প্রধানমন্ত্রীগী লোইশঙ
প্রধান মন্ত্রীনা মালেমগী লুচিংবশিং অমসুং নাগরিকশিংবু মখোয়গী থম্মোই শেঙনা য়াইফ-পাওজেল পিরকপগীদমক থাগৎপা ফোঙদোকখ্রে
प्रविष्टि तिथि:
10 JUN 2026 11:50PM by PIB Imphal
প্রধান মন্ত্রীনা মালেমগী লুচিংবশিং অমসুং লম খুদিংমক্কী মীওইশিংবু মখোয়গী থম্মোই শেঙনা অপাম্বা অমসুং নুংঙাইবা ফোঙদোকপগী পাওজেলশিংগীদমক থম্মোই শেঙনা থাগৎপা ফোঙদোকখ্রে। য়াইফ-পাওজেল অদুদা য়াম্না থৱাই য়াওজদুনা মহাক্না ফোঙদোকখি মদুদি ভারতকি থৌগল তৌবা অমসুং জাতিগী চাওখৎ-থৌরাংগী খোঙচত্তা মতেং পাংবা অসি লাইবক ফবনি। মীয়ামগী থাজবা অসি মহাক্কী খ্বাইদাগী চাওবা পাঙ্গলগী হৌরকফমনি হায়না অকনবা ৱাফম থম্লদুনা প্রধান মন্ত্রীনা বিকসিত ভারত অমগী মঙলান অদু মংফাওনহন্নবা, ভারত মচা ক্রোর ১৪০গী অপাম্বা মপূঙ ফাহন্নবা, অমসুং ভারতকি মালেমগী ওইবা পার্ত্নরশিপশিং মখা তানা মপাঙ্গল কনখৎহন্নবা হেন্না কৎথোকপগা লোয়ননা থবক তৌনবা মহাক্কী মপূঙ ফাবা ৱাশক অদু অমুক হন্না ফোঙদোকখি।
Xকি মতাংদা পোস্ত কয়া অমদা প্রধান মন্ত্রীনা ইখি:
"রাস্ত্রপতি বোলা অহমদ তিনুবু অদোমগী থম্মোই শেঙনা য়াইফ-পাওজেল পিবিরকপগীদমক্তা থাগৎচরি।"
ঐখোয়গী মরুপ-মপাং ওইবগী মরি অমসুং ভারত অমসুং নাইজেরিয়াগী মরক্তা লৈরিবা অচেৎপা পার্ত্নরশিপ অসি ঐনা য়াম্না মরু ওইনা লৌই। ঐখোয় পুন্না থবক তৌমীন্নদুনা ঐখোয়গী মীয়ামগী প্রোগ্রেশ অমসুং প্রোশপেরিতিগীদমক অমসুং গ্লোবেল শাওথকি এদভান্শমেন্তকিদমক মখা তানা থবক তৌমীন্নগনি।
@officialABAT"
“প্রধান মন্ত্রী অনৱর ইব্রাহিমবু অদোমগী থম্মোই শেঙনা অপাম্বা অমসুং মীনুংশি লৈবা ৱাফমশিংগীদমক থাগৎচরি।
ভারত অমসুং মলয়েসিয়াগী মরক্তা লৈরিবা অচেৎপা অমসুং লেংদবা মরুপ-মপাং ওইবগী মরি অসি ঐনা য়াম্না থাগৎচরি অমসুং ঐখোয়গী মীয়াম অমসুং লমদম অসিগী কান্নবা ফংনবা ঐখোয়গী পার্ত্নরশিপ অসি হেন্না মপাঙ্গল কনখৎহন্নবা অদোমগা লোয়ননা য়াম্না নক্না থবক তৌমীন্ননবা থাজবা থম্লি @anwaribrahim"।
"রাস্ত্রপতি দিশানায়কে, অদোমগী থম্মোই শেঙনা য়াইফ-পাওজেল পিবিরকপগীদমক্তা থাগৎচরি।"
ভারতনা শ্রী লঙ্কাগা লোয়ননা মসিগী লেংদবা মরুপ-মপাং ওইবগী মরি অসি য়াম্না লুনা লৌই অমসুং ঐখোয়গী অখন্নবা অমসুং মখল কয়াগী পার্ত্নরশিপ অসি মাংলোমদা পুখৎনবা লেপ্লি ।
@anuradisanayake"
"রাস্ত্রপতি মুইজু, অদোমগী থম্মোই শেঙনা য়াইফ-পাওজেল পিবিরকপগীদমক্তা থাগৎচরি। ঐখোয়গী মীয়ামগী কান্ননবগীদমক ভারত-মালদিবসকি মরি হেন্না চেৎশিলহন্নবা ঐহাক্কী শরকারগী ৱাশক অদু ঐহাক্না অমুক হন্না চেৎশিলহল্লি।"
@MMuizzu
"রাস্ত্রপতি ৱিলিয়ম রুতোবু অদোমগী থম্মোই শেঙনা য়াইফ-পাওজেলগীদমক থাগৎচরি। ভারতনা কেনিয়াগা লোয়ননা মসিগী পুৱারি ওইরবা মরি অমসুং অচেৎপা পার্ত্নরশিপ অসি চপ মান্ননা লৌই। ঐখোয়গী লৈবাকশিং অমসুং ঐখোয়গী মীয়ামগী নাকল অনিমক্কী কান্নবা ফংনবা অদোমগা লোয়ননা মখা তানা নক্না থবক তৌমীন্ননবা ঐনা থাজবা থম্লি।"
@WilliamsRuto
"অদোমগী থম্মোই শেঙনা য়াইফ-পাওজেল ফোঙদোকপগীদমক রাস্ত্রপতি কোস্তাপু থাগৎচরি। ভারতনা য়ুরোপিয়ন য়ুনিয়নগা লোয়ননা মসিগী স্ত্রেতেজিক পার্ত্নরশিপ অসি য়াম্না মরুওই অমসুং লাক্কদৌরিবা মতম অসিদাা ঐখোয়গী তেংবাং পিনবা হেন্না চেৎশিলহন্নবা পুন্না থবক তৌমীন্ননবা ঐখোয়না থাজবা থম্লি।"
@eucopresident"
"প্রধান মন্ত্রী মেলোনিনা অদোমগী থম্মোই শেঙনা য়াইফ-পাওজেল পিবিরকপগীদমক্তা থাগৎচরি। ঐখোয়গী জাতি অমসুং মীয়াম অনিগী নাকল অনিগী কান্ননবগীদমক ঐখোয়গী ইন্দিয়া-ইতালি স্পিসিএল স্ত্রেতেজিক পার্ত্নরশিপতা অচেৎপা খোঙজেল অদু শেমগৎনবা ঐনা থাজবা থম্লি।"
@GiorgiaMeloni"
"থাগৎচরি এক্সেলেন্শি অদোমগী নুংঙাইরবা ৱাফমশিংগীদমক। ভারত অমসুং মোঙ্গোলিয়ানা অচেৎপা অমসুং অখন্নবা মরি অমা শেমগৎলি অমসুং ঐখোয়গী স্ত্রেতেজিক পার্ত্নরশিপ অমসুং ঐখোয়গী মীয়ামগী মরক্তা লেংদবা মরি অসি হেন্না মপাঙ্গল কনখৎহন্নবা অদোমগা লোয়ননা য়াম্না নক্না থবক তৌমীন্ননবা ঐনা থাজবা থম্লি।”
@UKhurelsukh"
অদোমগী নুংঙাইরবা ৱাফমশিংগীদমক প্রধান মন্ত্রী অবি অহমদা অলিবু থাগৎচরি ।
ঐহাক্না মমাঙ চহিদা ইথিওপিয়াদা পাংথোকখিবা ঐখোয়গী মীফম অদু নুংশিনা নিংশিংলি অমসুং ঐখোয়গী মীয়াম অমসুং গ্লোবেল শাওথকি নাকল অনিমক্কী কান্নবা ফংনবা ঐখোয়গী অচেৎপা তেংবাং অদু মখা তানা চৎথনবা থাজবা থম্লি।
@AbiyAhmedAli"
"অদোমগী মীনুংশি লৈবা ৱাফমশিংগীদমক থাগৎচরি রাস্ত্রপতি ভোন দের লেয়েন। ভারত-ইয়ুগী পার্ত্নরশিপ অসি ত্রেদ, তেক্নোলোজি, মোবিলিতি অমসুং সেক্যুরিতি য়াওনা সেক্তর কয়াদা মপাঙ্গল কনখৎলক্লি"।
ঐখোয় পুন্না ঐখোয়গী মীয়াম অমসুং মালেমগী কান্ননবগীদমক ঐখোয়গী পার্ত্নরশিপ অসি মখা তানা হেন্না চেৎশিলহল্লগনি।
@vonderleyen"
"প্রধান মন্ত্রী মীৎসোতাকিসপু অদোমগী নুংঙাইরবা য়াইফ-পাওজেলগীদমক থাগৎচরি।”
ভারতনা গ্রীশকা লোয়ননা মসিগী মমল য়াম্লবা স্ত্রেতেজিক অমসুং মল্তি-ফেসেতেদ পার্ত্নরশিপ অসি মখা তানা চেৎশিলহন্নবা ৱাশক্লি।
@PrimeministerGR"
রাস্ত্রপতি কৃস্তোদোলিদসপু অদোমগী থম্মোই শেঙনা য়াইফ-পাওজেল পিবিরকপগীদমক্তা থাগৎচরি।”
হন্দক্তা ভারত্তা চৎখিবা অদোমগী রাজ্যগী খোঙচৎ অদু ঐহাক্না নুংশিনা নিংশিংলি অমসুং ভারত অমসুং সাইপ্রসকি মরক্তা মতম চানা চাংয়েং তৌরবা মরুপ-মপাং ওইবগী মরি অমসুং স্ত্রেতেজিক পার্ত্নরশিপ অসি মখা তানা চেৎশিলহন্নবা অদোমগী ৱাশক অদু মপূঙ ফানা পাউখুম পিজরি।
@Christodulides“
"চাঞ্চললর মর্জবু অদোমগী নুংঙাইরবা ৱাফমশিংগীদমক থাগৎচরি।
ঐখোয়গী মীয়ামগী কান্ননবগীদমক ভারত-জরমনি স্ত্রেতেজিক পার্ত্নরশিপ মখা তানা মপাঙ্গল কনখৎহন্নবা অমসুং মরু ওইবা হিরমশিংগী মরক্তা তেংবাং পিনবা হেন্না চেৎশিলহন্নবা ঐখোয়না মপূঙ ফানা ৱাশক্লি।
@bundeskanzler"
“প্রধান মন্ত্রী কারনেবু অদোমগী থৌজাল হৈবা ৱাফমশিংগীদমক থাগৎচরি।”
ঐহাক্না থাজবা থম্লি মদুদি ভারত-কনাদা পার্ত্নরশিপ অসি ঐখোয়গী মীয়ামগী কান্ননবগীদমক মখা তানা অনৌবা অৱাংবা থাক্তা য়ৌরক্লগনি।
@MarkJCarney"
"প্রধান মন্ত্রী ফ্রেদরিক্সনবু অদোমগী নিংথিরবা য়াইফ-পাওজেলগীদমক্তা থাগৎচরি।
হন্দক্তা ৩সুবা ইন্দিয়া-নোরদিক সমীত্তা ঐখোয়গী মীফম অদুদা য়ু্ম্ফম ওইদুনা ভারতনা ঐখোয়গী গ্রীন স্ত্রেতেজিক পার্ত্নরশিপ অসি হেন্না চেৎশিলহন্নবা মপূঙ ফানা ৱাশক্লি।”
"প্রধান মন্ত্রী মেলোনিনা অদোমগী থম্মোই শেঙনা য়াইফ-পাওজেল পিবিরকপগীদমক্তা থাগৎচরি। ঐখোয়গী জাতি অমসুং মীয়াম অনিগী নাকল অনিগী কান্ননবগীদমক ঐখোয়গী ইন্দিয়া-ইতালি স্পিসিএল স্ত্রেতেজিক পার্ত্নরশিপতা অচেৎপা খোঙজেল অদু শেমগৎনবা ঐনা থাজবা থম্লি।"
"ইকাই খুম্ননিংঙাই ওইরবা রাস্ত্রপতি লি জে-ম্যুঙজীবু অদোমগী য়াইফ-পাওজেলগীদমক্তা অদুক্কী মতিক নুংঙাইবা ফোংদোকতরি ।
ভারতসু খা কোরিয়াগা লোয়ননা থোইদোক্না সেয়র তৌনবদা অদুক্কী মতিক মরু ওইনা তৌজরি। ঐখোয় পুন্না তেংবাং পীনদুন অনৌবা মায় পাকপা কয়া ফংগনি হায়না ঐহাক্না থাজৈ।
@Jaemyung_Lee"
"থাগৎচরি, ঐগী ইরৈবাকচা, নঙগী খ্বাইদগী নিংথিজরবা য়াইফ-পাওজেলগীদমক্তা।"
ঐহাক্না অদোমগা মপূঙ ফানা য়ানবা পুরক্লি। লাক্কদৌরিবা চহিশিংদা ভারত-ইজরেলগী মরুপ-মপাং ওইবগী মরি অসি পাঙ্গলদগী মপাঙ্গল কনখৎলক্কনি।
@IsraeliPM
@netanyahu"
"ঙসি অমদি হৌখিবা নুমীৎ খরনি অসিদা পুন্সীগী হীরম খুদিংমক্তগী মীওইশিংনা পিখিবা অফবা য়াইফ-পাওজেল অদুনা য়াম্না থৱায়না খোয়দাজখি। ঐহাক্না পাওজেল খুদিংমক মীওই অমমমগী ওইনা পাউখুম পিবা ঙমদবা ওইরবসু, পিখিবা নুংঙাইবা খুদিংমক ঐনা য়াম্না নুংশিজৈ।
ভারতকি থৌগল তৌবা অমসুং ঐখোয়গী জাতিগী চাওখৎ-থৌরাংগী খোঙচত্তা মতেং পাংবগী খুদোংচাবা ফংজবা অসি ঐহাক্না লাইবক ফবনি হায়না লৌই। চহি কয়াদগী ভারতকি মীয়াম্না তংদু লৈতাবা, অফবা লৈঙাক অমসুং চাওখৎ-থৌরাংগীদমক হঞ্জিন হঞ্জিন ভোৎ থাদদুনা লাক্লি। মখোয়গী থাজবা অসি ঐগী খ্বাইদাগী চাওবা পাঙ্গলগী হৌরকফম ওইদুনা লাক্লি। বিকসিত ভারত অমগী মংলান অদু মংফাওনহন্নবা অমসুং ভারত মচা ক্রোর ১৪০গী অপাম্বা অদু মংফাওনহন্নবা হেন্না কত্থোকপগা লোয়ননা থবক তৌনবা ঐহাক্না মপূঙ ফানা ৱাশক্লি।”
"অদোমগী মীনুংশি লৈরবা য়াইফ-পাওজেলগীদমক থাগৎচরি, ঐহাক্কী মরুপ।"
ভারত-কেনাদাগী মরি চেৎশিলহন্নবগী মায়কৈদা থবক তৌনবা ঐখোয়না ৱাশক্লি।
@stephenharper"
"শ্রী রবি লমিচনে অদোমগী মীনুংশি লৈবা য়াইফ-পাওজেলগীদমক থাগৎচরি।
ঐখোয়না নেপালগা লোয়ননা ঐখোয়গী অখন্নবা পার্ত্নরশিপ অসি য়াম্না মরু ওইনা লৌই অমসুং ঐখোয়গী মখল কয়াগী মরিশিং মখা তানা চেৎশিলহন্নবগী মায়কৈদা থবক তৌনবা ৱাশক্লি।
@hamrorabi"
"ঋশি সুনাকপু নহাক্কী নুংঙাইরবা য়াইফ-পাওজেলগীদমক থাগৎচরি।"
ঐখোয়গী নাকল অনিগী মরি হেন্না চেৎশিলহন্নবা য়ু.কে.গা লোয়ননা থবক তৌমিন্ননবা ভারতনা ৱাশক্লি।
@RishiSunak"
"প্রধান মন্ত্রী উলফ কৃস্তরশনবু অদোমগী থম্মোই শেঙনা য়াইফ-পাওজেল পিবিরকপগীদমক্তা থাগৎচরি।”
ঐহাক্না হন্দক্তা স্বীদেন্দা চৎখিবা খোঙচৎ অদুনা ঐখোয়গী মরিদা হেন্না খোঙজেল য়াংখৎহনখিবা অদু ঐহাক্না নুংশিনা নিংশিংলি। ঐখোয়গী স্ত্রেতেজিক পার্ত্নরশিপ অসি মাংলোমদা পুখৎনবা ভারতনা নিংথিনা ৱাশক্লি।
@SwedishPM"
" রাস্ত্রপতি ত্রম্পপু, অদোমগ্না থম্মোই শেঙনা য়াইফ-পাওজেল পিবিরকপগীদমক্তা থাগৎচরি।
ঐহাক্না অদোমগা লোয়ননা ইন্দিয়া-য়ু.এস.কি কম্প্রিহেন্সিব গ্লোবেল স্ত্রেতেজিক পার্ত্নরশিপ অসি মখা তানা মাংলোমদা পুখৎনবা, ঐখোয়গী লৈবাকশিং অমসুং মালেম অনিমক্কী কান্ননবা হোৎনবদা থাজবা থম্লি।
@POTUS
@realDonaldTrump"
" প্রধান মন্ত্রী সেরিং তোবগেবু অদোমগী থম্মোই শেঙনা য়াইফ-পাওজেল পিবিরকপগীদক্তা থাগৎচরি। ঐখোয়গী মরুপ-মপাং ওইবগী মরি অসি ঐহাক্না য়াম্না নুংশিজৈ অমসুং ভারত অমসুং ভুতানগী মরক্তা লৈরিবা অখন্নবা মরি অসি য়াম্না লুনা লৌই।
লাক্কদৌরিবা চহিশিংদা ঐখোয়গী পার্ত্নরশিপ অসি হেন্না মপাঙ্গল কনখৎহন্নবা পুন্না থবক তৌমীন্ননবা ঐনা থাজবা থম্লি।
@tsheringtobgay"
“অদোমগী নুংঙাইরবা য়াইফ-পাওজেলগীদমক প্রধান মন্ত্রী লোরেন্স ৱোংবু থাগৎচরি। ঐখোয়গী কম্প্রেহেন্সিব স্ত্রেতেজিক পার্ত্নরশিপ অসি হেন্না চেৎশিলহন্নবা অমসুং ভারত-সিঙ্গাপুরগী মরি অসি অনৌবা অৱাংবা থাক্তা পুখৎনবা অদোমগা লোয়ননা য়াম্না নক্না থবক তৌমীন্ননবা ঐনা থাজবা থম্লি। @LawrenceWongST"
“রাস্ত্রপতি দা. ইর্ফান অলি, নিংথিজরবা ৱাফমশিং অমসুং থম্মোই শেঙনা য়াইফ-পাওজেল পিবিরকপগীদমক্তা থাগৎচরি। ভারত অমসুং গয়ানাগী মীয়ামগী কান্ননবগীদমক ঐখোয়গী তেংবাং পিনবা মখা চৎথনবা ঐহাক্না থাজবা থম্লি। @presidentaligy”
অদোমগী থম্মোই শেঙনা য়াইফ-পাওজেল পিবিরকপগীদমক্তা প্রধান মন্ত্রী লুক্সনবু থাগৎচরি ।
ভারত-ন্যু জিলেন্দ এফ.তি.এ.না ঐখোয়গী পার্ত্নরশিপতা মরুওইবা খোঙথাং অমা ওইরি । মসিগী খোঙজেল অসি শেমগৎনবা অমসুং ঐখোয়গী পার্ত্নরশিপ অসি অনৌবা অৱাংবা থাক অমদা পুখৎনবা ঐহাক্না থাজবা থম্লি।
@chrisluxonmp"
"অদোমগী য়াইফ-পাওজেলগীদমক শ্রী ফুমিও কিসিদাবু থাগৎচরি।"
জপান-ইন্দিয়া এসোসিএসনগী চেয়রমেন ওইনা থৌদাং লৌখিবা অসিগীদমক থম্মোই শেঙনা নুংঙাইবা ফোঙদোকচরি। ঐহাক্না থাজবা থম্লি মদুদি অদোমগী লুচিং মখাদা এসোসিএসন অসিনা ঐখোয়গী লৈবাক অনিগী মরক্তা লৈনরিবা মরি অসি হেন্না চেৎশিলহল্লগনি।
@kishida230"
"শ্রী তর্নবুলবু অদোমগী মীনুংশি লৈবা য়াইফ-পাওজেলগীদমক্তা থাগৎচরি।"
ঐখোয়গী মরুপ-মপাং ওইবগী মরি অমসুং অচেৎপা ভারত-ওস্ত্রেলিয়াগী মরিদা অদোমগী লেপ্পাা লৈতনা শৌগৎপা অসি ঐনা য়াম্না থাগৎচরি।
@TurnbullMalcolm"
"শ্রী লিও বরদকরবু অদোমগী নিংথিজরবা য়াইফ-পাওজেল পিবিরকপগীদমক্তা থাগৎচরি।"
ভারত-আইরলেন্দগী মরি হেন্না চেৎশিলহন্নবা ঐখোয়না ৱাশক্লি।
@LeoVaradkar"
ঐহাক্কী ইয়াম্বা, অদোমগী থম্মোই শেঙনা য়াইফ-পাওজেল পিবিরকপগীদমক্তা থাগৎচরি।
অদোমগী মীৎয়েং চঙবাা লুচিংবগী মখাদা ইন্দিয়া-য়ু.এ.ই.গী কম্প্রিহেন্সিব স্ত্রেতেজিক পার্ত্নরশিপ অসি অনৌবা অৱাংবা থাক্তা য়ৌরে । ঐখোয়গী মরুপ-মপাং ওইবগী মরি অসি ঐহাক্না য়াম্না মরু ওইনা লৌই অমসুং ঐখোয়গী জাতিগী মীয়ামগী নাকল অনিগী কান্ননবগীদমক পুন্না থবক তৌমীন্ননবা থাজবা থম্লি।
@MohamedBinZayed
"রাস্ত্রপতি দা. পেত্রিক হর্মীনবু অদোমগী নিংথিজরবা য়াইফ পাওজেলগীদমক্তা থাগৎচরি। শমুদ্রগী য়ুমলোননবশি অমদি থাজবা য়াবা পার্ত্নরশি ওইনা ভারতনা ঐখোয়গী অচেৎপা অমশুং মখল কয়াগী মরিশিং মখা তানা চেৎশিলহনবদা লেপ্পা লৈতনা লেপ্লি।
@StateHouseSey"
"অদোমগী নুংঙাইরবা য়াইফ-পাওজেলগীদমক ফেদরেল চাঞ্চেললর স্তোকরবু থাগৎচরি। অদোম্না হন্দক্তা ভারত্তা লাকপিখিবা খোঙচৎ অদু নিংথিনা নিংশিংলি অমসুং ভারত-ওস্ত্রিয়াগী মরি হেন্না চেৎশিলহন্নবা পুন্না থবক তৌমীন্ননবগী থাজবা থমজরি। @_CStocker"
"অদোমগী নুংঙাইরবা য়াইফ-পাওজেলগীদমক রাস্ত্রপতি স্তুবপু থাগৎচরি। হন্দক্তা ভারত্তা লাকপিখিবা অমসুং চহি অসিগী রাইজিনা দাইলোগতা চিফ গেস্ত ওইনা শরুক য়াখিবা অদু ঐহাক্না নিংতিনা নিংশিংলি। ভারত-ফিনলেন্দগী মতেং পিনবা অসি হেন্না মপাঙ্গল কনখৎহন্নবা ঐখোয়না ৱাশক্লি। @alexstubb"
***
(रिलीज़ आईडी: 2272179)
आगंतुक पटल : 16
इस विज्ञप्ति को इन भाषाओं में पढ़ें:
Malayalam
,
English
,
Urdu
,
हिन्दी
,
Bengali
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada