ટેલિકોમ્યુનિકેશન એક્ટ 2023માં સંસદ દ્વારા પસાર કરવામાં આવ્યો હતો. તે એક ઐતિહાસિક કાયદો છે જેણે 1885ના જૂના ટેલિગ્રાફ એક્ટનું સ્થાન લીધું છે.

ટેલિકોમ્યુનિકેશન એક્ટ એ એક વ્યાપક કાયદો છે જે સેવાઓની વિશાળ શ્રેણીને આવરી લે છે. આવરી લેવામાં આવેલી સેવાની પ્રકૃતિના આધારે તેનું અમલીકરણ વિવિધ વિભાગો દ્વારા કરવામાં આવે છે. માહિતી અને પ્રસારણ મંત્રાલય ટેલિવિઝન, રેડિયો અને સંકળાયેલી સેવાઓને લગતી જોગવાઈઓનું સંચાલન કરે છે.

નવા ઘડાયેલા ટેલિકોમ્યુનિકેશન એક્ટ, 2023ના માળખામાં અગાઉના ટેલિગ્રાફ એક્ટ, 1885 હેઠળ ટેલિવિઝન અને રેડિયો સેવાઓ માટે જારી કરાયેલી વિવિધ માર્ગદર્શિકાઓને એકીકૃત કરવા માટે ડ્રાફ્ટ ટેલિકોમ્યુનિકેશન્સ (ટેલિવિઝન, રેડિયો અને એસોસિએટેડ સર્વિસીસ) રૂલ્સ, 2026 તૈયાર કરવામાં આવ્યા છે.

આ નિયમોના સેટમાં નીચેની માર્ગદર્શિકાઓ સંકલિત કરવામાં આવી છે:

· ભારતમાં સેટેલાઇટ ટેલિવિઝન ચેનલોના અપલિંકિંગ અને ડાઉનલિંકિંગ માટેની નીતિ માર્ગદર્શિકા, તારીખ 9 નવેમ્બર 2022;

· ભારતમાં ડાયરેક્ટ-ટુ-હોમ (DTH) બ્રોડકાસ્ટિંગ સેવાઓ પૂરી પાડવા માટે લાઇસન્સ મેળવવાની માર્ગદર્શિકા, તારીખ 15 માર્ચ 2001, જે સમયાંતરે સુધારવામાં આવી છે;

· ભારતમાં હેડએન્ડ-ઇન-ધ-સ્કાય (HITS) બ્રોડકાસ્ટિંગ સેવાઓ પૂરી પાડવા માટેની માર્ગદર્શિકા, તારીખ 26 નવેમ્બર 2009;

· ખાનગી એજન્સીઓ દ્વારા FM રેડિયો બ્રોડકાસ્ટિંગ સેવાઓના વિસ્તરણ પરની નીતિ માર્ગદર્શિકા (ફેઝ III), તારીખ 25 જુલાઈ 2011, જે 10 સપ્ટેમ્બર 2024 સુધી સુધારવામાં આવી છે;

· ભારતમાં કોમ્યુનિટી રેડિયો સ્ટેશનો સ્થાપવા માટેની સુધારેલી નીતિ માર્ગદર્શિકા, તારીખ 13 ફેબ્રુઆરી 2024; અને

· ઇન્ટરનેટ પ્રોટોકોલ ટેલિવિઝન (IPTV) સેવાઓની જોગવાઈ માટેની માર્ગદર્શિકા, તારીખ 8 સપ્ટેમ્બર 2008.

આ નિયમોના સમૂહ સાથે, ઉદ્યોગ પાસે હવે એકીકૃત અને નોંધપાત્ર રીતે સરળીકૃત નિયમ પુસ્તક હશે. આ નિયમો ટેલિવિઝન અને રેડિયો બ્રોડકાસ્ટિંગ સેક્ટરમાં વ્યવસાય કરવાની સરળતાને પ્રોત્સાહન આપવાની સાથે વર્તમાન વ્યવસ્થાને સરળ અને સુમેળભરી બનાવવા માટે ડિઝાઇન કરવામાં આવ્યા છે.

એકવાર સૂચિત થયા પછી, આ નિયમો બ્રોડકાસ્ટિંગ સેવાઓને સંચાલિત કરતી વિવિધ વર્તમાન માર્ગદર્શિકાઓનું સ્થાન લેશે. ડ્રાફ્ટ નિયમોની મુખ્ય લાક્ષણિકતાઓમાં નીચેનાનો સમાવેશ થાય છે:

· સાતત્ય સાથે પરિવર્તન: સુધારાઓને સક્ષમ કરતી વખતે સાતત્ય જાળવી રાખવાની સુવિધા માટે અધિકૃતતાની વર્તમાન શરતો અને નિયમોને સુમેળભર્યા અને તર્કસંગત બનાવવામાં આવ્યા છે.

· વ્યવસાય કરવાની સરળતા (ઇઝ ઓફ ડુઇંગ બિઝનેસ)

o બહુવિધ માર્ગદર્શિકાઓના સ્થાને એક સિંગલ નિયમનકારી માળખું

o અધિકૃતતા પ્રક્રિયાનું ડિજિટલ અમલીકરણ

o સરળીકૃત અધિકૃતતા પ્રક્રિયાઓ

o ગ્રાન્ટ ઓફ પરમિશન એગ્રીમેન્ટ (GOPA) પર હસ્તાક્ષર કરવાની જરૂરિયાત દૂર કરવી

o પારદર્શક નિર્ણય પ્રણાલીની જોગવાઈ

આ ડ્રાફ્ટ નિયમો જાહેર અને આંતર-મંત્રાલય પરામર્શ માટે માહિતી અને પ્રસારણ મંત્રાલયની વેબસાઇટ (www.mib.gov.in) પર પ્રકાશિત કરવામાં આવ્યા છે.

ઇનપુટ્સ, ટિપ્પણીઓ અથવા સૂચનો, જો કોઈ હોય તો, અંડર સેક્રેટરી (BP&L), માહિતી અને પ્રસારણ મંત્રાલય, ભારત સરકાર, ત્રીજો માળ, કર્તવ્ય ભવન-II, નવી દિલ્હી – 110001 પર મોકલી શકાય છે, જે પ્રાધાન્યમાં ઇમેઇલ દ્વારા usbpl-moib[at]gov[dot]in પર, 27 જુલાઈ, 2026 સુધીમાં મોકલી શકાશે.

SM/BS/GP

સોશિયલ મીડિયા પર અમને ફોલો કરો :  @PIBAhmedabad    /pibahmedabad1964    /pibahmedabad  pibahmedabad1964[at]gmail[dot]com