પ્રાપ્ત રાષ્ટ્રીય રમતગમત મહાસંઘો (NSFs)ને તેમના સત્તાવાર વેબસાઇટ પર ઓલિમ્પિક માટેની ક્વોલિફિકેશન અને ખેલાડીઓની પસંદગીની પ્રક્રિયા, જેમાં પસંદગીના માપદંડો અને અપનાવવામાં આવનારી પ્રક્રિયાનો સમાવેશ થાય છે, તાત્કાલિક અને વધુમાં વધુ 15 જુલાઈ, 2026 સુધીમાં જાહેર કરવાની વિનંતી કરવામાં આવી છે.

NSFs ને તમામ સંલગ્ન રાજ્ય અને કેન્દ્રશાસિત પ્રદેશના એસોસિએશનો વચ્ચે પણ આ પસંદગી પ્રક્રિયાના માર્ગનો પ્રસાર કરવા માટે કહેવામાં આવ્યું છે.

આ પહેલનો ઉદ્દેશ્ય એથ્લેટ પસંદગી પ્રક્રિયામાં વધુ પારદર્શિતા અને જવાબદારીને પ્રોત્સાહન આપવાનો છે, જેથી કરીને તમામ હિસ્સેદારોના લાભ માટે ગેમ્સ માટેના ક્વોલિફિકેશન પાથવે, પસંદગીના માપદંડો અને પસંદગીની પ્રક્રિયાને સમય પહેલાં જાહેર ક્ષેત્રમાં (પબ્લિક ડોમેન) મૂકવામાં આવે.

SM/BS/JD