উপ-ৰাষ্ট্ৰপতি সচিবালয়
ভাৰতৰ দীৰ্ঘতম অবিৰতভাৱে সেৱা আগবঢ়োৱা নিৰ্বাচিত প্ৰধানমন্ত্ৰী হোৱাৰ বাবে প্ৰধানমন্ত্ৰী শ্ৰী নৰেন্দ্ৰ মোদীক উপ-ৰাষ্ট্ৰপতিৰ অভিনন্দন
উপ-ৰাষ্ট্ৰপতিয়ে প্ৰধানমন্ত্ৰী মোদীৰ দূৰদৰ্শী নেতৃত্ব আৰু ‘ৰাষ্ট্ৰ প্ৰথম’ নীতিৰ প্ৰতি দায়বদ্ধতাক প্ৰশংসা কৰে
উপ-ৰাষ্ট্ৰপতিয়ে প্ৰধানমন্ত্ৰী মোদীৰ অক্লান্ত সেৱাক প্ৰশংসা কৰি তেওঁক সমসাময়িক ভাৰতৰ ‘যুগ পুৰুষ’ বুলি অভিহিত কৰে
प्रविष्टि तिथि:
10 JUN 2026 12:30PM by PIB Guwahati
ভাৰতৰ উপ-ৰাষ্ট্ৰপতি শ্ৰী চি পি ৰাধাকৃষ্ণনে আজি প্ৰধানমন্ত্ৰী শ্ৰী নৰেন্দ্ৰ মোদীক ভাৰতৰ দীৰ্ঘতম নিৰন্তৰভাৱে কাৰ্যনিৰ্বাহ কৰা নিৰ্বাচিত প্ৰধানমন্ত্ৰী হোৱাৰ বাবে আন্তৰিক অভিনন্দন জ্ঞাপন কৰে।
সামাজিক মাধম্যৰ এটা বাৰ্তাত উপ-ৰাষ্ট্ৰপতিয়ে এই সাফল্যক এক ঐতিহাসিক মাইলৰ খুঁটি বুলি বৰ্ণনা কৰে যিয়ে প্ৰধানমন্ত্ৰীৰ দূৰদৰ্শী নেতৃত্বত ভাৰতৰ উন্নয়ন যাত্ৰাৰ এক পৰিৱৰ্তনশীল যুগক প্ৰতিফলিত কৰে।
তেওঁ উল্লেখ কৰে যে অৰ্থনৈতিক বিকাশ, আন্তঃগাঁথনি সম্প্ৰসাৰণ, সামাজিক সবলীকৰণ আৰু প্ৰযুক্তিগত অগ্ৰগতিৰ দৰে প্ৰতিটো ক্ষেত্ৰতে ভাৰতে উল্লেখযোগ্য অগ্ৰগতি লাভ কৰিছে। তেওঁ লগতে লক্ষ্য কৰে যে ভাৰতৰ বৰ্ধিত গোলকীয় মৰ্যাদা আৰু সভ্যতাৰ আত্মবিশ্বাস এই সময়ছোৱাৰ নিৰ্ধাৰিত বৈশিষ্ট্য হিচাপে উদ্ভৱ হৈছে।
সামগ্ৰিক উন্নয়নৰ প্ৰতি প্ৰধানমন্ত্ৰীৰ প্ৰতিশ্ৰুতিৰ ওপৰত আলোকপাত কৰি শ্ৰী চি পি ৰাধাকৃষ্ণনে কয় যে ২৫ কোটিৰো অধিক লোকক সম্পূৰ্ণ দৰিদ্ৰতাৰ পৰা মুক্ত কৰা হৈছে, যিয়ে লাখ লাখ পৰিয়াললৈ আশা, সুযোগ আৰু মৰ্যাদা কঢ়িয়াই আনিছে।
উপ-ৰাষ্ট্ৰপতিয়ে ভাৰতৰ সমৃদ্ধ সাংস্কৃতিক আৰু সভ্যতাৰ ঐতিহ্য সংৰক্ষণ তথা প্ৰচাৰৰ বাবে প্ৰধানমন্ত্ৰীয়ে কৰা প্ৰচেষ্টাক প্ৰশংসা কৰে। তেওঁ কয় যে বিস্মৃত নায়কসকলক সন্মান জনোৱা, ভাৰতৰ বৈচিত্ৰ্যময় পৰম্পৰা আৰু ভাষাসমূহ উদযাপন কৰা, সাংস্কৃতিক ঐতিহ্য সংৰক্ষণ কৰা তথা ঔপনিৱেশিক মানসিকতা ত্যাগ কৰাৰ জৰিয়তে প্ৰধানমন্ত্ৰীয়ে ৰাষ্ট্ৰীয় গৌৰৱ আৰু সভ্যতাৰ চেতনা শক্তিশালী কৰিছে।
ৰাষ্ট্ৰসংঘত প্ৰধানমন্ত্ৰী মোদীৰ তামিল বাক্যাংশ ‘য়াধুম উৰে, য়াভাৰুম কেলিৰ’(‘প্ৰতিখন ঠাই আমাৰ ঘৰ; সকলো আমাৰ আত্মীয়’)ৰ আহ্বানৰ কথা উল্লেখ কৰি উপ-ৰাষ্ট্ৰপতিয়ে কয় যে ই ভাৰতৰ ‘বসুদেইৱা কুটুম্বকম’ৰ কালজয়ী নীতি আৰু ইয়াৰ সাৰ্বজনীন ভাতৃত্ববোধ তথা মানৱ একতাৰ স্থায়ী বাৰ্তাক স্পষ্টভাৱে পুনৰ নিশ্চিত কৰে।
উপ-ৰাষ্ট্ৰপতিয়ে লগতে কাশী তামিল সংগমম, সৌৰাষ্ট্ৰ তামিল সংগমম, নতুন সংসদ ভৱনত পবিত্ৰ চেঙ্গোল স্থাপন, চোলসকলৰ উত্তৰাধিকাৰীক সন্মান জনোৱাৰ বাবে তেওঁৰ গংগাইকোণ্ডা চোলাপুৰম ভ্ৰমণ আৰু বিদেশৰ পৰা অমূল্য শিল্পকলা তথা প্ৰাচীন সামগ্ৰীসমূহৰ প্ৰত্যাৱৰ্তনকে ধৰি ভাৰতৰ সভ্যতাৰ একতা আৰু সাংস্কৃতিক উত্তৰাধিকাৰ শক্তিশালী কৰাৰ বাবে প্ৰধানমন্ত্ৰীয়ে গ্ৰহণ কৰা কেইবাটাও পদক্ষেপৰ ওপৰত আলোকপাত কৰে।
প্ৰধানমন্ত্ৰী মোদীক এগৰাকী নেতা হিচাপে বৰ্ণনা কৰি যিয়ে দূৰদৰ্শী নেতৃত্ব, অক্লান্ত সেৱা আৰু ‘ৰাষ্ট্ৰ প্ৰথম’ ৰ আদৰ্শৰ প্ৰতি অটল প্ৰতিশ্ৰুতিৰ জৰিয়তে ৰাষ্ট্ৰৰ সামৰ্থ্য আৰু আকাংক্ষাৰ ওপৰত আস্থা পুনৰ জাগ্ৰত কৰিছে, শ্ৰী চি পি ৰাধাকৃষ্ণনে কয় যে তেওঁ সমসাময়িক ভাৰতৰ প্ৰকৃত ‘যুগ পুৰুষ’ হিচাপে আত্মপ্ৰকাশ কৰিছে।
ৰাষ্ট্ৰই ‘বিকশিত ভাৰত @2047’ ৰ লক্ষ্যৰ দিশে আগবাঢ়ি যোৱাৰ সময়তে উপ-ৰাষ্ট্ৰপতিয়ে কয় যে প্ৰধানমন্ত্ৰীৰ নেতৃত্বত লাখ লাখ লোকে দেশৰ অগ্ৰগামী যাত্ৰাত পথ প্ৰদৰ্শক শক্তি হিচাপে কাম কৰি আছে।
উপ-ৰাষ্ট্ৰপতিয়ে প্ৰধানমন্ত্ৰীক ৰাষ্ট্ৰৰ প্ৰতি অব্যাহত সেৱাৰ বাবে শুভেচ্ছা জ্ঞাপন কৰে।
***********
PR/ASM/VMJ/MK
(रिलीज़ आईडी: 2271363)
आगंतुक पटल : 5
इस विज्ञप्ति को इन भाषाओं में पढ़ें:
English
,
Urdu
,
हिन्दी
,
Marathi
,
Bengali
,
Bengali-TR
,
Gujarati
,
Tamil
,
Telugu
,
Kannada
,
Malayalam