প্রধান মন্ত্রী শ্রী নরেন্দ্র মোদীনা ঙসি রাজস্থানগী বালোতরাদা চাউরাক্না লুপা করোর লাখ ১.০৬গী চাউখৎ-থৌরাংগী প্রোজেক্তশিং কত্থোকখ্রে, শঙ্গাখ্রে, অমসুং উরেপ-উয়ুং তমখ্রে। মীয়ামগী অচৌবা মীফম অদুদা মহাক্না চাউখৎ-থৌরাংগী খোঙথাংশিং অসিদা তেংবাং পীনবা ৱাফম থমখি। কালেনগী শারবা মৈশা অদু খাংদুনা শরুক য়ারিবা মীয়ামদা থাগৎপা ফোংদোক্লদুনা প্রধান মন্ত্রীনা মীয়ামনা মশিং য়াম্না থোরকপা অসিনা হৌজিক লৈরিবা লৈঙাক্কী অচৌবা ভেলিদেসন অমগী ময়েক লারবা খুদম অমনি হায়না ফোংদোকখি। শ্রী মোদীনা হায়খি, "অচৌবা সপ্পোর্ত অসিগীদমক ঐহাক্না রাজস্থানগী লমদমগী লমন তোনশিল্লে, মসিনা ঐখোয়গী সরকারনা হোৎনরিবা অসিদা অদোমগী থাজবা অদু ময়েক শেংনা উৎলি।"

লমদম অসিগী পুৱারী ওইরবা হেরিতেজ অদুগী মতাংদা পল্লদুনা, প্রধান মন্ত্রীনা রাজ্য অসিগী মশিং য়াম্লবা থৌনা ফরবা মীওইশিংবু ইকায় খুম্নবা উৎলদুনা অশেংবা জাতিগী ওইবা চাউথোকচবা অসি মশা-মরোমদোম লেপচবা ঙম্বগা হকথেংননা মরী লৈনৈ হায়না মহাক্না ফোংদোকখি। মহাক্না মীওই অমগী ইকায় খুম্নবা অমসুং মপান লমদগী মখা পোনবগী চাং হন্থহন্নবা জাতিগী স্ত্রেতেজিক ওইবা মথৌ তাবশিংগা হকথেংননা চাংদম্নখি। "মীওই অমগী নত্ত্রগা লৈবাক অমগী মশাগী ইকাই খুম্নবা ওইগেরা, মসি মপুং ফানা মশা-মরোমদোম লেপচবা ঙম্লবদি অৱাংবা থাক্তা লৈগনি" হায়না শ্রী মোদীনা ফোংদোকখি।

চাউরবা রাজস্থান রিফাইনরী অসি লৈবাক মীয়ামদা কত্থোক্লদুনা প্রধান মন্ত্রীনা হায়খি মদুদি অপুনবা চাউখৎপা অমসুং শেন্মিৎলোনগী মনিংতম্বা ফংনবা ভারতকী পাক চাউরবা মিসন অসিদা মসিগী মরুওইবা থৌদাং লৈরি। শ্রী মোদীনা হায়খি, "মসিগী অচৌবা রিফাইনরী অসিনা মীওই লিশিং কয়াগীদমক অরেপ্পা থবক অমা পীবগী খুদোংচাবা ফংলগনি। মসিগীদমক ঐহাক্না রাজস্থানগী নহাশিংদা অখন্ননা নুংঙাইবা ফোংদোকচরি।"

এদমিনিস্ত্রেতিব ৱার্ক কলচরদা চাউনা অহোংবা লাকপদা মরুওইবা পীরদুনা, প্রধান মন্ত্রীনা মহাক্কী সরকারগী চোকথবা লৈতবা প্রোজেক্তশিং পাইখৎপগী থৌওংগা মমাংগী লৈঙাক্না উরেপ-উয়ুং তম্লগা হুন্দোক্তুনা থমখিবা অদুগা চাংদম্নখি। থা অনিগী মমাংদা মফম অদুদা থোকখিবা নুংঙাইতবা থৌদোক অমবু নীংশিংলদুনা, মহাক্না চাউরবা ইনফ্রাস্ত্রকচর প্রোজেক্ত অসি মমাংদা অমুক্তা ওইখিদ্রিবা মওংদা লোইশিন্নবা থবক তৌরিবা মীওইশিংগী অখন্নবা রেসিলিয়েন্স অদু থাগৎপা ফোংদোকখি। শ্রী মোদীনা হায়খি, "শীংনবশিং অসিনা ফনা চাউরবসু অমসুং তম্বা ঙমদবা ওইজরবসু, অনৌবা ভারতনা মাগী ৱারেপশিং অদুদগী কৈদৌনুংদা হন্দোকপা তৌদে অমদি মাগী খোঙজেল অদু তপথহন্দে।"

রাজ্য অসিদা চাউখৎ-থৌরাংগী খোঙজেল য়াংনা চংশিল্লিবা মাইপাকপগী পরিং অমা শন্দোক্না তাক্লদুনা, প্রধান মন্ত্রীনা জোধপুরদা অনৌবা এয়রপোর্ত তর্মিনেল শঙ্গাবগী থৌরম অমসুং রিমোর্ত এয়র কন্নেক্তিবিতীদা অহোংবা পুরক্নবা অনৌবা উরান স্কিম ফেজ হৌদোকপগী থৌরমদা চাউথোকচবা ফোংদোকখি। এভিএসনগী খুমাং চাউশিল্লকপশিং অসিগী মথক্তা মহাক্না শেখৱাতী লমদমগী ঈশিংগী অৱাবা অথুবা মতমদা লোইশিন্নবা ৱাশকখি অমসুং জয়পুর মেত্রো নেৎৱার্ক পাকথোক চাউথোকহনগনি হায়না লাউথোকখি। শ্রী মোদীনা হায়খি, "মসিগুম্বা মরুওইবা ইনফ্রাস্ত্রকচর প্রোজেক্তশিং অসিনা মারৱার লমদম পুম্বদা তুরিজম, ললোন-ইতিক অমসুং থবক পীবদা অনৌবা থৌনা অমা পীরগনি।"

নহারোলশিংবু মপাঙ্গল কনখৎহন্নবা অমসুং এদমিনিস্ত্রেতিব ইফিসিএন্সীগী মায়কৈদা চাউনা হোৎনরি হায়না পল্লদুনা প্রধান মন্ত্রীনা রাজস্থানগী নহারোল কেন্দিদেৎ ৫৪,০০০ রোমদা সরকারগী থবকশিং ফংহন্নবা এপ্পোইন্তমেন্ত লেতরশিং য়েন্থোকপগী থৌরম অদুগীদমক ফোর্মেল ওইনা শকখঙখি। মখোয়না মরু ওইবা পব্লিক সর্ভিস কেরিয়রশিং অসি ওফিসিএল ওইনা হৌরকপদা মহাক্না থম্মোয় শেংনা নুংঙাইবা ফোংদোকখি। শ্রী মোদীনা হায়খি, "ঙসি এপ্পোইন্তমেন্ত লেতরশিং ফংলিবা নহা পুম্নমক্কী অখন্নবা মঙাল লৈবা অমসুং চাউখৎপা তুংলমচৎকীদমক ঐহাক্না থৌনিজরি।"

জিওপোলিতিকেলগী মীৎয়েং অসি নোংচুপ এসিয়াদা থোক্লিবা তমথিরবা লানশিংদা হোংদোক্লদুনা, প্রধান মন্ত্রীনা মতৌ করম্না তংদু লৈতাদবা অসিনা মালেম পুম্বদা করম্না অচৌবা অৱাবা অমা থোকহল্লি হায়না কুপ্না ফোংদোকখি। মহাক্না ফীভম অসি ২১শুবা চহি চাগী খ্বাইদগী শাথীবা ইনর্জী ক্রাইসিসনি হায়না ফোংদোকখি, মসিনা চাউখৎলবা লৈবাকশিং ফাওবা চাউনা ইনর্জীগী অৱাবা মায়োক্নরি। শ্রী মোদীনা হায়খি, "নোংচুপ এসিয়াদা চত্থরিবা লান অসিনা মরম ওইরগা মালেম পুম্বদা অৱাবা মায়োক্নরি, অমসুং মরুওইবা লৈবাকশিংনা ঙসি ফ্যুএলগী অৱাবা মায়োক্নরি।"

মালেম পুম্বগী ওইনা খুদোংচাদবা অসি লৈবাক অসিগী দোমেস্তিক রেসিলিয়েন্সকা চাংদম্নরদুনা প্রধান মন্ত্রীনা হায়খি মদুদি লৈবাক অসিগী মরিক চুম্বা স্ত্রেতেজিক এসেসমেন্তশিং, রিসোর্সশিং চুনবা মওংদা শীজিন্নবা অমসুং ইকোনোমী অসি মায় পাক্না ইন্সুলেৎ তৌবা ঙমহনখিবা প্রোএক্তিব দিপ্লোমেসীদা ক্রেদিৎ পীখি। মোদর্ন ইন্দিয়ন স্তেৎকী লেংদ্রবা ৱিলপৱারনা মালেমগী শোকৱেভশিংদগী হেন্না শক্তি লৈ হায়না মহাক্না অকনবা ৱাফম থমখি। “ভারতনা থাক খুদিংমক্তা অচুম্বা ৱারেপ লৌখি, অৱাবা অসি মতম চানা কুপ্না য়েংশিনখি, অমসুং ফিভম অসি লাকশিন্নবা ঐখোয়গী দিপ্লোমেতিক পাৱরবু পোজিতিব ওইনা শীজিন্নখি," হায়না শ্রী মোদীনা ফোংদোকখি।

প্রধান মন্ত্রীনা নোংচুপ এসিয়াগী অৱাবা মনুংদা তোকঙাশিং অমসুং অকিবা শন্দোকপশিংবু য়ানিংদবা ফোংদোকখি অমসুং চপ মান্নবা মওংদা, অৱাবা অসি মায় পাক্না লাকশিনবা ঙমখিবা, অয়ুক-নুমিদাং খাইদনা এদমিনিস্ত্রেতিবকী থবক তৌখিবা অমসুং সেন্সিতিব ওইবা দিপ্লোমেতিক্কী খোঙথাংশিংবু থাগৎপা ফোংদোকখি। “ফোর্স খরনা তোকঙাশিং শন্দোরকপা মতমদা, ফীভম অসি য়েংশিন্নবা পোলিসী অমসুং দিপ্লোমেতিক লেবেলদা লৌখৎখিবা সেন্সিতিব ওইবা খোঙথাংশিং অসি মমাংদা অমুক্তা ওইখিদ্রিবা অমনি," হায়না শ্রী মোদীনা ফোংদোকখি।

অৱাবা অসি কোকহন্নবগী অচৌবা থৌদাং অদু উৎলদুনা, প্রধান মন্ত্রীনা হায়খি মদুদি লানগী মমাংদা, ভারতনা এল.পি.জি.গী চাদা ৬০দি মপান্দগী পুশিল্লক্তুনা মীপাল তাংলমখি অমসুং চাদা ৯০দি অখন্ননা য়াম্না ভোলেতাইল ওইরিবা গল্ফ রিজনদগী পুশিল্লকপনি। মহাক্না লান অদুনা মরু ওইবা সপ্লাই লাইনশিং অদু খঙহৌদনা থিংজিল্লকখিবদা লৈবাক শীনবা থুংনা থোক্কদৌরিবা অকিবা ফিভমগী তুজুংনীংঙাই ওইবা মশক অমা উৎখি। শ্রী মোদীনা হায়খি মদুদি, "লানগী ফিভমনা মরুওইবা সপ্লাই অসি লেপহল্লকপদা ঐখোয়গী লৈবাক অসিদা অচৌবা অৱাবা অমা থোক্লক্কদৌরি হায়বসি অদোম্না নীংথিনা উবা ফংগনি।"

ইমর্জেন্সীগী ওইবা কাউন্তরমেজরশিংগী মতাংদা পল্লদুনা প্রধান মন্ত্রীনা হায়খি মদুদি হৌরকপদা ইন্দস্ত্রীগী থবকশিংদা শীজিন্ননবা গ্যাস অসি দোমেস্তিক কুকিং গ্যাস (এল.পি.জি.) দা হকথেংননা শীজিন্ননবা দোমেস্তিক রিফাইনরীশিং অসি মতৌ করম্না অথুবা মতমদা অমুক হন্না শেমদোকখি। শুপ্নগী নুমিৎ তরেৎকী মনুংদা, হায়রিবা থৌওংশিং অসিনা লৈবাক অসিগী এল.পি.জি. পুথোকপা মেত্রিক তন ৩৫,০০০দগী মেত্রিক তন ৫৪,০০০দা হেনগৎহনখ্রে হায়না মহাক্না চাউথোক্না ফোংদোকখি। "ঐখোয়গী রিফাইনরীশিংদা এক্তিব ওইনা মীৎয়েং চংদুনা, মমাংদা অমুক্তা এল.পি.জি. পুথোকখিদ্রিবা ফেসিলিতীশিং অসি শীংনবশিং অসি থেংননবা খোঙজেল য়াংনা শেমগৎখি," হায়না শ্রী মোদীনা হায়খি।

মপুং ফানা কঞ্জুমর প্রোতেক্সন স্ত্রে্তিজীশিং পল্লদুনা, প্রধান মন্ত্রীনা পি.এন.জি. (পাইপ নেচরেল গ্যাস) কনেক্সনশিং অসি ত্রেদিস্নেল সিলিন্দর গ্যাসকী অচৌবা নেস্নেল দিমান্দ অসি কোকহন্নবগীদমক এগ্রিসিব ওইনা পাকথোক চাউথোকহনবগী মতাংদা শন্দোক্না হায়খি। মহাক্না হায়খি মদুদি সরকারনা অতেনবা মতমগী মনুংদা য়ুমথোং লাখ ১১গী মথক্তা পাইপকী নেৎৱার্ককা শম্নহনবদা মায় পাক্না থবক তৌরি। শ্রী মোদীনা হায়খি, "সরকারনা চাকথোং গ্যাসকী দিমান্দ অসি মপুং ফানা এল.পি.জি.দা খক্তা মপাল তাংদনবা অখন্ননা হোৎনখি।”

প্রজাশিংদা পীরিবা শেল-থুমগী ঙাক-শেলগী মতাংদা পল্লদুনা প্রধান মন্ত্রীনা হায়খি মদুদি কৈথেলগী অখঙ-অহৈশিংনা দোমেস্তিক সিলিন্দরগী মমল লুপা ২,০০০ ফাওবা হেনগৎলকপা য়াই হায়না মাংজৌননা ফোংদোক্লবসু, সরকারনা মমলশিং অদু লুপা ৯৫০গী মখাদা কনবা ঙমখি অমসুং লুপা ৬৫০গী মখাদা উজ্জ্বলা সিলিন্দরশিং পীখি। এদমিনিস্ত্রেসন অসিনা নুমিৎ অনিগী মমাংদা কমর্সিএল গ্যাসকী মমলসু হন্থহনখ্রে হায়না মহাক্না মখা তাখি। শ্রী মোদীনা হায়খি, "মসিগী প্রোএক্তিব প্রাইস কন্ত্রোল অসিনা ঐখোয়গী সরকারনা দোমেস্তিক কঞ্জ্যুমরশিংদা অৱাবা অমা ওইহন্দনবা করম্না সেন্সিতিব ওইবা মওংদা থবক তৌরি হায়বদু ময়েক শেংনা উৎলি।"

পেত্রোল অমসুং দিজলগী মমলদা মালেমগী ওইনা শাথীনা ৱাংখৎলকপা, ক্রুদ ওইল বেরেল অমদা দোল্লর ৭০ দগী দোল্লর ১২০ ফাওবা ৱাংখৎলকপা অদুগী মতাংদা ৱা ঙাংলদুনা প্রধান মন্ত্রীনা মীয়ামদা ভারতকী অচৌবা দোমেসন্তিক ওইল রিজর্ব লৈতে হায়না নীংশিংখি। মালেমগী ওইনা মমল অসি চাদা ৪০দগী ৫০ ফাওবা হেনগৎলকপদগী লৈবাক কয়া অমনা মতৌ করম্না ফ্যুএল রেসনিং অসি অকনবা মওংদা ইমপ্লিমেন্ত তৌবগী থবক পাইখৎপা তাখি হায়বদু মহাক্না নীংশিংখি। শ্রী মোদীনা হায়খি, " মালেমগী লৈবাক কয়াদা দিজল অমসুং পেত্রোল অসি ইম্পোর্তকী লম্বীশিং থিংজিল্লকপনা মরম ওইদুনা কোতাগী মতুং ইন্না চেকশিন্না য়েন্থোক্লি।"

প্রজাশিংবু ঙাক-শেন্নবা রাজ্যনা শেল থুমদা কত্থোকখিবগী মতাংদা পল্লদুনা প্রধান মন্ত্রীনা হায়খি মদুদি সরকারনা এপ্রিল অমসুং জুনগী মরক্তা লুপা করোর ৭৫,০০০গী শেনফম মাংখিবা অদু লৌশিনখি। অরাপ্পা মফমশিংদসু লেপ্পা লৈতনা অমসুং মমল হোংনা সপ্লাই ফংহন্নবা এক্সিস দ্যুতী লিতর অমদা লুপা ১০ হন্থহন্নবা ৱারেপ লৌখিবগী মতাংদা মহাক্না মখা তানা পনখি। শ্রী মোদীনা হায়খি, "ভারত্তা অসিগুম্বা অৱাবা ফিভম অসি নুমিৎ অমা খক্তা ফাওবা থোকখিদে অমসুং ঐখোয়না মীয়ামগী মথক্তা অৱাবা পোৎলুম অমা হাপচিনখিদে।"

মপাঙ্গল কনবা অমসুং প্রোএক্তিব ওইবা ফোরেন পোলিসীনা মপুং ওইবা সপ্লাইগী অৱাবা অসি কোকহনবদা মতেং পাংলি হায়না প্রধান মন্ত্রীনা ফোংদোকখি। লৈবাক অসিনা মতৌ করম্না লৈবাক অসিগী দিপ্লোমেতিক ক্লোত অসি লৈবাক ২৫-২৬তগী লৈবাক ৪০ হেনবদা হেনগৎহনবদা স্ত্রেতেজিক ওইনা মতেং পাংলি হায়বগী মতাংদা মহাক্না অকুপ্পা মরোল থমখি। মহাক্না অকনবা ৱাফম থমখি মদুদি মসিগী ৱারেপ লৌবা অসিনা ইন্তর্নেস্নেল কম্ম্যুনিতীদা শক্তি লৈরবা, অচেৎপা পাউজেল অমা পীরি। শ্রী মোদীনা হায়খি, "ভারতনা মালেম পুম্বদা ময়েক শেংনা পাউজেল পীখি মদুদি ঐখোয়গীদমক্তদি, লৈবাক্কী অপাম্বা অমসুং ঐখোয়গী প্রজাশিংগী য়াইফ-থৌরাং অসি খ্বাইদগী মরু ওইরি।"

অসিগুম্বা নেস্নেল রেসিলিয়েন্সকী হৌরকফম অসি চহি তরাগী খুজিং কয়াগী মতুং ইন্না য়াম্না মীৎয়েং শানবা পোলিসী শেমখিবননি হায়না পল্লদুনা প্রধান মন্ত্রীনা রাজস্থান রিফাইনরী অসি হৌজিক লৈরিবা সরকার অসিগী মখাদা য়াম্না থুনা লোইশিনখিবগা মমাংগী সরকারনা মতেং পীবিদবদগী ২০১৮দগী ২০২৩ ফাওবগী মনুংদা মপুং ফানা লেপখিবা অদুগা চাংদম্নখি। মহাক্না পনখি মদুদি ওরিজিনেল এম ও য়ু অসি ২০১৭দা সাইন তৌনখি। "হৌজিক লৈরিবা সরকারনা লৈঙাক পা‌ইরকপা মতমদা, থবক অসি খোঙজেল য়াংনা খুমাং চাউশিল্লকখি, অমসুং ঙসি ঐখোয়না মসিবু জাতিদা কত্থোক্লি" হায়না শ্রী মোদীনা ফোংদোকখি।

মালেমগী থাক্তা ভারতকী ইন্দস্ত্রীএল গ্রোথকী মতাংদা পল্লদুনা, প্রধান মন্ত্রীনা হায়খি মদুদি অমেরিকাদা চহি ৫০দা অনৌবা রিফাইনরী অমত্তা শাখিদে অমসুং য়ুরোপকী কেপাসিতী হন্থরক্লি, অদুগা ভারতনা মালেমগী মরিশুবা খ্বাইদগী চাউবা রিফাইনরী কেপাসিতী লৈরে। স্ত্রেতেজিক কেপাসিতী অসি মখা তানা পাকথোক চাউথোকহন্নবা থৌরাং তৌরি হায়না মহাক্না থাজবা পীখি। শ্রী মোদীনা হায়খি, "চহিচা অসিগী খ্বাইদগী চাউবা ইনর্জীগী অৱাবা অসিদগী ভারতনা মাই পাক্না লান্থেংনখিবা অমসুং মপুং ফানা ফগৎলকপা অসি চোকথবা লৈতবা খোঙথাংশিং অসিনা ওইহল্লি।"

লৌউ-শিংউগী সেক্তরদা লৈরিবা খুদোংচাদবশিংগী মতাংদা পল্লদুনা, প্রধান মন্ত্রীনা য়ুক্রেনগী লানগী মতুং ইন্না থোক্লকপা ফর্তিলাইজরগী অৱাবা লৈবগী মতাংদা অকুপ্পা মরোল পীখি। মসিনা মালেমগী য়ুরিয়াগী মমল অসি বেগ অমদা লুপা ৩,০০০ হেনগৎহনখি। য়ুরিয়া অসি লুপা করোর লাখ কয়াগী সবসিদীগী খুত্থাংদা লুপা ৩০০ খক্তদা ফংহনবা, মালেমগী অতোপ্পা লম্বীশিং ফংহন্নবা এম্বেসীশিং সেক্যুর তৌবা অমসুং নেচরেল ফার্মিংবু অকনবা মওংদা প্রোমোৎ তৌবা য়াওনা মখল কয়াগী দিফেন্সিব রেস্পোন্স অমা মহাক্না পনখি। শ্রী মোদীনা হায়খি, "চাউরবা সবসিদী অমসুং অতোপ্পা সপ্লাই চেনগী খুত্থাংদা, ঐখোয়না ঐখোয়গী লৌমীশিংদা মরুওইবা য়ুরিয়া অসি য়াম্না নেম্বা মমলদা ফংহন্নবা থবক পাইখৎলি।"

ইন্দস্ত্রীএল বেকবোন ঙাক-শেনবগী মরুওইবা অদু পল্লদুনা, প্রধান মন্ত্রীনা এম.এস.এম.ই.শিং অসি লল্লোন-ইতিক্কী মমল হেনগৎলকপদগী ঙাকথোক্নবা ইমর্জেন্সী ক্রেদিৎ লাইন গেরেন্তী স্কিমগী মথংগী তাঙ্কক অমা স্ত্রেতেজিক ওইনা শীজিন্নবগী মতাংদা শন্দোক্না তাকখি। বেঙ্কশিংদগী চাদা ২০গী অহেনবা লোন অমা লৈঙাক্না চাদা ১০০গী গরেন্তী পীদুনা, অপীকপা অমসুং কোতেজ ইন্দস্ত্রীশিং অসি শেন্মিৎলোন শোত্থরকপদগী নীংথিনা ঙাকথোকখি হায়না মহাক্না পনখি। “অসিগুম্বা মরুওইবা ফাইনান্সিএল ইন্তর্ভেন্সন কয়াগী ময়েক শেংবা মহৈ অদুনা ঐখোয়গী অপীকপা অমসুং অচৌবা ইন্দস্ত্রীশিংনা ঙসিদি মপুং ফানা ঙাকশেল ফংলি,” হায়না শ্রী মোদীনা ফোংদোকখি।

ভারতকী প্রজা করোর ১৪০গী মফমদা থাগৎপা ফোংদোক্লদুনা প্রধান মন্ত্রীনা হায়খি মদুদি সরকার অমসুং মীয়ামগী মরক্তা লৈনরিবা অচেৎপা থাজবা অসিনা লৈবাক অসিগী অপুনবা তংদু লৈতাবগী মরম ওইরি। মহাক্না মীয়াম্বু অরুবা মতমশিং অসিদা অখন্নবা মপাঙ্গল কন্না লৈখিবা, মীপাইবা পোকহন্নবা পান্দম থমদুনা শিনখিবা লৌতুনবশিং চাউনা মায়থিবা পীখিবগীদমক থাগৎপা ফোংদোকখি, অমসুং অরোইবদা ভারতকী মাইথিবা পীনবা হোৎনখিবা কাঙলুপশিংবু নুংঙাইতবা ফাওহনখি। “লৈবাক অসিনা মপুং ফানা মাংলোমদা চংশিল্লকপা অসি ঐখোয়গী শীংথানিংঙাই ওইনা মপাঙ্গল কনবা প্রজাশিংগী থাজবা অমসুং তৌবা ঙম্বশিংগী মপাঙ্গল অদুগী মখা পোনখি" হায়না শ্রী মোদীনা হায়খি।

ইনফ্রাস্ত্রকচর চাউখৎপা অমসুং ইকোলোজিকেলগী ওইবা থৌদাংগা শম্নহন্দুনা প্রধান মন্ত্রীনা শেংলবা খেজরীগী পাম্বী থাবগী মহাক্কী খুদোংচাবা অদু ফোংদোকখি। মসিনা দেজর্তিফিকেসন থিংবদা মসিগী মরুওইবা বোতানিকেলগী থৌদাং অদু ইকাই খুম্নবা উৎলি। রিন্যুএবল ইনর্জীদা খোঙজেল য়াংনা ওন্থোকপগী মতাংদা মহাক্না মালেমগী থাক্কী সোলর পার্কশিং লিংখৎপা, পি.এম. সুর্য় ঘর স্কিমগী মখাদা য়ুম লাখ ১.৫ হেন্না ইন্তিগ্রেৎ তৌবা অমসুং পি.এম. কুসুম য়োজনাগী খুত্থাংদা লোকেল ফার্মরশিংদা সোলর পম্প ৬৫,০০০ হেন্না য়েন্থোকপা অদু পনখি। শ্রী মোদীনা হায়খি মদুদি, "মসিগী উ পাম্বী অসি থাবা অসিনা ঐখোয়গী কোর ৱার্ক কলচরগী ফজবা খুদম্নি। মসিনা উৎলি মদুদি ঐখোয়না ঐখোয়গী অকোইবগী ফিভমবু কন্না ঙাক্লগা চাউখৎপগী অনৌবা থাক্তা চঙশিনগদবনি।"

মতম শাংনা লৈরক্লবা রিজনেল ৱাতর দিস্প্যুতশিংগী পুৱারী ওইরবা ৱারোইশিন অদু পল্লদুনা, প্রধান মন্ত্রীনা রাজস্থানগী অচৌবা ঈশিংগী অৱাৎপা অদু থৌশাদবগীদমক মমাংগী এদমিনিস্ত্রেসনশিংবুদা অকনবা ৱাফম থমলদুনা হৌজিক লৈরিবা দিস্পেন্সনগী কোলাবোরেতিব ‘নেসন ফার্স্ত’ এপ্রোচ অদুগা লৈরিবা খেন্নবা অদু উৎখি। মহাক্না গুজরাতকী পুৱারীগী ওইরবা রাজস্থানগী খুঙ্গংশিংদা ইমাগী নর্মদাগী ঈশিংবু য়েনবগী ৱাফম অদু পনখি। “অরুবা ৱারেপশিং অসিসু মখোয়বু পুরক্লিবা মপুং ওইবা ৱাখল্লোনশিং অসি মপুং ফানা শেংলবদি মায় পাক্না ফংবা ঙমগনি” হায়না শ্রী মোদীনা ফোংদোকখি।

রাজস্থান অমসুং হরিয়ানাগী সরকারশিংগী মরক্তা লুপা করোর ৩৪,০০০গী য়ানৱারোল অমা লাউথোকখিবা অদু প্রধান মন্ত্রীনা চাউথোক্না ফোংদোকখি। প্রধান মন্ত্রীনা হাথনিকুন্দ বারেজদগী লৈনুংদা পাইপলাইন অমা থম্নবগী থৌরাংগী মতাংদা অকুপ্পা মরোল থমখি। মমাংদা অমুক্তা ওইখিদ্রিবা ম্যুচুএল কন্সন্তেন্ত অসিনা সিকর, চুরু, ঝুঝুনু অমসুং শেখৱাতীগী মফম পুম্নমক্তা লৈরিবা মীওই লাখ কয়াদা পুন্সি কন্নবা ঈশিং ফংহনগনি হায়না মহাক্না অকনবা ৱাফম থমখি। "হৌজিক রাজ্য অনিমক্তা বিজেপিগী সরকার লৈরে, অমগা অমগা য়ানশিন্নদুনা অহানবা ওইনা ৱারোইশিন পুরকপা ঙম্লে" হায়না শ্রী মোদীনা ফোংদোকখি।

লাক্কদৌরিবা হাইদ্রো-ইনফ্রাস্ত্রকচরগী খোঙথাংশিং অদু পাক শন্না শন্দোক্না তাক্লদুনা, প্রধান মন্ত্রীনা রুরেল তেপ ৱাতরগীদমক রামজাল সেতু প্রোজেক্ত পাইখৎপগা লোয়ননা অপ্পর য়ুমুনা বেসিনদা রেনুকা, লখৱার অমসুং কিশাও দামশিং লোইশিনবনা তুংদা অহোংবা পুরক্কদবা কান্নবশিং অদু পনখি। মহাক্না 'জল সঞ্চয়, জন ভাগিদারি' কেম্পেনগী মায় পাকপা অদুসু থাগৎপা ফোংদোকখি মসিনা লৈবাক শীনবা থুংনা সোক পিৎ লাখ ২৫ অমসুং রাজস্থানদা সোক পিৎ লাখ ১.২৫ হেন্না শেমদুনা মরুওইবা গ্রাউন্দ ৱাতর লেভেল অসি চাউনা হেনগৎহল্লে। “অসিগুম্বা চাউনা তেংবাং পীনদুনা পাইখৎপা থবকশিং অসিগী খুত্থাংদা, মমল য়াম্লবা ঈশিং অসি পথাপ নাইনা কঞ্জার্ব তৌরি অমসুং লমদম অসিগী গ্রাউন্দৱাতরগী থাক অসি লেপ্তনা ফগৎলক্লি," হায়না শ্রী মোদীনা ফোংদোকখি।

রাজস্থান অসি লৈবাক অসিগী মোদর্ন ইনফ্রাস্ত্রকচরদা শাহৌ পীবগী মপুং ওইবা সেন্তর ওইরি হায়না অমুক হন্না ফোংদোক্লদুনা, প্রধান মন্ত্রীনা জোধপুর এয়রপোর্তকী অনৌবা তর্মিনেল অমসুং জয়পুর মেত্রো ফেজ-২গী উরেপ উয়ুং তম্বগী মরুওইবা থৌদাংশিং অদু পনখি। মহাক্না অখন্ননা পনখি মদুদি ফেজ-২না জয়পুরগী অপুনবা নেৎৱার্ক কিলোমিতর ৫০গী মথক্তা পাকথোক চাউথোকহল্লগনি। মসিনা নোংপোক-নোংচুপ অমসুং অৱাং-খা কোরিদোরশিং শম্নহল্লগনি। মসিনা লোকেলশিং অমসুং তুরিস্ত অনিমক্কী খুদোংচাবশিং চাউনা হেনগৎহল্লগনি। “ঙসিদি রাজস্থানদা মোদর্ন ইনফ্রাস্ত্রকচর য়াম্না থুনা শেমগৎলি মসিনা অনৌবা রেকোর্দশিং মপুং ফানা থম্বা ঙমহল্লি” হায়না শ্রী মোদীনা হায়খি।

মহাক্কী ৱারোল লোইশিল্লদুনা, প্রধান মন্ত্রীনা মীয়ামদা থাজবা পীখি মদুদি চাউনা পাকথোক চাউথোক্লবা ত্রান্সিৎ নেৎৱার্ক অমসুং ইনর্জী প্রোজেক্তশিং অসি রাজ্য অসিগী ত্রান্সফোর্মেতিব ওইবা খোঙচৎকী অহৌবা খক্তনি। হৌজিক লৈরিবা লুচিংবা অসিগী মখাদা পুন্না হোৎনমিন্নদুনা রাজ্য অসিগী চাউখৎপা অনৌবা তুংলমচৎ অমা শেমগৎপদা মীয়ামগী লেপ্পা লৈতনা মতেং পাংগনি হায়না মহাক্না থাজবা থমখি। "ঐহাক্না থাজবা থম্লি মদুদি ঐখোয়গী সরকারগীদমক অদোম্না লেপ্তনা য়াইফ-মঙ্গোল পীরকপগা লোয়ননা, ঐখোয়না পুন্না রাজস্থানগীদমক চাউথোকচনীংঙাই ওইবা অনৌবা তুংলমচৎ অমা শেমগৎকনি," হায়না শ্রী মোদীনা ফোংদোকখি।

A very special day for Rajasthan! Development initiatives across aviation, energy and connectivity will strengthen infrastructure, accelerate growth and improve ease of living.
https://t.co/gYw1RXYzLq

— Narendra Modi (@narendramodi) July 4, 2026

चुनौती चाहे कितनी भी बड़ी और अप्रत्याशित क्यों न हो... नया भारत अपने संकल्पों से न पीछे हटता है... न अपनी रफ्तार कम करता है: PM @narendramodi

— PMO India (@PMOIndia) July 4, 2026

आज ही, जोधपुर में नए एयरपोर्ट टर्मिनल का उद्घाटन किया गया है।

ये मारवाड़ में पर्यटन, व्यापार और रोजगार को नई गति देगा: PM @narendramodi

— PMO India (@PMOIndia) July 4, 2026

21वीं सदी के सबसे बड़े ऊर्जा संकट पर... 21वीं सदी के नए भारत की इच्छा-शक्ति और भारत के प्रयास भारी पड़े हैं।

भारत ने हर स्तर पर सही फैसले लिए... संकट का समय रहते सटीक आंकलन किया... प्रभावी रणनीति बनाई... भारत के संसाधनों का संतुलित प्रयोग किया।

भारत की diplomatic power का…

— PMO India (@PMOIndia) July 4, 2026

आज, मैं 140 करोड़ देशवासियों का आभार प्रकट करता हूँ... उन्हें धन्यवाद कहता हूँ...

जिस तरह, वो इस मुश्किल समय में देश के साथ मजबूती से खड़े रहे...

जिस तरह, देशवासियों ने अफवाह, डर और भ्रम फैलाने वालों का सामना किया...

देश में अस्थिरता फैलाने की साज़िशों को नाकाम किया... देश…

— PMO India (@PMOIndia) July 4, 2026

अब राजस्थान और हरियाणा सरकार मिलकर शेखावटी तक पानी पहुंचाएंगे।

हाल ही में दोनों राज्यों के बीच समझौते पर मुहर भी लग चुकी है।

इस समझौते के तहत हथिनीकुंड बैराज से पानी राजस्थान लाया जाएगा।

इसके लिए अंडरग्राउंड पाइपलाइन बिछाई जाएगी।

इसका लाभ सीकर, चूरू, झुंझुनूं और आसपास के पूरे…

— PMO India (@PMOIndia) July 4, 2026

***