الیکٹرانکس اور اطلاعاتی ٹیکنالوجی ، ریلوے اور اطلاعات و نشریات کے مرکزی وزیر جناب اشونی ویشنو نے آج مالویہ نیشنل انسٹی ٹیوٹ آف ٹیکنالوجی (ایم این آئی ٹی)، جے پور میں ایک جدیدکوانٹم کمپیوٹنگ اور کوانٹم کمیونیکیشن لیب کے قیام کا اعلان کیا ۔

یہ لیب الیکٹرانکس اور انفارمیشن ٹیکنالوجی کی وزارت (ایم ای آئی ٹی وائی) کے الیکٹرانکس اور آئی سی ٹی اکیڈمک پروجیکٹ کے تحت قائم کی جائے گی ۔

یہ کوانٹم کلیدی تقسیم (کیو کے ڈی) کوانٹم کمپیوٹنگ سیمولیشن اور کوانٹم سینسنگ ہارڈ ویئر اجزاء میں مقامی صلاحیت سازی پر توجہ مرکوز کرے گا ۔

طلباء اور فیکلٹی ممبران سے خطاب کرتے ہوئے مرکزی وزیر نے کہا کہ موجودہ تکنیکی لہر مصنوعی ذہانت سے چل رہی ہے ، لیکن اگلی بڑی تکنیکی لہر کی قیادت کوانٹم ٹیکنالوجی کرے گی ۔

وزیر موصوف نے کہا کہ اس پروجیکٹ کے تحت شروع کیا جانے والا کام ملک کے لیے بہت اہمیت کا حامل ہوگا ۔ یہ لیب کوانٹم، کلیدی تقسیم (کیو کے ڈی) میں بھی تحقیق کرے گی جو قومی سلامتی کے نقطہ نظر سے اہم ہے ۔

جناب ویشنو نے ایم این آئی ٹی جے پور پر زور دیا کہ وہ پوسٹ کوانٹم کرپٹوگرافی کے شعبے میں قائدانہ کردار ادا کرے ۔

لام ریسرچ کا’سیمی ورس‘ پلیٹ فارم

مرکزی وزیر نے یہ بھی اعلان کیا کہ ایم این آئی ٹی جے پور کے طلبا کو لام ریسرچ کے ’سیمی ورس‘ پلیٹ فارم تک رسائی حاصل ہوگی ۔ یہ ایک ڈیجیٹل ٹوائن پر مبنی، سیمی کنڈکٹرکی تیاری اور تربیتی ماحولیاتی نظام ہے ۔

سیمی ورس کے ذریعے ، طلباء اب تھری ڈی میں سیمی کنڈکٹر چپ ڈھانچے کا مطالعہ کر سکتے ہیں ، چپ بنانے کے عمل کو سمجھ سکتے ہیں ، اور ورچوئل ماحول میں تغیراتی  تیاری کےاقدامات کی نقل کر سکتے ہیں ۔

مرکزی وزیر نے ذکر کیا کہ صنعت کے تخمینے کے مطابق سیمی کنڈکٹر ڈیزائن ورک فورس کی مانگ دس لاکھ سے زیادہ ہے ۔ ہندوستان آسانی سے اس خلا کو پر کر سکتا ہے ۔ پہلے سے ہی ، نویدیا ، کوالکوم ، اے آر ایم اور اے ایم ڈی جیسی کمپنیاں پہلے ہی ہندوستان میں 2 اور 3 این ایم کی جدید سیمی کنڈکٹر چپس ڈیزائن کر رہی ہیں ۔ یہ ڈیزائن ورک فورس کی وجہ سے ممکن ہے ۔

جناب ویشنو نے کہا کہ حکومت ہند چپس ٹو اسٹارٹ اپ (سی 2 ایس) پروگرام کے حصے کے طور پر ملک بھر کی 323 سے زیادہ یونیورسٹیوں کو الیکٹرانک ڈیزائن آٹومیشن (ای ڈی اے) ٹول فراہم کر رہی ہے ۔ یہ سینوپسس ، کیڈینس اور رینیسا جیسی معروف کمپنیوں کے جدید ترین سیمی کنڈکٹر ڈیزائن ٹولز ہیں ۔

ان آلات کا استعمال کرتے ہوئے ، سیمی کنڈکٹر لیبارٹری (ایس سی ایل) موہالی میں ہندوستان بھر کے اداروں سے 100 سے زیادہ طلباء کے ڈیزائن کردہ چپس تیار کیے گئے ہیں ۔ وزیر موصوف نے طلباء کی حوصلہ افزائی کی کہ وہ ان جدید ای ڈی اے ٹولز کا مکمل استعمال کریں ۔

مصنوعی ذہانت لیب

مرکزی وزیر نے اعلان کیا کہ ایم این آئی ٹی جے پور میں اے آئی لیب بھی قائم کیا جائے گا۔ لیب تحقیق اور اختراع کے لیے جدید کمپیوٹ اور ٹولز سمیت سہولتیں فراہم کرے گی ۔

اسے انڈیا اے آئی مشن کے نیٹ ورک سے جوڑنے پر توجہ مرکوز کی جائے گی ۔ اس سلسلے میں انہوں نے انڈین انسٹی ٹیوٹ آف ٹیکنالوجی جودھ پور کے ذریعے ڈیپ فیک کا پتہ لگانے سے متعلق ٹیکنالوجی پر کام کیے جانے والے  اُمورپر روشنی ڈالی ۔

میکرز لیب کا افتتاح

بعد میں، راجستھان حکومت میں توانائی کے محکمے وزیر(آزادانہ چارج) جناب ہیرا لال ناگر اور راجستھان قانون ساز اسمبلی (سول لائنز جے پور) کے رکن م جناب گوپال شرما کے ساتھ ایم این آئی ٹی جے پور میں میکرز لیب کا افتتاح کیا۔

میکرز لیب طلباء کو سافٹ ویئر اور ہارڈ ویئر دونوں ٹیکنالوجیز میں عملی اور تجرباتی تربیت کے مواقع فراہم کرے گی۔ اس میں سینسر، ایمبیڈڈ سسٹم، کمپیوٹ ڈیوائسز اور الیکٹرانکس سسٹم شامل ہوں گے۔

اس سے قبل دورے کے دوران جناب ویشنو نے طلباء اور فیکلٹی ممبران سے بات چیت کی۔ طلباء نے مصنوعی ذہانت، روبوٹکس، ڈرون، اسٹرکچرل انجینئرنگ اور پوسٹ کوانٹم کرپٹوگرافی کے شعبوں میں کئی پروجیکٹس اور ایپلی کیشنز کی نمائش کی۔

*****

ش ح۔ ش ب  ۔ ص ج

U. No-8307