ਭਾਰਤ ਦੇ ਡਿਜੀਟਲ ਹੈਲਥ ਈਕੋਸਿਸਟਮ ਨੂੰ ਮਜ਼ਬੂਤ ​​ਕਰਨਵੱਲ ਇੱਕ ਮਹੱਤਵਪੂਰਨ ਕਦਮ ਚੁੱਕਦੇ ਹੋਏ, ਕੇਂਦਰੀ ਸਿਹਤ ਅਤੇ ਪਰਿਵਾਰ ਭਲਾਈ ਅਤੇ ਰਸਾਇਣ ਅਤੇ ਖਾਦ ਮੰਤਰੀ, ਸ਼੍ਰੀ ਜਗਤ ਪ੍ਰਕਾਸ਼ ਨੱਡਾ ਸੋਮਵਾਰ, 29 ਜੂਨ ਨੂੰ ਵਿਗਿਆਨ ਭਵਨ, ਨਵੀਂ ਦਿੱਲੀ ਵਿਖੇ ਸਿਹਤ ਸੰਭਾਲ ਖੇਤਰ ਲਈ ਕਈ ਡਿਜੀਟਲ ਪਹਿਲਕਦਮੀਆਂ ਦੀ ਸ਼ੁਰੂਆਤ ਕਰਨਗੇ। ਰਾਸ਼ਟਰੀ ਸਿਹਤ ਅਥਾਰਿਟੀ (NHA) ਅਤੇ ਰਾਸ਼ਟਰੀ EHR ਮਿਆਰ ਸਰੋਤ ਕੇਂਦਰ (NRCeS) ਦੀ ਅਗਵਾਈ ਹੇਠ ਵਿਕਸਿਤ  ਕੀਤੇ ਗਏ , ਇਹਨਾਂ ਪਹਿਲਕਦਮੀਆਂ ਦਾ ਉਦੇਸ਼ ਸਿਹਤ ਸੰਭਾਲ ਸੇਵਾਵਾਂ ਤੱਕ ਪਹੁੰਚ ਵਧਾਉਣਾ, ਡੇਟਾ ਐਕਸਚੇਂਜ ਨੂੰ ਮਜ਼ਬੂਤ ​​ਕਰਨਾ ਅਤੇ ਦੇਸ਼ ਭਰ ਵਿੱਚਸਿਹਤ ਲਈ ਡਿਜੀਟਲ ਜਨਤਕ ਬੁਨਿਆਦੀਢਾਂਚੇ ਨੂੰ ਅਪਣਾਉਣ ਵਿੱਚ ਤੇਜ਼ੀ ਲਿਆਉਣਾਹੈ।

ਇਹ ਲਾਂਚ ਈਵੈਂਟ ਰਾਜ ਦੇ ਪ੍ਰਤੀਨਿਧੀਆਂ, ਸੀਨੀਅਰ ਸਰਕਾਰੀ ਅਧਿਕਾਰੀਆਂ, ਸਿਹਤ ਸੰਭਾਲ ਆਗੂਆਂ, ਤਕਨਾਲੋਜੀ ਭਾਈਵਾਲਾਂ, ਉਦਯੋਗ ਦੇ ਪ੍ਰਤੀਨਿਧੀਆਂ ਅਤੇ ਸਿਹਤ ਸੰਭਾਲ ਈਕੋਸਿਸਟਮ ਦੇ ਮੁੱਖ ਹਿੱਸੇਦਾਰਾਂ ਨੂੰ ਇਕਜੁੱਟ ਕਰੇਗਾ ਤਾਂ ਜੋ ਇੱਕ ਕਨੈਕਟਿਡ ਅਤੇ ਡੇਟਾ-ਸ਼ੇਅਰਿੰਗ ਸਿਹਤ ਸੰਭਾਲ ਈਕੋਸਿਸਟਮ ਦੇ ਨਿਰਮਾਣ ਵੱਲ ਭਾਰਤ ਦੇ ਸਫ਼ਰ ਵਿੱਚ ਇੱਕ ਹੋਰ ਮੀਲ ਪੱਥਰ ਸਥਾਪਿਤ ਕਰ ਸਕੇ।

ਸ਼ੁਰੂ ਕੀਤੀਆਂ ਜਾ ਰਹੀਆਂ ਪਹਿਲਕਦਮੀਆਂ ਵਿੱਚ ਨਾਗਰਿਕ-ਅਨੁਕੂਲ ਐਪਲੀਕੇਸ਼ਨ, ਪ੍ਰਦਾਤਾ-ਕੇਂਦ੍ਰਿਤ ਹੱਲ, ਡੇਟਾ ਐਕਸਚੇਂਜ ਫ੍ਰੇਮਵਰਕ, ਰਜਿਸਟ੍ਰੇਸ਼ਨ ਅਤੇ ਡੇਟਾ ਮਿਆਰ ਸ਼ਾਮਲ ਹਨ। ਇਨ੍ਹਾਂ ਤੋਂ ਸਿਹਤ ਸੰਭਾਲ ਪ੍ਰਣਾਲੀ ਵਿੱਚ ਪਹੁੰਚ, ਕੁਸ਼ਲਤਾ ਅਤੇ ਡੇਟਾ ਐਕਸਚੇਂਜ ਵਿੱਚ ਸੁਧਾਰ ਹੋਣ ਦੀ ਉਮੀਦ ਹੈ, ਜਿਸ ਨਾਲ ਨਾਗਰਿਕਾਂ, ਸਿਹਤ ਸੰਭਾਲ ਪ੍ਰਦਾਤਾਵਾਂ, ਬੀਮਾਕਰਤਾਵਾਂ, ਤਕਨਾਲੋਜੀ ਨਵੀਨਤਾਕਾਰਾਂ ਅਤੇ ਨੀਤੀ ਨਿਰਮਾਤਾਵਾਂ ਨੂੰ ਲਾਭ ਹੋਵੇਗਾ।

ਸ਼ੁਰੂ ਕੀਤੀਆਂ ਜਾ ਰਹੀਆਂ ਮੁੱਖ ਪਹਿਲਕਦਮੀਆਂ ਵਿੱਚੋਂ ਇੱਕ ਹੈ ਆਰੋਗਯ ਸੇਤੂ 2.0 , ਜੋ ਕਿ ਨਾਗਰਿਕਾਂ ਲਈ ਇੱਕ ਵਿਆਪਕ ਵਿਅਕਤੀਗਤ ਸਿਹਤ ਰਿਕਾਰਡ (PHR) ਐਪਲੀਕੇਸ਼ਨ ਹੈ। ਕੋਵਿਡ-19 ਮਹਾਮਾਰੀ ਦੌਰਾਨ ਸਥਾਪਿਤ ਵਿਸ਼ਵਾਸ ਅਤੇ ਪਹੁੰਚ ਦਾ ਲਾਭ ਲੈਂਦੇ ਹੋਏ, ਇਹ ਨਵੀਂ ਐਪਲੀਕੇਸ਼ਨ ਇੱਕ ਪਲੈਟਫਾਰਮ ਰਾਹੀਂ ਕਈ ਡਿਜੀਟਲ ਸਿਹਤ ਸੇਵਾਵਾਂ ਤੱਕ ਪਹੁੰਚ ਪ੍ਰਦਾਨ ਕਰਦੀ ਹੈ।

ਇਹ ਐਪਲੀਕੇਸ਼ਨ ਆਯੁਸ਼ਮਾਨ ਭਾਰਤ ਸਿਹਤ ਖਾਤਾ (ABHA ) ਬਣਾਉਣ ਅਤੇ ਪ੍ਰਬੰਧਨ, ਡਿਜੀਟਲ ਸਿਹਤ ਰਿਕਾਰਡਾਂ ਤੱਕ ਪਹੁੰਚ ਅਤੇ ਸਾਂਝਾਕਰਣ, ਸਹਿਮਤੀ-ਅਧਾਰਿਤ ਸਿਹਤ ਜਾਣਕਾਰੀ ਦਾ ਆਦਾਨ-ਪ੍ਰਦਾਨ, AI-ਸੰਚਾਲਿਤ ਸਿਹਤ ਸੂਝ ਅਤੇ ਸਮਾਰਟ ਸਿਹਤ ਰਿਪੋਰਟਾਂ, ਪਹਿਨਣਯੋਗ ਉਪਕਰਣਾਂ ਦਾ ਏਕੀਕਰਣ, ਸਕੈਨ ਅਤੇ ਰਜਿਸਟ੍ਰੇਸ਼ਨ ਰਾਹੀਂ OPD ਰਜਿਸਟ੍ਰੇਸ਼ਨ, ਸਕੈਨ ਅਤੇ ਪੇ ਰਾਹੀਂ ਹਸਪਤਾਲ ਭੁਗਤਾਨ,  ਮੈਡੀਸਿਨ ਰੀਮਾਈਂਡਰ ਅਤੇ ਪਰਿਵਾਰਕ ਸਿਹਤ ਪ੍ਰਬੰਧਨ ਨੂੰ ਸਮਰੱਥ ਬਣਾਉਂਦੀ ਹੈ।

ਇਹ ਨੇੜਲੇ ਸਿਹਤ ਸੰਭਾਲ ਸਹੂਲਤਾਂ ਅਤੇ ਡਾਕਟਰਾਂ, ਐਂਬੂਲੈਂਸ ਸੇਵਾਵਾਂ, ਬਲੱਡ ਯੂਨਿਟਾਂ ਦੀ ਉਪਲਬਧਤਾ ਵਾਲੇ ਬਲੱਡ ਬੈਂਕ ਅਤੇ ਜਨ ਔਸ਼ਧੀ ਕੇਂਦਰਾਂ ਦਾ ਪਤਾ ਲਗਾਉਣ ਦੀ ਸਹੂਲਤ ਵੀ ਪ੍ਰਦਾਨ ਕਰਦਾ ਹੈ।

ਇਸ ਤੋਂ ਇਲਾਵਾ, ਇਹ ਐਪਲੀਕੇਸ਼ਨ PM-JAY ਸੇਵਾਵਾਂ ਤੱਕ ਪਹੁੰਚ ਪ੍ਰਦਾਨ ਕਰਦੀ ਹੈ, ਜਿਸ ਵਿੱਚ PM-JAY ਸੂਚੀਬੱਧ ਹਸਪਤਾਲਾਂ ਦੀ ਖੋਜ, AB PM-JAY ਵਾਲੇਟ ਅਤੇ ਆਯੁਸ਼ਮਾਨ CAPF ਨੀਤੀ ਵੇਰਵਿਆਂ ਤੱਕ ਪਹੁੰਚ ਦੇ ਨਾਲ-ਨਾਲ ਹੋਰ ਸਿਹਤ ਸੰਭਾਲ ਸੇਵਾਵਾਂ ਤੱਕ ਨਿਰਵਿਘਨ ਪਹੁੰਚ ਸ਼ਾਮਲ ਹੈ।

ਅਪਗ੍ਰੇਡ ਕੀਤਾ ਗਿਆ ਆਯੁਸ਼ਮਾਨ ਐਪ ਆਯੁਸ਼ਮਾਨ ਭਾਰਤ ਪ੍ਰਧਾਨ ਮੰਤਰੀ ਜਨ ਆਰੋਗਯ ਯੋਜਨਾ (ਏਬੀ ਪੀਐਮ-ਜੇਏਵਾਈ) ਲਾਭਪਾਤਰੀਆਂ ਲਈ ਸਾਰੀਆਂ ਜ਼ਰੂਰੀ ਸੇਵਾਵਾਂ ਲਈ ਵੰਨ-ਸਟੌਪ ਸੇਵਾ ਪ੍ਰਦਾਨ ਕਰੇਗਾ। ਇਹ ਅਪਗ੍ਰੇਡ ਕੀਤਾ ਗਿਆ ਐਪਲੀਕੇਸ਼ਨ ਲਾਭਪਾਤਰੀਆਂ ਨੂੰ ਯੋਗਤਾ ਤਸਦੀਕ, ਆਯੁਸ਼ਮਾਨ ਕਾਰਡ ਸੇਵਾਵਾਂ, ਇਲਾਜ ਇਤਿਹਾਸ, ਹਸਪਤਾਲ ਦੀ ਜਾਣਕਾਰੀ, ਸ਼ਿਕਾਇਤ ਨਿਵਾਰਣ ਅਤੇ ਲਾਭਪਾਤਰੀ ਸਹਾਇਤਾ ਸਮੇਤ ਯੋਜਨਾ ਨਾਲ ਸਬੰਧਿਤ ਜ਼ਰੂਰੀ ਸੇਵਾਵਾਂ ਤੱਕ ਪਹੁੰਚ ਕਰਨ ਦੇ ਯੋਗ ਬਣਾਏਗਾ।

ਇੱਕ ਹੋਰ ਮਹੱਤਵਪੂਰਨ ਪਹਿਲਕਦਮੀ ਆਯੁਸ਼ਮਾਨ ਸਾਰਥੀ ਹੈ, ਜੋ ਕਿ ਆਯੁਸ਼ਮਾਨ ਭਾਰਤ ਪ੍ਰਧਾਨ ਮੰਤਰੀ -ਜੇਏਵਾਈ ਯੋਜਨਾ ਦੇ ਲਾਭਪਾਤਰੀਆਂ ਲਈ ਇੱਕ ਵ੍ਹਾਟਸਐਪ ਚੈਟਬੋਟ ਹੈ। ਇੱਕ ਸਧਾਰਣ, ਇੰਟਰਐਕਟਿਵ ਇੰਟਰਫੇਸ ਰਾਹੀਂ ਪ੍ਰਧਾਨ ਮੰਤਰੀ-ਜੇਏਵਾਈ ਸੇਵਾਵਾਂ ਪ੍ਰਦਾਨ ਕਰਨ ਲਈ ਤਿਆਰ ਕੀਤਾ ਗਿਆ, ਆਯੁਸ਼ਮਾਨ ਸਾਰਥੀ ਨਾਗਰਿਕਾਂ ਨੂੰ ਯੋਜਨਾ ਨਾਲ ਸਬੰਧਿਤ ਮੁੱਖ ਸੇਵਾਵਾਂ ਤੱਕ ਪਹੁੰਚ ਕਰਨ ਦੇ ਯੋਗ ਬਣਾਏਗਾ, ਜਿਸ ਨਾਲ ਪਹੁੰਚ ਵਿੱਚ ਸੁਧਾਰ ਹੋਵੇਗਾ ਅਤੇ ਆਖਰੀ-ਮੀਲ ਸੇਵਾ ਪ੍ਰਦਾਨ ਕਰਨ ਨੂੰ ਮਜ਼ਬੂਤ ​​ਬਣਾਇਆ ਜਾਵੇਗਾ।

ਨਾਗਰਿਕ-ਅਨੁਕੂਲ ਐਪਲੀਕੇਸ਼ਨਾਂ ਤੋਂ ਇਲਾਵਾ, ਸਿਹਤ ਸੰਭਾਲ ਈਕੋਸਿਸਟਮ ਵਿੱਚ ਸਿਹਤ ਸੰਭਾਲ ਸਪੁਰਦਗੀ, ਦਾਅਵਿਆਂ ਦੀ ਪ੍ਰਕਿਰਿਆ, ਮਾਨਕੀਕਰਣ ਅਤੇ ਨਵੀਨਤਾ ਨੂੰ ਮਜ਼ਬੂਤ ​​ਕਰਨ ਦੇ ਉਦੇਸ਼ ਨਾਲ ਡਿਜੀਟਲ ਸਿਹਤ ਅਤੇ ਡੇਟਾ ਐਕਸਚੇਂਜ ਪਹਿਲਕਦਮੀਆਂ ਦੀ ਇੱਕ ਲੜੀ ਵੀ ਕੇਂਦਰੀ ਸਿਹਤ ਮੰਤਰੀ ਸ਼੍ਰੀ ਜੇਪੀ ਨੱਡਾ ਦੁਆਰਾ ਰਾਸ਼ਟਰਨੂੰਸਮਰਪਿਤਕੀਤੀਜਾਵੇਗੀ।

ਨੈਸ਼ਨਲ ਹੈਲਥ ਕਲੇਮਜ਼ ਐਕਸਚੇਂਜ (NHCX), ਸਿਹਤ ਦਾਅਵਿਆਂ ਦੀ ਨਿਰਵਿਘਨ ਪ੍ਰਕਿਰਿਆ ਲਈ ਇੱਕ ਡਿਜੀਟਲ ਜਨਤਕ ਬੁਨਿਆਦੀ ਢਾਂਚਾ, ਜਨਤਕ ਅਤੇ ਨਿੱਜੀ ਸਿਹਤ ਬੀਮਾ ਪ੍ਰੋਗਰਾਮਾਂ ਵਿੱਚ ਪ੍ਰਦਾਤਾਵਾਂ ਅਤੇ ਭੁਗਤਾਨਕਰਤਾਵਾਂ ਵਿਚਕਾਰ ਸਿਹਤ ਦਾਅਵਿਆਂ ਦੀ ਜਾਣਕਾਰੀ ਦੇ ਮਿਆਰੀ ਆਦਾਨ-ਪ੍ਰਦਾਨ ਨੂੰ ਸਮਰੱਥ ਬਣਾਏਗਾ, ਪ੍ਰਬੰਧਕੀ ਬੋਝ ਨੂੰ ਘਟਾਏਗਾ ਅਤੇ ਦਾਅਵਿਆਂ ਦੀ ਪ੍ਰਕਿਰਿਆ ਨੂੰ ਤੇਜ਼ ਅਤੇ ਵਧੇਰੇ ਕੁਸ਼ਲ ਬਣਾਏਗਾ।

ਸਿਹਤ ਦਾਅਵਿਆਂ ਦੀ ਪ੍ਰਣਾਲੀ ਵਿੱਚ ਡੇਟਾ ਐਕਸਚੇਂਜ ਨੂੰ ਮਜ਼ਬੂਤ ​​ਕਰਨਲਈ, NHA ਇੱਕ ਉਪਯੋਗਤਾ ਸ਼ੁਰੂ ਕਰੇਗਾ ਜੋ ਭੁਗਤਾਨਕਰਤਾਵਾਂ ਨੂੰ ਬੀਮਾ ਯੋਜਨਾਵਾਂ ਨੂੰ ਮਿਆਰੀ FHIR ਬੰਡਲਾਂ ਵਿੱਚ ਬਦਲਣ ਦੇ ਯੋਗ ਬਣਾਏਗਾ। ਇਹ ਉਪਯੋਗਤਾ ਸਾਰੇ ਭੁਗਤਾਨਕਰਤਾਵਾਂ ਵਿੱਚ ਬੀਮਾ ਯੋਜਨਾ ਜਾਣਕਾਰੀ ਦੀ ਇਕਸਾਰ ਅਤੇ ਗਲਤੀ-ਮੁਕਤ ਸਿਰਜਣਾ, ਇਕਸਾਰਤਾ ਵਿੱਚ ਸੁਧਾਰ, ਹੱਥੀਂ ਕੰਮ ਨੂੰ ਘਟਾਉਣ ਅਤੇ ਵਧੇਰੇ ਕੁਸ਼ਲ ਸਿਹਤ ਦਾਅਵਿਆਂ ਦੀ ਪ੍ਰਕਿਰਿਆ ਦਾ ਸਮਰਥਨ ਕਰਨ ਦੀ ਸਹੂਲਤ ਦੇਵੇਗੀ ।

ਇੱਕ ਸਰਵ ਵਿਆਪਕ ਪਹੁੰਚਯੋਗ ਅਤੇ ਡੇਟਾ-ਸ਼ੇਅਰਿੰਗ ਨੈੱਟਵਰਕ ਰਾਹੀਂ ਸਿਹਤ ਸੰਭਾਲ ਸੇਵਾਵਾਂ ਤੱਕ ਪਹੁੰਚ ਨੂੰ ਹੋਰ ਮਜ਼ਬੂਤ ​​ਕਰਦੇਹੋਏ, ਯੂਨੀਫਾਈਡ ਹੈਲਥ ਇੰਟਰਫੇਸ (UHI) ਨੂੰ ਰਾਸ਼ਟਰ ਨੂੰ ਸਮਰਪਿਤ ਕੀਤਾ ਜਾ ਰਿਹਾ ਹੈ। UHI ਡਿਜੀਟਲ ਐਪਲੀਕੇਸ਼ਨਾਂ ਨੂੰ ਇੱਕ ਸਾਂਝੇ ਡੇਟਾ ਐਕਸਚੇਂਜ ਫ੍ਰੇਮਵਰਕ ਰਾਹੀਂ ਨਾਗਰਿਕਾਂ ਨੂੰ ਸਿਹਤ ਸੰਭਾਲ ਪ੍ਰਦਾਤਾਵਾਂ ਨਾਲ ਜੋੜਨ ਦੇ ਯੋਗ ਬਣਾਉਂਦਾ ਹੈ, ਜਿਸ ਨਾਲ ਸਿਹਤ ਸੰਭਾਲ ਸੇਵਾਵਾਂ ਦੀ ਖੋਜ ਅਤੇ ਪਹੁੰਚ ਦੀ ਸਹੂਲਤ ਮਿਲਦੀ ਹੈ।

ਸਿਹਤ ਸੰਭਾਲ ਪ੍ਰਦਾਤਾ ਪੱਧਰ 'ਤੇ ਡਿਜੀਟਲ ਸਿਹਤ ਤਕਨਾਲੋਜੀਆਂ ਨੂੰ ਅਪਣਾਉਣ ਦਾ ਸਮਰਥਨ ਕਰਨ ਦੇ ਉਦੇਸ਼ ਨਾਲ, ਈ-ਸੁਸ਼ਰੁਤ ਕਲੀਨਿਕ ਨੂੰ ਇੱਕ ਪਲੱਗ-ਐਂਡ-ਪਲੇ ਕਲੀਨਿਕ ਪ੍ਰਬੰਧਨ ਸਮਾਧਾਨ ਵਜੋਂ ਲਾਂਚ ਕੀਤਾ ਜਾਵੇਗਾ। ਇਹ ਸਮਾਧਾਨ ਸਿਹਤ ਸੰਭਾਲ ਪ੍ਰਦਾਤਾਵਾਂ ਨੂੰ ਕਲੀਨਿਕਲ ਵਰਕਫਲੋ ਨੂੰ ਡਿਜੀਟਾਈਜ਼ ਕਰਨ, ਇਲੈਕਟ੍ਰੌਨਿਕ ਸਿਹਤ ਰਿਕਾਰਡਾਂ ਨੂੰ ਬਣਾਈ ਰੱਖਣ ਅਤੇ ਆਯੁਸ਼ਮਾਨ ਭਾਰਤ ਡਿਜੀਟਲ ਮਿਸ਼ਨ ਈਕੋਸਿਸਟਮ ਨਾਲ ਸਹਿਜਤਾ ਨਾਲ ਏਕੀਕ੍ਰਿਤ ਕਰਨ ਦੇ ਯੋਗ ਬਣਾਏਗਾ। ਇਹ ਪਲੈਟਫਾਰਮ ਸਿਹਤ ਸੰਭਾਲ ਸਹੂਲਤਾਂ ਨੂੰ ਡਿਜੀਟਲ ਸਿਹਤ ਤਕਨਾਲੋਜੀਆਂ ਨੂੰ ਅਪਣਾਉਣ ਅਤੇ ਵਧੇਰੇ ਕੁਸ਼ਲ ਮਰੀਜ਼ ਦੇਖਭਾਲ ਪ੍ਰਦਾਨ ਕਰਨ ਵਿੱਚ ਸਹਾਇਤਾ ਕਰਨ ਦੀ ਉਮੀਦ ਕਰਦਾ ਹੈ।

ਸਿਹਤ ਸੰਭਾਲ ਪ੍ਰਣਾਲੀ ਵਿੱਚ ਦਵਾਈਆਂ ਸਬੰਧੀ ਜਾਣਕਾਰੀ ਨੂੰ ਮਿਆਰੀ ਬਣਾਉਣ ਲਈ ਇੱਕ ਡਰੱਗ ਰਜਿਸਟਰੀ ਵੀ ਸ਼ੁਰੂ ਕੀਤੀ ਜਾਵੇਗੀ । ਡਿਜੀਟਲ ਸਿਹਤ ਐਪਲੀਕੇਸ਼ਨਾਂ ਵਿੱਚ ਦਵਾਈਆਂ ਦੀ ਇਕਸਾਰ ਕੋਡਿੰਗ ਨੂੰ ਸਮਰੱਥ ਬਣਾ ਕੇ, ਇਹ ਰਜਿਸਟਰੀ ਤਜਵੀਜ਼, ਵੰਡ ਅਤੇ ਸਿਹਤ ਡੇਟਾ ਐਕਸਚੇਂਜ ਨੂੰ ਮਜ਼ਬੂਤ ​​ਕਰੇਗੀ, ਸਿਹਤ ਸੰਭਾਲ ਪ੍ਰਣਾਲੀਆਂ ਵਿੱਚ ਡੇਟਾ ਐਕਸਚੇਂਜ ਨੂੰ ਬਿਹਤਰ ਬਣਾਏਗੀ।

ਇਹ ਮੰਨਦੇ ਹੋਏ ਕਿ ਡੇਟਾ ਐਕਸਚੇਂਜ ਸਾਂਝੇ ਮਾਪਦੰਡਾਂ ਅਤੇ ਸਾਂਝੀਆਂ ਸ਼ਬਦਾਵਲੀ 'ਤੇ ਅਧਾਰਿਤ ਹੈ, ਸਰਕਾਰ ਭਾਰਤ ਲਈ ਸਾਂਝਾ LOINC ਕੋਡ ( CLCI ) ਲਾਂਚ ਕਰੇਗੀ। ਇਹ NRCeS ਦੁਆਰਾ ਵਿਕਸਿਤ ਕੀਤੇ ਗਏ ਅੰਤਰਰਾਸ਼ਟਰੀ ਪ੍ਰਯੋਗਸ਼ਾਲਾ ਮਿਆਰਾਂ ਦਾ ਇੱਕ ਰਾਸ਼ਟਰੀ ਪੱਧਰ 'ਤੇ ਵਿਸ਼ੇਸ਼ ਉਪ ਸਮੂਹ ਹੈ, ਜੋ ਭਾਰਤੀ ਸਿਹਤ ਸੰਭਾਲ ਜ਼ਰੂਰਤਾਂ ਦੇ ਅਨੁਸਾਰ ਤਿਆਰ ਕੀਤਾ ਗਿਆ ਹੈ। ਪ੍ਰਯੋਗਸ਼ਾਲਾ ਨਿਰੀਖਣਾਂ ਅਤੇ ਕਲੀਨਿਕਲ ਜਾਣਕਾਰੀ ਦੀ ਮਿਆਰੀ ਪ੍ਰਤੀਨਿਧਤਾ ਨੂੰ ਸਮਰੱਥ ਬਣਾ ਕੇ, CLCI ਹਸਪਤਾਲਾਂ, ਪ੍ਰਯੋਗਸ਼ਾਲਾਵਾਂ ਅਤੇ ਡਿਜੀਟਲ ਸਿਹਤ ਪਲੈਟਫਾਰਮਾਂ ਵਿਚਕਾਰ ਪ੍ਰਯੋਗਸ਼ਾਲਾ ਡੇਟਾ ਦੇ ਨਿਰਵਿਘਨ ਆਦਾਨ-ਪ੍ਰਦਾਨ ਦੀ ਸਹੂਲਤ ਦੇਵੇਗਾ, ਇਕਸਾਰਤਾ, ਡੇਟਾ ਗੁਣਵੱਤਾ ਅਤੇ ਕਲੀਨਿਕਲ ਫੈਸਲੇ ਲੈਣ ਵਿੱਚ ਸੁਧਾਰ ਕਰੇਗਾ।

ਇਹਨਾਂ ਯਤਨਾਂ ਨੂੰ ਪੂਰਾ ਕਰਦੇ ਹੋਏ, NRCeS ਦੁਆਰਾ ਵਿਕਸਿਤ ਭਾਰਤ ਸਿਹਤ ਪਰਿਭਾਸ਼ਾ ਸੇਵਾ ( BHTS ) ਸਿਹਤ ਜਾਣਕਾਰੀ ਦੀ ਇਕਸਾਰ ਵਿਆਖਿਆ ਅਤੇ ਆਦਾਨ-ਪ੍ਰਦਾਨ ਨੂੰ ਸਮਰੱਥ ਬਣਾ ਕੇ ਡਿਜੀਟਲ ਸਿਹਤ ਪ੍ਰਣਾਲੀਆਂ ਵਿੱਚ ਅਰਥਪੂਰਨ ਡੇਟਾ ਐਕਸਚੇਂਜ ਦਾ ਸਮਰਥਨ ਕਰਨ ਲਈ ਮਿਆਰੀ ਸਿਹਤ ਸੰਭਾਲ ਪਰਿਭਾਸ਼ਾ, ਕੋਡ ਪ੍ਰਣਾਲੀਆਂ ਅਤੇ ਪ੍ਰਾਈਸ ਸੈੱਟਾਂ ਤੱਕ ਪਹੁੰਚ ਪ੍ਰਦਾਨ ਕਰੇਗੀ।

ਡਰੱਗ ਰਜਿਸਟਰੀ, ਸੀਐੱਲਸੀਆਈ ਅਤੇ ਬੀਐਚਟੀਐੱਸ ਮਿਲ ਕੇ ਭਾਰਤ ਵਿੱਚ ਡਿਜੀਟਲ ਸਿਹਤ ਸੰਭਾਲ ਲਈ ਇੱਕ ਸਾਂਝੀ ਭਾਸ਼ਾ ਸਥਾਪਿਤ ਕਰਨਗੇ, ਜਿਸ ਨਾਲ ਸਿਹਤ ਸੰਭਾਲ ਪ੍ਰਦਾਤਾਵਾਂ, ਪ੍ਰਯੋਗਸ਼ਾਲਾਵਾਂ, ਬੀਮਾਕਰਤਾਵਾਂ ਅਤੇ ਡਿਜੀਟਲ ਪਲੈਟਫਾਰਮਾਂ ਨੂੰ ਸਿਹਤ ਜਾਣਕਾਰੀ ਦਾ ਨਿਰਵਿਘਨ ਆਦਾਨ-ਪ੍ਰਦਾਨ ਅਤੇ ਵਿਆਖਿਆ ਕਰਨ ਦੇ ਯੋਗ ਬਣਾਇਆ ਜਾਵੇਗਾ।

ਇਨ੍ਹਾਂ ਪਹਿਲਕਦਮੀਆਂ ਤੋਂ ਭਾਰਤ ਦੇ ਡਿਜੀਟਲ ਜਨਤਕ ਸਿਹਤ ਬੁਨਿਆਦੀ ਢਾਂਚੇ ਨੂੰ ਮਜ਼ਬੂਤ ​​ਕਰਨਦੀਉਮੀਦਹੈ, ਜਿਸ ਨਾਲ ਡੇਟਾ ਐਕਸਚੇਂਜ ਵਿੱਚ ਸੁਧਾਰ, ਮਾਨਕੀਕਰਣ, ਅਤੇ ਹਿੱਸੇਦਾਰਾਂ ਵਿਚਕਾਰ ਸਿਹਤ ਜਾਣਕਾਰੀ ਦੀ ਸਹਿਜ ਸਾਂਝ ਹੋ ਸਕੇਗੀ। ਵਧੇਰੇ ਏਕੀਕ੍ਰਿਤ, ਕੁਸ਼ਲ, ਅਤੇ ਡੇਟਾ-ਅਧਾਰਿਤ ਸਿਹਤ ਸੰਭਾਲ ਸਪੁਰਦਗੀ ਨੂੰ ਸਮਰੱਥ ਬਣਾ ਕੇ, ਇਹ ਪਹਿਲਕਦਮੀਆਂ ਸਾਰਿਆਂ ਲਈ ਪਹੁੰਚਯੋਗ, ਕਿਫਾਇਤੀ ਅਤੇ ਸਮਾਵੇਸ਼ੀ ਸਿਹਤ ਸੰਭਾਲ ਦੇ ਸਰਕਾਰ ਦੇ ਦ੍ਰਿਸ਼ਟੀਕੋਣ ਦਾ ਸਮਰਥਨ ਕਰਨਗੀਆਂ।

ਆਯੁਸ਼ਮਾਨ ਭਾਰਤ ਡਿਜੀਟਲ ਮਿਸ਼ਨ (ABDM) ਬਾਰੇ

ਆਯੁਸ਼ਮਾਨ ਭਾਰਤ ਡਿਜੀਟਲ ਮਿਸ਼ਨ ਦਾ ਉਦੇਸ਼ ਦੇਸ਼ ਦੇ ਏਕੀਕ੍ਰਿਤ ਡਿਜੀਟਲ ਸਿਹਤ ਬੁਨਿਆਦੀ ਢਾਂਚੇ ਨੂੰ ਮਜ਼ਬੂਤ ​​ਕਰਨ ਲਈ ਅਧਾਰ ਤਿਆਰ ਕਰਨਾ ਹੈ। ABDM ਦਾ ਉਦੇਸ਼ ਡਿਜੀਟਲ ਸਾਧਨਾਂ ਰਾਹੀਂ ਸਿਹਤ ਸੰਭਾਲ ਪ੍ਰਣਾਲੀ ਦੇ ਹਿੱਸੇਦਾਰਾਂ ਵਿਚਕਾਰ ਮੌਜੂਦਾ ਪਾੜੇ ਨੂੰ ਪੂਰਾ ਕਰਨਾ ਹੈ , ਜਿਸ ਨਾਲ ਸਾਰੇ ਨਾਗਰਿਕਾਂ ਲਈ ਪਹੁੰਚਯੋਗ, ਕਿਫਾਇਤੀ ਅਤੇ ਪ੍ਰਭਾਵਸ਼ਾਲੀ ਸਿਹਤ ਸੰਭਾਲ ਸੇਵਾਵਾਂ ਮਿਲ ਸਕਣ।

ਵਧੇਰੇ ਜਾਣਕਾਰੀ ਲਈ , https://abdm.gov.in/'ਤੇ ਜਾਓ ।

****

ਐੱਸਆਰ-ਏਕੇ

HFW/HFM ਨੇ ਡਿਜੀਟਲ ਸਿਹਤ ਪਹਿਲਕਦਮੀ ਦੀ ਸ਼ੁਰੂਆਤਕੀਤੀ/27 ਜੂਨ 2026/1