പ്രധാനമന്ത്രിയുടെ ഓഫീസ്
ഓസ്ട്രേലിയൻ ഗവർണർ ജനറലുമായി കൂടിക്കാഴ്ച നടത്തി പ്രധാനമന്ത്രി
प्रविष्टि तिथि:
09 JUL 2026 1:55PM by PIB Thiruvananthpuram
പ്രധാനമന്ത്രി ശ്രീ നരേന്ദ്ര മോദി ഇന്ന് മെൽബണിൽ വെച്ച് ഓസ്ട്രേലിയൻ ഗവർണർ ജനറൽ സാം മോസ്റ്റിൻ എ.സിയുമായി കൂടിക്കാഴ്ച നടത്തി.
ഇന്ത്യ-ഓസ്ട്രേലിയ സമഗ്ര തന്ത്രപ്രധാന പങ്കാളിത്തത്തിന്റെ വർധിച്ചുവരുന്ന ആഴത്തെയും വൈവിധ്യത്തെയും കുറിച്ച് ഇരു നേതാക്കളും ആശയവിനിമയം നടത്തി. ഇന്ത്യയും ഓസ്ട്രേലിയയും തമ്മിൽ വളർന്നുവരുന്ന സാമ്പത്തിക പങ്കാളിത്തത്തെ അവർ സ്വാഗതം ചെയ്യുകയും വ്യാപാരം, നിക്ഷേപം, വിദ്യാഭ്യാസം, നവീനാശയ ബന്ധങ്ങൾ എന്നിവ വികസിപ്പിക്കുന്നത് പുതിയ അവസരങ്ങൾ സൃഷ്ടിക്കുമെന്നും ഇരുരാജ്യങ്ങളിലെയും ജനങ്ങൾക്ക് സ്പഷ്ടമായ ഗുണങ്ങൾ നൽകുമെന്നും ആത്മവിശ്വാസം പ്രകടിപ്പിക്കുകയും ചെയ്തു. ഇരുരാജ്യങ്ങളും തമ്മിൽ വളർന്നുവരുന്ന കായിക ബന്ധങ്ങളിൽ ഇരു നേതാക്കളും സംതൃപ്തി രേഖപ്പെടുത്തുകയും ഇന്ത്യ ആതിഥേയത്വം വഹിക്കുന്ന 2030-ലെ കോമൺവെൽത്ത് ഗെയിംസിന്റെയും ഓസ്ട്രേലിയയിൽ നടക്കാനിരിക്കുന്ന 2032-ലെ ഒളിമ്പിക്സിന്റെയും മുന്നോടിയായി കൂടുതൽ ദൃഢമായ സഹകരണത്തിന് ആഹ്വാനം ചെയ്യുകയും ചെയ്തു.
ഇരുരാജ്യങ്ങളും തമ്മിലുള്ള ജനങ്ങൾ തമ്മിലുള്ള ഊർജ്ജസ്വലമായ ബന്ധം ഈ സൗഹൃദത്തിന്റെ ശക്തിയായി തുടരുന്നുവെന്ന് പ്രധാനമന്ത്രി പ്രസ്താവിച്ചു.
ഇന്ത്യ-ഓസ്ട്രേലിയ ബന്ധം മുന്നോട്ട് കൊണ്ടുപോകുന്നതിൽ നൽകുന്ന ഉറച്ച പിന്തുണയ്ക്ക് ഗവർണർ ജനറൽ മോസ്റ്റിന് പ്രധാനമന്ത്രി നന്ദി അറിയിച്ചു.
***
SK
(रिलीज़ आईडी: 2282783)
आगंतुक पटल : 19
इस विज्ञप्ति को इन भाषाओं में पढ़ें:
English
,
Urdu
,
Marathi
,
हिन्दी
,
Assamese
,
Bengali
,
Bengali-TR
,
Manipuri
,
Punjabi
,
Gujarati
,
Tamil
,
Telugu
,
Kannada