প্রধান মন্ত্রী শ্রী নরেন্দ্র মোদীনা ময়াই তাংবল লৌদুনা ফমখিবা কেবিনেৎ কমিতী ওন ইকোনোমিক এফিয়র্সনা ঙসি আন্ধ্র প্রদেশকী অমরাবতীগী ন্যু কেপিতেল সিতীদা জেনরেল পুল রেসিদেন্সিয়েল একোমোদেসন (জি.পি.আর.এ.) শাবগী অয়াবা পীখ্রে। মসিনা কোনুং অমরাবতী অমসুং আন্ধ্র প্রদেশকী মনুংদা জি.পি.আর.এ.গী অহানবা প্রোজেক্তনি।

প্রোপোজেল অসিগী পান্দমদি মতিক চাবা রেসিদেন্সিএল একোমোদেসন ফংহন্দুনা সেন্ত্রেল গবর্নমেন্তকী এমপ্লোয়ীশিংদা শেলগী চৈথেং হন্থহন্নবা, মসিনা মখোয়গী মোরেল হেনগৎহনবা, ইন্তিগ্রিটি প্রোমোট তৌবা অমসুং মখোয়গী অপুনবা য়াইফ-থৌরাংদা মতেং পাংবা হায়বসিনি। মসিগী মথক্তা, প্রোজেক্ত অসিনা স্তাফশিংবু মখোয়গী থবক মফমগী মনাক নক্না লৈবা ঙমহন্দুনা, সরকারগী থবক মতিক চানা পাংথোকপদা মতেং পাংগনি অমসুং স্তাফশিংনা মখোয়গী ওফিসিএল ওইবা মথৌশিং মতিক চানা পাংথোক্নবগীদমক খুদক্তা ফংহল্লগনি।

জেনরেল পুল রেসিদেন্সিএল একোমোদেসন (জি.পি.আর.এ.) কেম্পস অসি আন্ধ্র প্রদেশকী অমরাবতীগী অনৌবা কোনুং শহরদা একর ১৭গী লমদা শেমগৎনবা থৌরাং তৌরি। দিবেলপমেন্ত অসিদা রেসিদেন্সিএল তাৱর 11 য়াওরি অমসুং য়ুনিৎ 1,504গী অপুনবা য়ুমশিং য়াওরি, মসিদা রেফ্যুজ এরিয়াশিং য়াওনা তাইপ IIদগী তাইপ VI ফাওবা লৈবা য়াই। প্রোজেক্ত অসিনা কার স্পেস (ECS) মান্নবা 1,972 লৈবা বেসমেন্ত পার্কিং ফেসিলিতীশিং ফংহল্লি। প্রোজেক্ত অসিগী অপুনবা বিল্ত-অপ এরিয়া অসি স্ক্বারফুত লাখ ৩১.৩০ (স্ক্বারফুত ২,৯০,৭৬২) ওইরি। মসিগী মনুংদা বেসমেন্ত এরিয়া অসি স্ক্বারফুত লাখ ৯.১০ (স্ক্বারফুত ৮৪,৩৯৪) ওইরি।

মালেম শিনবা থুংনা, অকোইবগী ফিভমদা শোকহন্দবা অমসুং সস্তেনেবল ওইবা কন্সত্রক্সন প্রাক্তিসশিং শিজিন্নবদা অহেনবা মিৎয়েং চঙলি। পান্দম অসিগা চুনবা মওংদা, আন্ধ্র প্রদেশকী অমরাবতীগী অনৌবা কোনুং শহরদা শেমগৎলিবা জেনরেল পুল রেসিদেন্সিএল একোমোদেসন (জি.পি.আর.এ.) কেম্পস অসিদা বিলদিং পুম্নমক অসি ভারত্তা লৈরিবা খ্বাইদগী ফবা গ্রীন বিল্দিং স্তেন্দর্দশিং অদুগা চুনবা মওংদা থৌরাং তৌদুনা অমসুং দিজাইন তৌদুনা, সস্তেনেবল সাইত প্লান্নিং, হেনগৎহল্লবা ইনর্জী ইফিসিএন্সী, ঈশিং কঞ্জারবেসন, লোকেল ওইনা ফংবা পোৎলমশিং শীজিন্নবা, অমসুং মীওইশিংগী হকশেল অমসুং নুংঙাই-য়াইফবা হেনগৎহন্দুনা অকোইবগী ফিবম হন্থহনবদা অকনবা মীৎয়েং চংদুনা শেমগৎকনি।

কেম্পস অসি এনর্জি কঞ্জর্বেসন অমসুং সস্তেনেবল বিল্দিং কোদ (ই.সি.এস.বি.সি.) ২০২৪গী খ্বাইদগী নৌবা প্রোভিজনশিং অমসুং ইকো-নিৱাস সমিথা (ই.এন.এস.) ২০২৪গী মথৌ তাবশিং অসি মপুং ফাহন্নবগীদমক মিনিমম গ্রীহা ৪ স্তার রেতিং ফংনবা দিজাই, শাবা অমসুং রেজিস্তর তৌগনি।

আন্ধ্র প্রদেশকী অমরাবতীগী অনৌবা কোনুং শহরদা লৈরিবা জেনরেল পুল রেসিদেন্সিএল একোমোদেসন (জি.পি.আর.এ.) কেম্পস অসিদা বেঙ্ক অমসুং এ.তি.এম., পোস্ত ওফিস, ক্রিচে, দাইনিং ফেসিলিতীশিং য়াওবা কম্ম্যুনিতী হোল, ফুদ কোর্ট, শোপ্পিং কমপ্লেক্স, সর্ভিস সেন্তর অমসুং গেস্ত হাউস য়াওনা তঙাই ফদবা সিভিক অমসুং কম্ম্যুনিতীগী খুদোংচাবশিং লৈগনি। কেম্পস অসিদা দিব্যাংজন (দিসএবল ওইরবা মীওইশিং) গীদমক চৎনগদবা এক্সেসিবিলিতী স্তেন্দর্দশিং ঙাক্না এক্সেসিবিলিতী অমসুং খুদোংচাবশিং ফংহন্নবা অথিংবা লৈতবা বিল্ত ইনভাইরোনমেন্ত অমা য়াওগনি।

প্রোজেক্ত অসিনা স্কিল, সেমি-স্কিল অমসুং স্কিল লৈতবা শিন্মীশিংগীদমক্তা হকথেংননা অমসুং নাকোইননা থবক ফংহন্নবা অচৌবা খুদোংচাবশিং লৈহল্লগনি হায়না পানরি। মসিদা শেমগৎ-শাগৎপগী তাঙ্কক মনুংদা চহিদা চাউরাক্না মেন-দেস লাখ ৭ রোম থবক পীগনি হায়না পানরি। মসিগী মতুংদা ওপরেস্নেল ফেজ মনুংদা চহিদা মেন-দেস ৫০,০০০ রোম থবক পীগনি।

প্রোজেক্ত কোস্ত অমসুং ফন্দিং

প্রোজেক্ত অসিগী চাউরাকপা শেনফম অসি লুপা করোর ১,২৩৪.৯১নি। মসি ভারত সরকারনা হেদ ওফ একাউন্ত: ৪২১৬গী মখাদা বজেৎকী মতেংদগী শেল থাদগনি।

প্রি-প্রোজেক্ত এক্তিবিতীশিং

প্রোজেক্ত অসি হাউজিং অমসুং অর্বান এফিয়র্স মন্ত্রালয়না সেন্ত্রেল পব্লিক ৱার্কস দিপার্তমেন্ত (সি.পি.দবল্যু.দি.) গী খুত্থাংদা পায়খৎকনি। প্রি-বিদকী থবকশিং হান্ননা হৌখ্রে, অমসুং তেন্দরগী দোক্যুমেন্তশিং শেম-শাবগী থবক হৌজিক চত্থরি।

প্রোপোজ তৌরিবা জেনরেল পুল রেসিদেন্সিএল একোমোদেসন (জি.পি.আর.এ.) কেম্পস ন্যু কেপিতেল সিতী, অমরাবতী, আন্ধ্র প্রদেশতা

***