કેન્દ્રીય મહિલા અને બાળ વિકાસ મંત્રી, શ્રીમતી અન્નપૂર્ણા દેવીએ આજે કિર્ગિઝ રિપબ્લિકના બિશ્કેક ખાતે SCO વિમેન્સ ફોરમ 2026ને વીડિયો સંદેશ દ્વારા સંબોધિત કર્યું હતું, જેમાં શાંઘાઈ સહયોગ સંગઠન (SCO) અને પરસ્પર આદર, સમાનતા તથા સર્વસંમતિના તેના સિદ્ધાંતો પ્રત્યે અને ભાગીદારીને મજબૂત કરવા તથા સંગઠનના સહિયારા વિકાસ લક્ષ્યોને આગળ વધારવા માટે ભારતની પ્રતિબદ્ધતાનો પુનરોચ્ચાર કર્યો હતો.

આર્થિક વિકાસમાં મહિલાઓની ભૂમિકા પરના પેનલ સત્રમાં ભારતનું પ્રારંભિક નિવેદન અને મંતવ્યો રજૂ કરતા, મંત્રીએ ભારપૂર્વક જણાવ્યું હતું કે મહિલાઓ માત્ર વિકાસની લાભાર્થી નથી પરંતુ તેના સૌથી શક્તિશાળી ચાલક બળોમાંની એક છે — જે ભારતની મહિલા સંચાલિત વિકાસ (વિમેન-લેડ ડેવલપમેન્ટ)ની વિઝન અને 2047 સુધીમાં વિકસિત ભારતના તેના લક્ષ્યનો મુખ્ય અર્ક છે.

મંત્રીએ રેખાંકિત કર્યું હતું કે લગભગ 100 મિલિયન મહિલાઓ 9 મિલિયનથી વધુ સ્વ-સહાય જૂથોમાં સંગઠિત છે, જેમાંથી 30 મિલિયનથી વધુ મહિલાઓ લખપતિ દીદી બની ચૂકી છે. મહિલાઓની સુરક્ષા, સંભાળ અને આર્થિક ભાગીદારીને આગળ વધારતા સ્તંભો તરીકે મિશન શક્તિ અને મિશન પોષણ 2.0નો ઉલ્લેખ કરવામાં આવ્યો હતો.

ભારતે સમગ્ર ક્ષેત્રમાં મહિલાઓના આર્થિક નેતૃત્વ અને કલ્યાણને આગળ વધારવામાં SCO ભાગીદારો સાથે અનુભવો વહેંચવા અને સહયોગને વધુ ગાઢ બનાવવા માટે પોતાની તત્પરતાનો પુનરોચ્ચાર કર્યો હતો.

SM/IJ/GP/JT

સોશિયલ મીડિયા પર અમને ફોલો કરો :  @PIBAhmedabad    /pibahmedabad1964    /pibahmedabad  pibahmedabad1964[at]gmail[dot]com