সিবিল এবিয়েসন মন্ত্রালয়
ভারত্তা PoEশিংদা ইবোলা হেল্থ স্ক্রিনিং তৌনবগীদমক্তা সিভিল এভিয়েসন মন্ত্রালয় অমসুং DIALনা AIR SUVIDHA 2.0 পোর্তল হৌদোকখ্রে
प्रविष्टि तिथि:
25 JUN 2026 12:20PM by PIB Imphal
সিভিল এভিয়েসন মন্ত্রালয় অমসুং দিল্লী ইন্তর্নেস্নেল এয়রপোর্ত লিমিতেদ (DIAL)না ঙসি AIR SUVIDHA 2.0 হৌদোকখ্রে, মসি ইবোলা লাইনা-লাইচৎ অসি শন্দোরকপদগী ঙাকথোক্নবা এন্ত্রি পোইন্তশিংদা পব্লিক হেল্থ সর্ভিলেন্স মপাঙ্গল কনখৎহন্নবা অপগ্রেদ তৌরবা কন্তেক্তলেস পেসেঞ্জর হেল্থ সেল্ফ-দিক্লেরেসন পোর্তল অমনি।
হৌদোকখিবসি ইন্তর্নেস্নেল হেল্থ রেগুলেসন (IHR) 2005গী মখাদা 2026গী মে 17দা দিমোক্রেতিক রিপব্লিক ওফ কোঙ্গো অমসুং উগান্দাদা ইবোলা/বুন্দিবুগ্যো ভাইরস লাইচৎ অসি পব্লিক হেল্থ ইমর্জেন্সী ওফ ইন্তর্নেস্নেল কন্সর্ন (PHEIC) ওইনা WHOনা লাউথোকখিবগী মতুং ইন্না লাকপনি। হৌজিক থোক্লিবা লাইনা-লাইচৎ অসি বুন্দিবুগ্যো ভাইরস লাইনা (BVD) ওইরে হায়না কনফার্ম তৌখ্রে, অমসুং DRC অমসুং উগান্দাগা ঙমখৈ শম্নবা লৈবাকশিং - খা সুদান য়াওনা - অসি শন্দোকপগী রিস্ক ৱাংনা লৈ হায়না চাংদম্নখ্রে (WHOনা অপদেৎ তৌবগী মতুং ইন্না)।
হকশেল অমসুং য়াইফ-য়ুম্বাল মন্ত্রালয়গী দাইরেক্তোরেত জেনরেল ওফ হেল্থ সর্বিসেস (DGHS)গা খুৎশম্নদুনা শেমখিবা পোর্তল অসিনা ইন্তর্নেস্নেলদা লাকপা পেসেঞ্জরশিংদা ইমিগ্রেসন ক্লিয়ারেন্স ফংদ্রিঙৈগী মমাংদা নুমিৎ 21গী খোঙচৎকী হিস্তরী, এক্সপোজর হিস্তরী অমসুং মরী লৈনবা সিম্পতমশিং য়াওবা ওনলাইন হেল্থ সেল্ফ-দিক্লেরেসন অমা সবমিত তৌবা য়াহল্লি। পোর্তল অসিনা এয়রপোর্ত হেল্থ ওফিসর, ইমিগ্রেশন ব্যুরো, IDSP অমসুং স্তেত সর্ভিলেন্স ওফিসরশিংগা রিয়ল তাইমদা দেতা শেয়র তৌবা ঙমহল্লি। মসিনা রিস্ক লৈবা ত্রাভেলরশিং অথুবা মতমদা মশক খঙদোকপা অমসুং রিফর তৌবদা মতেং পাংলি। মসিগা লোয়ননা লেন্দ তৌবদা ফিজিকেল ফোর্মশিং মেনশিনবগী মথো তাদবগা লোইননা অরাইভলগী এক্সপরিয়েন্স অসি য়াম্না কোম্না অমসুং কন্তেক্তলেস ওইবা ঙমহল্লে।
ভারত য়ৌদ্রিঙৈগী পুং 24গী মমাংদা এয়রসুভিধা সেল্ফ দিক্লারেসন ফোর্ম (SDF) অসি লোইশিনবা য়াই। পেসেঞ্জরশিংনা ফ্লাইত অদুদা চঙদ্রিঙৈদা, অরাইভলগী মতমদা য়াম্না থুনা ক্লিয়রেন্স ফংনবগীদমক্তা ৱেব চেক-ইন তৌরিঙৈদা ফোর্মশিং অদু মপুং মেনশিন্নবগীদমক হায়জরি অমসুং দাউনলোদ তৌরবা SDF অদু ইন্তর্নেস্নেল ত্রাভেল হেল্থ দেস্ক নত্রগা ইমিগ্রেসন কাউন্তরদা উৎপগী মথৌ তাগনি।
ইন্তর্নেস্নেল ত্রাভেলর পুম্নমকপু পেসেঞ্জরশিংগী সেফতী অমসুং পব্লিক হেল্থকীদমক্তা মখোয়গী সেল্ফ দিক্লারেসন অসি ময়েক শেংনা অমসুং মাংজৌননা মেনশিন্নবা হায়রি।
পোর্তল অসি https://airsuvidha.civilaviation.gov.in/ দা চংবা য়াগনি।
*****
(रिलीज़ आईडी: 2279393)
आगंतुक पटल : 31