একজামিনেসন প্রোসেসকী ইন্তিগ্রিটি হেনগৎহন্নবা অমসুং শাশিন্নবা থীংনবা হোৎনবদা, য়ুনিয়ন পব্লিক সর্ভিস কম্মিসন (য়ু.পি.এস.সি.) না সিবিল সর্ভিসেস অমসুং ইন্দিয়ন ফোরেস্ত সর্ভিস, (প্রিলিমিনরী) একজামিনেসন, ২০২৬কী মনুংদা মায় পাক্না ফেস ওথেন্তিকেসন চৎনহনখি। ফেস ওথেন্তিকেসন প্রোতোকোল অসিনা এপ্লিকেসন ফোর্ম অদু মেনশিনবা মতমদা ফোতো অদু অপলোদ তৌখিবা কেন্দিদেৎ অদু এদমিৎ কার্দ অদুগা লোয়ননা একজামিনেসন অদুদা য়াওরিবা কেন্দিদেৎ অদুগা মান্নৈ হায়বা খঙহনগনি। সিস্তেম অসিনা মোবাইল ফোনদা য়ুম্ফম ওইবা ভেরিফিকেসনগী খুত্থাংদা ইগজামিনেসন ভেন্যুশিংদা কেন্দিদেৎশিংবু রিয়েল-তাইমদা ওথেন্তিকেসন তৌবা ঙমহল্লি। মসিনা মওং চুম্না মশক খঙদোকপা ঙমহল্লি অমসুং মী অতোপ্পা অমনা অমা শাশিন্নবা অমসুং অরানবা থবক তৌবগী ওইথোকপা লৈহন্দ্রে।

য়ু.পি.এস.সি.না চহি অসিগী সিভিল সর্বিসেস (প্রিলিমিনরী) একজামিনেসন ২০২৬গী মনুংদা লৈবাক শিনবা থুংনা লৈরিবা একজামিনেসন ভেন্যু ২,০৭২দা রিয়েল-তাইম ফেস ওথেন্টিকেসন এক্সরসাইজ পাংথোকখি। ফেস ওথেন্টিকেসন এপ্লিকেসন অসি ইলেক্ত্রোনিক্স অমসুং আই.তি. মন্ত্রালয়গী নেস্নেল ই-গবর্নান্স দিভিজন (এন.ই.জি.দি.) গী তেক্নিকেল সপোর্তকী মতেংগা লোয়ননা য়ু.পি.এস.সি.না শেমদুনা চলাইবনি।

য়ু.পি.এস.সি.না বিজিনেস প্রোসেস অমা শেমখ্রে। মসিদা কেন্দিদেৎ খুদিংমকপু মহাক্না চাংয়েং হোলদা চংদ্রিঙৈগী মমাংদা ফেস ওথেন্তিকেসন তৌবগী মথৌ তাই। মসিগী থৌওং অসিগী শরুক অমা ওইনা য়ু.পি.এস.সি.না অকুপ্পা এস.ও.পি.সু শেমখ্রে। হায়রিবা অসি রাজ্য খুদিংমক্তা, জিলা খুদিংমক্তা অমসুং চাংয়েং পাংথোক্কদৌরিবা মফম খুদিংমক্তা শিন্নখ্রে। ইনভিজিলেতরশিংদা ত্রেনিংগী রাউন্দ কয়ামরুম পীখি। সোলুসন অসিগী ফজবা অসি কদাইদনো হায়বা মতমদা মসিদা মমল য়াম্বা হার্দৱেয়র অমত্তা মথৌ তাদে। মসিনা এন্দ্রোইদ স্মার্তফোন খুদিংমক্তা মথৌ তৌই, অমসুং ইনভিগিলাতরশিংনা মখোয়গী মশাগী মোবাইল ফোনশিং শিজিন্নদুনা হার্দৱেয়রগী মমল হন্থহল্লি অমসুং লোজিস্তিক্কী চয়েৎনবা হন্থহল্লি।

এপ্লিকেসন অসিগী অতোপ্পা মশক থোকপা মগুনদি খোংজেল য়াঙবা অসিনি। কেন্দিদেৎ অমগী ওথেন্তিকেসন তৌবদা চংগদবা মতম অসি সেকেন্দ ৬৮ রোমখক্তনি। মসিনা ইগজামিনেসন সেন্তরশিংদা খুদোংচাদবা লৈতনা চঙশিনবা অমসুং ক্যু থম্বগী খুদোংচাবা ফংহল্লি। এপ্লিকেসন অদুগী স্কেলেবিলিতী অদু অসিগুম্বা মওংদা ওইখি মদুদি মসি ইনভিজিলাতর 7,000 হেনবনা অমুক্তং শিজিন্নখি, অমসুং পিক এন্ত্রী পেরিওদ মনুংদা, এপ্লিকেসন অসিনা মিনিৎ অমদা চাউরাক্না ওথেন্টিকেসন 12,000 প্রোসেস তৌখি।

খোঙথাং অসিগী মতাংদা পল্লদুনা, য়ু.পি.এস.সি.গী চেয়রমেন, দোক্তর অজয় কুমারনা হায়খি, "মসি UPSCনা ইম্পর্সনিফিকেসন-ফ্রী একজামিনেসনশিং পাংথোক্নবা লৌখৎলিবা অনৌবা খোংথাং অমনি।" তেক্নোলোজী অসি এন.ই.জি.দি.গী মতেংগা লোইননা মপুং ফানা ইন-হাউসতা শেমগৎপনি। অদুম ওইনমক, মসিদা থেংনখিবা অৱাবা অসি, সোলুসন অসি পাক-শন্না শীজিন্নবা, মীৎয়েং চংলিবা মীওইশিংবু অশেংবা মশক খঙদোক্নবা, মখোয়বু ত্রেনিং পীবা, অমসুং অতেনবা মতমগী মনুংদা পুম্নমক অসি পাংথোকপা অসিনি। য়ু.পি.এস.সি., এন.জি.দি. অমসুং মীৎ য়ু.গী তীমশিংনা মসিগী সোলুসন অসি চাউনা চাউখৎহন্দুনা অমসুং মপুং ফানা ইমপ্লিমেন্ত তৌবদা অচৌবা থবক অমা পাংথোকখ্রে। মফম ২,০০০ হেনবদা কন্দিদেৎ লাখ ৫.৫ রোমদা মসিগী পাম্বৈ অসি মায় পাক্না চলাইখি।

রিয়েল-তাইম ফেস ওথেন্তিকেসন মাই পাক্না পায়খৎপা অসিনা সিভিল সর্বিসকী একজামিনেসনগী থৌওং অদু মপাঙ্গল কনখৎহন্নবগী মায়কৈদা অচৌবা খোংথাং অমনি অমসুং মসিনা পব্লিক একজামিনেসনশিংদা ত্রান্সপরেন্সী, ইকাইখুম্নবা অমসুং তেক্নোলোজিকেল ইনোভেসনগীদমক কম্মিসননা লেপ্তনা হোৎনরিবা অদু উৎলি।

 ***